ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² சத்வாரிம்ஶஸ்ஸர்க:³ ।
அத² ராஜா ஸம்ருத்³தா⁴ர்த²ஸ்ஸுக்³ரீவ: ப்லவகே³ஶ்வர: ।
உவாச நரஶார்தூ³லம் ராமம் பரப³லார்த³னம் ॥ 1 ॥
ஆக³தா வினிவிஷ்டாஶ்ச ப³லின: காமரூபிண: ।
வானரா வாரணேந்த்³ரபா⁴: யே மத்³விஷயவாஸின: ॥ 2 ॥
த இமே ப³ஹுவிக்ராந்தைர்ஹரிபி⁴ர்பீ⁴மவிக்ரமை: ।
ஆக³தா வானரா கோ⁴ரா தை³த்யதா³னவஸன்னிபா⁴: ॥ 3 ॥
க்²யாதகர்மாபதா³னாஶ்ச ப³லவந்தோ ஜிதக்லமா: ।
பராக்ரமேஷு விக்²யாதா வ்யவஸாயேஷு சோத்தமா: ॥ 4 ॥
ப்ருதி²வ்யம்பு³சரா ராம நானானக³னிவாஸின: ।
கோட்யக்³ரஶ இமே ப்ராப்தா வானராஸ்தவ கிங்கரா: ॥ 5 ॥
நிதே³ஶவர்தினஸ்ஸர்வே ஸர்வே கு³ருஹிதே ரதா: ।
அபி⁴ப்ரேதமனுஷ்டா²தும் தவ ஶக்ஷ்யந்த்யரிந்த³ம ॥ 6 ॥
த இமே ப³ஹுஸாஹஸ்ரைரனீகை பீ⁴மவிக்ரமை: ।
ஆக³தா வானரா கோ⁴ரா தை³த்யதா³னவஸன்னிபா⁴: ॥ 7 ॥
யன்மன்யஸே நரவ்யாக்⁴ர ப்ராப்தகாலம் தது³ச்யதாம் ।
தத்ஸைன்யம் த்வத்³வஶே யுக்தமாஜ்ஞாபயிதுமர்ஹஸி ॥ 8 ॥
காமமேஷாமித³ம் கார்யம் விதி³தம் மம தத்த்வத: ।
ததா²பி து யதா²தத்த்வமாஜ்ஞாபயிதுமர்ஹஸி ॥ 9 ॥
இதி ப்³ருவாணம் ஸுக்³ரீவம் ராமோ த³ஶரதா²த்மஜ: ।
பா³ஹுப்⁴யாம் ஸம்பரிஷ்வஜ்ய இத³ம் வசனமப்³ரவீத் ॥ 1௦ ॥
ஜ்ஞாயதாம் மம வைதே³ஹீ யதி³ ஜீவதி வா ந வா ।
ஸ ச தே³ஶோ மஹாப்ராஜ்ஞ யஸ்மின்வஸதி ராவண: ॥ 11 ॥
அதி⁴க³ம்ய து வைதே³ஹீம் நிலயம் ராவணஸ்ய ச ।
ப்ராப்தகாலம் விதா⁴ஸ்யாமி தஸ்மின்காலே ஸஹ த்வயா ॥ 12 ॥
நாஹமஸ்மின் ப்ரபு⁴: கார்யே வானரேஶ ந லக்ஷ்மண: ।
த்வமஸ்ய ஹேது: கார்யஸ்ய ப்ரபு⁴ஶ்ச ப்லவகே³ஶ்வர ॥ 13 ॥
த்வமேவாஜ்ஞாபய விபோ⁴ மம கார்யவினிஶ்சயம் ।
த்வம் ஹி ஜானாஸி யத்கார்யம் மம வீர ந ஸம்ஶய: ॥ 14 ॥
ஸுஹ்ருத்³விதீயோ விக்ராந்த: ப்ராஜ்ஞ: காலவிஶேஷவித் ।
ப⁴வானஸ்மத்⁴தி³தே யுக்த ஸ்ஸுக்ருதார்தோ²ர்த²வித்தம: ॥ 15 ॥
ஏவமுக்தஸ்து ஸுக்³ரீவோ வினதம் நாம யூத²பம் ।
அப்³ரவீத்³ராமஸான்னித்⁴யே லக்ஷ்மணஸ்ய ச தீ⁴மத: ॥ 16 ॥
ஶைலாப⁴ம் மேக⁴னிர்கோ⁴ஷமூர்ஜிதம் ப்லவகே³ஶ்வர: ।
ஸோமஸூர்யாத்மஜை ஸ்ஸார்த⁴ம் வானரைர்வானரோத்தம ॥ 17 ॥
தே³ஶகாலனயைர்யுக்த: கார்யா கார்யவினிஶ்சயே ।
வ்ருதஶ்ஶதஸஹஶ்ரேண வானராணாம் தரஸ்வினாம் ॥ 18 ॥
அதி⁴க³ச்ச² தி³ஶம் பூர்வாம் ஸஶைலவனகானநாம் ।
தத்ர ஸீதாம் ச வைதே³ஹீம் நிலயம் ராவணஸ்ய ச ॥ 19 ॥
மார்க³த்⁴வம் கி³ரிஶ்ருங்கே³ஷு வனேஷு ச நதீ³ஷு ச ।
நதீ³ம் பா⁴கீ³ரதீ²ம் ரம்யாம் ஸரயூம் கௌஶிகீம் ததா² ॥ 2௦ ॥
காலிந்தீ³ம் யமுனாம் ரம்யாம் யாமுனம் ச மஹாகி³ரிம் ।
ஸரஸ்வதீம் ச ஸிந்து⁴ம் ச ஶோணம் மணினிபோ⁴த³கம் ॥ 21 ॥
மஹீம் காலமஹீம் சைவ ஶைலகானநஶோபி⁴தாம் ।
ப்³ரஹ்மமாலான்விதே³ஹாம்ஶ்ச மாலவான்காலிகோஸலான் ॥ 22 ॥
மாக³தா⁴ம்ஶ்ச மஹாக்³ராமான்புண்ட்³ராம்ன்வங்கா³ம் ஸ்ததை²வ ச ।
பத்தனம் கோஶகாராணாம் பூ⁴மிம் ச ரஜதாகராம் ॥ 23 ॥
ஸர்வமேதத்³விசேதவ்யம் ம்ருக³யத்³பி⁴ஸ்ததஸ்தத: ।
ராமஸ்ய த³யிதாம் பா⁴ர்யாம் ஸீதாம் த³ஶரத²ஸ்னுஷாம் ॥ 24 ॥
ஸமுத்³ரமவகா³டா⁴ம்ஶ்ச பர்வதான்பத்தனானி ச ।
மந்த³ரஸ்ய ச யே கோடிம் ஸம்ஶ்ரிதா: கேசிதா³யதாம் ॥ 25 ॥
கர்ணப்ராவரணாஶ்சைவ ததா² சாப்யோஷ்ட²கர்ணகா: ।
கோ⁴ரலோஹமுகா²ஶ்சைவ ஜவனாஶ்சைகபாத³கா: ॥ 26 ॥
அக்ஷயா ப³லவந்தஶ்ச புருஷா: புருஷாத³கா: ।
கிராதா: கர்ண சூடா³ஶ்ச ஹேமாங்கா³: ப்ரியத³ர்ஶனா: ॥ 27 ॥
ஆமமீனாஶனாஸ்தத்ர கிராதா த்³வீபவாஸின: ।
அந்தர்ஜலசரா கோ⁴ரா நரவ்யாக்⁴ரா இதி ஶ்ருதா: ॥ 28 ॥
ஏதேஷாமாஶ்ரயாஸ்ஸர்வே விசேயா: காவனௌகஸ: ।
கி³ரிபி⁴ர்யே ச க³ம்யந்தே ப்லவனேன ப்லவேன ச ॥ 29 ॥
ரத்னவந்தம் யவத்³வீபம் ஸப்தராஜ்யோபஶோபி⁴தம் ।
ஸுவர்ணரூப்யகம் சைவ ஸுவர்ணாகரமண்டி³தம் ॥ 3௦ ॥
யவத்³வீபமதிக்ரம்ய ஶிஶிரோ நாம பர்வத: ।
தி³வம் ஸ்ப்ருஶதி ஶ்ருங்கே³ண தே³வதா³னவஸேவித: ॥ 31 ॥
ஏதேஷாம் கி³ரிது³ர்கே³ஷு ப்ரபாதேஷு வனேஷு ச ।
மார்க³த்⁴வம் ஸஹிதாஸ்ஸர்வே ராமபத்னீம் யஶஸ்வினீம் ॥ 32 ॥
ததோ ரக்தஜலம் ஶோணமகா³த⁴ம் ஶீக்⁴ரகா³மினம் ।
க³த்வா பாரம் ஸமுத்³ரஸ்ய ஸித்³த⁴சாரணஸேவிதம் ॥ 33 ॥
தஸ்ய தீர்தே²ஷு ரம்யேஷு விசித்ரேஷு வனேஷு ச ।
ராவண ஸ்ஸஹ வைதே³ஹ்யா மார்கி³தவ்யஸ்ததஸ்தத: ॥ 34 ॥
தத ஸ்ஸமுத்³ரத்³வீபாம்ஶ்ச ஸுபீ⁴மாந்த்³ரஷ்டுமர்ஹத² ।
ஊர்மிமந்தம் ஸமுத்³ரம் ச க்ரோஶந்தமனிலோத்³த⁴தம் ॥ 35 ॥
தத்ராஸுரா மஹாகாயாஶ்சா²யாம் க்³ருஹ்ணந்தி நித்யஶ: ।
ப்³ரஹ்மணா ஸமனுஜ்ஞாதா தீ³ர்க⁴காலம் பு³பு⁴க்ஷிதா: ॥ 36 ॥
தம் காலமேக⁴ப்ரதிமம் மஹோரக³னிஷேவிதம் ।
அபி⁴க³ம்ய மஹானாத³ம் தீர்தே²னைவ மஹோத³தி⁴ம் ॥ 37 ॥
ததோ ரக்தஜலம் பீ⁴மம் லோஹிதம் நாம ஸாக³ரம் ।
க³த்வா ப்ரேக்ஷ்யத² தாம் சைவ ப்³ருஹதீம் கூடஶால்மலீம் ॥ 38 ॥
க்³ருஹம் ச வைனதேயஸ்ய நானாரத்னவிபூ⁴ஷிதம் ।
தத்ர கைலாஸஸங்காஶம் விஹிதம் விஶ்வகர்மணா ॥ 39 ॥
தத்ர ஶைலனிபா⁴ பீ⁴மா மந்தே³ஹா நாம ராக்ஷஸா: ।
ஶைலஶ்ருங்கே³ஷு லம்ப³ந்தே நானாரூபா ப⁴யாவஹா: ॥ 4௦ ॥
தே பதந்தி ஜலே நித்யம் ஸூர்யஸ்யோத³யனம் ப்ரதி ।
நிஹதா ப்³ரஹ்மதேஜோபி⁴ரஹன்யஹனி ராக்ஷஸா: ॥ 41 ॥
அபி⁴தப்தாஶ்ச ஸூர்யேண லம்ப³ந்தே ஸ்ம புன: புன: ।
தத: பாண்டு³ரமேகா⁴ப⁴ம் க்ஷீரோத³ம் நாம ஸாக³ரம் ॥ 42 ॥
க³த்வா த்³ரக்ஷ்யத² து³ர்த⁴ர்ஷா முக்தாஹாரமிவோர்மிபி⁴: ।
தஸ்ய மத்⁴யே மஹான் ஶ்வேதோ ருஷபோ⁴ நாம பர்வத: ॥ 43 ॥
தி³வ்யக³ந்தை⁴: குஸுமிதை ராஜிதைஶ்ச நகை³ர்வ்ருத: ।
ஸரஶ்ச ராஜதை: பத்³மைர்ஜ்வலிதைர்ஹேமகேஸரை: ॥ 44 ॥
நாம்னா ஸுத³ர்ஶனம் நாம ராஜஹம்ஸைஸ்ஸமாகுலம் ।
விபு³தா⁴ஶ்சாரணா யக்ஷா: கின்னராஶ்சாப்ஸரோக³ணா: ॥ 45 ॥
ஹ்ருஷ்டாஸ்ஸமபி⁴க³ச்ச²ந்தி நலினீம் தாம் ரிரம்ஸவ: ।
க்ஷீரோத³ம் ஸமதிக்ரம்ய ததா³ த்³ரக்ஷ்யத² வானரா: ॥ 46 ॥
ஜலோத³ம் ஸாக³ரம் ஶீக்⁴ரம் ஸர்வபூ⁴தப⁴யாவஹம் ।
தத்ர தத்கோபஜம் தேஜ: க்ருதம் ஹயமுக²ம் மஹத் ॥ 47 ॥
அஸ்யாஹுஸ்தன்மஹாவேக³மோத³னம் ஸசராசரம் ।
தத்ர விக்ரோஶதாம் நாதோ³ பூ⁴தானாம் ஸாக³ரௌகஸாம் ॥ 48 ॥
ஶ்ரூயதே ச ஸமர்தா²னாம் த்³ருஷ்ட்வா தத்³ப³ட³பா³முக²ம் ।
ஸ்வாதூ³த³ஸ்யோத்தரே தே³ஶே யோஜனானி த்ரயோத³ஶ ॥ 49 ॥
ஜாதரூபஶிலோ நாம மஹான்கனகபர்வத: ।
தத்ர சந்த்³ரப்ரதீகாஶம் பன்னக³ம் த⁴ரணீத⁴ரம் ॥ 5௦ ॥
பத்³மபத்ரவிஶாலாக்ஷம் ததோ த்³ரக்ஷ்யத² வானரா: ।
ஆஸீனம் பர்வதஸ்யாக்³ரே ஸர்வபூ⁴தனமஸ்க்ருதம் ॥ 51 ॥
ஸஹஸ்ரஶிரஸம் தே³வமனந்தம் நீலவாஸஸம் ।
த்ரிஶிரா: காஞ்சன: கேதுஸ்தாலஸ்தஸ்ய மஹாத்மன: ॥ 52 ॥
ஸ்தா²பித: பர்வதஸ்யாக்³ரே விராஜதி ஸவேதி³க: ।
பூர்வஸ்யாம் தி³ஶி நிர்மாணம் க்ருதம் தத் த்ரித³ஶேஶ்வரை: ॥ 53 ॥
தத: பரம் ஹேமமய ஶ்ஶ்ரீமானுத³யபர்வத: ।
தஸ்ய கோடிர்தி³வம் ஸ்ப்ருஷ்ட்வா ஶதயோஜனமாயதா ॥ 54 ॥
ஜாதரூபமயீ தி³வ்யா விராஜதி ஸவேதி³கா ।
ஸாலைஸ்தாலைஸ்தமாலைஶ்ச கர்ணிகாரைஶ்ச புஷ்பிதை: ॥ 55 ॥
ஜாதரூபமயைர்தி³வ்யை ஶ்ஶோப⁴தே ஸூர்யஸன்னிபை⁴: ।
தத்ர யோஜனவிஸ்தாரமுச்ச்²ரிதம் த³ஶயோஜனம் ॥ 56 ॥
ஶ்ருங்க³ம் ஸௌமனஸம் நாம ஜாதரூபமயம் த்⁴ருவம் ।
தத்ரபூர்வம் பத³ம் க்ருத்வா புரா விஷ்ணுஸ்த்ரிவிக்ரமே ॥ 57 ॥
த்³விதீயம் ஶிக²ரே மேரோஶ்சகார புருஷோத்தம: ।
த்தரேண பரிக்ரம்ய ஜம்பூ³த்³வீபம் தி³வாகர: ॥ 58 ॥
த்³ருஶ்யோ ப⁴வதி பூ⁴யிஷ்ட²ம் ஶிக²ரம் தன்மஹோச்ச்²ரயம் ।
தத்ர வைகா²னஸா நாம வாலகி²ல்யா மஹர்ஷய: ॥ 59 ॥
ப்ரகாஶமானா த்³ருஶ்யந்தே ஸூர்யவர்ணாஸ்தபஸ்வின: ।
அயம் ஸுத³ர்ஶனோ த்³வீப: புரோ யஸ்ய ப்ரகாஶதே ॥ 6௦ ॥
யஸ்மிம் ஸ்தேஜஶ்ச சக்ஷுஶ்ச ஸர்வப்ராணப்⁴ருதாமபி ।
ஶைலஸ்ய தஸ்ய ஶ்ருங்கே³ஷு கந்த³ரேஷு வனேஷு ச ॥ 61 ॥
ராவணஸ்ஸஹ வைதே³ஹ்யா மார்கி³தவ்யஸ்ததஸ்தத: ।
காஞ்சனஸ்ய ச ஶைலஸ்ய ஸூர்யஸ்ய ச மஹாத்மன: ॥ 62 ॥
ஆவிஷ்டா தேஜஸா ஸந்த்⁴யா பூர்வா ரக்தா ப்ரகாஶதே ।
பூர்வமேதத்க்ருதம் த்³வாரம் ப்ருதி²வ்யா பு⁴வனஸ்ய ச ॥ 63 ॥
ஸூர்யஸ்யோத³யனம் சைவ பர்வா ஹ்யேஷா தி³கு³ச்யதே ।
தஸ்ய ஶைலஸ்ய ப்ருஷ்டே²ஷு நிர்ஜ²ரேஷு கு³ஹாஸு ச ॥ 64 ॥
ராவண ஸ்ஸஹ வைதே³ஹ்யா மார்கி³தவ்யஸ்ததஸ்தத: ।
தத: பரமக³ம்யா ஸ்யாத்³தி³க்பூர்வா த்ரித³ஶாவ்ருதா ॥ 65 ॥
ரஹிதா சந்த்³ரஸூர்யாப்⁴யாமத்³ருஶ்யா திமிராவ்ருதா ।
ஶைலேஷு தேஷு ஸர்வேஷு கந்த³ரேஷு வனேஷு ச ॥ 66 ॥
யே ச நோக்தா மயா தே³ஶா விசேயா தேஷு ஜானகீ ।
ஏதாவத்³வானரைஶ்ஶக்யம் க³ந்தும் வானரபுங்க³வா: ॥ 67 ॥
அபா⁴ஸ்கரமமர்யாத³ம் ந ஜானீமஸ்தத: பரம் ।
அதி⁴க³ம்ய து வைதே³ஹீம் நிலயம் ராவணஸ்ய ச ॥ 68 ॥
மாஸே பூர்ணே நிவர்தத்⁴வமுத³யம் ப்ராப்ய பர்வதம் ।
ஊர்த்⁴வம் மாஸான்ன வஸ்தவ்யம் வஸன்வத்⁴யோ ப⁴வேன்மம ॥ 69 ॥
ஸித்³தா⁴ர்தா²ஸ்ஸன்னிவர்தத்⁴வமதி⁴க³ம்ய து மைதி²லீம் ।
மஹேந்த்³ரகாந்தாம் வனஷண்ட³மண்டி³தாம் தி³ஶம் சரித்வா நிபுணேன வானரா: ।
அவாப்ய ஸீதாம் ரகு⁴வம்ஶஜப்ரியாம் ததோ நிவ்ருத்தாஸ்ஸுகி²னோ ப⁴விஷ்யத² ॥ 7௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ சத்வாரிம்ஶஸ்ஸர்க:³ ॥
