ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்ரிஸப்ததிதமஸ்ஸர்க:³ ।
ஸஶ்ரூத்வா து பிதரம் வ்ருத்தம் ப்⁴ராதரௌ ச விவாஸிதௌ ।
ப⁴ரதோ து³:க²ஸந்தப்த இத³ம் வசனமப்³ரவீத் ॥ 1 ॥
கிம் நு கார்யம் ஹதஸ்யேஹ மம ராஜ்யேன ஶோசத: ।
விஹீனஸ்யாத² பித்ரா ச ப்⁴ராத்ரா பித்ருஸமேன ச ॥ 2 ॥
து³:கே² மே து³:க²மகரோர்வ்ரணே க்ஷாரமிவாத³தா⁴: ।
ராஜானம் ப்ரேதபா⁴வஸ்த²ம் க்ருத்வா ராமம் ச தாபஸம் ॥ 3 ॥
குலஸ்ய த்வமபா⁴வாய காலராத்ரிரிவாக³தா ।
அங்கா³ரமுபகூ³ஹ்ய ஸ்ம பிதா மே நாவபு³த்³த⁴வான் ॥ 4 ॥
ம்ருத்யுமாபாதி³தோ பிதா த்வயா மே பாபத³ர்ஶினி ।
ஸுக²ம் பரிஹ்ருதம் மோஹாத்குலேஸ்மின்குலபாம்ஸனி ॥ 5 ॥
த்வாம் ப்ராப்ய ஹி பிதா மேத்³ய ஸத்யஸந்தோ⁴ மஹாயஶா: ।
தீவ்ரது³:கா²பி⁴ஸந்தப்தோ வ்ருத்தோ த³ஶரதோ² ந்ருப: ॥ 6 ॥
வினாஶிதோ மஹாராஜ: பிதா மே த⁴ர்மவத்ஸல: ।
கஸ்மாத்ப்ரவ்ராஜிதோ ராம: கஸ்மாதே³வ வனம் க³த: ॥ 7 ॥
கௌஸல்யா ச ஸுமித்ரா ச புத்ரஶோகாபி⁴பீடி³தே ।
து³ஷ்கரம் யதி³ ஜீவேதாம் ப்ராப்ய த்வாம் ஜனநீம் மம ॥ 8 ॥
நனுத்வார்யோபி த⁴ர்மாத்மா த்வயி வ்ருதிமனுத்தமாம் ।
வர்ததே கு³ருவ்ருத்திஜ்ஞோ யதா² மாதரி வர்ததே ॥ 9 ॥
தஸ்யா: புத்ரம் க்ருதாத்மானம் சீரவல்கலவாஸஸம் ।
ப்ரஸ்தா²ப்ய வனவாஸாய கத²ம் பாபே ந ஶோசஸி ॥ 1௦ ॥
அபாபத³ர்ஶனம் ஶூரம் க்ருதாத்மானம் யஶஸ்வினம் ।
ப்ரவ்ராஜ்ய சீரவஸனம் கின்னு பஶ்யஸி காரணம் ॥ 11 ॥
லுப்³தா⁴யா விதி³தோ மன்யே ந தேஹம் ராக⁴வம் ப்ரதி ।
ததா²ஹ்யனர்தோ⁴ ராஜ்யார்த²ம் த்வயானீதோ மஹானயம் ॥ 12 ॥
அஹம் ஹி புருஷவ்யாக்⁴ராவபஶ்யன்ராமலக்ஷ்மணௌ ।
கேன ஶக்திப்ரபா⁴வேன ராஜ்யம் ரக்ஷிதுமுத்ஸஹே ॥ 13 ॥
தம் ஹி நித்யம் மஹாராஜோ ப³லவந்தம் மஹாப³ல: ।
உபாஶ்ரிதோபூ⁴த்³த⁴ர்மாத்மா மேருர்மேருவனம் யதா² ॥ 14 ॥
ஸோஹம் கத²மிமம் பா⁴ரம் மஹாது⁴ர்யஸமுத்³த்⁴ருதம் ।
த³ம்யோது⁴ரமிவாஸாத்³ய வஹேயம் கேனசௌஜஸா ॥ 15 ॥
அத²வா மே ப⁴வேச்ச²க்திர்யோகை³ர்பு³த்³தி⁴ப³லேன வா ।
ஸகாமாம் ந கரிஷ்யாமி த்வாமஹம் புத்ரக³ர்தி⁴னீம் ॥ 16 ॥
ந மே விகாங்க்ஷா ஜாயேத த்யக்தும் த்வாம் பாபனிஶ்சயாம் ।
யதி³ ராமஸ்ய நாவேக்ஷா த்வயி ஸ்யான்மாத்ருவத்ஸதா³ ॥ 17 ॥
உத்பன்னாது கத²ம் பு³த்³தி⁴ஸ்தவேயம் பாபத³ர்ஶினி ।
ஸாது⁴சாரித்ரவிப்⁴ரஷ்டே பூர்வேஷாம் நோ விக³ர்ஹிதா ॥ 18 ॥
அஸ்மின்குலே ஹி பூர்வேஷாம் ஜ்யேஷ்டோ² ராஜ்யேபி⁴ஷிச்யதே ।
அபரே ப்⁴ராதரஸ்தஸ்மின்ப்ரவர்தந்தே ஸமாஹிதா: ॥ 19 ॥
ந ஹி மன்யே ந்ருஶம்ஸே த்வம் ராஜத⁴ர்மமவேக்ஷஸே ।
க³திம் வா ந விஜானாஸி ராஜவ்ருத்தஸ்ய ஶாஶ்வதீம் ॥ 2௦ ॥
ஸததம் ராஜவ்ருத்தே ஹி ஜ்யேஷ்டோ² ராஜ்யேபி⁴ஷிச்யதே ।
ராஜ்ஞாமேதத்ஸமம் தத்ஸ்யாதி³க்ஷ்வாகூணாம் விஶேஷத: ॥ 21 ॥
தேஷாம் த⁴ர்மைகரக்ஷாணாம் குலசாரித்ரஶோபி⁴னாம் ।
அத்³ய சாரித்ரஶௌண்டீ³ர்யம் த்வாம் ப்ராப்ய வினிவர்திதம் ॥ 22 ॥
தவாபி ஸுமஹாபா⁴கா³ ஜனேந்த்³ரா: குலபூர்வகா³: ।
பு³த்³தே⁴ர்மோஹ: கத²மயம் ஸம்பூ⁴தஸ்த்வயி க³ர்ஹித: ॥ 23 ॥
ந து காமம் கரிஷ்யாமி தவாஹம் பாபனிஶ்சயே ।
த்வயா வ்யஸனமாரப்³த⁴ம் ஜீவிதாந்தகரம் மம ॥ 24 ॥
ஏஷத்விதா³னீமேவாஹமப்ரியார்த²ம் தவானக⁴ம் ।
நிவர்தயிஷ்யாமி வனாத்³ப்⁴ராதரம் ஸ்வஜனப்ரியம் ॥ 25 ॥
நிவர்தயித்வா ராமம் ச தஸ்யாஹம் தீ³ப்ததேஜஸ: ।
தா³ஸபூ⁴தோ ப⁴விஷ்யாமி ஸுஸ்தி²ரேணாந்தராத்மனா ॥ 26 ॥
இத்யேவமுக்த்வா ப⁴ரதோ மஹாத்மா ப்ரியேதரைர்வாக்யக³ணைஸ்துத³ம்ஸ்தாம் ।
ஶோகாதுரஶ்சாபி நனாத³ பூ⁴ய: ஸிம்ஹோ யதா² பர்வதக³ஹ்வரஸ்த:² ॥ 27 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்ரிஸப்ததிதமஸ்ஸர்க:³ ॥
