ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஏகோனாஶீதிதமஸ்ஸர்க:³ ।
தத: ப்ரபா⁴தஸமயே தி³வஸேத² சதுர்த³ஶே ।
ஸமேத்ய ராஜகர்தாரோ ப⁴ரதம் வாக்யமப்³ருவன் ॥ 1 ॥
க³தோ த³ஶரத²ஸ்ஸ்வர்க³ம் யோ நோ கு³ருதரோ கு³ரு: ।
ராமம் ப்ரவ்ராஜ்ய வை ஜ்யேஷ்ட²ம் லக்ஷ்மணம் ச மஹாப³லம் ॥ 2 ॥
த்வமத்³ய ப⁴வ நோ ராஜா ராஜபுத்ர மஹாயஶ: ।
ஸங்க³த்யா நாபராத்⁴னோதி ராஜ்யமேதத³னாயகம் ॥ 3 ॥
அபி⁴ஷேசனிகம் ஸர்வமித³மாதா³ய ராக⁴வ ।
ப்ரதீக்ஷதே த்வாம் ஸ்வஜனஶ்ஶ்ரேணயஶ்ச ந்ருபாத்மஜ ॥ 4 ॥
ராஜ்யம் க்³ருஹாண ப⁴ரத பித்ருபைதாமஹம் த்⁴ருவம் ।
அபி⁴ஷேசய சாத்மானம் பாஹி சாஸ்மான்னரர்ஷப⁴ ॥ 5 ॥
அபி⁴ஷேசனிகம் பா⁴ண்ட³ம் க்ருத்வா ஸர்வம் ப்ரத³க்ஷிணம் ।
ப⁴ரதஸ்தம் ஜனம் ஸர்வம் ப்ரத்யுவாச த்⁴ருதவ்ரத: ॥ 6 ॥
ஜ்யேஷ்ட²ஸ்ய ராஜதா நித்யமுசிதா ஹி குலஸ்ய ந: ।
நைவம் ப⁴வந்தோ மாம் வக்துமர்ஹந்தி குஶலா ஜனா: ॥ 7 ॥
ராம: பூர்வோ ஹி நோ ப்⁴ராதா ப⁴விஷ்யதி மஹீபதி: ।
அஹம் த்வரண்யே வத்ஸ்யாமி வர்ஷாணி நவ பஞ்ச ச ॥ 8 ॥
யுஜ்யதாம் மஹதீ ஸேனா சதுரங்க³மஹாப³லா ।
ஆனயிஷ்யாம்யஹம் ஜ்யேஷ்ட²ம் ப்⁴ராதரம் ராக⁴வம் வனாத் ॥ 9 ॥
அபி⁴ஷேசனிகம் சைவ ஸர்வமேதது³பஸ்க்ருதம் ।
புரஸ்க்ருத்ய க³மிஷ்யாமி ராமஹேதோர்வனம் ப்ரதி ॥ 1௦ ॥
தத்ரைவம் தம் நரவ்யாக்⁴ரமபி⁴ஷிச்ய புரஸ்க்ருதம் ।
ஆனேஷ்யாமி து வை ராமம் ஹவ்யவாஹமிவாத்⁴வராத் ॥ 11 ॥
ந ஸகாமாம் கரிஷ்யாமி ஸ்வாமிமாம் மாத்ருக³ந்தி⁴னீம் ।
வனே வத்ஸ்யாம்யஹம் து³ர்கே³ ராமோ ராஜா ப⁴விஷ்யதி ॥ 12 ॥
க்ரியதாம் ஶில்பிபி⁴: பந்தா² ஸ்ஸமானி விஷமாணி ச ।
ரக்ஷிணஶ்சானுஸம்யாந்து பதி² து³ர்க³விசாரகா: ॥ 13 ॥
ஏவம் ஸம்பா⁴ஷமாணம் தம் ராமஹேதோர்ன்ருபாத்மஜம் ।
ப்ரத்யுவாச ஜனஸ்ஸர்வ ஶ்ஶ்ரீமத்³வாக்யமனுத்தமம் ॥ 14 ॥
ஏவம் தே பா⁴ஷமாணஸ்ய பத்³மா ஶ்ரீருபதிஷ்ட²தாத் ।
யஸ்த்வம் ஜ்யேஷ்டே² ந்ருபஸுதே ப்ருதி²வீம் தா³துமிச்ச²ஸி ॥ 15 ॥
அனுத்தமம் தத்³வசனம் ந்ருபாத்மஜப்ரபா⁴ஷிதம் ஸம்ஶ்ரவணே நிஶம்ய ச ।
ப்ரஹர்ஷஜாஸ்தம் ப்ரதி பா³ஷ்பபி³ந்த³வோ நிபேதுரார்யானநனேத்ரஸம்ப⁴வா: ॥ 16 ॥
ஊசுஸ்தே வசனமித³ம் நிஶம்ய ஹ்ருஷ்டா ஸ்ஸாமாத்யா ஸ்ஸபரிஷதோ³ வியாதஶோகா: ।
பந்தா²னம் நரவர ப⁴க்திமான் ஜனஶ்ச வ்யாதி³ஷ்டஸ்தவ வசனாச்ச ஶில்பிவர்க:³ ॥ 17 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஏகோனாஶீதிதமஸ்ஸர்க:³ ॥
