ஶ்ரீமத்³வால்மீகீய ராமாயணே யுத்³த⁴காண்ட³ம் ।
அத² ப்ரத²மஸ்ஸர்க:³ ।
ஶ்ருத்வா ஹனுமதோ வாக்யம் யதா²வத³பி⁴பா⁴ஷிதம் ।
ராம: ப்ரீதிஸமாயுக்தோ வாக்யமுத்தரமப்³ரவீத் ॥ 1 ॥
க்ருதம் ஹனுமதா கார்யம் ஸுமஹத்³பு⁴வி து³ர்லப⁴ம் ।
மனஸாபி யத³ன்யேன ந ஶக்யம் த⁴ரணீதலே ॥ 2 ॥
ந ஹி தம் பரிபஶ்யாமி யஸ்தரேத மஹார்ணவம் ।
அன்யத்ர க³ருடா³த்³வாயோரன்யத்ர ச ஹனூமத: ॥ 3 ॥
தே³வதா³னவயக்ஷாணாம் க³ந்த⁴ர்வோரக³ரக்ஷஸாம் ।
அப்ரத்⁴ருஷ்யாம் புரீம் லங்காம் ராவணேன ஸுரக்ஷிதாம் ।
ப்ரவஷ்ட ஸ்ஸத்த்வமாஶ்ரித்யஶ்வஸன்கோ நாம நிஷ்க்ரமேத் ॥ 4 ॥
கோ விஶேத்ஸுது³ராத⁴ர்ஷாம் ராக்ஷஸைஶ்ச ஸுரக்ஷிதாம் ।
யோ வீர்யப³லஸம்பன்னோ ந ஸமஸ்யாத்³த⁴னூமத: ॥ 5 ॥
ப்⁴ருத்யகார்யம் ஹனுமதா ஸுக்³ரீவஸ்ய க்ருதம்மஹத் ।
ஸ்வயம் விதா⁴ய ஸ்வப³லம் ஸத்³ருஶம் விக்ரமஸ்ய ச ॥ 6 ॥
யோ ஹி ப்⁴ருத்யோ நியுக்தஸ்ஸன்ப⁴ர்த்ரா கர்மணி து³ஷ்கரே ।
குர்யாத்தத³னுராகே³ண தமாஹு: புருஷோத்தமம் ॥ 7 ॥
நியுக்தோய: பரம் கார்யம் ந குர்யான்ன்ருபதே: ப்ரியம் ।
ப்⁴ருத்யோப்⁴ருத்யஸ்ஸமர்தோ²பி தமாஹுர்மத்⁴யமம் நரம் ॥ 8 ॥
நியுக்தோ ந்ருபதே: கார்யம் ந குர்யாத்³யஸ்ஸமாஹித: ।
ப்⁴ருத்யோ யுக்தஸ்ஸமர்த²ஶ்ச தமாஹு: புருஷாத⁴மம் ॥ 9 ॥
தன்னியோகே³ நியுக்தேன க்ருதம் க்ருத்யம் ஹனூமதா ।
ந சாத்மா லகு⁴தாம் நீதஸ்ஸுக்³ரீவஶ்சாபி தோஷித: ॥ 1௦ ॥
அஹம் ச ரகு⁴வம்ஶஶ்ச லக்ஷ்மணஶ்ச மஹாப³ல: ।
வைதே³ஹ்யா த³ர்ஶனேனாத்³ய த⁴ர்மத: பரிரக்ஷிதா: ॥ 11 ॥
இத³ம் து மம தீ³னஸ்ய மனோ பூ⁴ய: ப்ரகர்ஷதி ।
யதி³ஹாஸ்ய ப்ரியாக்²யாதுர்ன குர்மி ஸத்³ருஶம் ப்ரியம் ॥ 12 ॥
ஏஷ ஸர்வஸ்வபூ⁴தே பரிஷ்வங்கோ³ ஹனூமத: ।
மயா காலமிமம் ப்ராப்ய த³த்தஸ்தஸ்ய மஹாத்மன: ॥ 13 ॥
இத்யுக்த்வா ப்ரீதிஹ்ருஷ்டாங்கோ³ ராமஸ்தம் பரிஷஸ்வஜே ।
ஹனூமந்தம் க்ருதாத்மானம் க்ருதகார்யமுபாக³தம் ॥ 14 ॥
த்⁴யாத்வா புனருவாசேத³ம் வசனம் ரகு⁴னந்த³ன: ।
ஹரீணாமீஶ்வரஸ்யாபி ஸுக்³ரீவஸ்யோபஶ்ருண்வத: ॥ 15 ॥
ஸர்வதா² ஸுக்ருதம் தாவத்ஸீதாயா: பரிமார்க³ணம் ।
ஸாக³ரம் து ஸமாஸாத்³ய புனர்னஷ்டம் மனோ மம ॥ 16 ॥
கத²ம் நாம ஸமுத்³ரஸ்ய து³ஷ்பாரஸ்ய மஹாம்ப⁴ஸ: ।
ஹரயோ த³க்ஷிணம் பாரம் க³மிஷ்யந்தி ஸமாக³தா: ॥ 17 ॥
யத்³யப்யேஷ து வ்ருத்தாந்தோ வைதே³ஹ்யா க³தி³தோ மம ।
ஸமுத்³ரபாரக³மனே ஹரீணாம் கிமிஹோத்தரம் ॥ 18 ॥
இத்யுக்தவா ஶோகஸம்ப்⁴ராந்தோ ராம ஶ்ஶத்ருனிப³ர்ஹண: ।
ஹனூமந்தம் மஹாபா³ஹுஸ்ததோ த்⁴யானமுபாக³மத் ॥ 19 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே யுத்³த⁴காண்டே³ ப்ரத²மஸ்ஸர்க:³ ॥
