ஶ்ரீமத்³வால்மீகீய ராமாயணே பா³லகாண்ட³ம் ।
அத² ஸப்தஷஷ்டிதமஸ்ஸர்க:³ ।
. ஜனகஸ்ய வசஶ்ஶ்ருத்வா விஶ்வாமித்ரோ மஹாமுனி: ।
த⁴னுர்த³ர்ஶய ராமாய இதி ஹோவாச பார்தி²வம் ॥ 1 ॥
ததஸ்ஸ ராஜா ஜனக: ஸாமந்தான்வ்யாதி³தே³ஶ ஹ ।
த⁴னுரானீயதாம் தி³வ்யம் க³ந்த⁴மால்யவிபூ⁴ஷிதம் ॥ 2 ॥
ஜனகேன ஸமாதி³ஷ்டா: ஸசிவா ப்ராவிஶன் புரீம் ।
தத்³த⁴னு: புரத: க்ருத்வா நிர்ஜக்³மு: பார்தி²வாஜ்ஞயா ॥ 3 ॥
ந்ருணாம் ஶதானி பஞ்சாஶத்³வ்யாயதானாம் மஹாத்மனாம் ।
மஞ்ஜூஷாமஷ்டசக்ராம் தாம் ஸமூஹுஸ்தே கத²ஞ்சன ॥ 4 ॥
தாமாதா³ய து மஞ்ஜூஷாமாயஸீம் யத்ர தத்³த⁴னு: ।
ஸுரோபமம் தே ஜனகமூசுர்ன்ருபதிமந்த்ரிண: ॥ 5 ॥
இத³ம் த⁴னுர்வரம் ராஜன் பூஜிதம் ஸர்வராஜபி⁴: ।
மிதி²லாதி⁴ப ராஜேந்த்³ர த³ர்ஶனீயம் யதி³ச்ச²ஸி ॥ 6 ॥
தேஷாம் ந்ருபோ வச: ஶ்ருத்வா க்ருதாஞ்ஜலிரபா⁴ஷத ।
விஶ்வாமித்ரம் மஹாத்மானம் தௌ சோபௌ⁴ ராமலக்ஷ்மணௌ ॥ 7 ॥
இத³ம் த⁴னுர்வரம் ப்³ரஹ்மன் ஜனகைரபி⁴பூஜிதம் ।
ராஜபி⁴ஶ்ச மஹாவீர்யை: அஶக்தை: பூரிதும் புரா ॥ 8 ॥
நைதத்ஸுரக³ணாஸ்ஸர்வே நாஸுரா ந ச ராக்ஷஸா: ।
க³ந்த⁴ர்வயக்ஷப்ரவரா: ஸகின்னரமஹோரகா³: ॥ 9 ॥
க்வ க³திர்மானுஷாணாம் ச த⁴னுஷோஸ்ய ப்ரபூரணே ।
ஆரோபணே ஸமாயோகே³ வேபனே தோலனேபி வா ॥ 1௦ ॥
ததே³தத்³த⁴னுஷாம் ஶ்ரேஷ்ட²மானீதம் முனிபுங்க³வ ।
த³ர்ஶயைதன்மஹாபா⁴க³ அனயோ: ராஜபுத்ரயோ: ॥ 11 ॥
விஶ்வாமித்ரஸ்து த⁴ர்மாத்மா ஶ்ருத்வா ஜனகபா⁴ஷிதம் ।
வத்ஸ ராம த⁴னு: பஶ்ய இதி ராக⁴வமப்³ரவீத் ॥ 12 ॥
ப்³ரஹ்மர்ஷேர்வசனாத்³ராமோ யத்ர திஷ்ட²தி தத்³த⁴னு: ।
மஞ்ஜூஷாம் தாமபாவ்ருத்ய த்³ருஷ்ட்வா த⁴னுரதா²ப்³ரவீத் ॥ 13 ॥
இத³ம் த⁴னுர்வரம் ப்³ரஹ்மன் ஸம்ஸ்ப்ருஶாமீஹ பாணினா ।
யத்னவாம்ஶ்ச ப⁴விஷ்யாமி தோலனே பூரணேபி வா ॥ 14 ॥
பா³ட⁴மித்யேவ தம் ராஜா முனிஶ்ச ஸமபா⁴ஷத ।
லீலயா ஸ த⁴னுர்மத்⁴யே ஜக்³ராஹ வசனான்முனே: ॥ 15 ॥
பஶ்யதாம் ந்ருபஸஹஸ்ராணாம் ப³ஹூனாம் ரகு⁴னந்த³ன: ।
ஆரோபயத்ஸ த⁴ர்மாத்மா ஸலீலமிவ தத்³த⁴னு: ॥ 16 ॥
ஆரோபயித்வா த⁴ர்மாத்மா பூரயாமாஸ தத்³த⁴னு: ।
தத்³ப³ப⁴ஞ்ஜ த⁴னுர்மத்⁴யே நரஶ்ரேஷ்டோ² மஹாயஶா: ॥ 17 ॥
தஸ்ய ஶப்³தோ³ மஹானாஸீத் நிர்கா⁴தஸமனிஸ்வன: ।
பூ⁴மிகம்பஶ்ச ஸுமஹான் பர்வதஸ்யேவ தீ³ர்யத: ॥ 18 ॥
நிபேதுஶ்ச நரா ஸ்ஸர்வே தேன ஶப்³தே³ன மோஹிதா: ।
வர்ஜயித்வா முனிவரம் ராஜானம் தௌ ச ராக⁴வௌ ॥ 19 ॥
ப்ரத்யாஶ்வஸ்தே ஜனே தஸ்மின்ராஜா விக³தஸாத்⁴வஸ: ।
உவாச ப்ராஞ்ஜலிர்வாக்யம் வாக்யஜ்ஞோ முனிபுங்க³வம் ॥ 2௦ ॥
ப⁴க³வன் த்³ருஷ்டவீர்யோ மே ராமோ த³ஶரதா²த்மஜ: ।
அத்யத்³பு⁴தமசிந்த்யம் ச ந தர்கிதமித³ம் மயா ॥ 21 ॥
ஜனகானாம் குலே கீர்திமாஹரிஷ்யதி மே ஸுதா ।
ஸீதா ப⁴ர்தாரமாஸாத்³ய ராமம் த³ஶரதா²த்மஜம் ॥ 22 ॥
மம ஸத்யா ப்ரதிஜ்ஞா ச வீர்யஶுல்கேதி கௌஶிக ।
ஸீதா ப்ராணைர்ப³ஹுமதா தே³யா ராமாய மே ஸுதா ॥ 23 ॥
ப⁴வதோனுமதே ப்³ரஹ்மன் ஶீக்⁴ரம் க³ச்ச²ந்து மந்த்ரிண: ।
மம கௌஶிக ப⁴த்³ரம் தே அயோத்⁴யாம் த்வரிதா ரதை²: ॥ 24 ॥
ராஜானம் ப்ரஶ்ரிதைர்வாக்யைரானயந்து புரம் மம ।
ப்ரதா³னம் வீர்யஶுல்காயா: கத²யந்து ச ஸர்வஶ: ॥ 25 ॥
முனிகு³ப்தௌ ச காகுத்ஸ்தௌ² கத²யந்து ந்ருபாய வை ।
ப்ரீயமாணம் து ராஜானமானயந்து ஸுஶீக்⁴ரகா³: ॥ 26 ॥
கௌஶிகஶ்ச ததே²த்யாஹ ராஜா சாபா⁴ஷ்ய மந்த்ரிண: ॥ 27 ॥
அயோத்⁴யாம் ப்ரேஷயாமாஸ த⁴ர்மாத்மா க்ருதஶாஸனான் ।
யதா²வ்ருத்தம் ஸமாக்²யாதுமானேதும் ச ந்ருபம் ததா³ ॥ 28 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஸப்தஷஷ்டிதமஸ்ஸர்க:³ ॥
