ஶ்ரீமத்³வால்மீகீய ராமாயணே பா³லகாண்ட³ம் ।
அத² த்³விஸப்ததிதமஸ்ஸர்க:³ ।
தமுக்தவந்தம் வைதே³ஹம் விஶ்வாமித்ரோ மஹாமுனி: ।
உவாச வசனம் வீரம் வஸிஷ்ட²ஸஹிதோ ந்ருபம் ॥ 1 ॥
அசிந்த்யான்யப்ரமேயானி குலானி நரபுங்க³வ ।
இக்ஷ்வாகூணாம் விதே³ஹானாம் நைஷாம் துல்யோஸ்தி கஶ்சன ॥ 2 ॥
ஸத்³ருஶோ த⁴ர்மஸம்ப³ந்த:⁴ ஸத்³ருஶோ ரூபஸம்பதா³ ।
ராமலக்ஷ்மணயோ ராஜன் ஸீதா சோர்மிலயா ஸஹ ॥ 3 ॥
வக்தவ்யம் ச நரஶ்ரேஷ்ட² ஶ்ரூயதாம் வசனம் மம ।
ப்⁴ராதா யவீயான் த⁴ர்மஜ்ஞ ஏஷ ராஜா குஶத்⁴வஜ: ॥ 4 ॥
அஸ்ய த⁴ர்மாத்மனோ ராஜன் ரூபேணாப்ரதிமம் பு⁴வி ।
ஸுதாத்³வயம் நரஶ்ரேஷ்ட² பத்ன்யர்த²ம் வரயாமஹே ॥ 5 ॥
ப⁴ரதஸ்ய குமாரஸ்ய ஶத்ருக்⁴னஸ்ய ச தீ⁴மத: ।
வரயாமஸ்ஸுதே ராஜன் தயோரர்தே² மஹாத்மனோ: ॥ 6 ॥
புத்ரா த³ஶரத²ஸ்யேமே ரூபயௌவனஶாலின: ।
லோகபாலோபமாஸ்ஸர்வே தே³வதுல்யபராக்ரமா: ॥ 7 ॥
உப⁴யோரபி ராஜேந்த்³ர ஸம்ப³ந்தே⁴னானுப³த்⁴யதாம் ।
இக்ஷ்வாகோ: குலமவ்யக்³ரம் ப⁴வத:புண்யகர்மண: ॥ 8 ॥
விஶ்வாமித்ரவச ஶ்ஶ்ருத்வா வஸிஷ்ட²ஸ்ய மதே ததா³ ।
ஜனக: ப்ராஞ்ஜலிர்வாக்யமுவாச முனிபுங்க³வௌ ॥ 9 ॥
குலம் த⁴ன்யமித³ம் மன்யே யேஷாம் நோ முனிபுங்க³வௌ ।
ஸத்³ருஶம் குலஸம்ப³ந்த⁴ம் யதா³ஜ்ஞாபயத:² ஸ்வயம் ॥ 1௦ ॥
ஏவம் ப⁴வது ப⁴த்³ரம் வ: குஶத்⁴வஜஸுதே இமே ।
பத்ன்யௌ பஜ⁴ேதாம் ஸஹிதௌ ஶத்ருக்⁴னப⁴ரதாவுபௌ⁴ ॥ 11 ॥
ஏகாஹ்னா ராஜபுத்ரீணாம் சதஸ்ருணாம் மஹாமுனே ।
பாணீன் க்³ருஹ்ணந்து சத்வாரோ ராஜபுத்ரா மஹாப³லா: ॥ 12 ॥
உத்தரே தி³வஸே ப்³ரஹ்மன் ப²ல்கு³னீப்⁴யாம் மனீஷிண: ।
வைவாஹிகம் ப்ரஶம்ஸந்தி ப⁴கோ³ யத்ர ப்ரஜாபதி: ॥ 13 ॥
ஏவமுக்த்வா வசஸ்ஸௌம்யம் ப்ரத்யுத்தா²ய க்ருதாஞ்ஜலி: ।
உபௌ⁴ முனிவரௌ ராஜா ஜனகோ வாக்யமப்³ரவீத் ॥ 14 ॥
பரோ த⁴ர்ம: க்ருதோ மஹ்யம் ஶிஷ்யோஸ்மிப⁴வதோ ஸதா³ ।
இமான்யாஸனமுக்²யானி ஆஸாதாம் முனிபுங்க³வௌ ॥ 15 ॥
யதா² த³ஶரத²ஸ்யேயம் ததா²யோத்⁴யா புரீ மம ।
ப்ரபு⁴த்வே நாஸ்தி ஸந்தே³ஹோ யதா²ர்ஹம் கர்துமர்ஹத² ॥ 16 ॥
ததா² ப்³ருவதி வைதே³ஹே ஜனகே ரகு⁴னந்த³ன: ।
ராஜா த³ஶரதோ² ஹ்ருஷ்ட: ப்ரத்யுவாச மஹீபதிம் ॥ 17 ॥
யுவாமஸங்க்²யேயகு³ணௌ ப்⁴ராதரௌ மிதி²லேஶ்வரௌ ।
ருஷயோ ராஜஸங்கா⁴ஶ்ச ப⁴வத்³ப்⁴யாமபி⁴பூஜிதா: ॥ 18 ॥
ஸ்வஸ்தி ப்ராப்னுஹி ப⁴த்³ரம் தே க³மிஷ்யாமி ஸ்வமாலயம் ।
ஶ்ராத்³த⁴கர்மாணி ஸர்வாணி விதா⁴ஸ்யாமீதி சாப்³ரவீத் ॥ 19 ॥
தமாப்ருஷ்ட்வா நரபதிம் ராஜா த³ஶரத²ஸ்ததா³ ।
முனீந்த்³ரௌ தௌ புரஸ்க்ருத்ய ஜகா³மாஶு மஹாயஶா: ॥ 2௦ ॥
ஸ க³த்வா நிலயம் ராஜா ஶ்ராத்³த⁴ம் க்ருத்வா விதா⁴னத: ।
ப்ரபா⁴தே கால்யமுத்தா²ய சக்ரே கோ³தா³னமுத்தமம் ॥ 21 ॥
க³வாம் ஶதஸஹஸ்ராணி ப்³ராஹ்மணேப்⁴யோ நராதி⁴ப: ।
ஏகைகஶோ த³தௌ³ ராஜா புத்ரானுத்³தி³ஶ்ய த⁴ர்மத: ॥ 22 ॥
ஸுவர்ணஶ்ருங்கா³ ஸ்ஸம்பன்னா ஸ்ஸவத்ஸா: காம்ஸ்யதோ³ஹனா: ।
க³வாம் ஶதஸஹஸ்ராணி சத்வாரி புருஷர்ஷப:⁴ ॥ 23 ॥
வித்தமன்யச்ச ஸுப³ஹுத்³விஜேப்⁴யோ ரகு⁴னந்த³ன: ।
த³தௌ³ கோ³தா³னமுத்³தி³ஶ்ய புத்ராணாம் புத்ரவத்ஸல: ॥ 24 ॥
ஸ ஸுதை: க்ருதகோ³தா³னைர்வ்ருதஸ்து ந்ருபதிஸ்ததா³ ।
லோகபாலைரிவாபா⁴தி வ்ருத: ஸ்ஸௌம்ய: ப்ரஜாபதி: ॥ 25 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ த்³விஸப்ததிதமஸ்ஸர்க:³ ॥
