ஶ்ரீமத்³வால்மீகீய ராமாயணே பா³லகாண்ட³ம் ।
அத² அஷ்டஷஷ்டிதமஸ்ஸர்க:³ ।
ஜனகேன ஸமாதி³ஷ்டா தூ³தாஸ்தே க்லாந்தவாஹனா: ।
த்ரிராத்ரமுஷிதா மார்கே³ தேயோத்⁴யாம் ப்ராவிஶன் புரீம் ॥ 1 ॥
ராஜ்ஞோ ப⁴வனமாஸாத்³ய த்³வாரஸ்தா²னித³மப்³ருவன் ।
ஶீக்⁴ரம் நிவேத்³யதாம் ராஜ்ஞே தூ³தான்னோ ஜனகஸ்ய ச ॥ 2 ॥
இத்யுக்தா த்³வாரபாலாஸ்தே ராக⁴வாய ந்யவேத³யன் ।
தே ராஜவசனாத்³தூ³தா ராஜவேஶ்மப்ரவேஶிதா: ।
த³த்³ருஶுர்தே³வஸங்காஶம் வ்ருத்³த⁴ம் த³ஶரத²ம் ந்ருபம் ॥ 3 ॥
ப³த்³தா⁴ஞ்ஜலிபுடா ஸ்ஸர்வே தூ³தா விக³தஸாத்⁴வஸா: ।
ராஜானம் ப்ரயதா வாக்யமப்³ருவன்மது⁴ராக்ஷரம் ॥ 4 ॥
மைதி²லோ ஜனகோ ராஜா ஸாக்³னிஹோத்ரபுரஸ்க்ருதம் ।
குஶலம் சாவ்யயம் சைவ ஸோபாத்⁴யாயபுரோஹிதம் ॥ 5 ॥
முஹுர்முஹுர்மது⁴ரயா ஸ்னேஹஸம்யுக்தயா கி³ரா ।
ஜனகஸ்த்வாம் மஹாராஜ ப்ருச்ச²தே ஸபுரஸ்ஸரம் ॥ 6 ॥
ப்ருஷ்ட்வா குஶலமவ்யக்³ரம் வைதே³ஹோ மிதி²லாதி⁴ப: ।
கௌஶிகானுமதே வாக்யம் ப⁴வந்தமித³மப்³ரவீத் ॥ 7 ॥
பூர்வம் ப்ரதிஜ்ஞா விதி³தா வீர்யஶுல்கா மமாத்மஜா ।
ராஜானஶ்ச க்ருதாமர்ஷானிர்வீர்யா விமுகீ²க்ருதா: ॥ 8 ॥
ஸேயம் மம ஸுதா ராஜன் விஶ்வாமித்ரபுரஸ்ஸரை: ।
யத்³ருச்ச²யாக³தைர்வீரைர்னிர்ஜிதா தவ புத்ரகை: ॥ 9 ॥
தச்ச ராஜன் த⁴னுர்தி³வ்யம் மத்⁴யே ப⁴க்³னம் மஹாத்மனா ।
ராமேண ஹி மஹாராஜ மஹத்யாம் ஜனஸம்ஸதி³ ॥ 1௦ ॥
அஸ்மை தே³யா மயா ஸீதா வீர்யஶுல்கா மஹாத்மனே ।
ப்ரதிஜ்ஞாம் கர்துமிச்சா²மி தத³னுஜ்ஞாதுமர்ஹஸி ॥ 11 ॥
ஸோபாத்⁴யாயோ மஹாராஜ புரோஹிதபுரஸ்ஸர: ।
ஶீக்⁴ரமாக³ச்ச² ப⁴த்³ரம் தே த்³ரஷ்டுமர்ஹஸி ராக⁴வௌ ॥ 12 ॥
ப்ரீதிம் ச மம ராஜேந்த்³ர நிர்வர்தயிதுமர்ஹஸி ।
புத்ரயோருப⁴யோரேவ ப்ரீதிம் த்வமபி லப்ஸ்யஸே ॥ 13 ॥
ஏவம் விதே³ஹாதி⁴பதிர்மது⁴ரம் வாக்யமப்³ரவீத் ॥ 14 ॥
விஶ்வாமித்ராப்⁴யனுஜ்ஞாத ஶ்ஶதானந்த³மதே ஸ்தி²த: ।
இத்யுக்த்வா விரதா தூ³தா ராஜகௌ³ரவஶங்கிதா: ॥ 15 ॥
தூ³தவாக்யம் ச தச்ச்²ருத்வா ராஜா பரமஹர்ஷித: ।
வஸிஷ்ட²ம் வாமதே³வம் ச மந்த்ரிணோன்யாம்ஶ்ச ஸோப்³ரவீத் ॥ 16 ॥
கு³ப்த: குஶிகபுத்ரேண கௌஸல்யானந்த³வர்த⁴ன: ।
லக்ஷ்மணேன ஸஹ ப்⁴ராத்ரா விதே³ஹேஷு வஸத்யஸௌ ॥ 17 ॥
த்³ருஷ்டவீர்யஸ்து காகுத்ஸ்தோ² ஜனகேன மஹாத்மனா ।
ஸம்ப்ரதா³னம் ஸுதாயாஸ்து ராக⁴வே கர்துமிச்ச²தி ॥ 18 ॥
யதி³ வோ ரோசதே வ்ருத்தம் ஜனகஸ்ய மஹாத்மன: ।
புரீம் க³ச்சா²மஹே ஶீக்⁴ரம் மா பூ⁴த்காலஸ்ய பர்யய: ॥ 19 ॥
மந்த்ரிணோ பா³ட⁴மித்யாஹு: ஸஹ ஸர்வைர்மஹர்ஷிபி⁴: ।
ஸுப்ரீதஶ்சாப்³ரவீத்³ராஜா ஶ்வோ யாத்ரேதி ஸ மந்த்ரிண: ॥ 2௦ ॥
மந்த்ரிணஸ்து நரேந்த்³ரஸ்ய ராத்ரிம் பரமஸத்க்ருதா: ।
ஊஷு ஸ்தேமுதி³தா ஸ்ஸர்வே கு³ணை ஸ்ஸர்வைஸ்ஸமன்விதா: ॥ 21 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ அஷ்டஷஷ்டிதமஸ்ஸர்க:³ ॥
