ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஏகாத³ஶஸ்ஸர்க:³ ।
அவதூ⁴ய ச தாம் பு³த்³தி⁴ம் ப³பூ⁴வாவஸ்தி²தஸ்ததா³ ।
ஜகா³ம சாபராம் சிந்தாம் ஸீதாம் ப்ரதி மஹாகபி: ॥ 1 ॥
ந ராமேண வியுக்தா ஸா ஸ்வப்துமர்ஹதி பா⁴மினீ ।
ந போ⁴க்தும் வாப்யலங்கர்தும் ந பானமுபஸேவிதும் ॥ 2 ॥
நான்யம் நரமுபஸ்தா²தும் ஸுராணாமபி சேஶ்வரம் ।
ந ஹி ராமஸம: கஶ்சித்³வித்³யதே த்ரித³ஶேஷ்வபி ॥ 3 ॥
அன்யேயமிதி நிஶ்சித்ய பானபூ⁴மௌ சசார ஸ: ।
க்ரீடி³தேனாபரா: க்லாந்தா கீ³தேன ச ததா²பரா: ॥ 4 ॥
ந்ருத்தேன சாபரா: க்லாந்தா: பானவிப்ரஹதாஸ்ததா² ।
முரஜேஷு ம்ருத³ங்கே³ஷு பீடி²காஸு ச ஸம்ஸ்தி²தா: ॥ 5 ॥
ததா²ஸ்தரணமுக்²யேஷு ஸம்விஷ்டாஶ்சாபரா: ஸ்த்ரிய: ।
அங்க³னானாம் ஸஹஸ்ரேண பூ⁴ஷிதேன விபூ⁴ஷணை: ॥ 6 ॥
ரூபஸல்லாபஶீலேன யுக்தகீ³தார்த²பா⁴ஷிணா ।
தே³ஶகாலாபி⁴யுக்தேன யுக்தவாக்யாபி⁴தா⁴யினா ॥ 7 ॥
ரதாபி⁴ரதஸம்ஸுப்தம் த³த³ர்ஶ ஹரியூத²ப: ।
தாஸாம் மத்⁴யே மஹாபா³ஹு: ஶுஶுபே⁴ ராக்ஷஸேஶ்வர: ॥ 8 ॥
கோ³ஷ்டே² மஹதி முக்²யானாம் க³வாம் மத்⁴யே யதா² வ்ருஷ: ।
ஸ ராக்ஷஸேந்த்³ர: ஶுஶுபே⁴ தாபி⁴: பரிவ்ருதஸ்ஸ்வயம் ॥ 9 ॥
கரேணுபி⁴ர்யதா²ரண்யே பரிகீர்ணோ மஹாத்³விப: ।
ஸர்வகாமைருபேதாம் ச பானபூ⁴மிம் மஹாத்மன: ॥ 1௦ ॥
த³த³ர்ஶ ஹரிஶார்தூ³லஸ்தஸ்ய ரக்ஷ:பதேர்க்³ருஹே ।
ம்ருகா³ணாம் மஹிஷாணாம் ச வராஹாணாம் ச பா⁴க³ஶ: ॥ 11 ॥
தத்ர ந்யஸ்தானி மாம்ஸானி பானபூ⁴மௌ த³த³ர்ஶ ஸ: ।
ரௌக்மேஷு ச விஶாலேஷு பா⁴ஜனேஷ்வர்த⁴ப⁴க்ஷிதான் ॥ 12 ॥
த³த³ர்ஶ ஹரிஶார்தூ³லோ மயூரான் குக்குடாம்ஸ்ததா² ।
வராஹவார்த்⁴ராணஸகான் த³தி⁴ஸௌவர்சலாயுதான் ॥ 13 ॥
ஶல்யான் ம்ருக³மயூராம்ஶ்ச ஹனுமானந்வவைக்ஷத ।
க்ரகரான்விவிதா⁴ன் ஸித்³தா⁴ம்ஶ்சகோரானர்த⁴ப⁴க்ஷிதான் ॥ 14 ॥
மஹிஷானேகஶல்யாம்ஶ்ச சா²கா³ம்ஶ்ச க்ருதனிஷ்டி²தான் ।
லேஹ்யானுச்சாவசான்பேயான் போ⁴ஜ்யானி விவிதா⁴னி ச ॥ 15 ॥
ததா²ம்லலவணோத்தம்ஸைர்விவிதை⁴ராக³ஷாட³பை³: ।
ஹாரனூபுரகேயூரைரபவித்³தை⁴ர்மஹாத⁴னை: ॥ 16 ॥
பானபா⁴ஜனவிக்ஷிப்தை: ப²லைஶ்ச விவிதை⁴ரபி ।
க்ருதபுஷ்போபஹாரா பூ⁴ரதி⁴கம் புஷ்யதி ஶ்ரியம் ॥ 17 ॥
தத்ர தத்ர ச வின்யஸ்தை: ஸுஶ்லிஷ்டைஶ்ஶயனாஸனை: ।
பானபூ⁴மிர்வினா வஹ்னிம் ப்ரதீ³ப்தேவோபலக்ஷ்யதே ॥ 18 ॥
ப³ஹுப்ரகாரைர்விவிதை⁴ர்வரஸம்ஸ்காரஸம்ஸ்க்ருதை: ।
மாம்ஸை: குஶலஸம்ப்ருக்தை: பானபூ⁴மிக³தை: ப்ருத²க் ॥ 19 ॥
தி³வ்யா: ப்ரஸன்னா விவிதா⁴: ஸுரா: க்ருதஸுரா அபி ।
ஶர்கராஸவமாத்⁴வீகபுஷ்பாஸவப²லாஸவா: ॥ 2௦ ॥
வாஸசூர்ணைஶ்ச விவிதை⁴ர்ம்ருஷ்டாஸ்தைஸ்தை: ப்ருத²க் ப்ருத²க் ।
ஸந்ததா ஶுஶுபே⁴ பூ⁴மிர்மால்யைஶ்ச ப³ஹுஸம்ஸ்தி²தை: ॥ 21 ॥
ஹிரண்மயைஶ்ச விவிதை⁴ர்பா⁴ஜனை: ஸ்பா²டிகைரபி ।
ஜாம்பூ³னத³மயைஶ்சான்யை: கரகைரபி⁴ஸம்வ்ருதா ॥ 22 ॥
ராஜதேஷு ச கும்பே⁴ஷு ஜாம்பூ³னத³மயேஷு ச ।
பானஶ்ரேஷ்ட²ம் ததா³ பூ⁴ரி கபிஸ்தத்ர த³த³ர்ஶ ஹ ॥ 23 ॥
ஸோபஶ்யச்சா²தகும்பா⁴னி ஸீதோ⁴ர்மணிமயானி ச ।
ராஜதானி ச பூர்ணானி பா⁴ஜனானி மஹாகபி: ॥ 24 ॥
க்வசித³ல்பாவஶேஷாணி க்வசித்பீதானி ஸர்வஶ: ।
க்வசின்னைவ ப்ரபீதானி பானானி ஸ த³த³ர்ஶ ஹ ॥ 25 ॥
க்வசித்³ ப⁴க்ஷ்யாம்ஶ்ச விவிதா⁴ன் க்வசித்பானானி பா⁴க³ஶ: ।
க்வசித³ன்னாவஶேஷாணி பஶ்யன்வை விசசார ஹ ॥ 26 ॥
க்வசித்ப்ரபி⁴ன்னை: கரகை: க்வசிதா³லோலிதைர்க⁴டை: ।
க்வசித்ஸம்ப்ருக்தமால்யானி ஜலானி ச ப²லானி ச ॥ 27 ॥
ஶயனான்யத்ர நாரீணாம் ஶுப்⁴ராணி ப³ஹுதா⁴ புன: ।
பரஸ்பரம் ஸமாஶ்லிஷ்ய காஶ்சித்ஸுப்தா வராங்க³னா: ॥ 28 ॥
காஶ்சிச்ச வஸ்த்ரமன்யஸ்யாஸ்ஸ்வபந்த்யா: பரிதா⁴ய ச ।
ஆஹ்ருத்ய சாப³லா: ஸுப்தா நித்³ராப³லபராஜிதா: ॥ 29 ॥
தாஸாமுச்ச²வாஸவாதேன வஸ்த்ரம் மால்யம் ச கா³த்ரஜம் ।
நாத்யர்த²ம் ஸ்பந்த³தே சித்ரம் ப்ராப்ய மந்த³மிவானிலம் ॥ 3௦ ॥
சந்த³னஸ்ய ச ஶீதஸ்ய ஶீதோ⁴ர்மது⁴ரஸஸ்ய ச ।
விவித⁴ஸ்ய ச மால்யஸ்ய தூ⁴பஸ்ய விவித⁴ஸ்ய ச ॥ 31 ॥
ப³ஹுதா⁴ மாருதஸ்தத்ர க³ந்த⁴ம் விவித⁴முத்³வஹன் ।
ஸ்னானானாம் சந்த³னானாம் ச தூ⁴பானாம் சைவ மூர்சி²த: ॥ 32 ॥
ப்ரவவௌ ஸுரபி⁴ர்க³ந்தோ⁴ விமானே புஷ்பகே ததா³ ।
ஶ்யாமாவதா³தாஸ்தத்ரான்யா: காஶ்சித்க்ருஷ்ணா வராங்க³னா: ॥ 33 ॥
காஶ்சித் காஞ்சனவர்ணாங்க்³ய: ப்ரமதா³ ராக்ஷஸாலயே ।
தாஸாம் நித்³ராவஶத்வாச்ச மத³னேன விமூர்சி²தம் ॥ 34 ॥
பத்³மினீனாம் ப்ரஸுப்தானாம் ரூபமாஸீத்³யதை²வ ஹி ।
ஏவம் ஸர்வமஶேஷேண ராவணாந்த: புரம் கபி: ॥ 35 ॥
த³த³ர்ஶ ஸுமஹாதேஜா: ந த³த³ர்ஶ ச ஜானகீம் ।
நிரீக்ஷமாணஶ்ச ததா³ தா: ஸ்த்ரிய: ஸ மஹாகபி: ॥ 36 ॥
ஜகா³ம மஹதீம் சிந்தாம் த⁴ர்மஸாத்⁴வஸஶங்கித: ।
பரதா³ராவரோத⁴ஸ்ய ப்ரஸுப்தஸ்ய நிரீக்ஷணம் ॥ 37 ॥
இத³ம் க²லு மமாத்யர்த²ம் த⁴ர்மலோபம் கரிஷ்யதி ।
ந ஹி மே பரதா³ராணாம் த்³ருஷ்டிர்விஷயவர்தினீ ॥ 38 ॥
அயம் சாத்ர மயா த்³ருஷ்ட: பரதா³ராபரிக்³ரஹ: ।
தஸ்ய ப்ராது³ரபூ⁴ச்சிந்தா புனரன்யா மனஸ்வின: ॥ 39 ॥
நிஶ்சிதைகாந்தசித்தஸ்ய கார்யனிஶ்சயத³ர்ஶினீ ।
காமம் த்³ருஷ்டா மயா ஸர்வா விஶ்வஸ்தா ராவணஸ்த்ரிய: ॥ 4௦ ॥
ந ஹி மே மனஸ: கிஞ்சித்³வைக்ருத்யமுபஜாயதே ।
மனோ ஹி ஹேது: ஸர்வேஷாமிந்த்³ரியாணாம் ப்ரவர்தனே ॥ 41 ॥
ஶுபா⁴ஶுபா⁴ஸ்வவஸ்தா²ஸு தச்ச மே ஸுவ்யவஸ்தி²தம் ।
நான்யத்ர ஹி மயா ஶக்யா வைதே³ஹீ பரிமார்கி³தும் ॥ 42 ॥
ஸ்த்ரியோ ஹி ஸ்த்ரீஷு த்³ருஶ்யந்தே ஸதா³ ஸம்பரிமார்க³ணே ।
யஸ்ய ஸத்த்வஸ்ய யா யோனிஸ்தஸ்யாம் தத்பரிமார்க்³யதே ।
ந ஶக்யா ப்ரமதா³ நஷ்டா ம்ருகீ³ஷு பரிமார்கி³தும் ॥ 43 ॥
ததி³த³ம் மார்கி³தம் தாவச்சு²த்³தே⁴ன மனஸா மயா ॥ 44 ॥
ராவணாந்த:புரம் ஸர்வம் த்³ருஶ்யதே ந து ஜானகீ ।
தே³வக³ந்த⁴ர்வகன்யாஶ்ச நாக³கன்யாஶ்ச வீர்யவான் ॥ 45 ॥
அவேக்ஷமாணோ ஹனுமான்னைவாபஶ்யத ஜானகீம் ।
தாமபஶ்யன்கபிஸ்தத்ர பஶ்யஞ்ஶ்சான்யா பரஸ்த்ரிய: ॥ 46 ॥
அபக்ரம்ய ததா³ வீர: ப்ரத்⁴யாதுமுபசக்ரமே ।
ஸ பூ⁴யஸ்து பரம் ஶ்ரீமான் மாருதிர்யத்னமாஸ்தி²த: ॥ 47 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஏகாத³ஶஸ்ஸர்க:³ ॥
