ஶ்ரீமத்³வால்மீகீய ராமாயணே பா³லகாண்ட³ம் ।
அத² பஞ்சஷஷ்டிதமஸ்ஸர்க:³ ।
அத² ஹைமவதீம் ராம தி³ஶம் த்யக்த்வா மஹாமுனி: ।
பூர்வாம் தி³ஶமனுப்ராப்ய தபஸ்தேபே ஸுதா³ருணம் ॥ 1 ॥
மௌனம் வர்ஷஸஹஸ்ரஸ்ய க்ருத்வா வ்ரதமனுத்தமம் ।
சகாராப்ரதிமம் ராம தப: பரமது³ஷ்கரம் ॥ 2 ॥
பூர்ணே வர்ஷஸஹஸ்ரே து காஷ்ட²பூ⁴தம் மஹாமுனிம் ।
விக்⁴னைர்ப³ஹுபி⁴ராதூ⁴தம் க்ரோதோ⁴ நாந்தர ஆவிஶத் ॥ 3 ॥
ஸ க்ருத்வா நிஶ்சயம் ராம தப ஆதிஷ்டத³வ்யயம் ।
தஸ்ய வர்ஷஸஹஸ்ரஸ்ய வ்ரதே பூர்ணே மஹாவ்ரத: ॥ 4 ॥
போ⁴க்துமாரப்³த⁴வானந்னம் தஸ்மின் காலே ரகூ⁴த்தம ।
இந்த்³ரோ த்³விஜாதிர்பூ⁴த்வா தம் ஸித்³த⁴மன்னமயாசத ॥ 5 ॥
தஸ்மை த³த்வா ததா³ ஸித்³த⁴ம் ஸர்வம் விப்ராய நிஶ்சித: ।
நிஶ்ஶேஷிதேன்னே ப⁴க³வானபு⁴க்தைவ மஹாதபா: ॥ 6 ॥
ந கிஞ்சித³வத³த்³விப்ரம் மௌனவ்ரதமுபஸ்தி²த: ।
அத² வர்ஷஸஹஸ்ரம் வை நோச்ச்²வஸன்முனிபுங்க³வ: ॥ 7 ॥
தஸ்யானுச்ச்²வஸமானஸ்ய மூர்த்⁴னி தூ⁴மோ வ்யஜாயத ।
த்ரைலோக்யம் யேன ஸம்ப்⁴ராந்தமாதீ³பிதமிவாப⁴வத் ॥ 8 ॥
ததோ தே³வாஸ்ஸக³ந்த⁴ர்வா: பன்னகோ³ரக³ராக்ஷஸா: ।
மோஹிதாஸ்தேஜஸா தஸ்ய தபஸா மந்த³ரஶ்மய: ॥ 9 ॥
கஶ்மலோபஹதா ஸ்ஸர்வே பிதாமஹமதா²ப்³ருவன் ।
ப³ஹுபி⁴: காரணைர்தே³வ விஶ்வாமித்ரோ மஹாமுனி: ॥ 1௦ ॥
லோபி⁴த: க்ரோதி⁴தஶ்சைவ தபஸா சாபி⁴வர்த⁴தே ।
ந ஹ்யஸ்ய வ்ருஜினம் கிஞ்சித்³த்³ருஶ்யதே ஸூக்ஷ்மமப்யத² ॥ 11 ॥
ந தீ³யதே யதி³ த்வஸ்ய மனஸா யத³பீ⁴ப்ஸிதம் ।
வினாஶயதி த்ரைலோக்யம் தபஸா ஸசராசரம் ॥ 12 ॥
வ்யாகுலாஶ்ச தி³ஶஸ்ஸர்வா ந ச கிஞ்சித்ப்ரகாஶதே ।
ஸாக³ரா: க்ஷுபி⁴தாஸ்ஸர்வே விஶீர்யந்தே ச பர்வதா: ॥ 13 ॥
ப்ரகம்பதே ச ப்ருதி²வீ வாயுர்வாதி ப்⁴ருஶாகுல: ।
ப்³ருஹ்மன்ன ப்ரதிஜானீமோனாஸ்திகோ ஜாயதே ஜன: ॥ 14 ॥
ஸம்மூட⁴மிவ த்ரைலோக்யம் ஸம்ப்ரக்ஷுபி⁴தமானஸம் ।
பா⁴ஸ்கரோ நிஷ்ப்ரப⁴ஶ்சைவ மஹர்ஷேஸ்தஸ்ய தேஜஸா ॥ 15 ॥
பு³த்³தி⁴ம் ந குருதே யாவன்னாஶே தே³வ மஹாமுனி: ।
தாவத்ப்ரஸாத்³யோ ப⁴க³வா நக்³னிரூபோமஹாத்³யுதி: ॥ 16 ॥
காலாக்³னினா யதா²பூர்வம் த்ரைலோக்யம் த³ஹ்யதேகி²லம் ।
தே³வராஜ்யம் சிகீர்ஷேத தீ³யதாமஸ்ய யன்மதம் ॥ 17 ॥
ததஸ்ஸுரக³ணாஸ்ஸர்வே பிதாமஹபுரோக³மா: ।
விஶ்வாமித்ரம் மஹாத்மானம் மது⁴ரம் வாக்யமப்³ருவன் ॥ 18 ॥
ப்³ரஹ்மர்ஷே ஸ்வாக³தம் தேஸ்து தபஸா ஸ்ம ஸுதோஷிதா: ।
ப்³ராஹ்மண்யம் தபஸோக்³ரேண ப்ராப்தவானஸி கௌஶிக ॥ 19 ॥
தீ³ர்க⁴மாயுஶ்ச தே ப்³ரஹ்மன் த³தா³மி ஸமருத்³க³ண: ।
ஸ்வஸ்தி ப்ராப்னுஹி ப⁴த்³ரம் தே க³ச்ச² ஸௌம்ய யதா²ஸுக²ம் ॥ 2௦ ॥
பிதாமஹவசஶ்ஶ்ருத்வா ஸர்வேஷாம் ச தி³வௌகஸாம் ।
க்ருத்வா ப்ரணாமம் முதி³தோ வ்யாஜஹார மஹாமுனி: ॥ 21 ॥
ப்³ராஹ்மண்யம் யதி³ மே ப்ராப்தம் தீ³ர்க⁴மாயுஸ்ததை²வ ச ।
ஓங்காரஶ்ச வஷட்காரோ வேதா³ஶ்ச வரயந்து மாம் ॥ 22 ॥
க்ஷத்ரவேத³விதா³ம் ஶ்ரேஷ்டோ² ப்³ரஹ்மவேத³விதா³மபி ।
ப்³ரஹ்மபுத்ரோ வஸிஷ்டோ² மாமேவம் வத³து தே³வதா: ॥ 23 ॥
யத்³யயம் பரம: காம: க்ருதோ யாந்து ஸுரர்ஷபா⁴: ।
தத: ப்ரஸாதி³தோ தே³வைர்வஸிஷ்டோ² ஜபதாம் வர: ॥ 24 ॥
ஸக்²யம் சகார ப்³ரஹ்மர்ஷிரேவமஸ்த்விதி சாப்³ரவீத் ।
ப்³ரஹ்மர்ஷிஸ்த்வம் ந ஸந்தே³ஹஸ்ஸர்வம் ஸம்பத்ஸ்யதே தவ ॥ 25 ॥
இத்யுக்த்வா தே³வதாஶ்சாபி ஸர்வா ஜக்³முர்யதா²க³தம் ।
விஶ்வாமித்ரோபி த⁴ர்மாத்மா லப்³த்⁴வா ப்³ராஹ்மண்யமுத்தமம் ॥ 26 ॥
பூஜயாமாஸ ப்³ரஹ்மர்ஷிம் வஸிஷ்ட²ம் ஜபதாம் வரம் ।
க்ருதகாமோ மஹீம் ஸர்வாம் சசார தபஸி ஸ்தி²த: ॥ 27 ॥
ஏவம் த்வனேன ப்³ராஹ்மண்யம் ப்ராப்தம் ராம மஹாத்மனா ।
ஏஷ ராம முனிஶ்ரேஷ்ட² ஏஷ விக்³ரஹவாம்ஸ்தப: ॥ 28 ॥
ஏஷ த⁴ர்மபரோ நித்யம் வீர்யஸ்யைஷ பராயணம் ।
ஏவமுக்த்வா மஹாதேஜா விரராம த்³விஜோத்தம: ॥ 29 ॥
ஶதானந்த³வச: ஶ்ருத்வா ராமலக்ஷ்மணஸன்னிதௌ⁴ ।
ஜனக: ப்ராஞ்ஜலிர்வாக்யமுவாச குஶிகாத்மஜம் ॥ 3௦ ॥
த⁴ன்யோஸ்ம்யனுக்³ருஹீதோஸ்மி யஸ்ய மே முனிபுங்க³வ ।
யஜ்ஞம் காகுத்ஸ்த²ஸஹித: ப்ராப்தவானஸி தா⁴ர்மிக ॥ 31 ॥
பாவிதோஹம் த்வயா ப்³ரஹ்மன் த³ர்ஶனேன மஹாமுனே ।
கு³ணா ப³ஹுவிதா⁴: ப்ராப்தாஸ்தவ ஸந்த³ர்ஶனான்மயா ॥ 32 ॥
விஸ்தரேண ச தே ப்³ரஹ்மன் கீர்த்யமானம் மஹத்தப: ।
ஶ்ருதம் மயா மஹாதேஜோ ராமேண ச மஹாத்மனா ॥ 33 ॥
ஸத³ஸ்யை: ப்ராப்ய ச ஸத:³ ஶ்ருதாஸ்தே ப³ஹவோ கு³ணா: ।
அப்ரமேயம் தபஸ்துப்⁴யமப்ரமேயம் ச தே ப³லம் ॥ 34 ॥
அப்ரமேயா கு³ணாஶ்சைவ நித்யம் தே குஶிகாத்மஜ ।
த்ருப்திராஶ்சர்யபூ⁴தானாம் கதா²னாம் நாஸ்தி மே விபோ⁴ ॥ 35 ॥
கர்மகாலோ முனிஶ்ரேஷ்ட² லம்ப³தே ரவிமண்ட³லம் ।
ஶ்வ: ப்ரபா⁴தே மஹாதேஜோ த்³ரஷ்டுமர்ஹஸி மாம் புன: ॥ 36 ॥
ஸ்வாக³தம் தபதாம் ஶ்ரேஷ்ட² மாமனுஜ்ஞாதுமர்ஹஸி ।
ஏவமுக்தோ முனிவர: ப்ரஶஸ்ய புருஷர்ஷப⁴ம் ॥ 37 ॥
விஸஸர்ஜாஶு ஜனகம் ப்ரீதம் ப்ரீதமனாஸ்ததா³ ।
ஏவமுக்த்வா முனிஶ்ரேஷ்ட²ம் வைதே³ஹோ மிதி²லாதி⁴ப: ॥ 38 ॥
ப்ரத³க்ஷிணம் சகாராஶு ஸோபாத்⁴யாயஸ்ஸபா³ந்த⁴வ: ।
விஶ்வாமித்ரோபி த⁴ர்மாத்மா ஸஹராமஸ்ஸலக்ஷ்மண: ॥ 39 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ பஞ்சஷஷ்டிதமஸ்ஸர்க:³ ॥
