ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்ரிம்ஶஸ்ஸர்க:³ ।
ஸாந்த்வ்யமானா து ராமேண மைதி²லீ ஜனகாத்மஜா ।
வனவாஸனிமித்தாய ப⁴ர்தாரமித³மப்³ரவீத் ॥ 1 ॥
ஸா தமுத்தமஸம்விக்³னா ஸீதா விபுலவக்ஷஸம் ।
ப்ரணயாச்சாபி⁴மானாச்ச பரிசிக்ஷேப ராக⁴வம் ॥ 2 ॥
கிம் த்வாமன்யத வைதே³ஹ: பிதா மே மிதி²லாதி⁴ப: ।
ராம ஜாமாதரம் ப்ராப்ய ஸ்த்ரியம் புருஷவிக்³ரஹம் ॥ 3 ॥
அன்ருதம் ப³த லோகோயமஜ்ஞானாத்³யதி³ வக்ஷ்யதி ।
தேஜோ நாஸ்தி பரம் ராமே தபதீவ தி³வாகரே ॥ 4 ॥
கிம் ஹி க்ருத்வா விஷண்ணஸ்த்வம் குதோ வா ப⁴யமஸ்தி தே ।
யத்பரித்யக்துகாமஸ்த்வம் மாமனந்யபராயணாம் ॥ 5 ॥
த்³யுமத்ஸேனஸுதம் வீர ஸத்யவந்தமனுவ்ரதாம் ।
ஸாவித்ரீமிவ மாம் வித்³தி⁴ த்வமாத்மவஶவர்தினீம் ॥ 6 ॥
ந த்வஹம் மனஸாப்யன்யம் த்³ரஷ்டாஸ்மி த்வத்³ருதேனக⁴ ।
த்வயா ராக⁴வ க³ச்சே²யம் யதா²ன்யா குலபாம்ஸினீ ॥ 7 ॥
ஸ்வயம் து பா⁴ர்யாம் கௌமாரீம் சிரமத்⁴யுஷிதாம் ஸதீம் ।
ஶைலூஷ இவ மாம் ராம பரேப்⁴யோ தா³துமிச்ச²ஸி ॥ 8 ॥
யஸ்ய பத்²யம் ச ராமாத்த² யஸ்ய சார்தே²வருத்⁴யஸே ।
த்வம் தஸ்ய ப⁴வ வஶ்யஶ்ச விதே⁴யஶ்ச ஸதா³னக⁴ ॥ 9 ॥
ஸ மாமனாதா³ய வனம் ந த்வம் ப்ரஸ்தா²துமர்ஹஸி ।
தபோ வா யதி³ வாரண்யம் ஸ்வர்கோ³ வா ஸ்யாத்ஸஹ மே த்வயா ॥ 1௦ ॥
ந ச மே ப⁴விதா தத்ர கஶ்சித்பதி² பரிஶ்ரம: ।
ப்ருஷ்ட²தஸ்தவ க³ச்ச²ந்த்யா விஹாரஶயனேஷ்விவ ॥ 11 ॥
குஶகாஶஶரேஷீகா யே ச கண்டகினோ த்³ருமா: ।
தூலாஜினஸமஸ்பர்ஶா மார்கே³ மம ஸஹ த்வயா ॥ 12 ॥
மஹாவாதஸமுத்³தூ⁴தம் யன்மாமபகரிஷ்யதி ।
ரஜோ ரமண தன்மன்யே பரார்த்²யமிவ சந்த³னம் ॥ 13 ॥
ஶாத்³வலேஷு யதா² ஶிஶ்யே வனாந்தே வனகோ³சர ।
குதா²ஸ்தரணதல்பேஷு கிம் ஸ்யாத்ஸுக²தரம் தத: ॥ 14 ॥
பத்ரம் மூலம் ப²லம் யத்த்வமல்பம் வா யதி³ வா ப³ஹு ।
தா³ஸ்யஸி ஸ்வயமாஹ்ருத்ய தன்மேம்ருதரஸோபமம் ॥ 15 ॥
ந மாதுர்ன பிதுஸ்தத்ர ஸ்மரிஷ்யாமி ந வேஶ்மன: ।
ஆர்தவான்யுபபு⁴ஞ்ஜானா புஷ்பாணி ச ப²லானி ச ॥ 16 ॥
ந ச தத்ர தத: கிஞ்சித்³த்³ரஷ்டுமர்ஹஸி விப்ரியம் ।
மத்க்ருதே ந ச தே ஶோகோ ந ப⁴விஷ்யாமி து³ர்ப⁴ரா ॥ 17 ॥
ய ஸ்த்வயா ஸஹ ஸ ஸ்வர்கோ³ நிரயோ யஸ்த்வயா வினா ।
இதி ஜானந்பராம் ப்ரீதிம் க³ச்ச² ராம மயா ஸஹ ॥ 18 ॥
அத² மாமேவமவ்யக்³ராம் வனம் நைவ நயிஷ்யதி ।
விஷமத்³யைவ பாஸ்யாமி மா விஶம் த்³விஷதாம் க³மம் ॥ 19 ॥
பஶ்சாத³பி ஹி து³:கே²ன மம நைவாஸ்தி ஜீவிதம் ।
உஜ்ஜி²தாயாஸ்த்வயா நாத² ததை³வ மரணம் வரம் ॥ 2௦ ॥
இமம் ஹி ஸஹிதும் ஶோகம் முஹூர்தமபி நோத்ஸஹே ।
கிம் புனர்த³ஶவர்ஷாணி த்ரீணி சைகம் ச து³:கி²தா ॥ 21 ॥
இதி ஸா ஶோகஸந்தப்தா விலப்ய கருணம் ப³ஹு ।
சுக்ரோஶ பதிமாயஸ்தா ப்⁴ருஶமாலிங்க்³ய ஸஸ்வரம் ॥ 22 ॥
ஸா வித்³தா⁴ ப³ஹுபி⁴ர்வாக்யைர்தி³க்³தை⁴ரிவ கஜ³ாங்க³னா ।
சிரஸன்னியதம் பா³ஷ்பம் முமோசாக்³னிமிவாரணி: ॥ 23 ॥
தஸ்யா ஸ்ப²டிகஸங்காஶம் வாரி ஸந்தாபஸம்ப⁴வம் ।
நேத்ராப்⁴யாம் பரிஸுஸ்ராவ பங்கஜாப்⁴யாமிவோத³கம் ॥ 24 ॥
தச்சைவாமலசந்த்³ராப⁴ம் முக²மாயதலோசனம் ।
பர்யஶுஷ்யத பா³ஷ்பேண ஜலோத்³த்⁴ருதமிவாம்பு³ஜம் ॥ 25 ॥
தாம் பரிஷ்வஜ்ய பா³ஹுப்⁴யாம் விஸஞ்ஜ்ஞாமிவ து³:கி²தாம் ।
உவாச வசனம் ராம: பரிவிஶ்வாஸயம்ஸ்ததா³ ॥ 26 ॥
ந தே³வி தவ து³:கே²ன ஸ்வர்க³மப்யபி⁴ரோசயே ।
ந ஹி மேஸ்தி ப⁴யம் கிஞ்சித்ஸ்வயம்போ⁴ரிவ ஸர்வத: ॥ 27 ॥
தவ ஸர்வமபி⁴ப்ராயமவிஜ்ஞாய ஶுபா⁴னநே ।
வாஸம் ந ரோசயேரண்யே ஶக்திமானபி ரக்ஷணே ॥ 28 ॥
யத்ஸ்ருஷ்டாஸி மயா ஸார்த⁴ம் வனவாஸாய மைதி²லி ।
ந விஹாதும் மயா ஶக்யா கீர்திராத்மவதா யதா² ॥ 29 ॥
த⁴ர்மஸ்து கஜ³னாஸோரு ஸத்³பி⁴ராசரித: புரா ।
தம் சாஹமனுவர்தேத்³ய யதா² ஸூர்யம் ஸுவர்சலா ॥ 3௦ ॥
ந க²ல்வஹம் ந க³ச்சே²யம் வனம் ஜனகனந்தி³னி ।
வசனம் தன்னயதி மாம் பிது ஸ்ஸத்யோபப்³ரும்ஹிதம் ॥ 31 ॥
ஏஷ த⁴ர்மஸ்து ஸுஶ்ரோணி பிதுர்மாதுஶ்ச வஶ்யதா ।
அதஶ்ச தம் வ்யதிக்ரம்ய நாஹம் ஜீவிதுமுத்ஸஹே ॥ 32 ॥
அஸ்வாதீ⁴னம் கத²ம் தை³வம் ப்ரகாரைரபி⁴ராத்⁴யதே ।
ஸ்வாதீ⁴னம் ஸமதிக்ரம்ய மாதரம் பிதரம் கு³ரும் ॥ 33 ॥
யத்த்ரயம் தத்த்ரயோ லோகா: பவித்ரம் தத்ஸமம் பு⁴வி ।
நான்யத³ஸ்தி ஶுபா⁴பாங்கே³ தேனேத³மபி⁴ராத்⁴யதே ॥ 34 ॥
ந ஸத்யம் தா³னமானௌ வா ந யஜ்ஞாஶ்சாப்தத³க்ஷிணா: ।
ததா² ப³லகரா ஸ்ஸீதே யதா² ஸேவா பிதுர்ஹிதா ॥ 35 ॥
ஸ்வர்கோ³ த⁴னம் வா தா⁴ன்யம் வா வித்³யா: புத்ராஸ்ஸுகா²னி ச ।
கு³ருவ்ருத்த்யனுரோதே⁴ன ந கிஞ்சித³பி து³ர்லப⁴ம் ॥ 36 ॥
தே³வக³ந்த⁴ர்வகோ³லோகான்ப்³ரஹ்மலோகாம் ஸ்ததா²பரான் ।
ப்ராப்னுவந்தி மஹாத்மானோ மாதாபித்ருபராயணா: ॥ 37 ॥
ஸ மாம் பிதா யதா² ஶாஸ்தி ஸத்யத⁴ர்மபதே² ஸ்தி²த: ।
ததா² வர்திதுமிச்சா²மி ஸ ஹி த⁴ர்மஸ்ஸனாதன: ॥ 38 ॥
மம ஸன்னா மதிஸ்ஸீதே த்வாம் நேதும் த³ண்ட³காவனம் ।
வஸிஷ்யாமீதி ஸா த்வம் மாமனுயாதும் ஸுனிஶ்சிதா ॥ 39 ॥
ஸா ஹி ஸ்ருஷ்டானவத்³யாங்கி³ வனாய மதி³ரேக்ஷணே ।
அனுக³ச்ச²ஸ்வ மாம் பீ⁴ரு ஸஹத⁴ர்மசரீ ப⁴வ ॥ 4௦ ॥
ஸர்வதா² ஸத்³ருஶம் ஸீதே மம ஸ்வஸ்ய குலஸ்ய ச ।
வ்யவஸாயமனுக்ராந்தா காந்தே த்வமதிஶோப⁴னம் ॥ 41 ॥
ஆரப⁴ஸ்வ ஶுப⁴ஶ்ரோணி வனவாஸக்ஷமா: க்ரியா: ।
நேதா³னீம் த்வத்³ருதே ஸீதே ஸ்வர்கோ³பி மம ரோசதே ॥ 42 ॥
ப்³ராஹ்மணேப்⁴யஶ்ச ரத்னானி பி⁴க்ஷுகேப்⁴யஶ்ச போ⁴ஜனம் ।
தே³ஹி சாஶம்ஸமானேப்⁴ய ஸ்ஸந்த்வரஸ்வ ச மா சிரம் ॥ 43 ॥
பூ⁴ஷணானி மஹார்ஹாணி வரவஸ்த்ராணி யானி ச ।
ரமணீயாஶ்ச யே கேசித்க்ரீடா³ர்தா²ஶ்சாப்யுபஸ்கரா: ॥ 44 ॥
ஶயனீயானி யானானி மம சான்யானி யானி ச ।
தே³ஹி ஸ்வப்⁴ருத்யவர்க³ஸ்ய ப்³ராஹ்மணானாமனந்தரம் ॥ 45 ॥
அனுகூலம் து ஸா ப⁴ர்துர்ஜ்ஞாத்வா க³மனமாத்மன: ।
க்ஷிப்ரம் ப்ரமுதி³தா தே³வீ தா³துமேவோபசக்ரமே ॥ 46 ॥
தத: ப்ரஹ்ருஷ்டா ப்ரதிபூர்ணமானஸா யஶஶ்வினீ ப⁴ர்துரவேக்ஷ்ய பா⁴ஷிதம் ।
த⁴னானி ரத்னானி ச தா³துமங்க³னா ப்ரசக்ரமே த⁴ர்மப்⁴ருதாம் மனஸ்ஸ்வினீ ॥ 47 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்ரிம்ஶஸ்ஸர்க:³ ॥
