ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஸப்தத³ஶஸ்ஸர்க:³ ।
தத: கமுத³ஷண்டா³போ⁴ நிர்மலம் நிர்மலோத³ய: ।
ப்ரஜகா³ம நப⁴ஶ்சந்த்³ரோ ஹம்ஸோ நீலமிவோத³கம் ॥ 1 ॥
ஸாசிவ்யமிவ குர்வன் ஸ ப்ரப⁴யா நிர்மலப்ரப:⁴ ।
சந்த்³ரமா ரஶ்மிபி⁴ஶ்ஶீதைஸ்ஸிஷேவே பவனாத்மஜம் ॥ 2 ॥
ஸ த³த³ர்ஶ தத: ஸீதாம் பூர்ணசந்த்³ரனிபா⁴னநாம் ।
ஶோகபா⁴ரைரிவ ந்யஸ்தாம் பா⁴ரைர்னாவமிவாம்ப⁴ஸி ॥ 3 ॥
தி³த்³ருக்ஷமாணோ வைதே³ஹீம் ஹனுமான்மாருதாத்மஜ: ।
ஸ த³த³ர்ஶாவிதூ³ரஸ்தா² ராக்ஷஸீர்கோ⁴ரத³ர்ஶனா: ॥ 4 ॥
ஏகாக்ஷீமேககர்ணாம் ச கர்ணப்ராவரணாம் ததா² ।
அகர்ணாம் ஶங்குகர்ணாம் ச மஸ்தகோச்ச்²வாஸனாஸிகாம் ॥ 5 ॥
அதிகாயோத்தமாங்கீ³ம் ச தனுதீ³ர்க⁴ஶிரோத⁴ராம் ।
த்⁴வஸ்தகேஶீம் ததா²கேஶீம் கேஶகம்ப³லதா⁴ரிணீம் ॥ 6 ॥
லம்ப³கர்ணலலாடாம் ச லம்போ³த³ரபயோத⁴ராம் ।
லம்போ³ஷ்டீ²ம் சுபு³கோஷ்டீ²ம் ச லம்பா³ஸ்யாம் லம்பஜ³ானுகாம் ॥ 7 ॥
ஹ்ரஸ்வாம் தீ³ர்கா⁴ம் ததா² குப்³ஜாம் விகடாம் வாமனாம் ததா² ।
கராலாம் பு⁴க்³னவக்த்ராம் ச பிங்கா³க்ஷீம் விக்ருதானநாம் ॥ 8 ॥
விக்ருதா: பிங்க³லா: காலீ: க்ரோத⁴னா: கலஹப்ரியா: ।
காலாயஸமஹாஶூலகூடமுத்³க³ரதா⁴ரிணீ: ॥ 9 ॥
வராஹம்ருக³ஶார்தூ³லமஹிஷாஜஶிவாமுகீ²: ।
கஜ³ோஷ்ட்ரஹயபாதீ³ஶ்ச நிகா²தஶிரஸோபரா: ॥ 1௦ ॥
ஏகஹஸ்தைகபாதா³ஶ்ச க²ரகர்ண்யஶ்வகர்ணிகா: ।
கோ³கர்ணீர்ஹஸ்திகர்ணீஶ்ச ஹரிகர்ணீஸ்ததா²பரா: ॥ 11 ॥
அனாஸா அதினாஸாஶ்ச திர்யங்னாஸா வினாஸிகா: ।
கஜ³ஸன்னிப⁴னாஸாஶ்ச லலாடோச்ச²வாஸனாஸிகா: ॥ 12 ॥
ஹஸ்திபாதா³ மஹாபாதா³ கோ³பாதா³: பாத³சூலிகா: ।
அதிமாத்ரஶிரோக்³ரீவா அதிமாத்ரகுசோத³ரீ: ॥ 13 ॥
அதிமாத்ராஸ்யனேத்ராஶ்ச தீ³ர்கஜ⁴ிஹ்வானகா²ஸ்ததா² ।
அஜாமுகீ²ர்ஹஸ்திமுகீ²ர்கோ³முகீ²ஸ்ஸூகரீமுகீ²: ॥ 14 ॥
ஹயோஷ்ட்ரக²ரவக்த்ராஶ்ச ராக்ஷஸீர்கோ⁴ரத³ர்ஶனா: ।
ஶூலமுத்³க³ரஹஸ்தாஶ்ச க்ரோத⁴னா: கலஹப்ரியா: ॥ 15 ॥
கராலா தூ⁴ம்ரகேஶீஶ்ச ராக்ஷஸீர்விக்ருதானநா: ।
பிப³ந்தீ: ஸததம் பானம் ஸதா³ மாம்ஸஸுராப்ரியா: ॥ 16 ॥
மாம்ஸஶோணிததி³க்³தா⁴ங்கீ³ர்மாம்ஸஶோணிதபோ⁴ஜனா: ।
தா த³த³ர்ஶ கபிஶ்ரேஷ்டோ² ரோமஹர்ஷணத³ர்ஶனா: ॥ 17 ॥
ஸ்கந்த⁴வந்தமுபாஸீனா: பரிவார்ய வனஸ்பதிம் ।
தஸ்யாத⁴ஸ்தாச்ச தாம் தே³வீம் ராஜபுத்ரீமனிந்தி³தாம் ॥ 18 ॥
லக்ஷயாமாஸ லக்ஷ்மீவான் ஹனுமான் ஜனகாத்மஜாம் ।
நிஷ்ப்ரபா⁴ம் ஶோகஸந்தப்தாம் மலஸங்குலமூர்தஜ⁴ாம் ॥ 19 ॥
க்ஷீணபுண்யாம் ச்யுதாம் பூ⁴மௌ தாராம் நிபதிதாமிவ ।
சாரித்ரவ்யபதே³ஶாட்⁴யாம் ப⁴ர்த்ருத³ர்ஶனது³ர்க³தாம் ॥ 2௦ ॥
பூ⁴ஷணைருத்தமைர்ஹீனாம் ப⁴ர்த்ருவாத்ஸல்யபூ⁴ஷணாம் ।
ராக்ஷஸாதி⁴பஸம்ருத்³தா⁴ம் ப³ந்து⁴பி⁴ஶ்ச வினா க்ருதாம் ॥ 21 ॥
வியூதா²ம் ஸிம்ஹஸம்ருத்³தா⁴ம் ப³த்³தா⁴ம் கஜ³வதூ⁴மிவ ।
சந்த்³ரரேகா²ம் பயோதா³ந்தே ஶாரதா³ப்⁴ரைரிவாவ்ருதாம் ॥ 22 ॥
க்லிஷ்டரூபாமஸம்ஸ்பர்ஶாத³யுக்தாமிவ வல்லகீம் ।
ஸீதாம் ப⁴ர்த்ருவஶே யுக்தாமயுக்தாம் ராக்ஷஸீவஶே ॥ 23 ॥
அஶோகவனிகாமத்²யே ஶோகஸாக³ரமாப்லுதாம் ।
தாபி⁴: பரிவ்ருதாம் தத்ர ஸக்³ரஹாமிவ ரோஹிணீம் ॥ 24 ॥
த³த³ர்ஶ ஹனுமான் தே³வீம் லதாமகுஸுமாமிவ ।
ஸா மலேன ச தி³க்³தா⁴ங்கீ³ வபுஷா சாப்யலங்க்ருதா ॥ 25 ॥
ம்ருணாலீ பங்கதி³க்³தே⁴வ விபா⁴தி ந விபா⁴தி ச ।
மலினேன து வஸ்த்ரேண பரிக்லிஷ்டேன பா⁴மினீம் ॥ 26 ॥
ஸம்வ்ருதாம் ம்ருக³ஶாபா³க்ஷீம் த³த³ர்ஶ ஹனுமான் கபி: ।
தாம் தே³வீம் தீ³னவத³னாமதீ³னாம் ப⁴ர்த்ருதேஜஸா ॥ 27 ॥
ரக்ஷிதாம் ஸ்வேன ஶீலேன ஸீதாமஸிதலோசனாம் ।
தாம் த்³ருஷ்ட்வா ஹனுமான் ஸீதாம் ம்ருக³ஶாப³னிபே⁴க்ஷணாம் ।
ம்ருக³கன்யாமிவ த்ரஸ்தாம் வீக்ஷமாணாம் ஸமந்தத: ॥ 28 ॥
த³ஹந்தீமிவ நி:ஶ்வாஸைர்வ்ருக்ஷான் பல்லவதா⁴ரிண: ।
ஸங்கா⁴தமிவ ஶோகானாம் து³:க²ஸ்யோர்மிமிவோத்தி²தாம் ॥ 29 ॥
தாம் க்ஷமாம் ஸுவிப⁴க்தாங்கீ³ வினாப⁴ரணஶோபி⁴னீம் ॥ 3௦ ॥
ப்ரஹர்ஷமதுலம் லேபே⁴ மாருதி: ப்ரேக்ஷ்ய மைதி²லீம் ।
ஹர்ஷஜானி ச ஸோஶ்ரூணி தாம் த்³ருஷ்ட்வா மதி³ரேக்ஷணாம் ।
முமுசே ஹனுமாம்ஸ்தத்ர நமஶ்சக்ரே ச ராக⁴வம் ॥ 31 ॥
நமஸ்க்ருத்வா ச ராமாய லக்ஷ்மணாய ச வீர்யவான் ।
ஸீதாத³ர்ஶனஸம்ஹ்ருஷ்டோ ஹனுமான் ஸம்வ்ருதோப⁴வத் ॥ 32 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஸப்தத³ஶஸ்ஸர்க:³ ॥
