ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² சது:பஞ்சாஶஸ்ஸர்க:³ ।
தே து தஸ்மின்மஹாவ்ருக்ஷே உஷித்வா ரஜனீம் ஶிவாம் ।
விமலேப்⁴யுதி³தே ஸூர்யே தஸ்மாத்³தே³ஶாத்ப்ரதஸ்தி²ரே ॥ 1 ॥
யத்ர பா⁴கீ³ரதீ²ம் க³ங்கா³ம் யமுனாபி⁴ப்ரவர்ததே ।
ஜக்³முஸ்தம் தே³ஶமுத்³தி³ஶ்ய விகா³ஹ்ய ஸுமஹத்³வனம் ॥ 2 ॥
தே பூ⁴மிபா⁴கா³ன்விவிதா⁴ன் தே³ஶாம்ஶ்சாபி மனோரமான் ।
அத்³ருஷ்டபூர்வான் பஶ்யந்தஸ்தத்ர தத்ர யஶஶ்வின: ॥ 3 ॥
யதா² க்ஷேமேண க³ச்ச²ன் ஸ பஶ்யம்ஶ்ச விவிதா⁴ன் த்³ருமான் ।
நிவ்ருத்தமாத்ரே தி³வஸே ராம: ஸௌமித்ரிமப்³ரவீத் ॥ 4 ॥
ப்ரயாக³மபி⁴த: பஶ்ய ஸௌமித்ரே தூ⁴மமுன்னதம் ।
அக்³னேர்ப⁴க³வத: கேதும் மன்யே ஸன்னிஹிதோ முனி: ॥ 5 ॥
நூனம் ப்ராப்தா: ஸ்ம ஸம்பே⁴த³ம் க³ங்கா³யமுனயோர்வயம் ।
ததா² ஹி ஶ்ரூயதே ஶப்³தோ³ வாரிணோ வாரிக⁴ட்டித: ॥ 6 ॥
தா³ரூணி பரிபி⁴ன்னானி வனஜைருபஜீவிபி⁴: ।
ப⁴ரத்³வாஜாஶ்ரமே சைதே த்³ருஶ்யந்தே விவிதா⁴ த்³ருமா: ॥ 7 ॥
த⁴ன்வினௌ தௌ ஸுக²ம் க³த்வா லம்ப³மானே தி³வாகரே ।
க³ங்கா³யமுனயோஸ்ஸந்தௌ⁴ ப்ராபதுர்னிலயம் முனே: ॥ 8 ॥
ராமஸ்த்வாஶ்ரமமாஸாத்³ய த்ராஸயன்ம்ருக³பக்ஷிண: ।
க³த்வா முஹூர்தமத்⁴வானம் ப⁴ரத்³வாஜமுபாக³மத் ॥ 9 ॥
ததஸ்த்வாஶ்ரமாஸாத்³ய முனேர்த³ர்ஶனகாங்க்ஷிணௌ ।
ஸீதயானுக³தௌ வீரௌ தூ³ராதே³வாவதஸ்த²து: ॥ 1௦ ॥
ஸ ப்ரவிஶ்ய மஹாத்மானம்ருஷிம் ஶிஷ்யக³ணைர்வ்ருதம் ।
ஸம்ஶிதவ்ரதமேகாக்³ரம் தபஸா லப்³த⁴சக்ஷுஷம் ॥ 11 ॥
ஹுதாக்³னிஹோத்ரம் த்³ருஷ்ட்வைவ மஹாபா⁴க³ம் க்ருதாஞ்ஜலி: ।
ராம: ஸௌமித்ரிணா ஸார்த⁴ம் ஸீதயா சாப்⁴யவாத³யத் ॥ 12 ॥
ந்யவேத³யத சாத்மானம் தஸ்மை லக்ஷ்மணபூர்வஜ: ।
புத்ரௌ த³ஶரத²ஸ்யாவாம் ப⁴க³வன் ராமலக்ஷ்மணௌ ॥ 13 ॥
பா⁴ர்யா மமேயம் வைதே³ஹீ கல்யாணீ ஜனகாத்மஜா ।
மாம் சானுயாதா விஜனம் தபோவனமனிந்தி³தா ॥ 14 ॥
பித்ரா ப்ரவ்ராஜ்யமானம் மாம் ஸௌமித்ரிரனுஜ ப்ரிய: ।
அயமன்வக³மத்³ப்⁴ராதா வனமேவ த்³ருட⁴வ்ரத: ॥ 15 ॥
பித்ரா நியுக்தா ப⁴க³வன் ப்ரவேக்ஷ்யாமஸ்தபோவனம் ।
த⁴ர்மமேவ சரிஷ்யாம ஸ்தத்ர மூலப²லாஶனா: ॥ 16 ॥
தஸ்ய தத்³வசனம் ஶ்ருத்வா ராஜபுத்ரஸ்ய தீ⁴மத: ।
உபானயத த⁴ர்மாத்மா கா³மர்க்⁴யமுத³கம் தத: ॥ 17 ॥
நானாவிதா⁴னந்னரஸான் வன்யமூலப²லாஶ்ரயான் ।
தேப்⁴யோ த³தௌ³ தப்ததபா வாஸம் சைவாப்⁴யகல்பயத் ॥ 18 ॥
ம்ருக³பக்ஷிபி⁴ராஸீனோ முனிபி⁴ஶ்ச ஸமந்தத: ।
ராமமாக³தமப்⁴யர்ச்ய ஸ்வாக³தேனாஹதம் முனி: ॥ 19 ॥
ப்ரதிக்³ருஹ்ய ச தாமர்சாமுபவிஷ்டம் ஸ ராக⁴வம் ।
ப⁴ரத்³வாஜோப்³ரவீத்³வாக்யம் த⁴ர்மயுக்தமித³ம் ததா³ ॥ 2௦ ॥
சிரஸ்ய க²லு காகுத்ஸ்த² பஶ்யாமி த்வாமிஹாக³தம் ।
ஶ்ருதம் தவ மயா சேத³ம் விவாஸனமகாரணம் ॥ 21 ॥
அவகாஶோ விவிக்தோயம் மஹானத்³யோஸ்ஸமாக³மே ।
புண்யஶ்ச ரமணீயஶ்ச வஸத்விஹ ப⁴வான் ஸுக²ம் ॥ 22 ॥
ஏவமுக்தஸ்து வசனம் ப⁴ரத்³வாஜேன ராக⁴வ: ।
ப்ரத்யுவாச ஶுப⁴ம் வாக்யம் ராம: ஸர்வஹிதே ரத: ॥ 23 ॥
ப⁴க³வன்னித ஆஸன்ன: பௌரஜானபதோ³ ஜன: ।
ஸுத³ர்ஶமிஹ மாம் ப்ரேக்ஷ்ய மன்யேஹமிமமாஶ்ரமம் ॥ 24 ॥
ஆக³மிஷ்யதி வைதே³ஹீம் மாம் சாபி ப்ரேக்ஷகோ ஜன: ।
அனேன காரணேனாஹமிஹ வாஸம் ந ரோசயே ॥ 25 ॥
ஏகாந்தே பஶ்ய ப⁴க³வன்னாஶ்ரமஸ்தா²னமுத்தமம் ।
ரமேத யத்ர வைதே³ஹீ ஸுகா²ர்ஹா ஜனகாத்மஜா ॥ 26 ॥
ஏதச்²ருத்வா ஶுப⁴ம் வாக்யம் ப⁴ரத்³வாஜோ மஹாமுனி: ।
ராக⁴வஸ்ய ததோ வாக்யமர்த²க்³ராஹகமப்³ரவீத் ॥ 27 ॥
த³ஶக்ரோஶ இதஸ்தாத கி³ரிர்யத்ரனிவத்ஸ்யஸி ।
மஹர்ஷிஸேவித: புண்ய: ஸர்வத: ஸுக²த³ர்ஶன: ॥ 28 ॥
கோ³லாங்கூ³லானுசரிதோ வானரர்க்ஷனிஷேவித: ।
சித்ரகூட இதி க்²யாதோ க³ந்த⁴மாத³னஸன்னிப:⁴ ॥ 29 ॥
யாவதா சித்ரகூடஸ்ய நரஶ்ருங்கா³ன்யவேக்ஷதே ।
கல்யாணானி ஸமாத⁴த்தே ந பாபே குருதே மன: ॥ 3௦ ॥
ருஷயஸ்தத்ர ப³ஹவோ விஹ்ருத்ய ஶரதா³ம் ஶதம் ।
தபஸா தி³வமாரூடா⁴: கபாலஶிரஸா ஸஹ ॥ 31 ॥
ப்ரவிவிக்தமஹம் மன்யே தம் வாஸம் ப⁴வதஸ்ஸுக²ம் ।
இஹ வா வனவாஸாய வஸ ராம மயா ஸஹ ॥ 32 ॥
ஸ ராமம் ஸர்வகாமைஸ்தம் ப⁴ரத்³வாஜ: ப்ரியாதிதி²ம் ।
ஸபா⁴ர்யம் ஸஹ ச ப்⁴ராத்ரா ப்ரதிஜக்³ராஹ த⁴ர்மவித் ॥ 33 ॥
தஸ்ய ப்ரயாகே³ ராமஸ்ய தம் மஹர்ஷிமுபேயுஷ: ।
ப்ரபன்னா ரஜனீ புண்யா: சித்ரா: கத²யத: கதா²: ॥ 34 ॥
ஸீதாத்ருதீய: காகுத்ஸ்த:² பரிஶ்ராந்த: ஸுகோ²சித: ।
ப⁴ரத்³வாஜாஶ்ரமே ரம்யே தாம் ராத்ரிமவஸத்ஸுக²ம் ॥ 35 ॥
ப்ரபா⁴தாயாம் ரஜன்யாம் து ப⁴ரத்³வாஜமுபாக³மத் ।
உவாச நரஶார்தூ³லோ முனிம் ஜ்வலிததேஜஸம் ॥ 36 ॥
ஶர்வரீம் ப⁴க³வன்னத்³ய ஸத்யஶீல தவாஶ்ரமே ।
உஷிதா: ஸ்மேஹ வஸதிமனுஜானாது நோ ப⁴வான் ॥ 37 ॥
ராத்ர்யாம் து தஸ்யாம் வ்யுஷ்டாயாம் ப⁴ரத்³வாஜோப்³ரவீதி³த³ம் ।
மது⁴மூலப²லோபேதம் சித்ரகூடம் வ்ரஜேதி ஹ ॥ 38 ॥
வாஸமௌபயிகம் மன்யே தவ ராம மஹாப³ல நானானக³க³ணோபேத: கின்னரோரக³ஸேவித: ।
மயூரனாதா³பி⁴ருதோ கஜ³ராஜனிஷேவித: ॥ 39 ॥
க³ம்யதாம் ப⁴வதா ஶைல ஶ்சித்ரகூட: ஸ விஶ்ருத: ।
புண்யஶ்ச ரமணீயஶ்ச ப³ஹுமூலப²லாயுத: ॥ 4௦ ॥
தத்ர குஞ்ஜரயூதா²னி ம்ருக³யூதா²னி சாபி⁴த: ।
விசரந்தி வனாந்தேஸ்மின் தானி த்³ரக்ஷ்யஸி ராக⁴வ ॥ 41 ॥
ஸரித்ப்ரஸ்ரவணப்ரஸ்தா²ன் த³ரீகந்த³ரனிர்ஜ²ரான் ।
சரத: ஸீதயா ஸார்த⁴ம் நந்தி³ஷ்யதி மனஸ்தவ ॥ 42 ॥
ப்ரஹ்ருஷ்டகோயஷ்டிககோகிலஸ்வனைர்வினாதி³தம் தம் வஸுதா⁴த⁴ரம் ஶிவம் ।
ம்ருகை³ஶ்ச மத்தைர்ப³ஹுபி⁴ஶ்ச குஞ்ஜரை: ஸுரம்யமாஸாத்³ய ஸமாவஸாஶ்ரமம் ॥ 43 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ சது:பஞ்சாஶஸ்ஸர்க:³ ॥
