ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்ரயோத³ஶாதி⁴கஶததமஸ்ஸர்க:³ ।
தத ஶ்ஶிரஸி க்ருத்வா து பாது³கே ப⁴ரதஸ்ததா³ ।
ஆருரோஹ ரத²ம் ஹ்ருஷ்ட: ஶத்ருக்⁴னேன ஸமன்வித: ॥ 1 ॥
வஸிஷ்டோ² வாமதே³வஶ்ச ஜாபா³லிஶ்ச த்³ருட⁴வ்ரத: ।
அக்³ரத: ப்ரயயு ஸ்ஸர்வே மந்த்ரிணோ மந்த்ரபூஜிதா: ॥ 2 ॥
மந்தா³கினீம் நதீ³ம் ரம்யாம் ப்ராங்முகா²ஸ்தே யயுஸ்ததா³ ।
ப்ரத³க்ஷிணம் ச குர்வாணாஶ்சித்ரகூடம் மஹாகி³ரிம் ॥ 3 ॥
பஶ்யந்தா⁴துஸஹஸ்ராணி ரம்யாணி விவிதா⁴னி ச ।
ப்ரயயௌ தஸ்ய பார்ஶ்வேன ஸஸைன்யோ ப⁴ரதஸ்ததா³ ॥ 4 ॥
அதூ³ராச்சித்ரகூடஸ்ய த³த³ர்ஶ ப⁴ரதஸ்ததா³ ।
ஆஶ்ரமம் யத்ர ஸ முனிர்ப⁴ரத்³வாஜ: க்ருதாலய: ॥ 5 ॥
ஸ தமாஶ்ரமமாக³ம்ய ப⁴ரத்³வாஜஸ்ய பு³த்³தி⁴மான் ।
அவதீர்ய ரதா²த்பாதௌ³ வவந்தே³ ப⁴ரதஸ்ததா³ ॥ 6 ॥
ததோ ஹ்ருஷ்டோ ப⁴ரத்³வாஜோ ப⁴ரதம் வாக்யமப்³ரவீத் ।
அபி க்ருத்யம் க்ருதம் தாத ராமேண ச ஸமாக³தம் ॥ 7 ॥
ஏவமுக்த ஸ்ஸ து ததோ ப⁴ரத்³வாஜேன தீ⁴மதா ।
ப்ரத்யுவாச ப⁴ரத்³வாஜம் ப⁴ரதோ த⁴ர்மவத்ஸல: ॥ 8 ॥
ஸ யாச்யமானோ கு³ருணா மயா ச த்³ருட⁴விக்ரம: ।
ராக⁴வ: பரமப்ரீதோ வஸிஷ்ட²ம் வாக்யமப்³ரவீத் ॥ 9 ॥
பிது: ப்ரதிஜ்ஞாம் தாமேவ பாலயிஷ்யாமி தத்த்வத: ।
சதுர்த³ஶ ஹி வர்ஷாணி யா ப்ரதிஜ்ஞா பிதுர்மம ॥ 1௦ ॥
ஏவமுக்தோ மஹாப்ராஜ்ஞோ வஸிஷ்ட:² ப்ரத்யுவாச ஹ ।
வாக்யஜ்ஞோ வாக்யகுஶலம் ராக⁴வம் வசனம் மஹத் ॥ 11 ॥
ஏதே ப்ரயச்ச² ஸம்ஹ்ருஷ்ட: பாது³கே ஹேமபூ⁴ஷிதே ।
அயோத்⁴யாயாம் மஹாப்ராஜ்ஞ யோக³க்ஷேமகரே தவ ॥ 12 ॥
ஏவமுக்தோ வஸிஷ்டே²ன ராக⁴வ: ப்ராங்முக:² ஸ்தி²த: ।
பாது³கே ஹ்யதி⁴ருஹ்யைதே மம ராஜ்யாய வை த³தௌ³ ॥ 13 ॥
நிவ்ருத்தோஹமனுஜ்ஞாதோ ராமேண ஸுமஹாத்மனா ।
அயோத்⁴யாமேவ க³ச்சா²மி க்³ருஹீத்வா பாது³கே ஶுபே⁴ ॥ 14 ॥
ஏதச்ச்²ருத்வா ஶுப⁴ம் வாக்யம் ப⁴ரதஸ்ய மஹாத்மன: ।
ப⁴ரத்³வாஜஶ்ஶுப⁴தரம் முனிர்வாக்யமுவாச தம் ॥ 15 ॥
நைதச்சித்ரம் நரவ்யாக்⁴ர ஶீலவ்ருத்தவதாம் வர ।
யதா³ர்யம் த்வயி திஷ்டே²த்து நிம்னே ஸ்ருஷ்டமிவோத³கம் ॥ 16 ॥
அம்ருத ஸ்ஸமஹாபா³ஹு: பிதா த³ஶரத²ஸ்தவ ।
யஸ்ய த்வமீத்³ருஶ: புத்ரோ த⁴ர்மஜ்ஞோ த⁴ர்மவத்ஸல: ॥ 17 ॥
தம்ருஷிம் து மஹாத்மானமுக்தவாக்யம் க்ருதாஞ்ஜலி: ।
ஆமந்த்ரயிதுமாரேபே⁴ சரணாவுபக்³ருஹ்ய ச ॥ 18 ॥
தத: ப்ரத³க்ஷிணம் க்ருத்வா ப⁴ரத்³வாஜம் புன: புன: ।
ப⁴ரதஸ்து யயௌ ஶ்ரீமானயோத்⁴யாம் ஸஹ மந்த்ரிபி⁴: ॥ 19 ॥
யானைஶ்ச ஶகடைஶ்சைவ ஹயைர்னாகை³ஶ்ச ஸா சமூ: ।
புனர்னிவ்ருத்தா விஸ்தீர்ணா ப⁴ரதஸ்யானுயாயினீ ॥ 2௦ ॥
ததஸ்தே யமுனாம் தி³வ்யாம் நதீ³ம் தீர்த்வோர்மிமாலினீம் ।
த³த்³ருஶுஸ்தாம் புன ஸ்ஸர்வே க³ங்கா³ம் ஶுபஜ⁴லாம் நதீ³ம் ॥ 21 ॥
தாம் ரம்யஜலஸம்பூர்ணாம் ஸந்தீர்ய ஸஹபா³ந்த⁴வ: ஶ்ருங்கி³பே³ரபுரம் ரம்யம் ப்ரவிவேஶ ஸஸைனிக: ।
ஶ்ருங்கி³பே³ரபுராத்³பூ⁴ய ஸ்த்வயோத்⁴யாம் ஸந்த³த³ர்ஶ ஹ ॥ 22 ॥
அயோத்⁴யாம் ச ததோ த்³ருஷ்ட்வா பித்ரா ப்⁴ராத்ரா விவர்ஜிதாம் ।
ப⁴ரதோ து³:க² ஸந்தப்த ஸ்ஸாரதி²ம் சேத³மப்³ரவீத் ॥ 23 ॥
ஸாரதே² பஶ்ய வித்⁴வஸ்தா ஸாயோத்⁴யா ந ப்ரகாஶதே ।
நிராகாரா நிரானந்தா³ தீ³னா ப்ரதிஹதஸ்வரா ॥ 24 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்ரயோத³ஶாதி⁴கஶததமஸ்ஸர்க:³ ॥
