ஶ்ரீமத்³வால்மீகீய ராமாயணே அரண்யகாண்ட³ம் ।
அத² அஷ்டசத்வாரிம்ஶஸ்ஸர்க:³ ।
ஏவம் ப்³ருவந்த்யாம் ஸீதாயாம் ஸம்ரப்³த:³ பருஷம் வச: ।
லலாடே ப்⁴ருகுடீம் க்ருத்வா ராவண: ப்ரத்யுவாச ஹ ॥ 1 ॥
ப்⁴ராதா வைஶ்ரவணஸ்யாஹம் ஸாபத்ன்யோ வரவர்ணினி ।
ராவணோ நாம ப⁴த்³ரம் தே த³ஶக்³ரீவ: ப்ரதாபவான் ॥ 2 ॥
யஸ்ய தே³வாஸ்ஸக³ந்த⁴ர்வா: பிஶாசபதகோ³ரகா³: ।
வித்³ரவந்தி ப⁴யாத்³பீ⁴தா ம்ருத்யோரிவ ஸதா³ ப்ரஜா: ॥ 3 ॥
யேன வைஶ்ரவணோ ராஜா த்³வைமாத்ர: காரணாந்தரே ।
த்³வந்த்³வமாஸாதி³த: க்ரோதா⁴த்³ரணே விக்ரம்ய நிர்ஜித: ॥ 4 ॥
யத்³ப⁴யார்த: பரித்யஜ்ய ஸ்வமதி⁴ஷ்டா²னம்ருத்³தி⁴மத் ।
கைலாஸம் பர்வதஶ்ரேஷ்ட²மத்⁴யாஸ்தே நரவாஹன: ॥ 5 ॥
யஸ்ய தத்புஷ்பகம் நாம விமானம் காமக³ம் ஶுப⁴ம் ।
வீர்யாதே³வார்ஜிதம் ப⁴த்³ரே யேன யாமி விஹாயஸம் ॥ 6 ॥
மம ஸஞ்ஜாதரோஷஸ்ய முக²ம் த்³ருஷ்ட்வைவ மைதி²லி ।
வித்³ரவந்தி பரித்ரஸ்தாஸ்ஸுராஶ்ஶக்ரபுரோக³மா: ॥ 7 ॥
யத்ர திஷ்டா²ம்யஹம் தத்ர மாருதோ வாதி ஶங்கித: ।
தீவ்ராம்ஶுஶ்ஶிஶிராம்ஶுஶ்ச ப⁴யாத்ஸம்பத்³யதே ரவி: ॥ 8 ॥
நிஷ்கம்பபத்ராஸ்தரவோ நத்³யஶ்ச ஸ்திமிதோத³கா: ।
ப⁴வந்தி யத்ர யத்ராஹம் திஷ்டா²மி விசராமி ச ॥ 9 ॥
மம பாரே ஸமுத்³ரஸ்ய லங்கா நாம புரீ ஶுபா⁴ ।
ஸம்பூர்ணா ராக்ஷஸைர்கோ⁴ரைர்யதே²ந்த்³ரஸ்யாமராவதீ ॥ 1௦ ॥
ப்ராகாரேண பரிக்ஷிப்தா பாண்டு³ரேண விராஜதா ।
ஹேமகக்ஷ்யா புரீ ரம்யா வைடூ⁴ர்யமயதோரணா ॥ 11 ॥
ஹஸ்த்யஶ்வரத²ஸம்பா³தா⁴ தூர்யனாத³வினாதி³தா ।
ஸர்வகாலப²லைர்வ்ருக்ஷைஸ்ஸங்குலோத்³த்³யானஶோபி⁴தா ॥ 12 ॥
தத்ர த்வம் வஸதீ ஸீதே ராஜபுத்ரி மயா ஸஹ ।
ந ஸ்மரிஷ்யஸி நாரீணாம் மானுஷீணாம் மனஸ்வினி ॥ 13 ॥
பு⁴ஞ்ஜானா மானுஷான்போ⁴கா³ந்தி³வ்யாம்ஶ்ச வரவர்ணினி ।
ந ஸ்மரிஷ்யஸி ராமஸ்ய மானுஷஸ்ய க³தாயுஷ: ॥ 14 ॥
ஸ்தா²பயித்வா ப்ரியம் புத்ரம் ராஜ்ஞா த³ஶரதே²ன ய: ।
மந்த³வீர்யஸ்ஸுதோ ஜ்யேஷ்ட²ஸ்தத: ப்ரஸ்தா²பிதோ வனம் ॥ 15 ॥
தேன கிம் ப்⁴ரஷ்டராஜ்யேன ராமேண க³தசேதஸா ।
கரிஷ்யஸி விஶாலாக்ஷி தாபஸேன தபஸ்வினா ॥ 16 ॥
ஸர்வராக்ஷஸப⁴ர்தாரம் காமாத்ஸ்வயமிஹாக³தம் ।
ந மன்மத²ஶராவிஷ்டம் ப்ரத்யாக்²யாதும் த்வமர்ஹஸி ॥ 17 ॥
ப்ரத்யாக்²யாய ஹி மாம் பீ⁴ரு பரிதாபம் க³மிஷ்யஸி ।
சரணேனாபி⁴ஹத்யேவ புரூரவஸமூர்வஶீ ॥ 18 ॥
அங்கு³ல்யா ந ஸமோ ராமோ மம யுத்³தே⁴ ஸ மானுஷ: ।
தவ பா⁴க்³யேன ஸம்ப்ராப்தம் பஜ⁴ஸ்வ வரவர்ணினி ॥ 19 ॥
ஏவமுக்தா து வைதே³ஹீ க்ருத்³தா⁴ ஸம்ரக்தலோசனா ।
அப்³ரவீத்பருஷம் வாக்யம் ரஹிதே ராக்ஷஸாதி⁴பம் ॥ 2௦ ॥
கத²ம் வைஶ்ரவணம் தே³வம் ஸர்வபூ⁴தனமஸ்க்ருதம் ।
ப்⁴ராதரம் வ்யபதி³ஶ்ய த்வமஶுப⁴ம் கர்துமிச்ச²ஸி ॥ 21 ॥
அவஶ்யம் வினஶிஷ்யந்தி ஸர்வே ராவண ராக்ஷஸா: ।
யேஷாம் த்வம் கர்கஶோ ராஜா து³ர்பு³த்³தி⁴ரஜிதேந்த்³ரிய: ॥ 22 ॥
அபஹ்ருத்ய ஶசீம் பா⁴ர்யாம் ஶக்யமிந்த்³ரஸ்ய ஜீவிதும் ।
ந ச ராமஸ்ய பா⁴ர்யாம் மாமபனீயாஸ்தி ஜீவிதம் ॥ 23 ॥
ஜீவேச்சிரம் வஜ்ரத⁴ரஸ்ய ஹஸ்தாச்ச²சீம் ப்ரத்⁴ருஷ்யாப்ரதிரூபரூபாம் ।
ந மாத்³ருஶீம் ராக்ஷஸ தூ³ஶயித்வா பீதாம்ருதஸ்யாபி தவாஸ்தி மோக்ஷ: ॥ 24 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ அஷ்டசத்வாரிம்ஶஸ்ஸர்க:³ ॥
