ஶ்ரீமத்³வால்மீகீய ராமாயணே பா³லகாண்ட³ம் ।
அத² பஞ்சத்ரிம்ஶஸ்ஸர்க:³ ।
உபாஸ்ய ராத்ரிஶேஷம் து ஶோணாகூலே மஹர்ஷிபி⁴: ।
நிஶாயாம் ஸுப்ரபா⁴தாயாம் விஶ்வாமித்ரோப்⁴யபா⁴ஷத ॥ 1 ॥
ஸுப்ரபா⁴தா நிஶா ராம பூர்வா ஸந்த்⁴யா ப்ரவர்ததே ।
உத்திஷ்டோ²த்திஷ்ட² ப⁴த்³ரம் தே க³மனாயாபி⁴ரோசய ॥ 2 ॥
தச்ச்²ருத்வா வசனம் தஸ்ய க்ருத்வா பௌர்வாஹ்ணிகீம் க்ரியாம் ।
க³மனம் ரோசயாமாஸ வாக்யம் சேத³முவாச ஹ ॥ 3 ॥
அயம் ஶோணஶ்ஶுபஜ⁴லோகா³த:⁴ புலினமண்டி³த: ।
கதரேண பதா² ப்³ரஹ்மன் ஸந்தரிஷ்யாமஹே வயம் ॥ 4 ॥
ஏவமுக்தஸ்து ராமேண விஶ்வாமித்ரோப்³ரவீதி³த³ம் ।
ஏஷ பந்தா² மயோத்³தி³ஷ்டோ யேன யாந்தி மஹர்ஷய: ॥ 5 ॥
ஏவமுக்தா மஹர்ஷயோ விஶ்வாமித்ரேண தீ⁴மதா ।
பஶ்யந்தஸ்தே ப்ரயாதா வை வனானி விவிதா⁴னி ச ॥ 6 ॥
தே க³த்வா தூ³ரமத்⁴வானம் க³தேர்த⁴தி³வஸே ததா³ ।
ஜாஹ்னவீம் ஸரிதாம் ஶ்ரேஷ்டா²ம் த³த்³ருஶுர்முனிஸேவிதாம் ॥ 7 ॥
தாம் த்³ருஷ்ட்வா புண்யஸலிலாம் ஹம்ஸஸாரஸஸேவிதாம் ।
ப³பூ⁴வுர்முதி³தா ஸ்ஸர்வே முனயஸ்ஸஹ ராக⁴வா: ॥ 8 ॥
தஸ்யாஸ்தீரே ததஶ்சக்ருஸ்த ஆவாஸபரிக்³ரஹம் ।
ததஸ்ஸ்னாத்வா யதா²ன்யாயம் ஸந்தர்ப்ய பித்ருதே³வதா: ॥ 9 ॥
ஹுத்வா சைவாக்³னிஹோத்ராணி ப்ராஶ்ய சாம்ருதவத்³த⁴வி: ।
விவிஶுர்ஜாஹ்னவீதீரே ஶுசௌ முதி³தமானஸா: ॥ 1௦ ॥
விஶ்வாமித்ரம் மஹாத்மானம் பரிவார்ய ஸமந்தத: ।
அத² தத்ர ததா³ ராமோ விஶ்வாமித்ரமதா²ப்³ரவீத் ॥ 11 ॥
ப⁴க³வன் ஶ்ரோதுமிச்சா²மி க³ங்கா³ம் த்ரிபத²கா³ம் நதீ³ம் ।
த்ரைலோக்யம் கத²மாக்ரம்ய க³தா நத³னதீ³பதிம் ॥ 12 ॥
சோதி³தோ ராமவாக்யேன விஶ்வாமித்ரோ மஹாமுனி: ।
வ்ருத்³தி⁴ம் ஜன்ம ச க³ங்கா³யா வக்துமேவோபசக்ரமே ॥ 13 ॥
ஶைலேந்த்³ரோ ஹிமவான்னாம தா⁴தூனாமாகரோ மஹான் ।
தஸ்ய கன்யாத்³வயம் ராம ரூபேணாப்ரதிமம் பு⁴வி ॥ 14 ॥
யா மேருது³ஹிதா ராம தயோர்மாதா ஸுமத்⁴யமா ।
நாம்னா மனோரமா நாம பத்னீ ஹிமவத: ப்ரியா ॥ 15 ॥
தஸ்யாம் க³ங்கே³யமப⁴வஜ்ஜ்யேஷ்டா² ஹிமவதஸ்ஸுதா ।
உமா நாம த்³விதீயாபூ⁴ன்னாம்னா தஸ்யைவ ராக⁴வ ॥ 16 ॥
அத² ஜ்யேஷ்டா²ம் ஸுராஸ்ஸர்வே தே³வதார்த²சிகீர்ஷயா ।
ஶைலேந்த்³ரம் வரயாமாஸுர்க³ங்கா³ம் த்ரிபத²கா³ம் நதீ³ம் ॥ 17 ॥
த³தௌ³ த⁴ர்மேண ஹிமவான் தனயாம் லோகபாவனீம் ।
ஸ்வச்ச²ந்த³பத²கா³ம் க³ங்கா³ம் த்ரைலோக்யஹிதகாம்யயா ॥ 18 ॥
ப்ரதிக்³ருஹ்ய ததோ தே³வாஸ்த்ரிலோகஹிதகாரிண: ।
க³ங்கா³மாதா³ய தேக³ச்ச²ன் க்ருதார்தே²னாந்தராத்மனா ॥ 19 ॥
யா சான்யா ஶைலது³ஹிதா கன்யாஸீத்³ரகு⁴னந்த³ன ।
உக்³ரம் ஸா வ்ரதமாஸ்தா²ய தபஸ்தேபே தபோத⁴னா ॥ 2௦ ॥
உக்³ரேண தபஸா யுக்தாம் த³தௌ³ ஶைலவரஸ்ஸுதாம் ।
ருத்³ராயாப்ரதிரூபாய உமாம் லோகனமஸ்க்ருதாம் ॥ 21 ॥
ஏதே தே ஶைலராஜஸ்ய ஸுதே லோகனமஸ்க்ருதே ।
க³ங்கா³ ச ஸரிதாம் ஶ்ரேஷ்டா² உமாதே³வீ ச ராக⁴வ ॥ 22 ॥
ஏதத்தே ஸர்வமாக்²யாதம் யதா² த்ரிபத²கா³ நதீ³ ।
க²ம் க³தா ப்ரத²மம் தாத க³திம் க³திமதாம் வர ॥ 23 ॥
ஸைஷா ஸுரனதீ³ ரம்யா ஶைலேந்த்³ரஸ்ய ஸுதா ததா³ ।
ஸுரலோகம் ஸமாரூடா⁴ விபாபா ஜலவாஹினீ ॥ 24 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ பஞ்சத்ரிம்ஶஸ்ஸர்க:³ ॥
