ஶ்ரீமத்³வால்மீகீய ராமாயணே அரண்யகாண்ட³ம் ।
அத² சதுர்த³ஶஸ்ஸர்க:³ ।
அத² பஞ்சவடீம் க³ச்ச²ன்னந்தரா ரகு⁴னந்த³ன: ।
ஆஸஸாத³ மஹாகாயம் க்³ருத்⁴ரம் பீ⁴மபராக்ரமம் ॥ 1 ॥
தம் த்³ருஷ்ட்வா தௌ மஹாபா⁴கௌ³ வடஸ்த²ம் ராமலக்ஷ்மணௌ ।
மேனாதே ராக்ஷஸம் பக்ஷிம் ப்³ருவாணௌ கோ ப⁴வானிதி ॥ 2 ॥
ஸ தௌ மது⁴ரயா வாசா ஸௌம்யயா ப்ரீணயன்னிவ ।
உவாச வத்ஸ மாம் வித்³தி⁴ வயஸ்யம் பிதுராத்மன: ॥ 3 ॥
ஸ தம் பித்ருஸக²ம் பு³த்³த்⁴வா பூஜயாமாஸ ராக⁴வ: ।
ஸ தஸ்ய குலமவ்யக்³ரமத² பப்ரச்ச² நாம ச ॥ 4 ॥
ராமஸ்ய வசனம் ஶ்ருத்வா ஸர்வபூ⁴தஸமுத்³ப⁴வம் ।
ஆசசக்ஷே த்³விஜஸ்தஸ்மை குலமாத்மானமேவ ச ॥ 5 ॥
பூர்வகாலே மஹாபா³ஹோ யே ப்ரஜாபதயோப⁴வன் ।
தான்மே நிக³த³தஸ்ஸர்வானாதி³தஶ்ஶ்ருணு ராக⁴வ ॥ 6 ॥
கர்த³ம: ப்ரத²மஸ்தேஷாம் விக்ரீதஸ்தத³னந்தர: ।
ஶேஷஶ்ச ஸம்ஶ்ரயஶ்சைவ ப³ஹுபுத்ரஶ்ச வீர்யவான் ॥ 7 ॥
ஸ்தா²ணுர்மரீசிரத்ரிஶ்ச க்ரதுஶ்சைவ மஹாப³ல: ।
புலஸ்த்யஶ்சாங்கி³ராஶ்சைவ ப்ரசேதா: பூலஹஸ்ததா² ॥ 8 ॥
த³க்ஷோ விவஸ்வானபரோரிஷ்டனேமிஶ்ச ராக⁴வ ।
காஶ்யபஶ்ச மஹாதேஜாஸ்தேஷாமாஸீச்ச பஶ்சிம: ॥ 9 ॥
ப்ரஜாபதேஸ்து த³க்ஷஸ்ய ப³பூ⁴வுரிதி விஶ்ருதம் ।
ஷஷ்டிர்து³ஹிதரோ ராம யஶஸ்வின்யோ மஹாயஶ: ॥ 1௦ ॥
காஶ்யப: ப்ரதிஜக்³ராஹ தாஸாமஷ்டௌ ஸுமத்⁴யமா: ।
அதி³திம் ச தி³திம் சைவ த³னுமப்யத² காலிகாம் ॥ 11 ॥
தாம்ராம் க்ரோத⁴வஶாம் சைவ மனும் சாப்யனலாமபி ।
தாஸ்து கன்யாஸ்தத: ப்ரீத: காஶ்யப: புனரப்³ரவீத் ॥ 12 ॥
புத்ராம் ஸ்ஸ்ரைலோக்யப⁴ர்த்ருன்வை ஜனயிஷ்யத² மத்ஸமான் ।
அதி³திஸ்தன்மனா ராம தி³திஶ்ச மனுஜர்ஷப⁴ ॥ 13 ॥
காலிகா ச மஹாபா³ஹோ ஶேஷாஸ்த்வமனஸோப⁴வன் ।
அதி³த்யாம் ஜஜ்ஞிரே தே³வாத்ரயஸ்த்ரிம்ஶத³ரிந்த³ம ॥ 14 ॥
ஆதி³த்யா வஸவோ ருத்³ரா ஹ்யஶ்வினௌ ச பரந்தப ।
தி³திஸ்த்வஜனயத்புத்ரான் தை³த்யாம்ஸ்தாத யஶஸ்வின: ॥ 15 ॥
தேஷாமியம் வஸுமதீ புராஸீத்ஸவனார்ணவா ।
த³னுஸ்த்வஜனயத்புத்ரமஶ்வக்³ரீவமரிந்த³ம ॥ 16 ॥
நரகம் காலகஞ்சைவ காலிகாபி வ்யஜாயத ।
க்ரௌஞ்சீம் பா⁴ஸீம் ததா² ஶ்யேனீம் த்⁴ருதராஷ்ட்ரீம் ததா² ஶுகீம் ॥ 17 ॥
தாம்ராபி ஸுஷுவே கன்யா: பஞ்சைதா லோகவிஶ்ருதா: ।
உலூகாஞ்ஜனயத்க்ரௌஞ்சீ பா⁴ஸீ பா⁴ஸான்வ்யஜாயத ॥ 18 ॥
ஶ்யேனீ ஶ்யேனாம்ஶ்ச க்³ருத்⁴ராம்ஶ்ச வ்யஜாயத ஸுதேஜஸ: ।
த்⁴ருதராஷ்ட்ரீது ஹம்ஸாம்ஶ்ச கலஹம்ஸாம்ஶ்ச ஸர்வஶ: ॥ 19 ॥
சக்ரவாகாம்ஶ்ச ப⁴த்³ரம் தே விஜஜ்ஞே ஸாபி பா⁴மினீ ।
ஶுகீ நதாம் விஜஜ்ஞே து நதாயா வினதா ஸுதா ॥ 2௦ ॥
த³ஶ க்ரோத⁴வஶா ராம விஜஜ்ஞே ஹ்யாத்மஸம்ப⁴வா: ।
ம்ருகீ³ம் ச ம்ருக³மந்தா³ம் ச ஹரீம் ப⁴த்³ரமதா³மபி ॥ 21 ॥
மாதங்கீ³மபி ஶார்தூ³லீம் ஶ்வேதாம் ச ஸுரபி⁴ம் ததா² ।
ஸர்வலக்ஷணஸம்பன்னாம் ஸுரஸாம் கத்³ருகாமபி ॥ 22 ॥
அபத்யம் து ம்ருகா³ஸ்ஸர்வே ம்ருக்³யா நரவரோத்தம ।
ருக்ஷாஶ்ச ம்ருக³மந்தா³யாஸ்ஸ்ருமராஶ்சமரா ஸ்ததா² ॥ 23 ॥
ஹர்யாஶ்ச ஹரயோபத்யம் வானராஶ்ச தரஸ்ஸ்வின: ।
ததஸ்த்விராவதீம் நாம ஜஜ்ஞே ப⁴த்³ரமதா³ ஸுதாம் ॥ 24 ॥
தஸ்யாஸ்த்வைராவத: புத்ரோ லோகனாதோ² மஹாகஜ³: ।
மாதங்க்³யா ஸ்த்வத² மாதங்கா³ அபத்யம் மனுஜர்ஷப⁴ ॥ 25 ॥
கோ³லாங்கூ³லாம்ஶ்ச ஶார்தூ³லீ வ்யாக்⁴ராம்ஶ்சாஜனயத்ஸுதான் ।
தி³ஶாகஜ³ாம்ஶ்ச காகுத்ஸ்த² ஶ்வேதாப்யஜனயத்ஸுதான் ॥ 26 ॥
ததோ து³ஹிதரௌ ராம ஸுரபி⁴ர்த்³வேவ்யஜாயத ।
ரோஹிணீம் நாம ப⁴த்³ரம் தே க³ந்த⁴ர்வீம் ச யஶஸ்ஸ்வினீம் ॥ 27 ॥
ரோஹிண்யஜனயத்³ கா³வோ க³ந்த⁴ர்வீ வாஜின: ஸுதான் ।
ஸுரஸாஜனயன்னாகா³ன்ராம கத்³ரூஸ்து பன்னகா³ன் ॥ 28 ॥
மனுர்மனுஷ்யான் ஜனயத்³ராம புத்ரான் யஶஸ்வின: ।
ப்³ராஹ்மணான் க்ஷத்ரியான் வைஶ்யான் ஶூத்³ராம்ஶ்ச மனுஜர்ஷப⁴ ॥ 29 ॥
ஸர்வான் புண்யப²லான்வ்ருக்ஷானநலாபி வ்யஜாயத ।
வினதா ச ஶுகீபௌத்ரீ கத்³ரூஶ்ச ஸுரஸாஸ்வஸா ॥ 3௦ ॥
கத்³ரூர்னாக³ம் ஸஹஸ்ராஸ்யம் விஜஜ்ஞே த⁴ரணீத⁴ரம் ।
த்³வௌ புத்ரௌ வினதாயாஸ்து க³ருடோ³ருண ஏவ ச ॥ 31 ॥
தஸ்மாஜ்ஜாதோஹமருணாத்ஸம்பாதிஸ்து மமாக்³ரஜ: ।
ஜடாயுரிதி மாம் வித்³தி⁴ ஶ்யேனீபுத்ரமரிந்த³ம ॥ 32 ॥
ஸோஹம் வாஸஸஹாயஸ்தே ப⁴விஷ்யாமி யதீ³ச்ச²ஸி ।
இத³ம் து³ர்க³ம் ஹி காந்தாரம் ம்ருக³ராக்ஷஸ ஸேவிதம் ॥ 33 ॥
ஸீதாம் ச தாத ரக்ஷிஷ்யே த்வயி யாதே ஸலக்ஷ்மணே ।
ஜடாயுஷம் தம் ப்ரதிபூஜ்ய ராக⁴வோ முதா³ பரிஷ்வஜ்ய ச ஸன்னதோப⁴வத் ।
பிதுர்ஹி ஶுஶ்ராவ ஸகி²த்வமாத்மவான் ஜடாயுஷா ஸங்கதி²தம் புன: புன: ॥ 34 ॥
ஸ தத்ர ஸீதாம் பரிதா³ய மைதி²லீம் ஸஹைவ தேனாதிப³லேன பக்ஷிணா ।
ஜகா³ம தாம் பஞ்சவடீம் ஸலக்ஷ்மணோ ரிபூந்தி³த⁴க்ஷஞ்ச²லபா⁴னி வானல: ॥ 35 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ சதுர்த³ஶஸ்ஸர்க:³ ॥
