ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஷட்ஷஷ்டிதமஸ்ஸர்க:³ ।
அனேகஶதஸாஹஸ்ரீம் விஷண்ணாம் ஹரிவாஹினீம் ।
ஜாம்ப³வான்ஸமுதீ³க்ஷ்யைவம் ஹனூமந்தமதா²ப்³ரவீத் ॥ 1 ॥
வீர வானரலோகஸ்ய ஸர்வஶாஸ்த்ரவிதா³ம் வர ।
தூஷ்ணீமேகாந்தமாஶ்ரித்ய ஹனூமன்கிம் ந ஜல்பஸி ॥ 2 ॥
ஹனூமன்ஹரிராஜஸ்ய ஸுக்³ரீவஸ்ய ஸமோ ஹ்யஸி ।
ராமலக்ஷ்மணயோஶ்சாபி தேஜஸா ச ப³லேன ச ॥ 3 ॥
அரிஷ்டனேமின: புத்ரோ வைனதேயோ மஹாப³ல: ।
க³ருத்மானிதி விக்²யாத உத்தமஸ்ஸர்வபக்ஷிணாம் ॥ 4 ॥
ப³ஹுஶோ ஹி மயா த்³ருஷ்ட: ஸாக³ரே ஸ மஹாப³ல: ।
பு⁴ஜங்கா³னுத்³த⁴ரன்பக்ஷீ மஹாவேகோ³ மஹாயஶா: ॥ 5 ॥
பக்ஷயோர்யத்³ப³லம் தஸ்ய தாவத்³பு⁴ஜப³லம் தவ ।
விக்ரமஶ்சாபி வேக³ஶ்ச ந தே தேனாவஹீயதே ॥ 6 ॥
ப³லம் பு³த்³தி⁴ஶ்ச தேஜஶ்ச ஸத்த்வம் ச ஹரிபுங்க³வ ।
விஶிஷ்டம் ஸர்வபூ⁴தேஷு கிமாத்மானம் ந பு³த்⁴யஸே ॥ 7 ॥
அப்ஸராப்ஸரஸாம் ஶ்ரேஷ்டா² விக்²யாதா புஞ்ஜிகஸ்த²லா ।
அஞ்ஜனேதி பரிக்²யாதா பத்னீ கேஸரிணோ ஹரே: ॥ 8 ॥
விக்²யாதா த்ரிஷு லோகேஷு ரூபேணாப்ரதிமா பு⁴வி ।
அபி⁴ஶாபாத³பூ⁴த்தாத வானரீ காமரூபிணீ ॥ 9 ॥
து³ஹிதா வானரேந்த்³ரஸ்ய குஞ்ஜரஸ்ய மஹாத்மன: ।
மானுஷம் விக்³ரஹம் க்ருத்வா ரூபயௌவனஶாலினீ ॥ 1௦ ॥
விசித்ரமால்யாப⁴ரணா மஹார்ஹக்ஷௌமவாஸினீ ।
அசரத்பர்வதஸ்யாக்³ரே ப்ராவ்ருட³ம்பு³த³ஸன்னிபே⁴ ॥ 11 ॥
தஸ்யா வஸ்த்ரம் விஶாலாக்ஷ்யா: பீதம் ரக்தத³ஶம் ஶுப⁴ம் ।
ஸ்தி²தாயா: பர்வதஸ்யாக்³ரே மாருதோபஹரச்ச²னை: ॥ 12 ॥
ஸ த³த³ர்ஶ ததஸ்தஸ்யா வ்ருத்தாவூரூ ஸுஸம்ஹதௌ ।
ஸ்தனௌ ச பீனௌ ஸஹிதௌ ஸுஜாதம் சாரு சானநம் ॥ 13 ॥
தாம் விஶாலாயதஶ்ரோணீம் தனுமத்⁴யாம் யஶஸ்வினீம் ।
த்³ருஷ்டவைவ ஶுப⁴ஸர்வாங்கீ³ம் பவன: காமமோஹித: ॥ 14 ॥
ஸ தாம் பு⁴ஜாப்⁴யாம் தீ³ர்கா⁴ப்⁴யாம் பர்யஷ்வஜத மாருத: ।
மன்மதா²விஷ்டஸர்வாங்கோ³ க³தாத்மா தாமனிந்தி³தாம் ॥ 15 ॥
ஸா து தத்ரைவ ஸம்ப்⁴ராந்தா ஸுவ்ரதா வாக்யமப்³ரவீத் ।
ஏகபத்னீவ்ரதமித³ம் கோ நாஶயிதுமிச்ச²தி ॥ 16 ॥
அஞ்ஜனாயா வச்ஶுத்வா மாருத: ப்ரத்யபா⁴ஷத ।
ந த்வாம் ஹிம்ஸாமி ஸுஶ்ரோணி மா பூ⁴த்தே ஸுப⁴கே³ ப⁴யம் ॥ 17 ॥
மனஸாஸ்மி க³தோ யத்த்வாம் பரிஷ்வஜ்ய யஶஸ்வினீம் ।
வீர்யவான்பு³த்³தி⁴ஸம்பன்ன: புத்ரஸ்தவ ப⁴விஷ்யதி ॥ 18 ॥
மஹாஸத்த்வோ மஹாதேஜா மஹாப³லபராக்ரம: ।
லங்க⁴னே ப்லவனே சைவ ப⁴விஷ்யதி ஹி மத்ஸம: ॥ 19 ॥
ஏவமுக்தா ததஸ்துஷ்டா ஜனநீ தே மஹாகபே ।
கு³ஹாயாம் த்வாம் மஹாபா³ஹோ ப்ரஜஜ்ஞே ப்லவக³ர்ஷப⁴ம் ॥ 2௦ ॥
அப்⁴யுத்தி²தம் ததஸ்ஸூர்யம் பா³லோ த்³ருஷ்ட்வா மஹாவனே ।
ப²லம் சேதி ஜிக்⁴ருக்ஷுஸ்த்வமுத்ப்லுத்யாப்⁴யுத்³க³தோ தி³வம் ॥ 21 ॥
ஶதானி த்ரீணி க³த்வாத² யோஜனானாம் மஹாகபே ।
தேஜஸா தஸ்ய நிர்தூ⁴தோ ந விஷாத³ம் ததோக³த: ॥ 22 ॥
தாவதா³பபத ஸ்தூர்ணமந்தரிக்ஷம் மஹாகபே ।
க்ஷிப்தமிந்த்³ரேண தே வஜ்ரம் கோபாவிஷ்டேன தீ⁴மதா ॥ 23 ॥
ததா³ ஶைலாக்³ரஶிக²ரே வாமோ ஹனுரபஜ⁴்யத ।
ததோ ஹி நாமதே⁴யம் தே ஹனுமானிதி கீர்த்யதே ॥ 24 ॥
தஸ்த்வாவி நிஹதம் த்³ருஷ்ட்வா வாயுர்க³ந்த⁴வஹஸ்ஸ்வயம் ।
த்ரைலோக்யே ப்⁴ருஶஸங்க்ருத்³தோ⁴ ந வவௌ வை ப்ரப⁴ஞ்ஜன: ॥ 25 ॥
ஸம்ப்⁴ராந்தாஶ்ச ஸூராஸ்ஸர்வே த்ரைலோக்யே க்ஷுபி⁴தே ஸதி ।
ப்ரஸாத³யந்தி ஸங்க்ருத்³த⁴ம் மாருதம் பு⁴வனேஶ்வரா: ॥ 26 ॥
ப்ரஸாதி³தே ச பவனே ப்³ரஹ்மா துப்⁴யம் வரம் த³தௌ³ ।
அஶஸ்த்ரவத்⁴யதாம் தாத ஸமரே ஸத்யவிக்ரம ॥ 27 ॥
வஜ்ரஸ்ய ச நிபாதேன விருஜம் த்வாம் ஸமீக்ஷ்ய ச ।
ஸஹஸ்ரனேத்ர: ப்ரீதாத்மா த³தௌ³ தே வரமுத்தமம் ॥ 28 ॥
ஸ்வச்ச²ந்த³தஶ்ச மரணம் தேபூ⁴யாதி³தி வை ப்ரபோ⁴ ।
ஸ த்வம் கேஸரிண: புத்ர: க்ஷேத்ரஜோ பீ⁴மவிக்ரம: ॥ 29 ॥
மாருதஸ்யௌரஸ: புத்ரஸ்தேஜஸா சாபி தத்ஸம: ।
த்வம் ஹி வாயுஸுதோ வத்ஸ ப்லவனே சாபி தத்ஸம: ॥ 3௦ ॥
வயமத்³ய க³தப்ராணா ப⁴வான்னஸ்த்ராது ஸாம்ப்ரதம் ।
தா³க்ஷ்யவிக்ரமஸம்பன்ன: கபிராஜ இவாபர: ॥ 31 ॥
த்ரிவிக்ரமே மயா தாத ஸஶைலவனகானநா ।
த்ரிஸ்ஸப்தக்ருத்வ: ப்ருதி²வீ பரிக்ராந்தா ப்ரத³க்ஷிணம் ॥ 32 ॥
ததா² சௌஷத⁴யோஸ்மாபி⁴ஸ்ஸஞ்சிதா தே³வஶாஸனாத் ।
நிஷ்பன்னமம்ருதம் யாபி⁴ஸ்ததா³ஸீன்னோ மஹத்³ப³லம் ॥ 33 ॥
ஸ இதா³னீமஹம் வ்ருத்³த:⁴ பரிஹீனபராக்ரம: ।
ஸாம்ப்ரதம் காலமஸ்மாகம் ப⁴வான்ஸர்வகு³ணான்வித: ॥ 34 ॥
தத்³விஜ்ரும்ப⁴ஸ்வ விக்ராந்த: ப்லவதாமுத்தமோ ஹ்யஸி ।
த்வத்³வீர்யம் த்³ரஷ்டுகாமா ஹி ஸர்வா வானரவாஹினீ ॥ 35 ॥
உத்திஷ்ட² ஹரிஶார்தூ³ல லங்க⁴யஸ்வ மஹார்ணவம் ।
பரா ஹி ஸர்வபூ⁴தானாம் ஹனுமன்யா க³திஸ்தவ ॥ 36 ॥
விஷண்ணா ஹரயஸ்ஸர்வே ஹனுமன்கிமுபேக்ஷஸே ।
விக்ரமஸ்வ மஹாவேகோ³ விஷ்ணுஸ்த்ரீன்விக்ரமானிவ ॥ 37 ॥
ததஸ்து வை ஜாம்ப³வதா ப்ரசோதி³த: ப்ரதீதவேக:³ பவனாத்மஜ: கபி: ।
ப்ரஹர்ஷயம்ஸ்தாம் ஹரிவீரவாஹினீம் சகார ரூபம் மஹதா³த்மனஸ்ததா³ ॥ 38 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஷட்ஷஷ்டிதமஸ்ஸர்க:³ ॥
