ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² சது:ஷஷ்டிதமஸ்ஸர்க:³ ।
வத⁴மப்ரதிரூபம் து மஹர்ஷேஸ்தஸ்ய ராக⁴வ: ।
விலபன்னேவ த⁴ர்மாத்மா கௌஸல்யாம் புனரப்³ரவீத் ॥ 1 ॥
ததஜ³்ஞானான்மஹத்பாபம் க்ருத்வாஹம் ஸங்குலேந்த்³ரிய: ।
ஏகஸ்த்வசிந்தயம் பு³த்⁴யா கத²ம் நு ஸுக்ருதம் ப⁴வேத் ॥ 2 ॥
ததஸ்தம் க⁴டமாதா³ய பூர்ணம் பரமவாரிணா ।
ஆஶ்ரமம் தமஹம் ப்ராப்ய யதா²க்²யாதபத²ம் க³த: ॥ 3 ॥
தத்ராஹம் து³ர்ப³லாவந்தௌ⁴ வ்ருத்³தா⁴வபரிணாயகௌ ।
அபஶ்யம் தஸ்ய பிதரௌ லூனபக்ஷாவிவ த்³விஜௌ ॥ 4 ॥
தன்னிமித்தாபி⁴ராஸீனௌ கதா²பி⁴ரபரிஶ்ரமௌ ।
தாமாஶாம் மத்க்ருதே ஹீனாவுதா³ஸீனாவனாத²வத் ॥ 5 ॥
ஶோகோபஹதசித்தஶ்ச ப⁴யஸந்த்ரஸ்தசேதன: ।
தச்சாஶ்ரமபத³ம் க³த்வா பூ⁴யஶ்ஶோகமஹம் க³த: ॥ 6 ॥
பத³ஶப்³த³ம் து மே ஶ்ருத்வா முனிர்வாக்யமபா⁴ஷத ।
கிம் சிராயஸி மே புத்ர பானீயம் க்ஷிப்ரமானய ॥ 7 ॥
யன்னிமித்தமித³ம் தாத ஸலிலே க்ரீடி³தம் த்வயா ।
உத்கண்டி²தா தே மாதேயம் ப்ரவிஶ க்ஷிப்ரமாஶ்ரமம் ॥ 8 ॥
யத்³வ்யலீகம் க்ருதம் புத்ர மாத்ரா தே யதி³ வா மயா ।
ந தன்மனஸி கர்தவ்யம் த்வயா தாத தபஸ்வினா ॥ 9 ॥
த்வம் க³திஸ்த்வக³தீனாம் சக்ஷுஸ்த்வம் ஹீனசக்ஷுஷாம் ।
ஸமாஸக்தாஸ்த்வயி ப்ராணா: கிம் த்வம் நோ நாபி⁴பா⁴ஷஸே ॥ 1௦ ॥
முனிமவ்யக்தயா வாசா தமஹம் ஸஜ்ஜமானயா ।
ஹீனவ்யஞ்ஜனயா ப்ரேக்ஷ்ய பீ⁴தசித்த இவாப்³ருவம் ॥ 11 ॥
மனஸ: கர்ம சேஷ்டாபி⁴ரபி⁴ஸம்ஸ்தப்⁴ய வாக்³ப³லம் ।
ஆசசக்ஷே த்வஹம் தஸ்மை புத்ரவ்யஸனஜம் ப⁴யம் ॥ 12 ॥
க்ஷத்ரியோஹம் த³ஶரதோ² நாஹம் புத்ரோ மஹாத்மன: ।
ஸஜ்ஜனாவமதம் து³:க²மித³ம் ப்ராப்தம் ஸ்வகர்மஜம் ॥ 13 ॥
ப⁴க³வம்ஶ்சாபஹஸ்தோஹம் ஸரயூதீரமாக³த: ।
ஜிகா⁴ம்ஸுஶ்ஶ்வாபத³ம் கஞ்சின்னிபானே சாக³தம் கஜ³ம் ॥ 14 ॥
ததஶ்ஶ்ருதோ மயா ஶப்³தோ³ ஜலே கும்ப⁴ஸ்ய பூர்யத: ।
த்³விபோயமிதி மத்வாயம் பா³ணேனாபி⁴ஹதோ மயா ॥ 15 ॥
க³த்வா நத்³யாஸ்தத ஸ்தீரமபஶ்யமிஷுணா ஹ்ருதி³ ।
வினிர்பி⁴ன்னம் க³தப்ராணம் ஶயானம் பு⁴வி தாபஸம் ॥ 16 ॥
ப⁴க³வச்ச²ஶப்³த³மாலக்ஷ்ய மயா கஜ³ஜிகா⁴ம்ஸுனா ।
விஸ்ருப்டோம்ப⁴ஸி நாராசஸ்தேன தே நிஹதஸ்ஸுத: ॥ 17 ॥
ததஸ்தஸ்யைவ வசனாது³பேத்ய பரிதப்யத: ।
ஸ மயா ஸஹஸா பா³ண உத்⁴ருதோ மர்மதஸ்ததா³ ॥ 18 ॥
ஸ சோத்⁴ருதேன பா³ணேன தத்ரைவ ஸ்வர்க³மாஸ்தி²த: ।
ப⁴வந்தௌ பிதரௌ ஶோசன்னந்தா⁴விதி விலப்ய ச ॥ 19 ॥
அஜ்ஞானாத்³ப⁴வத: புத்ர ஸ்ஸஹஸாபி⁴ஹதோ மயா ।
ஶேஷமேவம் க³தே யத்ஸ்யாத்தத்ப்ரஸீத³து மே முனி: ॥ 2௦ ॥
ஸ தச்ச்ருத்வா வச: க்ரூரம் மயோக்தமக⁴ஶம்ஸினா ।
நாஶகத்தீவ்ரமாயாஸமகர்தும் ப⁴க³வான்ருஷி: ॥ 21 ॥
ஸ பா³ஷ்பபூர்ணவத³னோ நிஶ்ஶ்வஸன்ஶோககர்ஶித: ।
மாமுவாச மஹாதேஜா: க்ருதாஞ்ஜலிமுபஸ்தி²தம் ॥ 22 ॥
யத்³யேதத³ஶுப⁴ம் கர்ம ந த்வம் மே கத²யேஸ்ஸ்வயம் ।
ப²லேன்மூர்தா⁴ ஸ்ம தே ராஜன் ஸத்³ய ஶ்ஶதஸஹஸ்ரதா⁴ ॥ 23 ॥
க்ஷத்ரியேண வதோ⁴ ராஜன் வானப்ரஸ்தே² விஶேஷத: ।
ஜ்ஞானபூர்வம் க்ருத ஸ்ஸ்தா²னாச்ச்யாவயேத³பி வஜ்ரிணம் ॥ 24 ॥
ஸப்ததா⁴ து ப²லேன்மூர்தா⁴ முனௌ தபஸி திஷ்ட²தி ।
ஜ்ஞானாத்³விஸ்ருஜதஶ்ஶஸ்த்ரம் தாத்³ருஶே ப்³ரஹ்மாவாதி³னி ॥ 25 ॥
அஜ்ஞானாத்³தி⁴க்ருதம் யஸ்மாதி³த³ம் தேனைவ ஜவஸி ।
அபி ஹ்யத்³ய குலம் ந ஸ்யாதி³க்ஷ்வாகூணாம் குதோ ப⁴வான் ॥ 26 ॥
நய நௌ ந்ருப தம் தே³ஶமிதி மாம் சாப்⁴யபா⁴ஷத ।
அத்³ய தம் த்³ரஷ்டுமிச்சா²வ: புத்ரம் பஶ்சிமத³ர்ஶனம் ॥ 27 ॥
ருதி⁴ரேணாவஸிக்தாங்க³ம் ப்ரகீர்ணாஜினவாஸஸம் ।
ஶயானம் பு⁴வி நிஸ்ஸஞ்ஜ்ஞம் த⁴ர்ம ராஜவஶம் க³தம் ॥ 28 ॥
அதா²ஹமேகஸ்தம் தே³ஶம் நீத்வா தௌ ப்⁴ருஶது³:கி²தௌ ।
அஸ்பர்ஶயமஹம் புத்ரம் தம் முனிம் ஸஹ பா⁴ர்யயா ॥ 29 ॥
நாபி⁴வாத³யஸே மாத்³ய ந ச மாமபி⁴பா⁴ஷஸே ।
கிம் நு ஶேஷே து பூ⁴மௌ த்வம் வத்ஸ கிம் குபிதோ ஹ்யஸி ॥ 3௦ ॥
ந த்வஹம் தே ப்ரியம் புத்ர மாதரம் பஶ்ய தா⁴ர்மிக ।
கிம் நு நாலிங்க³ஸே புத்ர ஸுகுமார வசோ வத³ ॥ 31 ॥
கஸ்ய வாபரராத்ரேஹம் ஶ்ரோஷ்யாமி ஹ்ருத³யங்க³மம் ।
அதீ⁴யானஸ்ய மது⁴ரம் ஶாஸ்த்ரம் வான்யத்³விஶேஷத: ॥ 32 ॥
கோ மாம் ஸந்த்³யாமுபாஸ்யைவ ஸ்னாத்வா ஹுதஹுதாஶன: ।
ஶ்லாக⁴யிஷ்யத்யுபாஸீன: புத்ர ஶோகப⁴யார்தி³தம் ॥ 33 ॥
கந்த³மூலப²லம் ஹ்ருத்வா கோ மாம் ப்ரியமிவாதிதி²ம் ।
போ⁴ஜயிஷ்யத்யகர்மண்யமப்ரக்³ரஹமனாயகம் ॥ 34 ॥
இமாமந்தா⁴ம் ச வ்ருத்³தா⁴ம் ச மாதரம் தே தபஸ்வினீம் ।
கத²ம் வத்ஸ ப⁴ரிஷ்யாமி க்ருபணாம் புத்ரக³ர்தி⁴னீம் ॥ 35 ॥
திஷ்ட² மாம் மாக³ம: புத்ர யமஸ்ய ஸத³னம் ப்ரதி ।
ஶ்வோ மயா ஸஹ க³ந்தாஸி ஜனந்யா ச ஸமேதி⁴த: ॥ 36 ॥
ததோ வைவஸ்வதம் த்³ருஷ்ட்வா தம் ப்ரவக்ஷ்யாமி பா⁴ரதீம் ।
க்ஷமதாம் த⁴ர்மராஜோ மே பி³ப்⁴ருயாத்பிதராவயம் ॥ 37 ॥
தா³துமர்ஹதி த⁴ர்மாத்மா லோகபாலோ மஹாயஶா: ।
ஈத்³ருஶஸ்ய மமாக்ஷய்யா மேகாமப⁴யத³க்ஷிணாம் ॥ 38 ॥
அபாபோஸி யதா³ புத்ர நிஹத: பாபகர்மணா ।
தேன ஸத்யேன க³ச்சா²ஶு யே லோகாஶ்ஶஸ்த்ரயோதி⁴னாம் ॥ 39 ॥
யாந்தி ஶூரா க³திம் யாம் ச ஸங்க்³ராமேஷ்வனிவர்தின: ।
ஹதாஸ்த்வபி⁴முகா²: புத்ர க³திம் தாம் பரமாம் வ்ரஜ ॥ 4௦ ॥
யாம் க³திம் ஸக³ரஶ்ஶைப்³யோ தி³லீபோ ஜனமேஜய: ।
நஹுஷோ து³ந்து³மாரஶ்ச ப்ராப்தாஸ்தாம் க³ச்ச² புத்ரக ॥ 41 ॥
யா க³தி ஸ்ஸர்வஸாதூ⁴னாம் ஸ்வாத்⁴யாயாத்தபஸாச யா ।
யா பூ⁴மித³ஸ்யாஹிதாக்³னேரேகபத்னீ வ்ரதஸ்ய ச ॥ 42 ॥
கோ³ஸஹஸ்ரப்ரதா³த்ருணாம் யா யா கு³ருப்⁴ருதாமபி ।
தே³ஹன்யாஸக்ருதாம் யா ச தாம் க³திம் க³ச்ச² புத்ரக ॥ 43 ॥
ந ஹி த்வஸ்மின்குலே ஜாதோ க³ச்ச²த்யகுஶலாம் க³திம் ।
ஸ து யாஸ்யதி யேன த்வம் நிஹதோ மம பா³ந்த⁴வ: ॥ 44 ॥
ஏவம் ஸ க்ருபணம் தத்ர பர்யதே³வயதாஸக்ருத் ।
ததோஸ்மை கர்துமுத³கம் ப்ரவ்ருத்தஸ்ஸஹபா⁴ர்யயா ॥ 45 ॥
ஸ து தி³வ்யேன ரூபேண முனிபுத்ரஸ்ஸ்வகர்மபி⁴: ।
ஸ்வர்க³மத்⁴யாருஹத்க்ஷிப்ரம் ஶக்ரேண ஸஹ த⁴ர்மவித் ॥ 46 ॥
ஆப³பா⁴ஷே ச வ்ருத்³தௌ⁴ தௌ ஸஹ ஶக்ரேண தாபஸ: ।
ஆஶ்வாஸ்யச முஹூர்தம் து பிதரௌ வாக்யமப்³ரவீத் ॥ 47 ॥
ஸ்தா²னமஸ்மி மஹத்ப்ராப்தோ ப⁴வதோ: பரிசாரணாத் ।
ப⁴வந்தாவபி ச க்ஷிப்ரம் மம மூலமுபைஷ்யத: ॥ 48 ॥
ஏவமுக்த்வா து தி³வ்யேன விமானேன வபுஷ்மதா ।
ஆருரோஹ தி³வம் க்ஷிப்ரம் முனிபுத்ரோ ஜிதேந்த்³ரிய: ॥ 49 ॥
ஸ க்ருத்வா தூத³கம் தூர்ணம் தாபஸ ஸ்ஸஹ பா⁴ர்யயா ।
மாமுவாச மஹாதேஜா: க்ருதாஞ்ஜலிமுபஸ்தி²தம் ॥ 5௦ ॥
அத்³யைவ ஜஹிம் மாம் ராஜன்மரணே நாஸ்தி மே வ்யதா² ।
யச்ச²ரேணைகபுத்ரம் மாம் த்வமகர்ஷீரபுத்ரகம் ॥ 51 ॥
த்வயா து யத³விஜ்ஞானான்னிஹதோ மே ஸுதஶ்ஶுசி: ।
தேன த்வாமபி⁴ஶப்ஸ்யாமி ஸுது³:க²மதிதா³ருணம் ॥ 52 ॥
புத்ரவ்யஸனஜம் து³:க²ம் யதே³தன்மம ஸாம்ப்ரதம் ।
ஏவம் த்வம் புத்ரஶோகேன ராஜன்காலம் கரிஷ்யஸி ॥ 53 ॥
அஜ்ஞானாத்து ஹதோ யஸ்மாத்க்ஷத்ரியேண த்வயா முனி: ।
தஸ்மாத்த்வாம் நாவிஶத்யாஶு ப்³ரஹ்மஹத்யா நராதி⁴ப ॥ 54 ॥
த்வாமப்யேதாத்³ருஶோ பா⁴வ: க்ஷிப்ரமேவ க³மிஷ்யதி ।
ஜீவிதாந்தகரோ கோ⁴ரோ தா³தாரமிவ த³க்ஷிணா ॥ 55 ॥
ஏவம் ஶாபம் மயி ந்யஸ்ய விலப்ய கருணம் ப³ஹு ।
சிதாமாரோப்ய தே³ஹம் தன்மிது²னம் ஸ்வர்க³மப்⁴யயாத் ॥ 56 ॥
ததே³தச்சி²ந்தயானேன ஸ்ம்ருதம் பாபம் மயா ஸ்வயம் ।
ததா³ பா³ல்யாத்க்ருதம் தே³வி ஶப்³த³வேத்⁴யனுஶிக்ஷிணா ॥ 57 ॥
தஸ்யாயம் கர்மணோ தே³வி விபாகஸ்ஸமுபஸ்தி²த: ।
அபத்²யைஸ்ஸஹம்பு⁴க்தே வ்யாதி⁴ரன்னரஸே யதா² ॥ 58 ॥
தஸ்மான்மாமாக³தம் ப⁴த்³ரே தஸ்யோதா³ரஸ்ய தத்³வச: ।
யத³ஹம் புத்ரஶோகேன ஸந்த்யக்ஷ்யாம்யத்³ய ஜீவிதம் ॥ 59 ॥
சக்ஷுப்⁴யாம் த்வாம் ந பஶ்யாமி கௌஸல்யே ஸாது⁴ மாம் ஸ்ப்²ருஶ ।
இத்யுக்த்வா ஸ ருத³ம்ஸ்த்ரஸ்தோ பா⁴ர்யாமாஹ ச பூ⁴மிப: ॥ 6௦ ॥
ஏதன்மே ஸத்³ருஶம் தே³வி யன்மயா ராக⁴வே க்ருதம் ।
ஸத்³ருஶம் தத்து தஸ்யைவ யத³னேன க்ருதம் மயி ॥ 61 ॥
து³ர்வ்ருத்தமபி க: புத்ரம் த்யஜேத்³பு⁴வி விசக்ஷண: ।
கஶ்ச ப்ரவ்ராஜ்யமானோ வா நாஸூயேத்பிதரம் ஸுத: ॥ 62 ॥
யதி³ மாம் ஸம்ஸ்ப்ருஶேத்³ராமஸ்ஸக்ருத³த்³ய லபே⁴த வா ।
யமக்ஷயமனுப்ராப்தா த்³ரக்ஷ்யந்தி ந ஹி மானவா: ॥ 63 ॥
சக்ஷுஷா த்வாம் ந பஶ்யாமி ஸ்ம்ருதிர்மம விலுப்யதே ।
தூ³தா வைவஸ்வதஸ்யைதே கௌஸல்யே த்வரயந்தி மாம் ॥ 64 ॥
அதஸ்து கிம் து³:க²தரம் யத³ஹம் ஜீவிதக்ஷயே ।
ந ஹி பஶ்யாமி த⁴ர்மஜ்ஞம் ராமம் ஸத்யபராக்ரமம் ॥ 65 ॥
தஸ்யாத³ர்ஶனஜஶ்ஶோகஸ்ஸுதஸ்யாப்ரதிகர்மண: ।
உச்சோ²ஷயதி மே ப்ராணான்வாரிஸ்தோகமிவாதப: ॥ 66 ॥
ந தே மனுஷ்யா தே³வாஸ்தே யே சாருஶுப⁴குண்ட³லம் ।
முக²ம் த்³ரக்ஷ்யந்தி ராமஸ்ய வர்ஷே பஞ்சத³ஶே புன: ॥ 67 ॥
பத்³மபத்ரேக்ஷணம் ஸுப்⁴ரு ஸுத³ம்ஷ்ட்ரம் சாருனாஸிகம் ।
த⁴ன்யா த்³ரக்ஷ்யந்தி ராமஸ்ய தாராதி⁴பனிப⁴ம் முக²ம் ॥ 68 ॥
ஸத்³ருஶம் ஶாரத³ஸ்யேந்தோ³: புல்லஸ்ய கமலஸ்ய ச ।
ஸுக³ந்தி⁴ மம நாத²ஸ்ய த⁴ன்யா த்³ரக்ஷ்யந்தி தன்முக²ம் ॥ 69 ॥
நிவ்ருத்தவனவாஸம் தமயோத்⁴யாம் புனராக³தம் ।
த்³ரக்ஷ்யந்தி ஸுகி²னோ ராமம் ஶுக்ரம் மார்க³க³தம் யதா² ॥ 7௦ ॥
கௌஸல்யே சித்தமோஹேன ஹ்ருத³யம் ஸீத³தீவ மே ।
வேத³யே ந ச ஸம்யுக்தான் ஶப்³த³ஸ்பர்ஶரஸானஹம் ॥ 71 ॥
சித்தனாஶாத்³விபத்³யந்தே ஸர்வாண்யேந்த்³ரியாணி மே ।
க்ஷீணஸ்னேஹஸ்ய தீ³பஸ்ய ஸம்ஸக்தா ரஶ்மயோ யதா² ॥ 72 ॥
அயமாத்மப⁴வஶ்ஶோகோ மாமனாத²மசேதனம் ।
ஸம்ஸாத³யதி வேகே³ன யதா² கூலம் நதீ³ரய: ॥ 73 ॥
ஹா ராக⁴வ மஹாபா³ஹோ ஹா மமாயாஸனாஶன ।
ஹா பித்ருப்ரிய மே நாத² ஹாத்³ய க்வாஸி க³தஸ்ஸுத ॥ 74 ॥
ஹா கௌஸல்யே நஶிஷ்யாமி ஹா ஸுமித்ரே தபஸ்வினி ।
ஹா ந்ருஶம்ஸே மமாமித்ரே கைகேயி குலபாம்ஸனி ॥ 75 ॥
இதி ராமஸ்ய மாதுஶ்ச ஸுமித்ராயாஶ்ச ஸன்னிதௌ⁴ ।
ராஜா த³ஶரத² ஶ்ஶோசஞ்ஜீவிதாந்தமுபாக³மத் ॥ 76 ॥
யதா³ து தீ³னம் கத²யன்னராதி⁴ப: ப்ரியஸ்ய புத்த்ரஸ்ய விவாஸனாதுர: ।
க³தேர்த⁴ராத்ரே ப்⁴ருஶது³:க²பீடி³தஸ்ததா³ ஜஹௌ ப்ராணமுதா³ரத³ர்ஶன: ॥ 77 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ சது:ஷஷ்டிதமஸ்ஸர்க:³ ॥
