ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஸப்தஸப்ததிதமஸ்ஸர்க:³ ।
ததோ த³ஶாஹேதிக³தே க்ருதஶௌசோ ந்ருபாத்மஜ: ।
த்³வாத³ஶேஹனி ஸம்ப்ராப்தே ஶ்ராத்³த⁴கர்மாண்யகாரயத் ॥ 1 ॥
ப்³ராஹ்மணேப்⁴யோ த³தௌ³ ரத்னம் த⁴னமன்னம் ச புஷ்கலம் ।
வாஸாம்ஸி ச மஹார்ஹாணி ரத்னானி விவிதா⁴னி ச ॥ 2 ॥
பா³ஸ்திகம் ப³ஹு ஶுக்லம் ச கா³ஶ்சாபி ஶதஶஸ்ததா² ।
தா³ஸீதா³ஸம் ச யானம் ச வேஶ்மானி ஸுமஹாந்தி ச ॥ 3 ॥
ப்³ராஹ்மணேப்⁴யோ த³தௌ³ புத்ரோ ராஜ்ஞஸ்தஸ்யௌர்த்⁴வதை³ஹிகம் ।
தத: ப்ரபா⁴தஸமயே தி³வஸேத² த்ரயோத³ஶே ॥ 4 ॥
விலலாப மஹாபா³ஹுர்ப⁴ரத ஶ்ஶோகமூர்சி²த: ।
ஶப்³தா³பிஹிதகண்ட²ஸ்து ஶோத⁴னார்த²முபாக³த: ॥ 5 ॥
சிதாமூலே பிதுர்வாக்யமித³மாஹ ஸுது³:கி²த: ।
தாத யஸ்மின்னிஸ்ருஷ்டோஹம் த்வயா ப்⁴ராதரி ராக⁴வே ॥ 6 ॥
தஸ்மின்வனம் ப்ரவ்ரஜிதே ஶூன்யே த்யக்தோஸ்ம்யஹம் த்வயா ।
யஸ்யா க³திரனாதா²யா: புத்ர: ப்ரவாஜிதோ வனம் ।
தாமம்பா³ம் தாத கௌஸல்யாம் த்யக்த்வா த்வம் க்வ க³தோ ந்ருப ॥ 7 ॥
த்³ருஷ்ட்வா ப⁴ஸ்மாருணம் தச்ச த³க்³தா⁴ஸ்தி² ஸ்தா²னமண்ட³லம் ॥ 8 ॥
பிது ஶ்ஶரீரனிர்வாணம் நிஷ்டனந்விஷஸாத³ ஸ: ।
ஸ து த்³ருஷ்ட்வா ருத³ன் தீ³ன: பபாத த⁴ரணீதலே ॥ 9 ॥
உத்தா²ப்யமானஶ்ஶக்ரஸ்ய யந்த்ரத்⁴வஜ இவ ச்யுத: ।
அபி⁴பேதுஸ்ததஸ்ஸர்வே தஸ்யாமாத்யாஶ்ஶுசிவ்ரதம் ॥ 1௦ ॥
அந்தகாலே நிபதிதம் யயாதிம்ருஷயோ யதா² ।
ஶத்ருக்⁴ன ஶ்சாபி ப⁴ரதம் த்³ருஷ்ட்வா ஶோகம் பரிப்லுத: ॥ 11 ॥
விஸஞ்ஜ்ஞோ ந்யபதத்³பூ⁴மௌ பூ⁴மிபாலமனுஸ்மரன் ।
உன்மத்த இவ நிஶ்சேதா விலலாப ஸுது³:கி²த: ॥ 12 ॥
ஸ்ம்ருத்வா பிதுர்கு³ணாங்கா³னி தானி தானி ததா² ததா² ।
மந்த²ராப்ரப⁴வஸ்தீவ்ர: கைகேயீக்³ராஹஸங்குல: ॥ 13 ॥
வரதா³னமயோக்ஷோப்⁴யோமஞ்ஜயச்சோ²கஸாக³ர: ।
ஸுகுமாரம் ச பா³லம் ச ஸததம் லாலிதம் த்வயா ॥ 14 ॥
க்வ தாத ப⁴ரதம் ஹித்வா விலபந்தம் க³தோ ப⁴வான் ।
நனு போ⁴ஜ்யேஷு பானேஷு வஸ்த்ரேஷ்வாப⁴ரணேஷு ச ॥ 15 ॥
ப்ரவாரயஸி நஸ்ஸர்வான் தன்ன: கோன்ய: கரிஷ்யதி ।
அவதா³ரணகாலே து ப்ருதி²வீ நாவதீ³ர்யதே ॥ 16 ॥
யா விஹீனா த்வயா ராஜ்ஞா த⁴ர்மஜ்ஞேன மஹாத்மனா ।
பிதரி ஸ்வர்க³மாபன்னே ராமே சாரண்யமாஶ்ரிதே ॥ 17 ॥
கிம் மே ஜீவிதஸாமர்த்²யம் ப்ரவேக்ஷ்யாமி ஹுதாஶனம் ।
ஹீனோ ப்⁴ராத்ரா ச பித்ரா ச ஶூன்யாமிக்ஷ்வாகுபாலிதாம் ॥ 18 ॥
அயோத்⁴யாம் ந ப்ரவேக்ஷ்யாமி ப்ரவேக்ஷ்யாமி தபோவனம் ।
தயோர்விலபிதம் ஶ்ருத்வா வ்யஸனம் சான்வவேக்ஷ்ய தத் ॥ 19 ॥
ப்⁴ருஶமார்ததரா பூ⁴யஸ்ஸர்வஏவானுகா³மின: ।
ததோ விஷண்ணௌ ஶ்ராந்தௌ ச ஶத்ருக்⁴னப⁴ரதாவுபௌ⁴ ॥ 2௦ ॥
த⁴ரண்யாம் ஸம்வ்யவேஷ்டேதாம் ப⁴க்³னஶ்ருங்கா³விவர்ஷபௌ⁴ ।
தத: ப்ரக்ருதிமான்வைத்³ய: பிதுரேஷாம் புரோஹித: ॥ 21 ॥
வஸிஷ்டோ² ப⁴ரதம் வாக்யமுத்தா²ப்ய தமுவாச ஹ ।
த்ரயோத³ஶோயம் தி³வஸ: பிதுர்வ்ருத்தஸ்ய தே விபோ⁴ ॥ 22 ॥
ஸாவஶேஷாஸ்தி²னிசயே கிமிஹ த்வம் விலம்ப⁴ஸே ।
த்ரீணி த்³வந்த்³வானி பூ⁴தேஷு ப்ரவ்ருத்தான்யவிஶேஷத: ॥ 23 ॥
தேஷு சாபரிஹார்யேஷு நைவம் ப⁴விதுமர்ஹஸி ।
ஸுமந்த்ரஶ்சாபி ஶத்ருக்⁴னமுத்தா²ப்யாபி⁴ப்ரஸாத்³ய ச ॥ 24 ॥
ஶ்ராவயாமாஸ தத்த்வஜ்ஞ ஸ்ஸர்வபூ⁴தப⁴வாப⁴வம் ।
உத்தி²தௌ ச நரவ்யாக்⁴ரௌ ப்ரகாஶேதே யஶஸ்வினௌ ॥ 25 ॥
வர்ஷாதபபரிக்லினௌ ப்ருத²கி³ந்த்³ரத்⁴வஜாவிவ ।
அஶ்ரூணி பரிம்ருத்³னந்தௌ ரக்தாக்ஷௌ தீ³னபா⁴ஷிணௌ ।
அமாத்யாஸ்த்வரயந்தி ஸ்ம தனயௌ சாபரா: க்ரியா: ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஸப்தஸப்ததிதமஸ்ஸர்க:³ ॥
