ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஷண்ணவதிதமஸ்ஸர்க:³ ।
தாம் ததா² த³ர்ஶயித்வா து மைதி²லீம் கி³ரினிம்னகா³ம் ।
நிஷஸாத³ கி³ரிப்ரஸ்தே² ஸீதாம் மாம்ஸேன ச²ந்த³யன் ॥ 1 ॥
இத³ம் மேத்⁴யமித³ம் ஸ்வாது³ நிஷ்டப்தமித³மக்³னினா ।
ஏவமாஸ்தே ஸ த⁴ர்மாத்மா ஸீதயா ஸஹ ராக⁴வ: ॥ 2 ॥
ததா² தத்ராஸதஸ்தஸ்ய ப⁴ரதஸ்யௌபயாயின: ।
ஸைன்யரேணுஶ்ச ஶப்³த³ஶ்ச ப்ராது³ராஸ்தாம் நப⁴ஸ்ப்ருஶௌ ॥ 3 ॥
ஏதஸ்மின்னந்தரே த்ரஸ்தா ஶ்ஶப்³தே³ன மஹதா தத: ।
அர்தி³தா யூத²பா மத்தா ஸ்ஸயூதா² து³த்³ருவுர்தி³ஶ: ॥ 4 ॥
ஸ தம் ஸைன்யஸமுத்³தூ⁴தம் ஶப்³த³ம் ஶுஶ்ராவ ராக⁴வ: ।
தாம் ஶ்ச விப்ரத்³ருதான்ஸர்வான்யூத²பானந்வவைக்ஷத ॥ 5 ॥
தாம்ஶ்ச வித்³ருவதோ த்³ருஷ்ட்வா தம் ச ஶ்ருத்வா ச நிஸ்வனம் ।
உவாச ராம ஸ்ஸௌமித்ரிம் லக்ஷ்மணம் தீ³ப்ததேஜஸம் ॥ 6 ॥
ஹந்த லக்ஷ்மண பஶ்யேஹ ஸுமித்ராஸுப்ரஜாஸ்த்வயா ।
பீ⁴மஸ்தனிதக³ம்பீ⁴ரஸ்துமுல: ஶ்ரூயதே ஸ்வன: ॥ 7 ॥
கஜ³யூதா²னி வாரண்யே மஹிஷா வா மஹாவனே ।
வித்ராஸிதா ம்ருகா³ ஸ்ஸிம்ஹை ஸ்ஸஹஸா ப்ரத்³ருதா தி³ஶ: ॥ 8 ॥
ராஜா வா ராஜபுத்ரோ வா ம்ருக³யாமடதே வனே ।
அன்யத்³வா ஶ்வாபத³ம் கிஞ்சித்ஸௌமித்ரே ஜ்ஞாதுமர்ஹஸி ॥ 9 ॥
ஸுது³ஶ்சரோ கி³ரிஶ்சாயம் பக்ஷிணாமபி லக்ஷ்மண ।
ஸர்வமேதத்³யதா²தத்த்வமசிராத் ஜ்ஞாதுமர்ஹஸி ॥ 1௦ ॥
ஸ லக்ஷ்மண ஸ்ஸந்த்வரித ஸ்ஸாலமாருஹ்ய புஷ்பிதம் ।
ப்ரேக்ஷமாணோ தி³ஶ ஸ்ஸர்வா: பூர்வாம் தி³ஶமுதை³க்ஷத ॥ 11 ॥
உத³ங்முக:² ப்ரேக்ஷமாணோ த³த³ர்ஶ மஹதீம் சமூம் ।
ரதா²ஶ்வகஜ³ஸம்பா³தா⁴ம் யத்தைர்யுக்தாம் பதா³திபி⁴: ॥ 12 ॥
தாமஶ்வகஜ³ஸம்பூர்ணாம் ரத²த்⁴வஜவிபூ⁴ஷிதாம் ।
ஶஶம்ஸ ஸேனாம் ராமாய வசனம் சேத³மப்³ரவீத் ॥ 13 ॥
அக்³னிம் ஸம்ஶமயத்வார்ய ஸ்ஸீதா ச பஜ⁴தாம் கு³ஹாம் ।
ஸஜ்யம் குருஷ்வ சாபம் ச ஶராம்ஶ்ச கவசம் ததா² ॥ 14 ॥
தம் ராம: புருஷவ்யாக்⁴ரோ லக்ஷ்மணம் ப்ரத்யுவாச ஹ ।
அங்கா³வேக்ஷஸ்வ ஸௌமித்ரே கஸ்யேமாம் மன்யஸே சமூம் ॥ 15 ॥
ஏவமுக்தஸ்து ராமேண லக்ஷ்மணோ வாக்யமப்³ரவீத் ।
தி³த⁴க்ஷன்னிவ தாம் ஸேனாம் ருஷித: பாவகோ யதா² ॥ 16 ॥
ஸம்பன்னம் ராஜ்யமிச்ச²ம்ஸ்து வ்யக்தம் ப்ராப்யாபி⁴ஷேசனம் ।
ஆவாம் ஹந்தும் ஸமப்⁴யேதி கைகேய்யா ப⁴ரதஸ்ஸுத: ॥ 17 ॥
ஏஷ வை ஸுமஹாஞ்ச்²ரீமான்விடபீ ஸம்ப்ரகாஶதே ।
விராஜத்யுத்³க³தஸ்கந்த⁴ம் கோவிதா³ரத்⁴வஜோ ரதே² ॥ 18 ॥
அஸௌ ஹி ஸுமஹாஸ்கந்தோ⁴ விடபீ ச மஹாத்³ரும: ।
விராஜதே மஹாஸைன்யே கோவிதா³ரத்⁴வஜோ ரதே² ॥ 19 ॥
பஜ⁴ந்த்யேதே யதா²காமமஶ்வானாருஹ்ய ஶீக்⁴ரகா³ன் ।
ஏதே ப்⁴ராஜந்தி ஸம்ஹ்ருஷ்டா கஜ³ானாருஹ்ய ஸாதி³ன: ॥ 2௦ ॥
க்³ருஹீதத⁴னுஷௌ சாவாம் கி³ரிம் வீர ஶ்ரயாவஹை ।
அத²வேஹைவ திஷ்டா²வ ஸ்ஸன்னத்³தா⁴வுத்³யதாயுதௌ⁴ ॥ 21 ॥
அபி நௌ வஶமாக³ச்சே²த்கோவிதா³ரத்⁴வஜோ ரணே ।
அபி த்³ரக்ஷ்யாமி ப⁴ரதம் யத்க்ருதே வ்யஸனம் மஹத் ॥ 22 ॥
த்வயா ராக⁴வ ஸம்ப்ராப்தம் ஸீதயா ச மயா ததா² ।
யன்னிமித்தம் ப⁴வான்ராஜ்யாச்ச்²யுதோ ராக⁴வ ஶாஶ்வதாத் ॥ 23 ॥
ஸம்ப்ராப்தோயமரிர்வீர ப⁴ரதோ வத்⁴ய ஏவ மே ।
ப⁴ரதஸ்ய வதே⁴ தோ³ஷம் நாஹம் பஶ்யாமி ராக⁴வ ।
பூர்வாபகாரிணம் ஹத்வா ந ஹ்யத⁴ர்மேண யுஜ்யதே ॥ 24 ॥
பூர்வாபகாரீ ப⁴ரதஸ்த்யக்தத⁴ர்மஶ்ச ராக⁴வ ।
ஏதஸ்மின்னிஹதே க்ருத்ஸ்னாமனுஶாதி⁴ வஸுந்த⁴ராம் ॥ 25 ॥
அத்³ய புத்ரம் ஹதம் ஸங்க்³யே கைகேயீ ராஜ்யகாமுகா ।
மயா பஶ்யேத்ஸுது³:கா²ர்தா ஹஸ்திப⁴க்³னமிவ த்³ருமம் ॥ 26 ॥
கைகேயீம் ச வதி⁴ஷ்யாமி ஸானுப³ந்தா⁴ம் ஸபா³ந்த⁴வாம் ।
கலுஷேணாத்³ய மஹதா மேதி³னீ பரிமுச்யதாம் ॥ 27 ॥
அத்³யேமம் ஸம்யதம் க்ரோத⁴மஸத்காரம் ச மானத³ ।
மோக்ஷ்யாமி ஶத்ருஸைன்யேஷு கக்ஷேஷ்விவ ஹுதாஶனம் ॥ 28 ॥
அத்³யைதச்சி²த்ரகூடஸ்ய கானநம் நிஶிதை ஶ்ஶரை: ।
சி²ந்த³ஞ்சத்ருஶரீராணி கரிஷ்யே ஶோணிதோக்ஷிதம் ॥ 29 ॥
ஶரைர்னிர்பி⁴ன்னஹ்ருத³யான்குஞ்ஜராம்ஸ்துரகா³ம்ஸ்ததா² ।
ஶ்வாபதா³: பரிகர்ஷந்து நராம்ஶ்ச நிஹதான்மயா ॥ 3௦ ॥
ஶராணாம் த⁴னுஷஶ்சாஹமன்ருணோஸ்மின்மஹாவனே ।
ஸஸைன்யம் ப⁴ரதம் ஹத்வா ப⁴விஷ்யாமி ந ஸம்ஶய: ॥ 31 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஷண்ணவதிதமஸ்ஸர்க:³ ॥
