ஶ்ரீமத்³வால்மீகீய ராமாயணே அரண்யகாண்ட³ம் ।
அத² சது:ஷஷ்டிதமஸ்ஸர்க:³ ।
ஸ தீ³னோ தீ³னயா வாசா லக்ஷ்மணம் வாக்யமப்³ரவீத் ।
ஶீக்⁴ரம் லக்ஷ்மண ஜானீஹி க³த்வா கோ³தா³வரீம் நதீ³ம் ॥ 1 ॥
அபி கோ³தா³வரீம் ஸீதா பத்³மான்யானயிதும் க³தா ।
ஏவமுக்தஸ்து ராமேண லக்ஷ்மண: பரவீரஹா ॥ 2 ॥
நதீ³ம் கோ³தா³வரீம் ரம்யாம் ஜகா³ம லகு⁴விக்ரம: ।
தாம் லக்ஷ்மணஸ்தீர்த²வதீ விசித்வா ராமமப்³ரவீத் ॥ 3 ॥
நைனாம் பஶ்யாமி தீர்தே²ஷு க்ரோஶதோ ந ஶ்ருணோதி மே ।
கம் நு வா தே³ஶமாபன்னா வைதே³ஹீ க்லேஶனாஶினீ ॥ 4 ॥
ந ஹ்யஹம் வேத³ தம் தே³ஶம் யத்ர ஸா ஜனகாத்மஜா ।
லக்ஷ்மணஸ்ய வசஶ்ஶ்ருத்வா தீ³னஸ்ஸந்தாபமோஹித: ॥ 5 ॥
ராமஸ்ஸமபி⁴சக்ராம ஸ்வயம் கோ³தா³வரீம் நதீ³ம் ।
ஸ தாமுபஸ்தி²தோ ராம: க்வ ஸீதேத்யேவமப்³ரவீத் ॥ 6 ॥
பூ⁴தானி ராக்ஷஸேந்த்³ரேண வதா⁴ர்ஹேண ஹ்ருதாமிதி ।
ந தாம் ஶஶம்ஸூ ராமாய ததா² கோ³தா³வரீ நதி³ ॥ 7 ॥
தத: ப்ரசோதி³தா பூ⁴தைஶ்ஶம்ஸாஸ்மைதாம் ப்ரியாமிதி ।
ந து ஸாப்⁴யவத³தஸிதாம் ப்ருஷ்டா ராமேண ஶோசதா ॥ 8 ॥
ராவணஸ்ய து தத்³ரூபம் கர்மாணி ச து³ராத்மன: ।
த்⁴யாத்வா ப⁴யாத்து வைதே³ஹீம் ஸா நதீ³ ந ஶஶம்ஸ தாம் ॥ 9 ॥
நிராஶஸ்து தயா நத்³யா ஸீதாயா த³ர்ஶனே க்ருத: ।
உவாச ராமஸ்ஸௌமித்ரிம் ஸீதாத³ர்ஶனகர்ஶித: ॥ 1௦ ॥
ஏஷா கோ³தா³வரீ ஸௌம்ய கிஞ்சின்ன ப்ரதி பா⁴ஷதே ।
கிம் நு லக்ஷ்மண வக்ஷ்யாமி ஸமேத்ய ஜனகம் வச: ॥ 11 ॥
மாதரம் சைவ வைதே³ஹ்யா வினா தாமஹமப்ரியம் ।
யா மே ராஜ்யவிஹீனஸ்ய வனே வன்யேன ஜீவத: ॥ 12 ॥
ஸர்வம் வ்யபனயேச்சோ²கம் வைதே³ஹீ க்வ நு ஸா க³தா ।
ஜ்ஞாதிபக்ஷவிஹீனஸ்ய ராஜபுத்ரீமபஶ்யத: ॥ 13 ॥
மன்யே தீ³ர்கா⁴ ப⁴விஷ்யந்தி ராத்ரயோ மம ஜாக்³ரத: ।
கோ³தா³வரீம் ஜனஸ்தா²னமிமம் ப்ரஸ்ரவணம் கி³ரிம் ॥ 14 ॥
ஸர்வாண்யனுக³மிஷ்யாமி யதி³ ஸீதா ஹி த்³ருஶ்யதே ।
ஏதே ம்ருகா³ மஹாவீர்ய மாமீக்ஷந்தே முஹுர்முஹு: ॥ 15 ॥
வக்துகாமா இவ ஹி மே இங்கி³தான்யுபலக்ஷயே ।
தாம்ஸ்து த்³ருஷ்ட்வா நரவ்யாக்⁴ரோ ராக⁴வ: ப்ரத்யுவாச ஹ ॥ 16 ॥
க்வ ஸீதேதி நிரீக்ஷன்வை பா³ஷ்பஸம்ருத்³த⁴யா த்³ருஶா ।
ஏவமுக்தா நரேந்த்³ரேண தே ம்ருகா³ஸ்ஸஹஸோத்தி²தா: ॥ 17 ॥
த³க்ஷிணாபி⁴முகா²ஸ்ஸர்வே த³ர்ஶயந்தோ நப⁴ஸ்த²லம் ।
மைதி²லீ ஹ்ரியமாணா ஸா தி³ஶம் யாமன்வபத்³யத ॥ 18 ॥
தேன மார்கே³ண தா⁴வந்தோ நிரீக்ஷந்தே நராதி⁴பம் ।
யேன மார்க³ம் ச பூ⁴மிம் ச நிரீக்ஷந்தே ஸ்ம தே ம்ருகா³: ॥ 19 ॥
புனஶ்ச மார்க³மிச்ச²ந்தி லக்ஷ்மணேனோபலக்ஷிதா: ।
தேஷாம் வசனஸர்வஸ்வம் லக்ஷயாமாஸ சேங்கி³தம் ॥ 2௦ ॥
உவாச லக்ஷ்மணோ ஜ்யேஷ்ட²ம் தீ⁴மான்ப்⁴ராதரமார்தவத் ।
க்வ ஸிதேதி த்வயா ப்ருஷ்டா யதே²மே ஸஹஸோத்தி²தா: ॥ 21 ॥
த³ர்ஶயந்தி க்ஷிதிம் சைவ த³க்ஷிணாம் ச தி³ஶம் ம்ருகா³: ।
ஸாது⁴ க³ச்சா²வஹே தே³வ தி³ஶமேதாம் ஹி நைருதிம் ॥ 22 ॥
யதி³ ஸ்யாதா³க³ம: கஶ்சிதா³ர்யா வா ஸாத² லக்ஷ்யதே ।
பா³ட⁴மித்யேவ காகுத்ஸ்த:² ப்ரஸ்தி²தோ த³க்ஷிணாம் தி³ஶம் ॥ 23 ॥
லக்ஷ்மணானுக³தஶ்ஶீமன்வீக்ஷமாணோ வஸுந்த⁴ராம் ।
ஏவம் ஸம்பா⁴ஷமாணௌ தாவன்யோன்யம் ப்⁴ராதராவுபௌ⁴ ॥ 24 ॥
வஸுந்த⁴ராயாம் பதிதம் புஷ்பமார்க³மபஶ்யதாம் ।
தாம் புஷ்பவ்ருஷ்டிம் பதிதாம் த்³ருஷ்ட்வா ராமோ மஹீதலே ॥ 25 ॥
உவாச லக்ஷ்மணம் வீரோ து³:கி²தோ து³:கி²தம் வச: ।
அபி⁴ஜானாமி புஷ்பாணி தானீமானீஹ லக்ஷ்மண ॥ 26 ॥
பினத்³தா⁴னி ஹி வைதே³ஹ்யா மயா த³த்தானி கானநே ।
மன்யே ஸூர்யஶ்ச வாயுஶ்ச மேதி³னீ ச யஶஸ்வினீ ॥ 27 ॥
அபி⁴ரக்ஷந்தி புஷ்பாணி ப்ரகுர்வந்தோ மம ப்ரியம் ।
ஏவமுக்த்வா மஹாபா³ஹும் லக்ஷ்மணம் புருஷர்ஷப:⁴ ॥ 28 ॥
உவாச ராமோ த⁴ர்மாத்மா கி³ரிம் ப்ரஸ்ரவணாகுலம் ।
கச்சித் க்ஷிதிப்⁴ருதாம் நாத² த்³ருஷ்டா ஸர்வாங்க³ஸுந்த³ரீ ॥ 29 ॥
ராமா ரம்யே வனோத்³தே³ஶே மயா விரஹிதா த்வயா ।
க்ருத்³தோ⁴ப்³ரவீத்³கி³ரிம் தத்ர ஸிம்ஹ: க்ஷுத்³ரம்ருக³ம் யதா² ॥ 3௦ ॥
தாம் ஹேமவர்ணாம் ஹேமாபா⁴ம் ஸீதாம் த³ர்ஶய பர்வத ।
யாவத்ஸானூனி ஸர்வாணி ந தே வித்⁴வம்ஸயாம்யஹம் ॥ 31 ॥
ஏவமுக்தஸ்து ராமேண பர்வதோ மைதி²லீம் ப்ரதி ।
ஶம்ஸன்னிவ ததஸ்ஸீதாம் நாத³ர்ஶயத ராக⁴வே ॥ 32 ॥
ததோ தா³ஶரதீ² ராம உவாச ச ஶிலோச்சயம் ।
மம பா³ணாக்³னினிர்த³க்³தோ⁴ ப⁴ஸ்மீபூ⁴தோ ப⁴விஷ்யஸி ॥ 33 ॥
அஸேவ்ய: ஸததம் சைவ நிஸ்த்ருணத்³ருமபல்லவ: ।
இமாம் வா ஸரிதம் சாத்³ய ஶோஷயிஷ்யாமி லக்ஷ்மண ॥ 34 ॥
யதி³ நாக்²யாதி மே ஸீதாமார்யாம் சந்த்³ரனிபா⁴னநாம் ।
ஏவம் ஸ ருஷிதோ ராமோ தி³த⁴க்ஷன்னிவ சக்ஷுஷா ॥ 35 ॥
த³த³ர்ஶ பூ⁴மௌ நிஷ்க்ராந்தம் ராக்ஷஸஸ்ய பத³ம் மஹத் ।
த்ரஸ்தாயா ராமகாங்க்ஷிண்யா: ப்ரதா⁴வந்த்யா இதஸ்தத: ॥ 36 ॥
ராக்ஷஸேனானுவ்ருத்தாயா மைதி²ல்யாஶ்ச பதா³ன்யத² ।
ஸ ஸமீக்ஷ்ய பரிக்ராந்தம் ஸீதாயா ராக்ஷஸஸ்ய ச ॥ 37 ॥
ப⁴க்³னம் த⁴னுஶ்ச தூணீ ச விகீர்ணம் ப³ஹுதா⁴ ரத²ம் ।
ஸம்ப்⁴ராந்தஹ்ருத³யோ ராமஶ்ஶஶம்ஸ ப்⁴ராதரம்ப்ரியம் ॥ 38 ॥
பஶ்ய லக்ஷ்மண வைதே³ஹ்யாஶஶீர்ணா: கனகபி³ந்த³வ: ।
பூ⁴ஷணானாம் ஹி ஸௌமித்ரே மால்யானி விவிதா⁴னி ச ॥ 39 ॥
தப்தபி³ந்து³னிகாஶைஶ்ச சித்ரை: க்ஷதஜபி³ந்து³பி⁴: ।
ஆவ்ருதம் பஶ்ய ஸௌமித்ரே ஸர்வதோ த⁴ரணீதலம் ॥ 4௦ ॥
மன்யே லக்ஷ்மண வைதே³ஹீ ராக்ஷஸை: காமரூபிபி⁴: ।
பி⁴த்வாபி⁴த்வா விப⁴க்தா வா ப⁴க்ஷிதா வா ப⁴விஷ்யதி ॥ 41 ॥
தஸ்யா நிமித்தம் வைதே³ஹ்யா த்³வயோர்விவத³மானயோ: ।
ப³பூ⁴வ யுத்³த⁴ம் ஸௌமித்ரே கோ⁴ரம் ராக்ஷஸயோரிஹ ॥ 42 ॥
முக்தாமணிமயம் சேத³ம் தபனீயவிபூ⁴ஷிதம் ।
த⁴ரண்யாம் பதிதம் ஸௌம்ய கஸ்ய ப⁴க்³னம் மஹத்³த⁴னு: ॥ 43 ॥
தருணாதி³த்யஸங்காஶம் வைடூ³ர்யகு³லிகாசிதம் ।
விஶீர்ணம் பதிதம் பூ⁴மௌ கவசம் கஸ்ய காஞ்சனம் ॥ 44 ॥
ச²த்ரம் ஶதஶலாகம் ச தி³வ்யமால்யோபஶோபி⁴தம் ।
ப⁴க்³னத³ண்ட³மித³ம் கஸ்ய பூ⁴மௌ ஸம்யங்னிபாதிதம் ॥ 45 ॥
காஞ்சனோரஶ்ச²தா³ ஶ்சேமே பிஶாசவத³னா: க²ரா: ।
பீ⁴மரூபா மஹாகாயா: கஸ்ய வா நிஹதா ரணே ॥ 46 ॥
தீ³ப்தபாவகஸங்காஶோ த்³யுதிமான்ஸமரத்⁴வஜ: ।
அபவித்³த⁴ஶ்ச ப⁴க்³னஶ்ச கஸ்ய ஸாங்க்³ராமிகோ ரத:² ॥ 47 ॥
ரதா²க்ஷமாத்ரா விஶிகா²ஸ்தபனீயவிபூ⁴ஷணா: ।
கஸ்யேமேபி⁴ஹதா பா³ணா: ப்ரகீர்ணா கோ⁴ரகர்மண: ॥ 48 ॥
ஶராவரௌ ஶரை: பூர்ணௌ வித்⁴வஸ்தௌ பஶ்ய லக்ஷ்மண ।
ப்ரதோதா³பீ⁴ஶுஹஸ்தோ வை கஸ்யாயம் ஸாரதி²ர்ஹத: ॥ 49 ॥
கஸ்யேமௌ புருஷவ்யாக்⁴ர ஶயாதே நிஹதௌ யுதி⁴ ।
சாமரக்³ராஹிணௌ ஸௌம்ய ஸோஷ்ணீஷமணிகுண்ட³லௌ ॥ 5௦ ॥
பத³வீபுருஷஸ்யைஷா வ்யக்தம் கஸ்யாபி ரக்ஷஸ: ।
வைரம் ஶதகு³ணம் பஶ்ய மமேத³ம் ஜீவிதாந்தகம் ॥ 51 ॥
ஸுகோ⁴ரஹ்ருத³யைஸ்ஸௌம்ய ராக்ஷஸை: காமரூபிபி⁴: ।
ஹ்ருதா ம்ருதா வா ஸீதா ஸா ப⁴க்ஷிதா வா தபஸ்வினீ ॥ 52 ॥
நத⁴ர்மஸ்த்ராயதே ஸீதாம் ஹ்ரியமாணாம் மஹாவனே ।
ப⁴க்ஷிதாயாம் ஹி வைதே³ஹ்யாம் ஹ்ருதாயாமபி லக்ஷ்மண ॥ 53 ॥
கே ஹி லோகே ப்ரியம் கர்தும் ஶக்தாஸ்ஸௌம்ய மமேஶ்வரா: ।
கர்தாரமபி லோகானாம் ஶூரம் கருணவேதி³னம் ॥ 54 ॥
அஜ்ஞானாத³வமன்யேரத்ஸர்வபூ⁴தானி லக்ஷ்மண ।
ம்ருது³ம் லோகஹிதே யுக்தம் தா³ந்தம் கருணவேதி³னம் ॥ 55 ॥
நிர்வீர்ய இதி மன்யந்தே நூனம் மாம் த்ரித³ஶேஶ்வரா: ।
மாம் ப்ராப்ய ஹி கு³ணோ தோ³ஷஸ்ஸம்வ்ருத்த: பஶ்ய லக்ஷ்மண ॥ 56 ॥
அத்³யைவ ஸர்வபூ⁴தானாம் ரக்ஷஸாமப⁴வாய ச ।
ஸம்ஹ்ருத்யைவ ஶஶிஜ்யோத்ஸ்னாம் மஹான்ஸூர்ய இவோதி³த: ॥ 57 ॥
ஸம்ஹ்ருத்யைவ கு³ணான்ஸர்வான்மம தேஜ: ப்ரகாஶதே ।
நைவ யக்ஷா ந க³ந்த⁴ர்வா ந பிஶாசா ந ராக்ஷஸா: ॥ 58 ॥
கின்னரா வா மனுஷ்யா வா ஸுக²ம் ப்ராப்ஸ்யந்தி லிக்ஷ்மண ।
மமாஸ்த்ரபா³ணஸம்பூர்ணமாகாஶம் பஶ்ய லக்ஷ்மண ॥ 59 ॥
நிஸ்ஸம்பாதம் கரிஷ்யாமி ஹ்யத்³ய த்ரைலோக்யசாரிணாம் ।
ஸன்னிருத்³த⁴க்³ரஹக³ணமாவாரிதனிஶாகரம் ॥ 6௦ ॥
விப்ரணஷ்டானலமருத்³பா⁴ஸ்கரத்³யுதிஸம்வ்ருதம் ।
வினிர்மதி²தஶைலாக்³ரம் ஶுஷ்யமாணஜலாஶயம் ॥ 61 ॥
த்⁴வஸ்தத்³ருமலதாகு³ல்மம் விப்ரணாஶிதஸாக³ரம் ।
த்ரைலோக்யம் து கரிஷ்யாமி ஸம்யுக்தம் காலகர்மணா ॥ 62 ॥
ந தாம் குஶலினீம் ஸீதாம் ப்ரதா³ஸ்யந்தி மமேஶ்வரா: ।
அஸ்மின்முஹூர்தே ஸௌமித்ரே மம த்³ரக்ஷ்யந்தி விக்ரமம் ॥ 63 ॥
நாகாஶமுத்பதிஷ்யந்தி ஸர்வபூ⁴தானி லக்ஷ்மண ।
மம சாபகு³ணோன்முக்தைர்பா³ணஜாலைர்னிரந்தரம் ॥ 64 ॥
அர்தி³தம் மம நாராசைர்த்⁴வஸ்தப்⁴ராந்தம்ருக³த்³விஜம் ।
ஸமாகுலமமர்யாத³ம் ஜக³த்பஶ்யாத்³ய லக்ஷ்மண ॥ 65 ॥
ஆகர்ணபூர்ணைரிஷுபி⁴ர்ஜீவலோகம் து³ராவரை: ।
கரிஷ்யே மைதி²லீஹேதோரபிஶாசமராக்ஷஸம் ॥ 66 ॥
மம ரோஷப்ரயுக்தானாம் ஸாயகானாம் ப³லம் ஸுரா: ।
த்³ரக்ஷ்யந்த்யத்³ய விமுக்தானாமதிதூ³ராதிகா³மினாம் ॥ 67 ॥
நைவ தே³வா ந தை³தேயா ந பிஶாசா ந ராக்ஷஸா: ।
ப⁴விஷ்யந்தி மம க்ரோதா⁴த்த்ரைலோக்யே விப்ரணாஶிதே ॥ 68 ॥
தே³வதா³னவயக்ஷாணாம் லோகா யே ரக்ஷஸாமபி ।
ப³ஹுதா⁴ ந ப⁴விஷ்யந்தி பா³ணௌகை⁴ஶ்ஶகலீக்ருதா: ॥ 69 ॥
நிர்மர்யாதா³னிமான்லோகான்கரிஷ்யாம்யத்³ய ஸாயகை: ।
ஹ்ருதாம் ம்ருதாம் வா ஸௌமித்ரே ந தா³ஸ்யந்தி மமேஶ்வரா: ॥ 7௦ ॥
ததா²ருபாம் ஹி வைதே³ஹீம் ந தா³ஸ்யந்தி யதி³ ப்ரியாம் ।
நாஶயாமி ஜக³த்ஸர்வம் த்ரைலோக்யம் ஸசராசரம் ॥ 71 ॥
இத்யுக்த்வா ரோஷதாம்ராக்ஷோ ராமோ நிஷ்பீட்³ய கார்முகம் ।
ஶரமாதா³ய ஸந்தீ³ப்தம் கோ⁴ரமாஶீவிஷோபமம் ॥ 72 ॥
ஸந்தா⁴ய த⁴னுஷி ஶ்ரீமான்ராம: பரபுரஞ்ஜய: ।
யுகா³ந்தாக்³னிரிவ க்ருத்³த⁴ இத³ம் வசனமப்³ரவீத் ॥ 73 ॥
யதா² ஜரா யதா² ம்ருத்யுர்யதா² காலோ யதா² விதி⁴: ।
நித்யம் ந ப்ரதிஹன்யந்தே ஸர்வபூ⁴தேஷு லக்ஷ்மண ॥ 74 ॥
ததா²ஹம் க்ரோத⁴ஸம்யுக்தோ ந நிவார்யோஸ்மி ஸர்வதா² ।
புரேவ மே சாருத³ந்தீமனிந்தி³தாம் தி³ஶந்தி ஸீதாம் யதி³ நாத்³ய மைதி²லீம் ।
ஸதே³வக³ந்த⁴ர்வமனுஷ்யபன்னக³ம் ஜக³த்ஸஶைலம் பரிவர்தயாம்யஹம் ॥ 75 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ சது:ஷஷ்டிதமஸ்ஸர்க:³ ॥
