ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஷஷ்ட²ஸ்ஸர்க:³ ।
ஶரப⁴ங்கே³ தி³வம் ப்ராப்தே முனிஸங்கா⁴ஸ்ஸமாக³தா: ।
அப்⁴யக³ச்ச²ந்த காகுத்ஸ்த²ம் ராமம் ஜ்வலிததேஜஸம் ॥ 1 ॥
வைகா²னஸா வாலகி²ல்யாஸ்ஸம்ப்ரக்ஷாலா மரீசிபா: ।
அஶ்மகுட்டாஶ்ச ப³ஹவ: பத்ராஹாராஶ்ச தாபஸா: ॥ 2 ॥
த³ந்தோலூக²லினஶ்சைவ ததை²வோன்மஜ்ஜகா: பரே ।
கா³த்ரஶய்யா அஶய்யாஶ்ச ததை²வாப்⁴ராவகாஶகா: ॥ 3 ॥
முனயஸ்ஸலிலாஹாராவாயுப⁴க்ஷா ஸ்ததா²பரே ।
ஆகாஶனிலயாஶ்சைவ ததா² ஸ்த²ண்டி³லஶாயின: ॥ 4 ॥
வ்ரதோபவாஸினோ தா³ந்தாஸ்ததா²ர்த்³ரபடவாஸஸ: ।
ஸஜபாஶ்ச தபோனித்யாஸ்ததா² பஞ்சதபோன்விதா: ॥ 5 ॥
ஸர்வே ப்³ராஹ்ம்யா ஶ்ரியா ஜுஷ்டா த்³ருட⁴யோகா³ஸ்ஸமாஹிதா: ।
ஶரப⁴ங்கா³ஶ்ரமே ராமமபி⁴ஜக்³முஶ்ச தாபஸா: ॥ 6 ॥
அபி⁴க³ம்ய ச த⁴ர்மஜ்ஞா ராமம் த⁴ர்மப்⁴ருதாம் வரம் ।
ஊசு: பரமத⁴ர்மஜ்ஞம்ருஷிஸங்கா⁴ஸ்ஸமாஹிதா: ॥ 7 ॥
த்வமிக்ஷ்வாகுகுலஸ்யாஸ்ய ப்ருதி²வ்யாஶ்ச மஹாரத² ।
ப்ரதா⁴னஶ்சாஸி நாத²ஶ்ச தே³வானாம் மக⁴வானிவ ॥ 8 ॥
விஶ்ருதஸ்த்ரிஷு லோகேஷு யஶஸா விக்ரமேண ச ।
பித்ருப⁴க்திஶ்ச ஸத்யம் ச த்வயி த⁴ர்மஶ்ச புஷ்கல: ॥ 9 ॥
த்வாமாஸாத்³ய மஹாத்மானம் த⁴ர்மஜ்ஞம் த⁴ர்மவத்ஸலம் ।
அர்தி²த்வான்னாத² வக்ஷ்யாமஸ்தச்ச ந: க்ஷந்துமர்ஹஸி ॥ 1௦ ॥
அத⁴ர்மஸ்ஸுமஹாம்ஸ்தாத ப⁴வேத்தஸ்ய மஹீபதே: ।
யோ ஹரேத்³ப³லிஷட்³பா⁴கா³ம் ந ச ரக்ஷதி புத்ரவத் ॥ 11 ॥
யுஞ்ஜானஸ்ஸ்வானிவ ப்ராணான்ப்ராணைரிஷ்டான்ஸுதானிவ ।
நித்யயுக்தஸ்ஸதா³ ரக்ஷன்ஸர்வான்விஷயவாஸின: ॥ 12 ॥
ப்ராப்னோதி ஶாஶ்வதீம் ராம கீர்திம் ஸ ப³ஹுவார்ஷிகீம் ।
ப்³ரஹ்மணஸ்ஸ்தா²னமாஸாத்³ய தத்ர சாபி மஹீயதே ॥ 13 ॥
யத்கரோதி பரம் த⁴ர்ம முனிர்மூலப²லாஶன: ।
தத்ர ராஜ்ஞஶ்சதுர்பா⁴க³ ப்ரஜா த⁴ர்மேண ரக்ஷித: ॥ 14 ॥
ஸோயம் ப்³ராஹ்மணபூ⁴யிஷ்டோ² வானப்ரஸ்த²க³ணோ மஹான் ।
த்வன்னாதோ²னாத²வத்³ராம ராக்ஷஸைர்வத்⁴யதே ப்⁴ருஶம் ॥ 15 ॥
ஏஹி பஶ்ய ஶரீராணி முனீனாம் பா⁴விதாத்மனாம் ।
ஹதானாம் ராக்ஷஸைர்கோ⁴ரைர்ப³ஹூனாம் ப³ஹுதா⁴ வனே ॥ 16 ॥
பம்பானதீ³னிவாஸானாமனுமந்தா³கினீமபி ।
சித்ரகூடாலயானாம் ச க்ரியதே கத³னம் மஹத் ॥ 17 ॥
ஏவம் வயம் ந ம்ருஷ்யாமோ விப்ரகாரம் தபஸ்வினாம் ।
க்ரியமாணம் வனே கோ⁴ரம் ரக்ஷோபி⁴ர்பீ⁴மகர்மபி⁴: ॥ 18 ॥
ததஸ்த்வாம் ஶரணார்த²ம் ச ஶரண்யம் ஸமுபஸ்தி²தா: ।
பரிபாலய நோ ராம வத்⁴யமானான்னிஶாசரை: ॥ 19 ॥
பரா த்வத்தோ க³திர்வீர ப்ருதி²வ்யாம் நோபபத்³யதே ।
பரிபாலய ந ஸ்ஸர்வான்ராக்ஷஸேப்⁴யோ ந்ருபாத்மஜ ॥ 2௦ ॥
ஏதச்ச்²ருத்வா து காகுத்ஸ்த²ஸ்தாபஸானாம் தபஸ்வினாம் ।
இத³ம் ப்ரோவாச த⁴ர்மாத்மா ஸர்வானேவ தபஸ்வின: ॥ 21 ॥
நைவமர்ஹத² மாம் வக்துமாஜ்ஞாப்யோஹம் தபஸ்வினாம் ।
கேவலேனாத்மகார்யேண ப்ரவேஷ்டவ்யம் மயா வனம் ॥ 22 ॥
விப்ரகாரமபாக்ரஷ்டும் ராக்ஷஸைர்ப⁴வதாமிமம் ।
பிதுஸ்து நிர்தே³ஶகர: ப்ரவிஷ்டோஹமித³ம் வனம் ॥ 23 ॥
ப⁴வதாமர்த²ஸித்³த்⁴யர்த²மாக³தோஹம் யத்³ருச்ச²யா ।
தஸ்ய மேயம் வனே வாஸோ ப⁴விஷ்யதி மஹாப²ல: ॥ 24 ॥
தபஸ்வினாம் ரணே ஶத்ரூன்ஹந்துமிச்சா²மி ராக்ஷஸான் ।
பஶ்யந்து வீர்யம்ருஷயஸ்ஸப்⁴ராதுர்மே தபோத⁴னா: ॥ 25 ॥
த³த்த்வாப⁴யம் சாபி தபோத⁴னானாம் த⁴ர்மே த்⁴ருதாத்மா ஸஹ லக்ஷ்மணேன ।
தபோத⁴னைஶ்சாபி ஸபா⁴ஜ்யவ்ருத்த: ஸுதீக்ஷ்ணமேவாபி⁴ஜகா³ம வீர: ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஷஷ்ட²ஸ்ஸர்க:³ ॥
