ஶ்ரீமத்³வால்மீகீய ராமாயணே அரண்யகாண்ட³ம் ।
அத² த்³விஷஷ்டிதமஸ்ஸர்க:³ ।
ஸீதாமபஶ்யந்த⁴ர்மாத்மா ஶோகோபஹதசேதன: ।
விலலாப மஹாபா³ஹூ ராம: கமலலோசன: ॥ 1 ॥
பஶ்யன்னிவ ச தாம் ஸீதாமபஶ்யன்மத³னார்தி³த: ।
உவாச ராக⁴வோ வாக்யம் விலாபாஶ்ரயது³ர்வசம் ॥ 2 ॥
த்வமஶோகஸ்ய ஶாகா²பி⁴: புஷ்பப்ரியதயா ப்ரியே ।
ஆவ்ருணோஷி ஶரீரம் தே மம ஶோகவிவர்தி⁴னீ ॥ 3 ॥
கத³லீஸ்கந்த⁴ஸத்³ருஶௌ கத³ல்யா ஸம்வ்ருதாவுபௌ⁴ ।
ஊரூ பஶ்யாமி தே தே³வி நாஸி ஶக்தா நிகூ³ஹிதும் ॥ 4 ॥
கர்ணிகாரவனம் ப⁴த்³ரே ஹஸந்தீ தே³வி ஸேவஸே ।
அலம் தே பரிஹாஸேன மம பா³தா⁴வஹேன வை ॥ 5 ॥
பரிஹாஸேன கிம் ஸீதே பரிஶ்ராந்தஸ்ய மே ப்ரியே ।
அயம் ஸ பரிஹாஸோபி ஸாது⁴ தே³வி ந ரோசதே ॥ 6 ॥
விஶேஷேணாஶ்ரமஸ்தா²னே ஹாஸோயம் ந ப்ரஶஸ்யதே ।
அவக³ச்சா²மி தே ஶீலம் பரிஹாஸப்ரியம் ப்ரியே ॥ 7 ॥
ஆக³ச்ச² த்வம் விஶாலாக்ஷி ஶூன்யோயமுடஜஸ்தவ ।
ஸுவ்யக்தம் ராக்ஷஸைஸ்ஸீதா ப⁴க்ஷிதா வா ஹ்ருதாபி வா ॥ 8 ॥
ந ஹி ஸா விலபந்தம் மாமுபஸம்ப்ரைதி லக்ஷ்மண ।
ஏதானி ம்ருக³யூதா²னி ஸாஶ்ருனேத்ராணி லக்ஷ்மண ॥ 9 ॥
ஶம்ஸந்தீவ ஹி வைதே³ஹீம் ப⁴க்ஷிதாம் ரஜனீசரை: ।
ஹா மமார்யே க்வ யாதாஸி ஹா ஸாத்⁴வி வரவர்ணினி ॥ 1௦ ॥
ஹா ஸகாமா த்வயா தே³வீ கைகேயீ ஸா ப⁴விஷ்யதி ।
ஸீதயா ஸஹ நிர்யாதோ வினா ஸீதாமுபாக³த: ॥ 11 ॥
கத²ம் நாம ப்ரவேக்ஷ்யாமி ஶூன்யமந்த:புரம் புன: ।
நிர்வீர்ய இதி லோகோ மாம் நிர்த³யஶ்சேதி வக்ஷ்யதி ॥ 12 ॥
காதரத்வம் ப்ரகாஶம் ஹி ஸீதாபனயனேன மே ।
நிவ்ருத்தவனவாஸஶ்ச ஜனகம் மிதி²லாதி⁴பம் ॥ 13 ॥
குஶலம் பரிப்ருச்ச²ந்தம் கத²ம் ஶக்ஷ்யே நிரீக்ஷிதும் ।
விதே³ஹராஜோ நூனம் மாம் த்³ருஷ்ட்வா விரஹிதம் தயா ॥ 14 ॥
ஸுதாஸ்னேஹேன ஸந்தப்தோ மோஹஸ்ய வஶமேஷ்யதி ।
அத²வா ந க³மிஷ்யாமி புரீம் ப⁴ரதபாலிதாம் ॥ 15 ॥
ஸ்வர்கோ³பி ஸீதயா ஹீனஶ்ஶூன்ய ஏவ மதோ மம ।
மாமிஹோத்ஸ்ருஜ்ய ஹி வனே க³ச்சா²யோத்⁴யாம் புரீம் ஶுபா⁴ம் ॥ 16 ॥
ந த்வஹம் தாம் வினா ஸீதாம் ஜீவேயம் ஹி கத²ஞ்சன ।
கா³ட⁴மாஶ்லிஷ்ய ப⁴ரதோ வாச்யோ மத்³வசனாத்த்வயா ॥ 17 ॥
அனுஜ்ஞாதோஸி ராமேண பாலயேதி வஸுந்த⁴ராம் ।
அம்பா³ ச மம கைகேயீ ஸுமித்ரா ச த்வயா விபோ⁴ ॥ 18 ॥
கௌஸல்யா ச யதா²ன்யாயமபி⁴வாத்³யா மமாஜ்ஞயா ।
ரக்ஷணீயா ப்ரயத்னேன ப⁴வதா ஸூக்தகாரிணா ॥ 19 ॥
ஸீதாயாஶ்ச வினாஶோயம் மம சாமித்ரகர்ஶன ।
விஸ்தரேண ஜனந்யா மே வினிவேத்³யஸ்த்வயா ப⁴வேத் ॥ 2௦ ॥
இதி விலபதி ராக⁴வே ஸுதீ³னே வனமுபக³ம்ய தயா வினா ஸுகேஶ்யா ।
ப⁴யவிகலமுக²ஸ்து லக்ஷ்மணோபி வ்யதி²தமனா ப்⁴ருஶமாதுரோ ப³பூ⁴வ ॥ 21 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ த்³விஷஷ்டிதமஸ்ஸர்க:³ ॥
