ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஸப்தமஸ்ஸர்க:³ ।
ஜ்ஞாதிதா³ஸீ யதோ ஜாதா கைகேய்யாஸ்து ஸஹோஷிதா ।
ப்ராஸாத³ம் சந்த்³ரஸங்காஶமாருரோஹ யத்³ருச்ச²யா ॥ 1 ॥
ஸிக்தராஜபதா²ம் க்ருத்ஸ்னாம் ப்ரகீர்ணகுஸுமோத்கராம் ।
அயோத்⁴யாம் மந்த²ரா தஸ்மாத்ப்ராஸாதா³த³ன்வவைக்ஷத ॥ 2 ॥
பதாகாபி⁴ர்வரார்ஹாபி⁴ர்த்⁴வஜைஶ்ச ஸமலங்க்ருதாம் ।
வ்ருதாம் ச²ந்த³பதை²ஶ்சாபி ஶிரஸ்ஸ்னாதஜனைர்வ்ருதாம் ॥ 3 ॥
மால்யமோத³கஹஸ்தைஶ்ச த்³விஜேந்த்³ரைரபி⁴னாதி³தாம் ।
ஶுக்லதே³வக்³ருஹத்³வாராம் ஸர்வவாதி³த்ரனிஸ்வனாம் ॥ 4 ॥
ஸம்ப்ரஹ்ருஷ்டஜனாகீர்ணாம் ப்³ரஹ்மகோ⁴ஷாபி⁴னாதி³தாம் ।
ப்ரஹ்ருஷ்டவரஹஸ்த்யஶ்வாம் ஸம்ப்ரணர்தி³தகோ³வ்ருஷாம் ॥ 5 ॥
ப்ரஹ்ருஷ்டமுதி³தை: பௌரைருச்ச்²ரிதத்⁴வஜமாலினீம் ।
அயோத்⁴யாம் மந்த²ரா த்³ருஷ்ட்வா பரம் விஸ்மயமாக³தா ॥ 6 ॥
ப்ரஹர்ஷோத்பு²ல்லனயனாம் பாண்டு³ரக்ஷௌமவாஸினீம் ।
அவிதூ³ரே ஸ்தி²தாம் த்³ருஷ்ட்வா தா⁴த்ரீம் பப்ரச்ச² மந்த²ரா ॥ 7 ॥
உத்தமேனாபி⁴ஸம்யுக்தா ஹர்ஷேணார்த²பரா ஸதீ ।
ராமமாதா த⁴னம் கின்னு ஜனேப்⁴யஸ்ஸம்ப்ரயச்ச²தி ॥ 8 ॥
அதிமாத்ரப்ரஹர்ஷோயம் கிம் ஜனஸ்ய ச ஶம்ஸ மே ।
காரயிஷ்யதி கிம் வாபி ஸம்ப்ரஹ்ருஷ்டோ மஹீபதி: ॥ 9 ॥
விதீ³ர்யமாணா ஹர்ஷேண தா⁴த்ரீ து பரயா முதா³ ।
ஆசசக்ஷேத² குப்³ஜாயை பூ⁴யஸீம் ராக⁴வ ஶ்ரியம் ॥ 1௦ ॥
ஶ்வ: புஷ்யேண ஜிதக்ரோத⁴ம் யௌவராஜ்யேன ராக⁴வம் ।
ராஜா த³ஶரதோ² ராமமபி⁴ஷேசயிதானக⁴ம் ॥ 11 ॥
தா⁴த்ர்யாஸ்து வசனம் ஶ்ருத்வா குப்³ஜா க்ஷிப்ரமமர்ஷிதா ।
கைலாஸஶிக²ராகாரா த்ப்ராஸாதா³த³வரோஹத ॥ 12 ॥
ஸா த³ஹ்யமானா கோபேன மந்த²ரா பாபத³ர்ஶினீ ।
ஶயானாமேத்ய கைகேயீமித³ம் வசனமப்³ரவீத் ॥ 13 ॥
உத்திஷ்ட² மூடே⁴ கிம் ஶேஷே ப⁴யம் த்வாமபி⁴வர்ததே ।
உபப்லுதாமௌகே⁴ன கிமாத்மானம் ந பு³த்⁴யஸே ॥ 14 ॥
அனிஷ்டே ஸுப⁴கா³காரே ஸௌபா⁴க்³யேன விகத்த²ஸே ।
சலம் ஹி தவ ஸௌபா⁴க்³யம் நத்³யாஸ்ஸ்ரோத இவோஷ்ணகே³ ॥ 15 ॥
ஏவமுக்தா து கைகேயீ ருஷ்டயா பருஷம் வச: ।
குப்³ஜயா பாபத³ர்ஶின்யா விஷாத³மக³மத்பரம் ॥ 16 ॥
கைகேயீ த்வப்³ரவீத்குப்³ஜாம் கச்சித்க்ஷேமம் நு மந்த²ரே ।
விஷண்ணவத³னாம் ஹி த்வாம் லக்ஷயே ப்⁴ருஶது³:கி²தாம் ॥ 17 ॥
மந்த²ரா து வச ஶ்ஶ்ருத்வா கைகேய்யா மது⁴ராக்ஷரம் ।
உவாச க்ரோத⁴ஸம்யுக்தா வாக்யம் வாக்யவிஶாரதா³ ॥ 18 ॥
ஸா விஷண்ணதரா பூ⁴த்வா குப்³ஜா தஸ்யா ஹிதைஷிணீ ।
விஷாத³யந்தீ ப்ரோவாச பே⁴த³யந்தீ ச ராக⁴வம் ॥ 19 ॥
அக்ஷய்யம் ஸுமஹத்³தே³வி ப்ரவ்ருத்தம் த்வத்³வினாஶனம் ।
ராமம் த³ஶரதோ² ராஜா யௌவராஜ்யேபி⁴ஷேக்ஷ்யதி ॥ 2௦ ॥
ஸாஸ்ம்யகா³தே⁴ ப⁴யே மக்³னா து³:க²ஶோகஸமன்விதா ।
த³ஹ்யமானானலேனேவ த்வத்³தி⁴தார்த²மிஹாக³தா ॥ 21 ॥
தவ து³:கே²ன கைகேயி மம து³:க²ம் மஹத்³ப⁴வேத் ।
த்வத்³வ்ருத்³தௌ⁴ மம வ்ருத்³தி⁴ஶ்ச ப⁴வேத³த்ர ந ஸம்ஶய: ॥ 22 ॥
நராதி⁴பகுலே ஜாதா மஹிஷீ த்வம் மஹீபதே: ।
உக்³ரத்வம் ராஜத⁴ர்மாணாம் கத²ம் தே³வி ந பு³த்⁴யஸே ॥ 23 ॥
த⁴ர்மாவாதீ³ ஶடோ² ப⁴ர்தா ஶ்லக்ஷ்ணவாதீ³ ச தா³ருண: ।
ஶுத்³த⁴பா⁴வே ந ஜானீஷே தேனைவ மதிஸந்தி⁴தா ॥ 24 ॥
உபஸ்தி²த: ப்ரயுஞ்ஜானஸ்த்வயி ஸாந்த்வமனர்த²கம் ।
அர்தே²னைவாத்³ய தே ப⁴ர்தா கௌஸல்யாம் யோஜயிஷ்யதி ॥ 25 ॥
உபவாஹ்ய ஸ து³ஷ்டாத்மா ப⁴ரதம் தவ ப³ந்து⁴ஷு ।
கால்யே ஸ்தா²பயிதா ராமம் ராஜ்யே நிஹதகண்டகே ॥ 26 ॥
ஶத்ரு: பதிப்ரவாதே³ன மாத்ரேவ ஹிதகாம்யயா ।
ஆஶீவிஷ இவாங்கேன பா³லே பரித்⁴ருதஸ்த்வயா ॥ 27 ॥
யதா² ஹி குர்யாத்ஸர்போ வா ஶத்ருர்வா ப்ரத்யுபேக்ஷித: ।
ராஜ்ஞா த³ஶரதே²னாத்³ய ஸபுத்ரா த்வம் ததா² க்ருதா ॥ 28 ॥
பாபேனான்ருதஸாந்த்வேன பா³லே நித்யஸுகோ²சிதே ।
ராமம் ஸ்தா²பயதா ராஜ்யே ஸானுப³ந்தா⁴ ஹதா ஹ்யஸி ॥ 29 ॥
ஸா ப்ராப்தகாலம் கைகேயி க்ஷிப்ரம் குரு ஹிதம் தவ ।
த்ராயஸ்வ புத்ரமாத்மானம் மாம் ச விஸ்மயத³ர்ஶனே ॥ 3௦ ॥
மந்தா²ராயா வசஶ்ஶ்ருத்வா ஶயானா ஸா ஶுபா⁴னநா ।
உத்தஸ்தௌ² ஹர்ஷஸம்பூர்ணா சந்த்³ரலேகே²வ ஶாரதீ³ ॥ 31 ॥
அதீவ ஸா து ஸம்ஹ்ருஷ்டா கைகேயீ விஸ்மயான்விதா ।
ஏகமாப⁴ரணம் தஸ்யை குப்³ஜாயை ப்ரத³தௌ³ ஶுப⁴ம் ॥ 32 ॥
த³த்வா த்வாப⁴ரணம் தஸ்யை குப்³ஜாயை ப்ரமதோ³த்தமா ।
கைகேயீ மந்த²ராம் த்³ருஷ்ட்வா புனரேவாப்³ரவீதி³த³ம் ॥ 33 ॥
இத³ம் து மந்த²ரே மஹ்யமாக்²யாஸி பரமம் ப்ரியம் ।
ஏதன்மே ப்ரியமாக்²யாது: கிம் வா பூ⁴ய: கரோமி தே ॥ 34 ॥
ராமே வா ப⁴ரதே வாஹம் விஶேஷம் நோபலக்ஷயே ।
தஸ்மாத்துஷ்டாஸ்மி யத்³ராஜா ராமம் ராஜ்யேபி⁴ஷேக்ஷ்யதி ॥ 35 ॥
ந மே பரம் கிஞ்சிதி³தஸ்த்வயா புன: ப்ரியம் ப்ரியார்ஹே ஸுவசம் வச:பரம் ।
ததா² ஹ்யவோசஸ்த்வமத: ப்ரியோத்தரம் வரம் பரம் தே ப்ரத³தா³மி தம் வ்ருணு ॥ 36 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஸப்தமஸ்ஸர்க:³ ॥
