ஶ்ரீமத்³வால்மீகீய ராமாயணே பா³லகாண்ட³ம் ।
அத² சது:ஷஷ்டிதமஸ்ஸர்க:³ ।
ஸுரகார்யமித³ம் ரம்பே⁴ கர்தவ்யம் ஸுமஹத்த்வயா ।
லோப⁴னம் கௌஶிகஸ்யேஹ காமமோஹஸமன்விதம் ॥ 1 ॥
ததோ²க்தா ஸாப்ஸரா ராம ஸஹஸ்ராக்ஷேண தீ⁴மதா ।
வ்ரீடி³தா ப்ராஞ்ஜலிர்வாக்யம் ப்ரத்யுவாச ஸுரேஶ்வரம் ॥ 2 ॥
அயம் ஸுரபதே கோ⁴ரோ விஶ்வாமித்ரோ மஹாமுனி: ।
கோ⁴ரமுத்ஸ்ருஜதே க்ரோத⁴ம் மயி தே³வ ந ஸம்ஶய: ॥ 3 ॥
ததோ ஹி மே ப⁴யம் தே³வ ப்ராஸாத³ம் கர்துமர்ஹஸி ।
ஏவமுக்தஸ்தயா ராம ரம்ப⁴யா பீ⁴தயா ததா³ ॥ 4 ॥
தாமுவாச ஸஹஸ்ராக்ஷோ வேபமானாம் க்ருதாஞ்ஜலிம் ।
மாபை⁴ஷீ ரம்பே⁴ ப⁴த்³ரம் தே குருஷ்வ மம ஶாஸனம் ॥ 5 ॥
கோகிலோ ஹ்ருத³யக்³ராஹீ மாத⁴வே ருசிரத்³ருமே ।
அஹம் கந்த³ர்பஸஹித ஸ்ஸ்தா²ஸ்யாமி தவ பார்ஶ்வத: ॥ 6 ॥
த்வம் ஹி ரூபம் ப³ஹுகு³ணம் க்ருத்வா பரமபா⁴ஸ்வரம் ।
தம்ருஷிம் கௌஶிகம் ரம்பே⁴ பே⁴த³யஸ்வ தபஸ்வினம் ॥ 7 ॥
ஸா ஶ்ருத்வா வசனம் தஸ்ய க்ருத்வா ரூபமனுத்தமம் ।
லோப⁴யாமாஸ லலிதா விஶ்வாமித்ரம் ஶுசிஸ்மிதா ॥ 8 ॥
கோகிலஸ்ய ச ஶுஶ்ராவ வல்கு³ வ்யாஹரத: ஸ்வனம் ।
ஸம்ப்ரஹ்ருஷ்டேன மனஸா தத ஏனாமுதை³க்ஷத ॥ 9 ॥
அத² தஸ்ய ச ஶப்³தே³ன கீ³தேனாப்ரதிமேன ச ।
த³ர்ஶனேன ச ரம்பா⁴யா முனிஸ்ஸந்தே³ஹமாக³த: ॥ 1௦ ॥
ஸஹஸ்ராக்ஷஸ்ய தத்கர்ம விஜ்ஞாய முனிபுங்க³வ: ।
ரம்பா⁴ம் க்ரோத⁴ஸமாவிஷ்ட ஶ்ஶஶாப குஶிகாத்மஜ: ॥ 11 ॥
யன்மாம் லோப⁴யஸே ரம்பே⁴ காமக்ரோதஜ⁴யைஷிணம் ।
த³ஶவர்ஷஸஹஸ்ராணி ஶைலீ ஸ்தா²ஸ்யஸி து³ர்ப⁴கே³ ॥ 12 ॥
ப்³ராஹ்மண ஸ்ஸுமஹாதேஜா ஸ்தபோப³லஸமன்வித: ।
உத்³த⁴ரிஷ்யதி ரம்பே⁴ த்வாம் மத்க்ரோத⁴கலுஷீக்ருதாம் ॥ 13 ॥
ஏவமுக்த்வா மஹாதேஜா விஶ்வாமித்ரோ மஹாமுனி: ।
அஶக்னுவன் தா⁴ரயிதும் க்ரோத⁴ம் ஸந்தாபமாக³த: ॥ 14 ॥
தஸ்ய ஶாபேன மஹதா ரம்பா⁴ ஶைலீ ததா³ப⁴வத் ।
வசஶ்ஶ்ருத்வா ச கந்த³ர்போ மஹர்ஷேஸ்ஸ ச நிர்க³த: ॥ 15 ॥
கோபேன ஸ மஹாதேஜாஸ்தபோபஹரணே க்ருதே ।
இந்த்³ரியைரஜிதை ராம ந லேபே⁴ ஶாந்திமாத்மன: ॥ 16 ॥
ப³பூ⁴வாஸ்ய மனஶ்சிந்தா தபோபஹரணே க்ருதே ।
நைவ க்ரோத⁴ம் க³மிஷ்யாமி ந ச வக்ஷ்யே கத²ஞ்சன ॥ 17 ॥
அத²வா நோச்ச²வஸிஷ்யாமி ஸம்வத்ஸரஶதான்யபி ।
அஹம் விஶோஷயிஷ்யாமி ஹ்யாத்மானம் விஜிதேந்த்³ரிய: ॥ 18 ॥
தாவத்³யாவத்³தி⁴ மே ப்ராப்தம் ப்³ராஹ்மண்யம் தபஸார்ஜிதம் ।
அனுச்ச²வஸன்னபு⁴ஞ்ஜான ஸ்திஷ்டே²யம் ஶாஶ்வதீஸ்ஸமா: ॥ 19 ॥
ந ஹி மே தப்யமானஸ்ய க்ஷயம் யாஸ்யந்தி மூர்தய: ।
ஏவம் வர்ஷஸஹஸ்ரஸ்ய தீ³க்ஷாம் ஸ முனிபுங்க³வ: ॥ 2௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ சது:ஷஷ்டிதமஸ்ஸர்க:³ ॥
