ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² நவமஸ்ஸர்க:³ ।
வாலீ நாம மம ப்⁴ராதா ஜ்யேஷ்ட²ஶ்ஶத்ருனிஷூத³ன: ।
பிதுர்ப³ஹுமதோ நித்யம் மமாபி ச ததா² புரா ॥ 1 ॥
பிதர்யுபரதேஸ்மாகம் ஜ்யேஷ்டோ²யமிதி மந்த்ரிபி⁴: ।
கபீனாமீஶ்வரோ ராஜ்யே க்ருத: பரமஸம்மத: ॥ 2 ॥
ராஜ்யம் ப்ரஶாஸதஸ்தஸ்ய பித்ருபைதாமஹம் மஹத் ।
அஹம் ஸர்வேஷு காலேஷு ப்ரணத: ப்ரேஷ்யவத் ஸ்தி²த: ॥ 3 ॥
மாயாவீ நாம தேஜஸ்வீ பூர்வஜோ து³ந்து³பே⁴: ஸுத: ।
தேன தஸ்ய மஹத்³வைரம் ஸ்த்ரீக்ருதம் விஶ்ஶ்ருதம் புரா ॥ 4 ॥
ஸ து ஸுப்தஜனே ராத்ரௌ கிஷ்கிந்தா⁴த்³வாரமாக³த: ।
நர்த³தி ஸ்ம ஸுஸம்ரப்³தோ⁴ வாலினம் சாஹ்வயத்³ரணே ॥ 5 ॥
ப்ரஸுப்தஸ்து மம ப்⁴ராதா நர்தி³தம் பை⁴ரவஸ்வனம் ।
ஶ்ருத்வா ந மம்ருஷே வாலீ நிஷ்பபாத ஜவாத்ததா³ ॥ 6 ॥
ஸ து வை நிஸ்ஸ்ருத: க்ரோதா⁴த்தம் ஹந்துமஸுரோத்தமம் ।
வார்யமாணஸ்தத ஸ்த்ரீபி⁴ர்மயா ச ப்ரணதாத்மனா ॥ 7 ॥
ஸ து நிர்தூ⁴ய தா: ஸர்வா நிர்ஜகா³ம மஹாப³ல: ।
ததோஹமபி ஸௌஹார்தா³ன்னிஸ்ஸ்ருதோ வாலினா ஸஹ ॥ 8 ॥
ஸ து மே ப்⁴ராதரம் த்³ருஷ்ட்வா மாம் ச தூ³ராத³வஸ்தி²தம் ।
அஸுரோ ஜாதஸந்த்ராஸ: ப்ரது³த்³ராவ ததோ ப்⁴ருஶம் ॥ 9 ॥
தஸ்மின் த்³ரவதி ஸந்த்ரஸ்தே ஹ்யாவாம் த்³ருததரம் க³தௌ ।
ப்ரகாஶஶ்ச க்ருதோ மார்க³ஶ்சந்த்³ரேணோத்³க³ச்ச²தா ததா³ ॥ 1௦ ॥
ஸ த்ருணைராவ்ருதம் து³ர்க³ம் த⁴ரண்யா விவரம் மஹத் ।
ப்ரவிவேஶாஸுரோ வேகா³தா³வாமாஸாத்³ய விஷ்டி²தௌ ॥ 11 ॥
தம் ப்ரவிஷ்டம் ரிபும் த்³ருஷ்ட்வா பி³லம் ரோஷவஶம் க³த: ।
மாமுவாச ததா³ வாலீ வசனம் க்ஷுபி⁴தேந்த்³ரிய: ॥ 12 ॥
இஹ த்வம் திஷ்ட² ஸுக்³ரீவ பி³லத்³வாரி ஸமாஹித: ।
யாவத்தத்ர ப்ரவிஶ்யாஹம் நிஹன்மி ஸஹஸா ரிபும் ॥ 13 ॥
மயா த்வேதத்³வசஶ்ஶ்ருத்வா யாசிதஸ்ஸ பரந்தப: ।
ஶாபயித்வா து மாம் பத்³ப்⁴யாம் ப்ரவிவேஶ பி³லம் மஹத் ॥ 14 ॥
தஸ்ய ப்ரவிஷ்டஸ்ய பி³லம் ஸாக்³ரஸ்ஸம்வத்ஸரோ க³த: ।
ஸ்தி²தஸ்ய மம பி³லத்³வாரி ஸ காலோ வ்யத்யவர்தத ॥ 15 ॥
அஹம் து நஷ்டம் ஜ்ஞாத்வா தம் ஸ்னேஹாதா³க³தஸம்ப்⁴ரம: ।
ப்⁴ராதரம் ந ச பஶ்யாமி பாபாஶங்கி ச மே மன: ॥ 16 ॥
அத² தீ³ர்க⁴ஸ்ய காலஸ்ய பி³லாத்தஸ்மாத்³வினிஸ்ஸ்ருதம் ।
ஸபே²னம் ருதி⁴ரம் ரக்தமஹம் த்³ருஷ்ட்வா ஸுது³:கி²த: ॥ 17 ॥
நர்த³தாமஸுராணாம் ச த்⁴வனிர்மே ஶ்ரோத்ரமாக³த: ।
நிரஸ்தஸ்ய ச ஸங்க்³ராமே க்ரோஶதோனிஸ்ஸ்வனோ கு³ரோ: ॥ 18 ॥
அஹம் த்வவக³தோ பு³த்³த்⁴யா சிஹ்னைஸ்தைர்ப்⁴ராதரம் ஹதம் ।
பிதா⁴ய ச பி³லத்³வாரம் ஶிலயா கி³ரிமாத்ரயா ॥ 19 ॥
ஶோகார்தஶ்சோத³கம் க்ருத்வா கிஷ்கிந்தா⁴மாக³தஸ்ஸகே² ।
கூ³ஹமானஸ்ய மே தத்த்வம் யத்னதோ மந்த்ரிபி⁴ஶ்ஶ்ருதம் ॥ 2௦ ॥
ததோஹம் தைஸ்ஸமாக³ம்ய ஸம்மதைரபி⁴ஷேசித: ।
ராஜ்யம் ப்ரஶாஸதஸ்தஸ்ய ந்யாயதோ மம ராக⁴வ ॥ 21 ॥
ஆஜகா³ம ரிபும் ஹத்வா வாலீ தமஸுரோத்தமம் ।
அபி⁴ஷிக்தம் து மாம் த்³ருஷ்ட்வா வாலீ ஸம்ரக்தலோசன: ।
மதீ³யான்மந்த்ரிணோ ப³த்³த்⁴வா பருஷம் வாக்யமப்³ரவீத் ॥ 22 ॥
நிக்³ரஹேபி ஸமர்த²ஸ்ய தம் பாபம் ப்ரதி ராக⁴வ ।
ந ப்ராவர்தத மே பு³த்³தி⁴ர்ப்⁴ராதுர்கௌ³ரவயந்த்ரிதா ॥ 23 ॥
ஹத்வா ஶத்ரும் ஸ மே ப்⁴ராதா ப்ரவிவேஶ புரம் ததா³ ॥ 24 ॥
மானயம்ஸ்தம் மஹாத்மானம் யதா²வச்சாப்⁴யவாத³யம் ।
உக்தாஶ்ச நாஶிஷஸ்தேன ஸந்துஷ்டேனாந்தராத்மனா ॥ 25 ॥
நத்வா பாதா³வஹம் தஸ்ய மகுடேனாஸ்ப்ருஶம் ப்ரபோ⁴ அபி வாலீ மம க்ரோதா⁴ன்ன ப்ரஸாத³ம் சகார ஸ: ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ நவமஸ்ஸர்க:³ ॥
