ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² த்³விதீயஸ்ஸர்க:³ ।
தௌ து த்³ருஷ்ட்வா மஹாத்மானௌ ப்⁴ராதரௌ ராமலக்ஷ்மணௌ ।
வராயுத⁴த⁴ரௌ வீரௌ ஸுக்³ரீவஶ்ஶங்கிதோப⁴வத் ॥ 1 ॥
உத்³விக்³னஹ்ருத³யஸ்ஸர்வா தி³ஶஸ்ஸமவலோகயன் ।
ந வ்யதிஷ்ட²த கஸ்மிம்ஶ்சித்³தே³ஶே வானரபுங்க³வ: ॥ 2 ॥
நைவ சக்ரே மன: ஸ்தா²தும் வீக்ஷமாணோ மஹாப³லௌ ।
கபே: பரமபீ⁴தஸ்ய சித்தம் வ்யவஸஸாத³ ஹ ॥ 3 ॥
சிந்தயித்வா ஸ த⁴ர்மாத்மா விம்ருஶ்ய கு³ருலாக⁴வம் ।
ஸுக்³ரீவ: பரமோத்³விக்³னஸ்ஸர்வைரனுசரைஸ்ஸஹ ॥ 4 ॥
ததஸ்ஸ ஸசிவேப்⁴யஸ்து ஸுக்³ரீவ: ப்லவகா³தி⁴ப: ।
ஶஶம்ஸ பரமோத்³விக்³ன: பஶ்யம்ஸ்தௌ ராமலக்ஷ்மணௌ ॥ 5 ॥
ஏதௌ வனமித³ம் து³ர்க³ம் வாலிப்ரணிஹிதௌ த்⁴ருவம் ।
ச²த்³மனா சீரவஸனௌ ப்ரசரந்தாவிஹாக³தௌ ॥ 6 ॥
ததஸ்ஸுக்³ரீவஸசிவா த்³ருஷ்ட்வா பரமத⁴ன்வினௌ ।
ஜக்³முர்கி³ரிதடாத்தஸ்மாத³ன்யச்சி²க²ரமுத்தமம் ॥ 7 ॥
தே க்ஷிப்ரமதி⁴க³ம்யாத² யூத²பா யூத²பர்ஷப⁴ம் ।
ஹரயோ வானரஶ்ரேஷ்ட²ம் பரிவார்யோபதஸ்தி²ரே ॥ 8 ॥
ஏகமேகாயனக³தா: ப்லவமானா கி³ரேர்கி³ரிம் ।
ப்ரகம்பயந்தோ வேகே³ன கி³ரீணாம் ஶிக²ராண்யபி ॥ 9 ॥
ததஶ்ஶாகா²ம்ருகா³ஸ்ஸர்வே ப்லவமானா மஹாப³லா: ।
ப³ப⁴ஞ்ஜுஶ்ச நகா³ம்ஸ்தத்ர புஷ்பிதாந்து³ர்க³ஸம்ஶ்ரிதான் ॥ 1௦ ॥
ஆப்லவந்தோ ஹரிவராஸ்ஸர்வதஸ்தம் மஹாகி³ரிம் ।
ம்ருக³மார்ஜாரஶார்தூ³லாம்ஸ்த்ராஸயந்தோ யயுஸ்ததா³ ॥ 11 ॥
ததஸ்ஸுக்³ரீவஸசிவா: பர்வதேந்த்³ரம் ஸமாஶ்ரிதா: ।
ஸங்க³ம்ய கபிமுக்²யேன ஸர்வே ப்ராஞ்ஜலய ஸ்தி²தா: ॥ 12 ॥
ததஸ்தம் ப⁴யஸம்விக்³னம் வாலிகில்பி³ஷஶங்கிதம் ।
உவாச ஹனுமான்வாக்யம் ஸுக்³ரீவம் வாக்யகோவித:³ ॥ 13 ॥
ஸம்ப்⁴ரமஸ்த்யஜ்யதாமேஷ ஸர்வைர்வாலிக்ருதே மஹான் ।
மலயோயம் கி³ரிவரோ ப⁴யம் நேஹாஸ்தி வாலின: ॥ 14 ॥
யஸ்மாது³த்³விக்³னசேதாஸ்த்வம் ப்ரத்³ருதோ ஹரிபுங்க³வ ।
தம் க்ரூரத³ர்ஶனம் க்ரூரம் நேஹ பஶ்யாமி வாலினம் ॥ 15 ॥
யஸ்மாத்தவ ப⁴யம் ஸௌம்ய பூர்வஜாத்பாபகர்மண: ।
ஸ நேஹ வாலீ து³ஷ்டாத்மா ந தே பஶ்யாம்யஹம் ப⁴யம் ॥ 16 ॥
அஹோ ஶாகா²ம்ருக³த்வம் தே வ்யக்தமேவ ப்லவங்க³ம ।
லகு⁴சித்ததயாத்மானம் ந ஸ்தா²பயஸி யோ மதௌ ॥ 17 ॥
பு³த்³தி⁴விஜ்ஞானஸம்பன்ன இங்கி³தைஸ்ஸர்வமாசர ।
ந ஹ்யபு³த்³தி⁴ம் க³தோ ராஜா ஸர்வபூ⁴தானி ஶாஸ்தி ஹி ॥ 18 ॥
ஸுக்³ரீவஸ்து ஶுப⁴ம் வாக்யம் ஶ்ருத்வா ஸர்வம் ஹனூமத: ।
ததஶ்ஶுப⁴தரம் வாக்யம் ஹனூமந்தமுவாச ஹ ॥ 19 ॥
தீ³ர்க⁴பா³ஹூ விஶாலாக்ஷௌ ஶரசாபாஸிதா⁴ரிணௌ ।
கஸ்ய ந ஸ்யாத்³ப⁴யம் த்³ருஷ்ட்வா ஹ்யேதௌ ஸுரஸுதோபமௌ ॥ 2௦ ॥
வாலிப்ரணிஹிதாவேதௌ ஶங்கேஹம் புருஷோத்தமௌ ।
ராஜானோ ப³ஹுமித்ராஶ்ச விஶ்வாஸோ நாத்ர ஹி க்ஷம: ॥ 21 ॥
அரயஶ்ச மனுஷ்யேண விஜ்ஞேயாஶ்ச²த்³மசாரிண: ।
விஶ்வஸ்தானாமவிஶ்வஸ்தாரந்த்⁴ரேஷு ப்ரஹரந்தி ஹி ॥ 22 ॥
க்ருத்யேஷு வாலீ மேதா⁴வீ ராஜானோ ப³ஹுத³ர்ஶின: ।
ப⁴வந்தி பரஹந்தாரஸ்தே ஜ்ஞேயா: ப்ராக்ருதைர்னரை: ॥ 23 ॥
தௌ த்வயா ப்ராக்ருதேனைவ க³த்வா ஜ்ஞேயௌ ப்லவங்க³ம ।
இங்கி³தானாம் ப்ரகாரைஶ்ச ரூபவ்யாபா⁴ஷணேன ச ॥ 24 ॥
லக்ஷயஸ்வ தயோர்பா⁴வம் ப்ரஹ்ருஷ்டமனஸௌ யதி³ ।
விஶ்வாஸயன்ப்ரஶம்ஸாபி⁴ரிங்கி³தைஶ்ச புன: புன: ॥ 25 ॥
மமைவாபி⁴முக²ம் ஸ்தி²த்வா ப்ருச்ச² த்வம் ஹரிபுங்க³வ ।
ப்ரயோஜனம் ப்ரவேஶஸ்ய வனஸ்யாஸ்ய த⁴னுர்த⁴ரௌ ॥ 26 ॥
ஶுத்³தா⁴த்மானௌ யதி³ த்வேதௌ ஜானீஹி த்வம் ப்லவங்க³ம ।
வ்யாபா⁴ஷிதைர்வா விஜ்ஞேயா ஸ்யாத்³து³ஷ்டாது³ஷ்டதா தயோ: ॥ 27 ॥
இத்யேவம் கபிராஜேன ஸந்தி³ஷ்டோ மாருதாத்மஜ: ।
சகார க³மனே பு³த்³தி⁴ம் யத்ர தௌ ராமலக்ஷ்மணௌ ॥ 28 ॥
ததே²தி ஸம்பூஜ்ய வசஸ்து தஸ்ய தத்கபேஸ்ஸுபீ⁴மஸ்ய து³ராஸத³ஸ்ய ச ।
மஹானுபா⁴வோ ஹனுமான்யயௌ ததா³ ஸ யத்ர ராமோதிப³லஶ்ச லக்ஷ்மண: ॥ 29 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ த்³விதீயஸ்ஸர்க:³ ॥
