ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² சதுர்விம்ஶஸ்ஸர்க:³ ।
தத: ஸீதாமுபாக³ம்ய ராக்ஷஸ்யோ விக்ருதானநா: ।
பருஷம் பருஷா நார்ய ஊசுஸ்தாம் வாக்யமப்ரியம் ॥ 1 ॥
கிம் த்வமந்த:புரே ஸீதே ஸர்வபூ⁴தமனோஹரே ।
மஹார்ஹஶயனோபேதே ந வாஸமனுமன்யஸே ॥ 2 ॥
மானுஷீ மானுஷஸ்யைவ பா⁴ர்யாத்வம் ப³ஹுமன்யஸே ।
ப்ரத்யாஹர மனோ ராமான்ன த்வம் ஜாது ப⁴விஷ்யஸி ॥ 3 ॥
த்ரைலோக்யவஸுபோ⁴க்தாரம் ராவணம் ராக்ஷஸேஶ்வரம் ।
ப⁴ர்தாரமுபஸங்க³ம்ய விஹரஸ்வ யதா²ஸுக²ம் ॥ 4 ॥
மானுஷீ மானுஷம் தம் து ராமமிச்ச²ஸி ஶோப⁴னே ।
ராஜ்யாத்³ப்⁴ர்ரஷ்டமஸித்³தா⁴ர்த²ம் விக்லப³ம் த்வமனிந்தி³தே ॥ 5 ॥
ராக்ஷஸீனாம் வச: ஶ்ருத்வா ஸீதா பத்³மனிபே⁴க்ஷணா ।
நேத்ராப்⁴யாமஶ்ருபூர்ணாப்⁴யாமித³ம் வசனமப்³ரவீத் ॥ 6 ॥
யதி³த³ம் லோகவித்³விஷ்டமுதா³ஹரத² ஸங்க³தா: ।
நைதன்மனஸி வாக்யம் மே கில்பி³ஷம் ப்ரதிபா⁴தி வ: ॥ 7 ॥
ந மானுஷீ ராக்ஷஸஸ்ய பா⁴ர்யா ப⁴விதுமர்ஹதி ।
காமம் கா²த³த மாம் ஸர்வா ந கரிஷ்யாமி வோ வச: ॥ 8 ॥
தீ³னோ வா ராஜ்யஹீனோ வா யோ மே ப⁴ர்தா ஸ மே கு³ரு: ।
தம் நித்யமனுரக்தாஸ்மி யதா² ஸூர்யம் ஸுவர்சலா ॥ 9 ॥
யதா² ஶசீ மஹாபா⁴கா³ ஶக்ரம் ஸமுபதிஷ்ட²தி ।
அருந்த⁴தீ வஸிஷ்ட²ம் ச ரோஹிணீ ஶஶினம் யதா² ॥ 1௦ ॥
லோபாமுத்³ரா யதா²க³ஸ்த்யம் ஸுகன்யா ச்யவனம் யதா² ।
ஸாவித்ரீ ஸத்யவந்தம் ச கபிலம் ஶ்ரீமதீ யதா² ॥ 11 ॥
ஸௌதா³ஸம் மத³யந்தீவ கேஶினீ ஸக³ரம் யதா² ।
நைஷத⁴ம் த³மயந்தீவ பை⁴மீ பதிமனுவ்ரதா ॥ 12 ॥
ததா²ஹமிக்ஷ்வாகுவரம் ராமம் பதிமனுவ்ரதா ।
ஸீதாயா வசனம் ஶ்ருத்வா ராக்ஷஸ்ய: க்ரோத⁴மூர்சி²தா: ॥ 13 ॥
ப⁴ர்த்ஸயந்தி ஸ்ம பருஷைர்வாக்யை ராவணசோதி³தா: ।
அவலீன: ஸ நிர்வாக்யோ ஹனூமான் ஶிம்ஶுபாத்³ருமே ॥ 14 ॥
யஸீதாம் ஸந்தர்ஜயந்தீஸ்தா ராக்ஷஸீரஶ்ருணோத் கபி: ।
தாமபி⁴க்ரம்ய ஸங்க்ருத்³தா⁴ வேபமானாம் ஸமந்தத: ॥ 15 ॥
ப்⁴ருஶம் ஸம்லிலிஹுர்தீ³ப்தான் ப்ரலம்பா³ன் த³ஶனச்ச²தா³ன் ।
ஊசுஶ்ச பரமக்ருத்³தா⁴: ப்ரக்³ருஹ்யாஶு பரஶ்வதா⁴ன் ॥ 16 ॥
நேயமர்ஹதி ப⁴ர்தாரம் ராவணம் ராக்ஷஸாதி⁴பம் ।
ஸா ப⁴ர்த்ஸ்யமானா பீ⁴மாபீ⁴ ராக்ஷஸீபி⁴ர்வரானநா ॥ 17 ॥
ஸபா³ஷ்பமப ஸர்பந்தீ ஶிம்ஶுபாம் தாமுபாக³மத் ।
ததஸ்தாம் ஶிம்ஶுபாம் ஸீதா ராக்ஷஸீபி⁴: ஸமாவ்ருதா ॥ 18 ॥
அபி⁴க³ம்ய விஶாலாக்ஷீ தஸ்தௌ² ஶோகபரிப்லுதா ।
தாம் க்ருஶாம் தீ³னவத³னாம் மலினாம்ப³ரதா⁴ரிணீம் ॥ 19 ॥
ப⁴ர்த்ஸயாஞ்சக்ரிரே ஸீதாம் ராக்ஷஸ்யஸ்தாம் ஸமந்தத: ।
ததஸ்தாம் வினதா நாம ராக்ஷஸீ பீ⁴மத³ர்ஶனா ॥ 2௦ ॥
அப்³ரவீத்குபிதாகாரா கராலா நிர்ணதோத³ரீ ।
ஸீதே பர்யாப்தமேதாவத்³ப⁴ர்து: ஸ்னேஹோ நித³ர்ஶித: ॥ 21 ॥
ஸர்வாத்ராதிக்ருதம் ப⁴த்³ரே வ்யஸனாயோபகல்பதே பரிதுஷ்டாஸ்மி ப⁴த்³ரம் தே மானுஷஸ்தே க்ருதோ விதி⁴: ॥ 22 ॥
மமாபி து வச: பத்²யம் ப்³ருவந்த்யா: குரு மைதி²லி ।
ராவணம் பஜ⁴ ப⁴ர்தாரம் ப⁴ர்தாரம் ஸர்வரக்ஷஸாம் ॥ 23 ॥
விக்ராந்தம் ரூபவந்தம் ச ஸுரேஶமிவ வாஸவம் ।
த³க்ஷிணம் த்யாக³ஶீலம் ச ஸர்வஸ்ய ப்ரியத³ர்ஶனம் ॥ 24 ॥
மானுஷம் க்ருபணம் ராமம் த்யக்த்வா, ராவணமாஶ்ரய ।
தி³வ்யாங்க³ராகா³ வைதே³ஹி தி³வ்யாப⁴ரணபூ⁴ஷிதா ॥ 25 ॥
அத்³யப்ரப்⁴ருதி ஸர்வேஷாம் லோகானாமீஶ்வரீ ப⁴வ ।
அக்³னே: ஸ்வாஹா யதா² தே³வீ ஶசீ வேந்த்³ரஸ்ய ஶோப⁴னே ॥ 26 ॥
கிம் தே ராமேண வைதே³ஹி க்ருபணேன க³தாயுஷா ।
ஏதது³க்தம் ச மே வாக்யம் யதி³ த்வம் ந கரிஷ்யஸி ॥ 27 ॥
அஸ்மின்முஹூர்தே ஸர்வாஸ்த்வாம் ப⁴க்ஷயிஷ்யாமஹே வயம் ।
அன்யா து விகடா நாம லம்ப³மானபயோத⁴ரா ॥ 28 ॥
அப்³ரவீத்குபிதா ஸீதாம் முஷ்டிமுத்³யம்ய க³ர்ஜதீ ।
ப³ஹூன்யப்ரியரூபாணி வசனானி ஸுது³ர்மதே ॥ 29 ॥
அனுக்ரோஶான்ம்ருது³த்வாச்ச ஸோடா⁴னி தவ மைதி²லி ।
ந ச ந: குருஷே வாக்யம் ஹிதம் காலபுரஸ்க்ருதம் ॥ 3௦ ॥
ஆனீதாஸி ஸமுத்³ரஸ்ய பாரமன்யைர்து³ராஸத³ம் ।
ராவணாந்த:புரம் கோ⁴ரம் ப்ரவிஷ்டா சாஸி மைதி²லி ॥ 31 ॥
ராவணஸ்ய க்³ருஹே ருத்³தா⁴மஸ்மாபி⁴ஸ்து ஸுரக்ஷிதாம் ।
ந த்வாம் ஶக்த: பரித்ராதுமபி ஸாக்ஷாத்புரந்த³ர: ॥ 32 ॥
குருஷ்வ ஹிதவாதி³ன்யா வசனம் மம மைதி²லி ।
அலமஶ்ருப்ரபாதேன த்யஜ ஶோகமனர்த²கம் ॥ 33 ॥
பஜ⁴ ப்ரீதிம் ச ஹர்ஷம் ச த்யஜைதாம் நித்யதை³ன்யதாம் ।
ஸீதே ராக்ஷஸராஜேன ஸஹ க்ரீட³ யதா²ஸுக²ம் ॥ 34 ॥
ஜானாஸி ஹி யதா² பீ⁴ரு ஸ்த்ரீணாம் யௌவனமத்⁴ருவம் ।
யாவன்ன தே வ்யதிக்ராமேத்தாவத்ஸுக²மவாப்னுஹி ॥ 35 ॥
உத்³யானானி ச ரம்யாணி பர்வதோபவனானி ச ।
ஸஹ ராக்ஷஸராஜேன சர த்வம் மதி³ரேக்ஷணே ॥ 36 ॥
ஸ்த்ரீ ஸஹஸ்ராணி தே ஸப்த வஶே ஸ்தா²ஸ்யந்தி ஸுந்த³ரி ।
ராவணம் பஜ⁴ ப⁴ர்தாரம் ப⁴ர்தாரம் ஸர்வரக்ஷஸாம் ॥ 37 ॥
உத்பாட்ய வா தே ஹ்ருத³யம் ப⁴க்ஷயிஷ்யாமி மைதி²லி ।
யதி³ மே வ்யாஹ்ருதம் வாக்யம் ந யதா²வத்கரிஷ்யஸி ॥ 38 ॥
ததஶ்சண்டோ³த³ரீ நாம ராக்ஷஸீ க்ரோத⁴மூர்சி²தா ।
ப்⁴ராமயந்தீ மஹச்சூ²லமித³ம் வசனமப்³ரவீத் ॥ 39 ॥
இமாம் ஹரிணலோலாக்ஷீம் த்ராஸோத்கம்பிபயோத⁴ராம் ।
ராவணேன ஹ்ருதாம் த்³ருஷ்டவா தௌ³ஹ்ருதோ³ மே மஹானபூ⁴த் ॥ 4௦ ॥
யக்ருத்ப்லீஹமதோ²த்பீட³ம் ஹ்ருத³யம் ச ஸப³ந்த⁴னம் ।
ஆந்த்ராண்யபி ததா² ஶீர்ஷம் கா²தே³யமிதி மே மதி: ॥ 41 ॥
ததஸ்து ப்ரக⁴ஸா நாம ராக்ஷஸீ வாக்யமப்³ரவீத் ।
கண்ட²மஸ்யா ந்ருஶம்ஸாயா: பீட³யாம கிமாஸ்யதே ॥ 42 ॥
நிவேத்³யதாம் ததோ ராஜ்ஞே மானுஷீ ஸா ம்ருதேதி ஹ ।
நாத்ர கஶ்சன ஸந்தே³ஹ: கா²த³தேதி ஸ வக்ஷ்யதி ॥ 43 ॥
ததஸ்த்வஜாமுகீ² நாம ராக்ஷஸீ வாக்யமப்³ரவீத் ।
விஶஸ்யேமாம் தத: ஸர்வா: ஸமான் குருத பிண்ட³கான் ॥ 44 ॥
விபஜ⁴ாம தத: ஸர்வா விவாதோ³ மே ந ரோசதே ।
பேயமானீயதாம் க்ஷிப்ரம் லேஹ்யமுச்சாவசம் ப³ஹு ॥ 45 ॥
தத: ஶூர்பணகா² நாம ராக்ஷஸீ வாக்யமப்³ரவீத் ।
அஜாமுக்²யா யது³க்தம் ஹி ததே³வ மம ரோசதே ॥ 46 ॥
ஸுரா சானீயதாம் க்ஷிப்ரம் ஸர்வஶோகவினாஶினீ ।
மானுஷம் மாம்ஸமாஸ்வாத்³ய ந்ருத்யாமோத² நிகும்பி⁴லாம் ॥ 47 ॥
ஏவம் ஸம்ப⁴ர்த்ஸ்யமானா ஸா ஸீதா ஸுரஸுதோபமா ।
ராக்ஷஸீபி⁴: ஸுகோ⁴ராபி⁴ர்தை³ர்யமுத்ஸ்ருஜ்ய ரோதி³தி ॥ 48 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ சதுர்விம்ஶஸ்ஸர்க:³ ॥
