ஶ்ரீமத்³வால்மீகீய ராமாயணே பா³லகாண்ட³ம் ।
அத² ஏகோனசத்வாரிம்ஶஸ்ஸர்க:³ ।
விஶ்வாமித்ரவசஶ்ஶ்ருத்வா கதா²ந்தே ரகு⁴னந்த³ன: ।
உவாச பரமப்ரீதோ முனிம் தீ³ப்தமிவானலம் ॥ 1 ॥
ஶ்ரோதுமிச்சா²மி ப⁴த்³ரம் தே விஸ்தரேண கதா²மிமாம் ।
பூர்வகோ மே கத²ம் ப்³ரஹ்மன் யஜ்ஞம் வை ஸமுபாஹரத் ॥ 2 ॥
விஶ்வாமித்ரஸ்து காகுத்ஸ்த²முவாச ப்ரஹஸன்னிவ ।
ஶ்ரூயதாம் விஸ்தரோ ராம ஸக³ரஸ்ய மஹாத்மன: ॥ 3 ॥
ஶங்கரஶ்வஶுரோ நாம ஹிமவானசலோத்தம: ।
விந்த்⁴யபர்வதமாஸாத்³ய நிரீக்ஷேதே பரஸ்பரம் ॥ 4 ॥
தயோர்மத்⁴யே ப்ரவ்ருத்தோபூ⁴த்³யஜ்ஞ ஸ்ஸபுருஷோத்தம ।
ஸ ஹி தே³ஶோ நரவ்யாக்⁴ர ப்ரஶஸ்தோ யஜ்ஞகர்மணி ॥ 5 ॥
தஸ்யாஶ்வசர்யாம் காகுத்ஸ்த² த்³ருட⁴த⁴ன்வா மஹாரத:² ।
அம்ஶுமானகரோத்தாத ஸக³ரஸ்ய மதே ஸ்தி²த: ॥ 6 ॥
தஸ்ய பர்வணி தம் யஜ்ஞம் யஜமானஸ்ய வாஸவ: ।
ராக்ஷஸீம் தனுமாஸ்தா²ய யஜ்ஞீயாஶ்வமபாஹரத் ॥ 7 ॥
ஹ்ரியமாணே து காகுத்ஸ்த² தஸ்மின்னஶ்வே மஹாத்மன: ।
உபாத்⁴யாயக³ணாஸ்ஸர்வே யஜமானமதா²ப்³ருவன் ॥ 8 ॥
அயம் பர்வணி வேகே³ன யஜ்ஞியாஶ்வோபனீயதே ।
ஹர்தாரம் ஜஹி காகுத்ஸ்த² ஹயஶ்சைவோபனீயதாம் ॥ 9 ॥
யஜ்ஞச்சி²த்³ரம் ப⁴வத்யேதத்ஸர்வேஷாமஶிவாய ந: ।
தத்ததா² க்ரியதாம் ராஜன் யதா²ச்சி²த்³ர: க்ரதுர்ப⁴வேத் ॥ 1௦ ॥
உபாத்⁴யாயவச ஶ்ஶ்ருத்வா தஸ்மின் ஸத³ஸி பார்தி²வ: ।
ஷஷ்டிம் புத்ரஸஹஸ்ராணி வாக்யமேதது³வாச ஹ ॥ 11 ॥
க³திம் புத்ரா: ந பஶ்யாமி ரக்ஷஸாம் பருஷர்ஷபா⁴: ।
மந்த்ரபூதைர்மஹாபா⁴கை³ராஸ்தி²தோ ஹி மஹாக்ரது: ॥ 12 ॥
தத்³க³ச்ச²த விசின்வத்⁴வம் புத்ரகா: ப⁴த்³ரமஸ்து வ: ।
ஸமுத்³ரமாலினீம் ஸர்வாம் ப்ருதி²வீமனுக³ச்ச²த ॥ 13 ॥
ஏகைகயோஜனம் புத்ரா விஸ்தாரமதி⁴க³ச்ச²த ।
யாவத்துரக³ஸந்த³ர்ஶ: தாவத் க²னத மேதி³னீம் ।
தம் சைவ ஹயஹர்தாரம் மார்க³மாணா மமாஜ்ஞயா ॥ 14 ॥
தீ³க்ஷித: பௌத்ரஸஹிதஸ்ஸோபாத்⁴யாயக³ணோ ஹ்யஹம் ।
இஹ ஸ்தா²ஸ்யாமி ப⁴த்³ரம் வோ யாவத்துரக³த³ர்ஶனம் ॥ 15 ॥
இத்யுக்தா ஹ்ருஷ்டமனஸோ ராஜபுத்ரா மஹாப³லா: ।
ஜக்³முர்மஹீதலம் ராம பிதுர்வசனயந்த்ரிதா: ॥ 16 ॥
யோஜனாயாமவிஸ்தாரமேகைகோ த⁴ரணீதலம் ।
பி³பி⁴து³: பருஷவ்யாக்⁴ர வஜ்ரஸ்பர்ஶஸமைர்னகை²: ॥ 17 ॥
ஶூலைரஶனிகல்பைஶ்ச ஹலைஶ்சாபி ஸுதா³ருணை: ।
பி⁴த்³யமானா வஸுமதீ நனாத³ ரகு⁴னந்த³ன ॥ 18 ॥
நாகா³னாம் மத்²யமானானாமஸுராணாம் ச ராக⁴வ ।
ராக்ஷஸானாம் ச து³ர்த⁴ர்ஷஸ்ஸத்த்வானாம் நினதோ³ப⁴வத் ॥ 19 ॥
யோஜனானாம் ஸஹஸ்ராணி ஷஷ்டிம் து ரகு⁴னந்த³ன ।
பி³பி⁴து³ர்த⁴ரணீம் வீரா: ரஸாதலமனுத்தமம் ॥ 2௦ ॥
ஏவம் பர்வதஸம்பா³த⁴ம் ஜம்பூ³த்³வீபம் ந்ருபாத்மஜா: ।
க²னந்தோ நரஶார்தூ³ல ஸர்வத: பரிசக்ரமு: ॥ 21 ॥
ததோ தே³வாஸ்ஸக³ந்த⁴ர்வாஸ்ஸாஸுராஸ்ஸஹபன்னகா³: ।
ஸம்ப்⁴ராந்தமனஸஸ்ஸர்வே பிதாமஹமுபாக³மன் ॥ 22 ॥
தே ப்ரஸாத்³ய மஹாத்மானம் விஷண்ணவத³னாஸ்ததா³ ।
ஊசு: பரமஸந்த்ரஸ்தா பிதாமஹமித³ம் வச: ॥ 23 ॥
ப⁴க³வன் ப்ருதி²வீ ஸர்வா க²ன்யதே ஸக³ராத்மஜை: ।
ப³ஹவஶ்ச மஹாத்மானோ ஹன்யந்தே தலவாஸின: ॥ 24 ॥
அயம் யஜ்ஞஹரோஸ்மாகமனேனாஶ்வோபனீயதே ।
இதி தே ஸர்வபூ⁴தானி நிக்⁴னந்தி ஸக³ராத்மஜா: ॥ 25 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ ஏகோனசத்வாரிம்ஶஸ்ஸர்க:³ ॥
