ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஸப்தத³ஶஸ்ஸர்க:³ ।
ஸ ராமோ ரத²மாஸ்தா²ய ஸம்ப்ரஹ்ருஷ்டஸுஹ்ருஜ்ஜன: ।
பதாகாத்⁴வஜஸம்பன்னம் மஹார்ஹாக³ருதூ⁴பிதம் ॥ 1 ॥
அபஶ்யன்னக³ரம் ஶ்ரீமான்னானாஜனஸமாகுலம் ।
ஸ க்³ருஹைரப்⁴ரஸங்காஶை: பாண்டு³ரைருபஶோபி⁴தம் ॥ 2 ॥
ராஜமார்க³ம் யயௌ ராமோ மத்⁴யேனாக³ருதூ⁴பிதம் ।
சந்த³னானாம் ச முக்²யானாமக³ரூணாம் ச ஸஞ்சயை: ॥ 3 ॥
உத்தமானாம் ச க³ந்தா⁴னாம் க்ஷௌமகோஶாம்ப³ரஸ்ய ச ।
அவித்³தா⁴பி⁴ஶ்ச முக்தாபி⁴ருத்தமைஸ்ஸ்பா²டிகைரபி ॥ 4 ॥
ஶோப⁴மானமஸம்பா³தை⁴ஸ்தம் ராஜபத²முத்தமம் ।
ஸம்வ்ருதம் விவிதை⁴:புஷ்பைர்ப⁴க்ஷ்யைருச்சாவசைரபி ॥ 5 ॥
த³த³ர்ஶ தம் ராஜபத²ம் தி³வி தே³வபத²ம் யதா² ।
த³த்⁴யக்ஷதஹவிர்லாஜைர்தூ⁴பைரக³ருசந்த³னை: ॥ 6 ॥
நானாமால்யோபக³ந்தை⁴ஶ்ச ஸதா³ப்⁴யர்சிதசத்வரம் ।
அஶீர்வாதா³ன்ப³ஹூன் ஶ்ருண்வன்ஸுஹ்ருத்³பி⁴ஸ்ஸமுதீ³ரிதான் ॥ 7 ॥
யதா²ர்ஹம் சாபி ஸம்பூஜ்ய ஸர்வானேவ நரான்யயௌ ।
பிதாமஹைராசரிதம் ததை²வ ப்ரபிதாமஹை: ॥ 8 ॥
அத்³யோபாதா³ய தம் மார்க³மபி⁴ஷிக்தோனுபாலய ।
யதா²ஸ்ம போஷிதா: பித்ரா யதா² ஸர்வை: பிதாமஹை: ॥ 9 ॥
ததஸ்ஸுக²தரம் ராமே வத்ஸ்யாமஸ்ஸதி ராஜனி ।
அலமத்³ய ஹி பு⁴க்தேன பரமார்தை²ரலம் ச ந: ॥ 1௦ ॥
யதி³ பஶ்யாம நிர்யாந்தம் ராமம் ராஜ்யே ப்ரதிஷ்டி²தம் ।
அதோ ஹி ந: ப்ரியதரம் நான்யத்கிஞ்சித்³ப⁴விஷ்யதி ॥ 11 ॥
யதா²பி⁴ஷேகோ ராமஸ்ய ராஜ்யேனாமிததேஜஸ: ।
ஏதாஶ்சான்யாஶ்ச ஸுஹ்ருதா³முதா³ஸீன: கதா²ஶ்ஶுபா⁴: ॥ 12 ॥
ஆத்மஸம்பூஜனீஶ்ஶ்ருண்வன்யயௌ ராமோ மஹாபத²ம் ।
ந ஹி தஸ்மான்மன: கஶ்சிச்சக்ஷுஷீ வா நரோத்தமாத் ॥ 13 ॥
நர ஶ்ஶக்னோத்யபாக்ரஷ்டுமதிக்ராந்தேபி ராக⁴வே ।
யஶ்ச ராமம் ந பஶ்யேத்து யம் ச ராமோ ந பஶ்யதி ॥ 14 ॥
நிந்தி³த ஸ்ஸர்வல்லோகேஷு ஸ்வாத்மாப்யேனம் விக³ர்ஹதே ।
ஸர்வேஷு ஹி ஸ த⁴ர்மாத்மா வர்ணானாம் குருதே த³யாம் ॥ 15 ॥
சதுர்ணாம் ஹி வய: ஸ்தா²னாம் தேன தே தமனுவ்ரதா: ।
சதுஷ்பதா²ந்தே³வபதா²ம்ஶ்சைத்யான்யாயதனானி ச ॥ 16 ॥
ப்ரத³க்ஷிணம் பரிஹரன் ஜகா³ம ந்ருபதே ஸ்ஸுத: ।
ஸ ராஜகுலமாஸாத்³ய மேக⁴ஸங்கோ⁴பமை ஶ்ஶுபை⁴: ॥ 17 ॥
ப்ராஸாத³ஶ்ருங்கை³ர்விவிதை⁴:கைலாஸ ஶிக²ரோபமை: ।
ஆவாரயத்³பி⁴ர்க³க³னம் விமானைரிவ பாண்டு³ரை: ॥ 18 ॥
வர்த⁴மானக்³ருஹைஶ்சாபி ரத்னஜாலபரிஷ்க்ருதை: ।
தத்ப்ருதி²வ்யாம் க்³ருஹவரம் மஹேந்த்³ரஸத³னோபமம் ॥ 19 ॥
ராஜபுத்ர: பிதுர்வேஶ்ம ப்ரவிவேஶ ஶ்ரியா ஜ்வலன் ।
ஸ கக்ஷ்யா த⁴ன்விபி⁴ர்கு³ப்தாஸ்திஸ்ரோதிக்ரம்ய வாஜிபி⁴: ॥ 2௦ ॥
பதா³திரபரே கக்ஷ்யே த்³வே ஜகா³ம நரோத்தம: ।
ஸ ஸர்வா ஸ்ஸமதிக்ரம்ய கக்ஷ்யா த³ஶரதா²த்மஜ: ।
ஸன்னிவர்த்ய ஜனம் ஸர்வம் ஶுத்³தா⁴ந்த: புரமப்⁴யகா³த் ॥ 21 ॥
தஸ்மின் ப்ரவிஷ்டே பிதுரந்திகம் ததா³ ஜன ஸ்ஸ ஸர்வோ முதி³தோ ந்ருபாத்மஜே ।
ப்ரதீக்ஷதே தஸ்ய புன: ஸ்ம நிர்க³மம் யதோ²த³யம் சந்த்³ரமஸஸ்ஸரித்பதி: ॥ 22 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஸப்தத³ஶஸ்ஸர்க:³ ॥
