ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² அஷ்டசத்வாரிம்ஶஸ்ஸர்க:³ ।
ததஸ்து ரக்ஷோதி⁴பதிர்மஹாத்மா ஹனூமதாக்ஷே நிஹதே குமாரே ।
மனஸ்ஸமாதா⁴ய ஸதே³வகல்பம் ஸமாதி³தே³ஶேந்த்³ரஜிதம் ஸரோஷ: ॥ 1 ॥
த்வமஸ்த்ரவிச்ச²ஸ்த்ரவிதா³ம் வரிஷ்ட²ஸ்ஸுராஸுராணாமபி ஶோகதா³தா ।
ஸுரேஷு ஸேந்த்³ரேஷு ச த்³ருஷ்டகர்மா பிதாமஹாராத⁴னஸஞ்சிதாஸ்த்ர: ॥ 2 ॥
தவாஸ்த்ரப³லமாஸாத்³ய ஸஸுரா: ஸமருத்³க³ணா: ।
ந ஶேகுஸ்ஸமரே ஸ்தா²தும் ஸுரேஶ்வரஸமாஶ்ரிதா: ॥ 3 ॥
ந கஶ்சித்த்ரிஷு லோகேஷு ஸம்யுகே³ன க³தஶ்ரம: ।
பு⁴ஜவீர்யாபி⁴கு³ப்தஶ்ச தபஸா சாபி⁴ரக்ஷித: ॥ 4 ॥
தே³ஶகாலவிபா⁴கஜ³்ஞஸ்த்வமேவ மதிஸத்தம: ।
ந தேஸ்த்யஶக்யம் ஸமரேஷு கர்மணா ந தேஸ்த்யகார்யம் மதிபூர்வமந்த்ரணே ।
ந ஸோஸ்தி கஶ்சித்த்ரிஷு ஸங்க்³ரஹேஷு வை ந வேத³ யஸ்தேஸ்த்ரப³லம் ப³லம் ச தே ॥ 5 ॥
மமானுரூபம் தபஸோ ப³லம் ச தே பராக்ரமஶ்சாஸ்த்ரப³லம் ச ஸம்யுகே³ ।
ந த்வாம் ஸமாஸாத்³ய ரணாவமர்தே³ மனஶ்ஶ்ரமம் க³ச்ச²தி நிஶ்சிதார்த²ம் ॥ 6 ॥
நிஹதா: கிங்கராஸ்ஸர்வே ஜம்பு³மாலீ ச ராக்ஷஸ: ।
அமாத்யபுத்ரா வீராஶ்ச பஞ்ச ஸேனாக்³ரயாயின: ॥ 7 ॥
ப³லானி ஸுஸம்ருத்³தா⁴னி ஸாஶ்வனாக³ரதா²னி ச ।
ஸஹோத³ரஸ்தே த³யித: குமாரோக்ஷஶ்ச ஸூதி³த: ॥ 8 ॥
ந ஹி தேஷ்வேவ மே ஸாரோ யஸ்த்வய்யரினிஷூத³ன ।
இத³ம் ஹி த்³ருஷ்ட்வா மதிமன்மஹத்³ப³லம் கபே: ப்ரபா⁴வம் ச பராக்ரமம் ச ।
த்வமாத்மனஶ்சாபி ஸமீக்ஷ்ய ஸாரம் குருஷ்வ வேக³ம் ஸ்வப³லானுரூபம் ॥ 9 ॥
ப³லாவமர்த²ஸ்தயி ஸன்னிக்ருஷ்டே யதா² க³தே ஶாம்யதி ஶாந்தஶத்ரௌ ।
ததா² ஸமீக்ஷ்யாத்மப³லம் பரம் ச ஸமாரப⁴ஸ்வாஸ்த்ரவிதா³ம் வரிஷ்ட² ॥ 1௦ ॥
ந வீரஸேனா க³ணஶோச்யவந்தி ந வஜ்ரமாதா³ய விஶாலஸாரம் ।
ந மாருதஸ்யாஸ்ய க³தே: ப்ரமாணம் ந சாக்³னிகல்ப: கரணேன ஹந்தும் ॥ 11 ॥
தமேவமர்த²ம் ப்ரஸமீக்ஷ்ய ஸம்யக் ஸ்வகர்மஸாம்யாத்³தி⁴ ஸமாஹிதாத்மா ।
ஸ்மரம்ஶ்ச தி³வ்யம் த⁴னுஷோஸ்த்ரவீர்யம் வ்ரஜாக்ஷதம் கர்ம ஸமாரப⁴ஸ்வ ॥ 12 ॥
ந க²ல்வியம் மதிஶ்ஶ்ரேஷ்டா² யத்த்வாம் ஸம்ப்ரேஷயாம்யஹம் ।
இயம் ச ராஜத⁴ர்மாணாம் க்ஷத்ரியஸ்ய மதிர்மதா ॥ 13 ॥
நானாஶஸ்த்ரேஷு ஸங்க்³ராமே வைஶாரத்³யமரிந்த³ம ।
அவஶ்யமேவ போ³த்³த⁴வ்யம் காம்யஶ்ச விஜயோ ரணே ॥ 14 ॥
தத: பிதுஸ்தத்³வசனம் நிஶம்ய ப்ரத³க்ஷிணம் த³க்ஷஸுதப்ரபா⁴வ: ।
சகார ப⁴ர்தாரமதீ³னஸத்த்வோ ரணாய வீர: ப்ரதிபன்னபு³த்³தி⁴: ॥ 15 ॥
ததஸ்தை ஸ்ஸ்வக³ணைரிஷ்டைரிந்த்³ரஜித் ப்ரதிபூஜித: ।
யுத்³தோ⁴த்³த⁴த: க்ருதோத்ஸாஹஸ்ஸங்க்³ராமம் ப்ரத்யபத்³யத ॥ 16 ॥
ஶ்ரீமான்பத்³மபலாஶாக்ஷோ ராக்ஷஸாதி⁴பதேஸ்ஸுத: ।
நிர்ஜகா³ம மஹாதேஜாஸ்ஸமுத்³ர இவ பர்வஸு ॥ 17 ॥
ஸ பக்ஷிராஜோபமதுல்யவேகை³ ।
ர்வ்யாளைஶ்சதுர்பி⁴: ஸிததீக்ஷ்ணத³ம்ஷ்ட்ரை: ।
ரத²ம் ஸமாயுக்தமஸம்க³வேக³ம் ।
ஸமாருரோஹேந்த்³ரஜிதி³ந்த்³ரகல்ப: ॥ 18 ॥
ஸ ரதீ² த⁴ன்வினாம் ஶ்ரேஷ்ட:² ஶஸ்த்ரஜ்ஞோஸ்த்ரவிதா³ம் வர: ।
ரதே²னாபி⁴யயௌ க்ஷிப்ரம் ஹனுமான்யத்ர ஸோப⁴வத் ॥ 19 ॥
ஸ தஸ்ய ரத²னிர்கோ⁴ஷம் ஜ்யாஸ்வனம் கார்முகஸ்ய ச ।
நிஶம்ய ஹரிவீரோஸௌ ஸம்ப்ரஹ்ருஷ்டதரோப⁴வத் ॥ 2௦ ॥
ஸுமஹச்சாபமாதா³ய ஶிதஶல்யாம்ஶ்ச ஸாயகான் ।
ஹனுமந்தமபி⁴ப்ரேத்ய ஜகா³ம ரணபண்டி³த: ॥ 21 ॥
தஸ்மிம்ஸ்தத: ஸம்யதி ஜாதஹர்ஷே ரணாய நிர்க³ச்ச²தி சாபபாணௌ ।
தி³ஶஶ்ச ஸர்வா: கலுஷா ப³பூ⁴வு ர்ம்ருகா³ஶ்ச ரௌத்³ரா ப³ஹுதா⁴ வினேது³: ॥ 22 ॥
ஸமாக³தாஸ்தத்ர து நாக³யக்ஷா மஹர்ஷயஶ்சக்ரசராஶ்ச ஸித்³தா⁴: ।
நப⁴ஸ்ஸமாவ்ருத்ய ச பக்ஷிஸங்கா⁴ வினேது³ருச்சை: பரமப்ரஹ்ருஷ்டா: ॥ 23 ॥
ஆயாந்தம் ஸரத²ம் த்³ருஷ்ட்வா தூர்ணமிந்த்³ரஜிதம் கபி: ।
வினநாத³ மஹானாத³ம் வ்யவர்த⁴த ச வேக³வான் ॥ 24 ॥
இந்த்³ரஜித்து ரத²ம் தி³வ்யமாஸ்தி²தஶ்சித்ரகார்முக: ।
த⁴னுர்விஷ்பா²ரயாமாஸ தடிதூ³ர்ஜிதன்னிஸ்ஸ்வனம் ॥ 25 ॥
ததஸ்ஸமேதாவதிதீக்ஷ்ணவேகௌ³ மஹாப³லௌ தௌ ரணனிர்விஶங்கௌ ।
கபிஶ்ச ரக்ஷோதி⁴பதேஸ்தனூஜ: ஸுராஸுரேந்த்³ராவிவ ப³த்³த⁴வைரௌ ॥ 26 ॥
ஸ தஸ்ய வீரஸ்ய மஹாரத²ஸ்ய த⁴னுஷ்மத: ஸம்யதி ஸம்மதஸ்ய ।
ஶரப்ரவேக³ம் வ்யஹனத்ப்ரவ்ருத்³த⁴ ஶ்சசார மார்கே³ பிதுரப்ரமேய: ॥ 27 ॥
ததஶ்ஶரானாயததீக்ஷ்ணஶல்யான் ஸுபத்ரிண: காஞ்சனசித்ரபுங்கா²ன் ।
முமோச வீர: பரவீரஹந்தா ஸுஸன்னதான் வஜ்ரனிபாதவேகா³ன் ॥ 28 ॥
ததஸ்து தத்ஸ்யந்த³னநிஸ்ஸ்வனம் ச ம்ருத³ங்க³பே⁴ரீபடஹஸ்வனம் ச ।
விக்ருஷ்யமாணஸ்ய ச கார்முகஸ்ய நிஶம்ய கோ⁴ஷம் புனருத்பபாத ॥ 29 ॥
ஶராணாமந்தரேஷ்வாஶு வ்யவர்தத மஹாகபி: ।
ஹரிஸ்தஸ்யாபி⁴லக்ஷ்யஸ்ய மோக⁴யன்லக்ஷ்யஸங்க்³ரஹம் ॥ 3௦ ॥
ஶராணாமக்³ரதஸ்தஸ்ய புன: ஸமபி⁴வர்தத ।
ப்ரஸார்ய ஹஸ்தௌ ஹனுமானுத்பபாதானிலாத்மஜ: ॥ 31 ॥
தாவுபௌ⁴ வேக³ஸம்பன்னௌ ரணகர்மவிஶாரதௌ³ ।
ஸர்வபூ⁴தமனோக்³ராஹி சக்ரதுர்யுத்³த⁴முத்தமம் ॥ 32 ॥
ஹனுமதோ வேத³ ந ராக்ஷஸோந்தரம் ந மாருதிஸ்தஸ்ய மஹாத்மனோந்தரம் ।
பரஸ்பரம் நிர்விஷஹௌ ப³பூ⁴வது: ஸமேத்ய தௌ தே³வஸமானவிக்ரமௌ ॥ 33 ॥
ததஸ்து லக்ஷ்யே ஸ விஹன்யமானே ஶரேஷ்வமோகே⁴ஷு ச ஸம்பதத்ஸு ।
ஜகா³ம சிந்தாம் மஹதீம் மஹாத்மா ஸமாதி⁴ஸம்யோக³ஸமாஹிதாத்மா ॥ 34 ॥
ததோ மதிம் ராக்ஷஸராஜஸூனு ஶ்சகார தஸ்மின் ஹரிவீரமுக்²யே ।
அவத்⁴யதாம் தஸ்ய கபேஸ்ஸமீக்ஷ்ய கத²ம் நிக³ச்சே²தி³தி நிக்³ரஹார்த²ம் ॥ 35 ॥
தத: பைதாமஹம் வீர: ஸோஸ்த்ரமஸ்த்ரவிதா³ம் வர: ।
ஸந்த³தே⁴ ஸுமஹத்தேஜா: தம் ஹரிப்ரவரம் ப்ரதி ॥ 36 ॥
அவத்⁴யோயமிதி ஜ்ஞாத்வா தமஸ்த்ரேணாஸ்த்ரதத்த்வவித் ।
நிஜக்³ராஹ மஹாபா³ஹுர்மாருதாத்மஜமிந்த்³ரஜித் ॥ 37 ॥
தேன ப³த்³த⁴ஸ்ததோஸ்த்ரேண ராக்ஷஸேன ஸ வானர: ।
அப⁴வன்னிர்விசேஷ்டஶ்ச பபாத ஸ மஹீதலே ॥ 38 ॥
ததோத² பு³த்³த்⁴வா ஸ தத³ஸ்த்ரப³ந்த⁴ம் ப்ரபோ⁴: ப்ரபா⁴வாத்³விக³தாத்மவேக:³ ।
பிதாமஹானுக்³ரஹமாத்மனஶ்ச விசிந்தயாமாஸ ஹரிப்ரவீர: ॥ 39 ॥
தத ஸ்ஸ்வாயம்பு³வைர்மந்த்ரைர்ப்³ரஹ்மாஸ்த்ரமபி⁴மந்த்ரிதம் ।
ஹனுமாம்ஶ்சிந்தயாமாஸ வரதா³னம் பிதாமஹாத் ॥ 4௦ ॥
ந மேஸ்த்ரப³ந்த⁴ஸ்ய ச ஶக்திரஸ்தி விமோக்ஷணே லோககு³ரோ: ப்ரபா⁴வாத் ।
இத்யேவ மத்வா விஹிதோஸ்த்ரப³ந்தோ⁴ மயாத்மயோனேரனுவர்திதவ்ய: ॥ 41 ॥
ஸ வீர்யமஸ்த்ரஸ்ய கபிர்விசார்ய பிதாமஹானுக்³ரஹமாத்மனஶ்ச ।
விமோக்ஷஶக்திம் பரிசிந்தயித்வா பிதாமஹாஜ்ஞாமனுவர்ததே ஸ்ம ॥ 42 ॥
அஸ்த்ரேணாபி ஹி ப³த்³த⁴ஸ்ய ப⁴யம் மம ந ஜாயதே ।
பிதாமஹமஹேந்த்³ராப்⁴யாம் ரக்ஷிதஸ்யானிலேன ச ॥ 43 ॥
க்³ரஹணே சாபி ரக்ஷோபி⁴ர்மஹன்மே கு³ணத³ர்ஶனம் ।
ராக்ஷஸேந்த்³ரேண ஸம்வாத³ஸ்தஸ்மாத்³க்³ருஹ்ணந்து மாம் பரே ॥ 44 ॥
ஸ நிஶ்சிதார்த:² பரவீரஹந்தா ஸமீக்ஷ்யகாரீ வினிவ்ருத்தசேஷ்ட: ।
பரை: ப்ரஸஹ்யாபி⁴க³தைர்னிக்³ருஹ்ய நனாத³ தைஸ்த்ரை: பரிப⁴ர்த்ஸ்யமான: ॥ 45 ॥
ததஸ்தம் ராக்ஷஸா த்³ருஷ்ட்வா நிர்விசேஷ்டமரிந்த³மம் ।
ப³ப³ந்து⁴ஶ்ஶணவல்கைஶ்ச த்³ருமசீரைஶ்ச ஸம்ஹதை: ॥ 46 ॥
ஸ ரோசயாமாஸ பரைஶ்ச ப³ந்த⁴னம் ப்ரஸஹ்ய வீரைரபி⁴னிக்³ரஹம் ச ।
கௌதூஹலான்மாம் யதி³ ராக்ஷஸேந்த்³ரோ த்³ரஷ்டும் வ்யவஸ்யேதி³தி நிஶ்சிதார்த:² ॥ 47 ॥
ஸ ப³த்³த⁴ஸ்தேன வல்கேன விமுக்தோஸ்த்ரேண வீர்யவான் ।
அஸ்த்ரப³ந்த:⁴ ஸ சான்யம் ஹி ந ப³ந்த⁴மனுவர்ததே ॥ 48 ॥
அதே²ந்த்³ரஜித்து த்³ருமசீரப³த்³த⁴ம் விசார்ய வீர: கபிஸத்தமம் தம் ।
விமுக்தமஸ்த்ரேண ஜகா³ம சிந்தாம் நான்யேன ப³த்³தோ⁴ ஹ்யனுவர்ததேஸ்த்ரம் ॥ 49 ॥
அஹோ மஹத்கர்ம க்ருதம் நிரர்த²கம்கம் ந ராக்ஷஸைர்மந்த்ரக³திர்விம்ருஷ்டா ।
புனஶ்ச மந்த்ரே விஹதேஸ்த்ரமன்யத்ப்ரவர்ததே ஸம்ஶயிதா ஸ்ஸ்மஸர்வே ॥ 5௦ ॥
அஸ்த்ரேண ஹனுமான்முக்தோ நாத்மானமவபு³த்⁴யத ।
க்ருஷ்யமாணஸ்து ரக்ஷோபி⁴ ஸ்தௌஶ்ச ப³ந்தை⁴ர்னிபீடி³த: ॥ 51 ॥
ஹன்யமானஸ்தத: க்ரூரை ராக்ஷஸை: காஷ்ட²முஷ்டிபி⁴: ।
ஸமீபம் ராக்ஷஸேந்த்³ரஸ்ய ப்ராக்ருஷ்யத ஸ வானர: ॥ 52 ॥
அதே²ந்த்³ரஜித்தம் ப்ரஸமீக்ஷ்ய முக்தமஸ்த்ரேண ப³த்³த⁴ம் த்³ருமசீரஸூத்ரை: ।
ந்யத³ர்ஶயத்தத்ர மஹாப³லம் தம் ஹரிப்ரவீரம் ஸக³ணாய ராஜ்ஞே ॥ 53 ॥
தம் மத்தமிவ மாதங்க³ம் ப³த்³த⁴ம் கபிவரோத்தமம் ।
ராக்ஷஸா ராக்ஷஸேந்த்³ராய ராவணாய ந்யவேத³யன் ॥ 54 ॥
கோயம் கஸ்ய குதோவாத்ர கிம் கார்யம் கோ வ்யபாஶ்ரய: ।
இதி ராக்ஷஸவீராணாம் தத்ர ஸஞ்ஜஜ்ஞிரே கதா²: ॥ 55 ॥
ஹன்யதாம் த³ஹ்யதாம் வாபி ப⁴க்ஷ்யதாமிதி சாபரே ।
ராக்ஷஸாஸ்தத்ர ஸங்க்ருத்³தா⁴: பரஸ்பரமதா²ப்³ருவன் ॥ 56 ॥
அதீத்ய மார்க³ம் ஸஹஸா மஹாத்மா ஸ தத்ர ரக்ஷோதி⁴பபாத³மூலே ।
த³த³ர்ஶ ராஜ்ஞ: பரிசாரவ்ருத்³தா⁴ன் க்³ருஹம் மஹாரத்னவிபூ⁴ஷிதம் ச ॥ 57 ॥
ஸ த³த³ர்ஶ மஹாதேஜா ராவண: கபிஸத்தமம் ।
ரக்ஷோபி⁴ர்விக்ருதாகாரை: க்ருஷ்யமாணமிதஸ்தத: ॥ 58 ॥
ராக்ஷஸாதி⁴பதிம் சாபி த³த³ர்ஶ கபிஸத்தம: ।
தேஜோப³லஸமாயுக்தம் தபந்தமிவ பா⁴ஸ்கரம் ॥ 59 ॥
ஸரோஷஸம்வர்திததாம்ரத்³ருஷ்டிர்த³ஶானநஸ்தம் கபிமன்வவேக்ஷ்ய ।
அதோ²பவிஷ்டான் குலஶீலவ்ருத்³தா⁴ன் ஸமாதி³ஶத்தம் ப்ரதி மந்த்ரிமுக்²யான் ॥ 6௦ ॥
யதா²க்ரமம் தைஸ்ஸ கபிர்விப்ருஷ்ட: கார்யார்த²மர்த⁴ஸ்ய ச மூலமாதௌ³ ।
நிவேத³யாமாஸ ஹரீஶ்வரஸ்ய தூ³த: ஸகாஶாத³ஹமாக³தோஸ்மி ॥ 61 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ அஷ்டசத்வாரிம்ஶஸ்ஸர்க:³ ॥
