ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஷட்ஷஷ்டிதமஸ்ஸர்க:³ ।
ஏவமுக்தோ ஹனுமதா ராமோ த³ஶரதா²த்மஜ: ।
தம் மணிம் ஹ்ருத³யே க்ருத்வா ப்ரருரோத³ ஸலக்ஷ்மண: ॥ 1 ॥
தம் து த்³ருஷ்ட்வா மணிஶ்ரேஷ்ட²ம் ராக⁴வ ஶ்ஶோககர்ஶித: ।
நேத்ராப்⁴யாமஶ்ருபூர்ணாப்⁴யாம் ஸுக்³ரீவமித³மப்³ரவீத் ॥ 2 ॥
யதை²வ தே⁴னு ஸ்ஸ்ரவதி ஸ்னேஹாத்³வத்ஸஸ்ய வத்ஸலா ।
ததா² மமாபி ஹ்ருத³யம் மணிரத்னஸ்ய த³ர்ஶனாத் ॥ 3 ॥
மணிரத்னமித³ம் த³த்தம் வைதே³ஹ்யாஶ்ஶ்வஶுரேண மே ।
வதூ⁴காலே யதா²ப³த்³த⁴மதி⁴கம் மூர்த்⁴னி ஶோப⁴தே ॥ 4 ॥
அயம் ஹி ஜலஸம்பூ⁴தோ மணிஸ்ஸஜ்ஜனபூஜித: ।
யஜ்ஞே பரமதுஷ்டேன த³த்தஶ்ஶக்ரேண தீ⁴மதா ॥ 5 ॥
இமம் த்³ருஷ்ட்வா மணிஶ்ரேஷ்ட²ம் யதா² தாதஸ்ய த³ர்ஶனம் ।
அத்³யாஸ்ம்யவக³தஸ்ஸௌம்ய வைதே³ஹஸ்ய ததா² விபோ⁴: ॥ 6 ॥
அயம் ஹி ஶோப⁴தே தஸ்யா: ப்ரியாயா மூர்த்⁴னி மே மணி: ।
அஸ்யாத்³ய த³ர்ஶனே நாஹம் ப்ராப்தாம் தாமிவ சிந்தயே ॥ 7 ॥
கிமாஹ ஸீதா வைதே³ஹீ ப்³ரூஹி ஸௌம்ய புன: புன: ।
பிபாஸுமிவ தோயேன ஸிஞ்சந்தீ வாக்யவாரிணா ॥ 8 ॥
இதஸ்து கிம் து³:க²தரம் யதி³மம் வாரிஸம்ப⁴வம் ।
மணிம் பஶ்யாமி ஸௌமித்ரே வைதே³ஹீமாக³தாம் வினா ॥ 9 ॥
சிரம் ஜீவதி வைதே³ஹீ யதி³ மாஸம் த⁴ரிஷ்யதி ।
க்ஷணம் ஸௌம்ய ந ஜீவேயம் வினா தாமஸிதேக்ஷணாம் ॥ 1௦ ॥
நய மாமபி தம் தே³ஶம் யத்ர த்³ருஷ்டா மம ப்ரியா ।
ந திஷ்டே²யம் க்ஷணமபி ப்ரவ்ருத்திமுபலப்⁴ய ச ॥ 11 ॥
கத²ம் ஸா மம ஸுஶ்ரோணீ பீ⁴ருபீ⁴ரு ஸ்ஸதீ ஸதா³ ।
ப⁴யாவஹானாம் கோ⁴ராணாம் மத்⁴யே திஷ்ட²தி ரக்ஷஸாம் ॥ 12 ॥
ஶாரத³ ஸ்திமிரோன்முக்தோ நூனம் சந்த்³ரம் இவாம்பு³தை⁴: ।
ஆவ்ருதம் வத³னம் தஸ்யா ந விராஜதி ராக்ஷஸை: ॥ 13 ॥
கிமாஹ ஸீதா ஹனுமம்ஸ்தத்த்வத: கத²யாத்³ய மே ।
ஏதேன க²லு ஜீவிஷ்யே பே⁴ஷஜேனாதுரோ யதா² ॥ 14 ॥
மது⁴ரா மது⁴ராலாபா கிமாஹ மம பா⁴மினீ ।
மத்³விஹீனா வராரோஹா ஹனுமன் கத²யஸ்வ மே ॥ 15 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஷட்ஷஷ்டிதமஸ்ஸர்க:³ ॥
