ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்ரிசத்வாரிம்ஶஸ்ஸர்க:³ ।
தத: ஸமீக்ஷ்ய ஶயனே ஸன்னம் ஶோகேன பார்தி²வம் ।
கௌஶல்யா புத்ரஶோகார்தா தமுவாச மஹீபதிம் ॥ 1 ॥
ராக⁴வே நரஶார்தூ³லே விஷமுப்த்வாஹிஜிஹ்மகா³ ।
விசரிஷ்யதி கைகேயீ நிர்முக்தேவ ஹி பன்னகீ³ ॥ 2 ॥
விவாஸ்ய ராமம் ஸுப⁴கா³ லப்³த⁴காமா ஸமாஹிதா ।
த்ராஸயிஷ்யதி மாம் பூ⁴யோ து³ஷ்டாஹிரிவ வேஶ்மனி ॥ 3 ॥
அத² ஸ்ம நக³ரே ராமஶ்சரன் பை⁴க்ஷம் க்³ருஹே வஸேத் ।
காமகாரோ வரம் தா³துமபி தா³ஸம் மமாத்மஜம் ॥ 4 ॥
பாதயித்வா து கைகேய்யா ராமம் ஸ்தா²னாத்³யதே²ஷ்டத: ।
ப்ரதி³ஷ்டோ ரக்ஷஸாம் பா⁴க:³ பர்வணீவாஹிதாக்³னினா ॥ 5 ॥
கஜ³ராஜக³திர்வீரோ மஹாபா³ஹுர்த⁴னுர்த⁴ர: ।
வனமாவிஶதே நூனம் ஸபா⁴ர்ய ஸ்ஸஹ லக்ஷ்மண: ॥ 6 ॥
வனே த்வத்³ருஷ்டது³:கா²னாம் கேகய்யானுமதே த்வயா ।
த்யக்தானாம் வனவாஸாய கான்வவஸ்தா² ப⁴விஷ்யதி ॥ 7 ॥
தே ரத்னஹீனாஸ்தருணா: ப²லகாலே விவாஸிதா: ।
கத²ம் வத்ஸ்யந்தி க்ருபணா: ப²லமூலை: க்ருதாஶனா: ॥ 8 ॥
அபீதா³னீம் ஸ காலஸ்ஸ்யான்மம ஶோகக்ஷய ஶ்ஶிவ: ।
ஸபா⁴ர்யம் யத்ஸஹ ப்⁴ராத்ரா பஶ்யேயமிஹ ராக⁴வம் ॥ 9 ॥
ஶ்ர்ருத்வைவோபஸ்தி²தௌ வீரௌ கதா³யோத்⁴யா ப⁴விஷ்யதி ।
யஶஸ்வினீ ஹ்ருஷ்டஜனா ஸூச்ச்²ரிதத்⁴வஜமாலினீ ॥ 1௦ ॥
கதா³ ப்ரேக்ஷ்ய நரவ்யாக்⁴ராவரண்யாத்புனராக³தௌ ।
நந்தி³ஷ்யதி புரீ ஹ்ருஷ்டா ஸமுத்³ர இவ பர்வணி ॥ 11 ॥
கதா³யோத்⁴யாம் மஹாபா³ஹு: புரீம் வீர: ப்ரவேக்ஷ்யதி ।
புரஸ்க்ருத்ய ரதே² ஸீதாம் வ்ருஷபோ⁴ கோ³வதூ⁴மிவ ॥ 12 ॥
கதா³ ப்ராணிஸஹஸ்ராணி ராஜமார்கே³ மமாத்மஜௌ ।
லாஜைரவகிரிஷ்யந்தி ப்ரவிஶந்தாவரிந்த³மௌ ॥ 13 ॥
ப்ரவிஶந்தௌ கதா³யோத்⁴யாம் த்³ரக்ஷ்யாமி ஶுப⁴குண்ட³லௌ ।
உத³க்³ராயுத⁴னிஸ்த்ரிம்ஶௌ ஸஶ்ர்ருங்கா³விவ பர்வதௌ ॥ 14 ॥
கதா³ஸுமனஸ: கன்யாத்³விஜாதீனாம் ப²லானி ச ।
ப்ரதி³ஶந்த: புரீம் ஹ்ருஷ்டா: கரிஷ்யந்தி ப்ரத³க்ஷிணம் ॥ 15 ॥
கதா³ பரிணதோ பு³த்³த்⁴யா வயஸா சாமரப்ரப:⁴ ।
அப்⁴யுபைஷ்யதி த⁴ர்மஜ்ஞஸ்த்ரிவர்ஷ இவ மாம் லலன் ॥ 16 ॥
நிஸ்ஸம்ஶயம் மயா மன்யே புரா வீர கத³ர்யயா ।
பாதுகாமேஷு வத்ஸேஷு மாத்ருணாம் ஶாதிதாஸ்ஸ்தனா: ॥ 17 ॥
ஸாஹம் கௌ³ரிவ ஸிம்ஹேன விவத்ஸா வத்ஸலா க்ருதா ।
கைகேய்யா புருஷவ்யாக்⁴ர பா³லவத்ஸேவ கௌ³ர்ப³லாத் ॥ 18 ॥
ந ஹி தாவத்³கு³ணைர்ஜுஷ்டம் ஸர்வஶாஸ்த்ரவிஶாரத³ம் ।
ஏகபுத்ரா வினா புத்ரமஹம் ஜீவிதுமுத்ஸஹே ॥ 19 ॥
ந ஹி மே ஜீவிதே கிஞ்சித்ஸாமர்த்²யமிஹ கல்ப்யதே ।
அபஶ்யந்த்யா: ப்ரியம் புத்ரம் மஹாபா³ஹும் மஹாப³லம் ॥ 2௦ ॥
அயம் ஹி மாம் தீ³பயதே ஸமுத்தி²த: தனூஜஶோகப்ரப⁴வோ ஹுதாஶன: ।
மஹீமிமாம் ரஶ்மிபி⁴ருத்³த⁴தப்ரப:⁴ யதா² நிதா³கே⁴ ப⁴க³வான் தி³வாகர: ॥ 21 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்ரிசத்வாரிம்ஶஸ்ஸர்க:³ ॥
