ஶ்ரீமத்³வால்மீகீய ராமாயணே பா³லகாண்ட³ம் ।
அத² பஞ்சசத்வாரிம்ஶஸ்ஸர்க:³ ।
விஶ்வாமித்ரவசஶ்ஶ்ருத்வா ராக⁴வ ஸ்ஸஹலக்ஷ்மண: ।
விஸ்மயம் பரமம் க³த்வா விஶ்வாமித்ரமதா²ப்³ரவீத் ॥ 1 ॥
அத்யத்³பு⁴தமித³ம் ப்³ரஹ்மன் கதி²தம் பரமம் த்வயா ।
க³ங்கா³வதரணம் புண்யம் ஸாக³ரஸ்யாபி பூரணம் ॥ 2 ॥
தஸ்ய ஸா ஶர்வரீ ஸர்வா ஸஹ ஸௌமித்ரிணா ததா³ ।
ஜகா³ம சிந்தயானஸ்ய விஶ்வாமித்ரகதா²ம் ஶுபா⁴ம் ॥ 3 ॥
தத: ப்ரபா⁴தே விமலே விஶ்வாமித்ரம் மஹாமுனிம் ।
உவாச ராக⁴வோ வாக்யம் க்ருதாஹ்னிகமரிந்த³ம: ॥ 4 ॥
க³தா ப⁴க³வதீ ராத்ரிஶ்ஶ்ரோதவ்யம் பரமம் ஶ்ருதம் ।
க்ஷணபூ⁴தேவ நௌ ராத்ரி ஸ்ஸம்வ்ருத்தேயம் மஹாதப: ॥ 5 ॥
இமாம் சிந்தயதஸ்ஸர்வாம் நிகி²லேன கதா²ம் தவ ।
தராம ஸரிதாம் ஶ்ரேஷ்டா²ம் புண்யாம் த்ரிபத²கா³ம் நதீ³ம் ॥ 6 ॥
நௌரேஷா ஹி ஸுகா²ஸ்தீர்ணா ருஷீணாம் புண்யகர்மணாம் ।
ப⁴க³வந்தமிஹ ப்ராப்தம் ஜ்ஞாத்வா த்வரிதமாக³தா ॥ 7 ॥
தஸ்ய தத்³வசனம் ஶ்ருத்வா ராக⁴வஸ்ய மஹாத்மன: ।
ஸந்தாரம் காரயாமாஸ ஸர்ஷிஸங்க⁴ ஸ்ஸராக⁴வ: ॥ 8 ॥
உத்தரம் தீரமாஸாத்³ய ஸம்பூஜ்யர்ஷிக³ணம் ததா³ ।
க³ங்கா³கூலே நிவிஷ்டாஸ்தே விஶாலாம் த³த்³ருஶு: புரீம் ॥ 9 ॥
ததோ முனிவரஸ்தூர்ணம் ஜகா³ம ஸஹ ராக⁴வ: ।
விஶாலாம் நக³ரீம் ரம்யாம் தி³வ்யாம் ஸ்வர்கோ³பமாம் ததா³ ॥ 1௦ ॥
அத² ராமோ மஹாப்ராஜ்ஞோ விஶ்வாமித்ரம் மஹாமுனிம் ।
பப்ரச்ச² ப்ராஞ்ஜலிர்பூ⁴த்வா விஶாலாமுத்தமாம் புரீம் ॥ 11 ॥
கதரோ ராஜவம்ஶோயம் விஶாலாயாம் மஹாமுனே ।
ஶ்ரோதுமிச்சா²மி ப⁴த்³ரம் தே பரம் கௌதூஹலம் ஹி மே ॥ 12 ॥
தஸ்ய தத்³வசனம் ஶ்ருத்வா ராமஸ்ய முனிபுங்க³வ: ।
ஆக்²யாதும் தத்ஸமாரேபே⁴ விஶாலஸ்ய புராதனம் ॥ 13 ॥
ஶ்ரூயதாம் ராம ஶக்ரஸ்ய கதா²ம் கத²யதஶ்ஶுபா⁴ம் ।
அஸ்மின் தே³ஶே து யத்³வ்ருத்தம் தத³பி ஶ்ருணு ராக⁴வ ॥ 14 ॥
பூர்வம் க்ருதயுகே³ ராம தி³தே: புத்ரா மஹாப³லா: ।
அதி³தேஶ்ச மஹாபா⁴க³ வீர்யவந்தஸ்ஸுதா⁴ர்மிகா: ॥ 15 ॥
ததஸ்தேஷாம் நரஶ்ரேஷ்ட² பு³த்³தி⁴ராஸீன்மஹாத்மனாம் ।
அமரா அஜராஶ்சைவ கத²ம் ஸ்யாம நிராமயா: ॥ 16 ॥
தேஷாம் சிந்தயதாம் ராம பு³த்³தி⁴ராஸீன்மஹாத்மனாம் ।
க்ஷீரோத³மத²னம் க்ருத்வா ரஸம் ப்ராப்ஸ்யாம தத்ர வை ॥ 17 ॥
ததோ நிஶ்சித்ய மத²னம் யோக்த்ரம் க்ருத்வா ச வாஸுகிம் ।
மந்தா²னம் மந்த³ரம் க்ருத்வா மமந்து²ரமிதௌஜஸ: ॥ 18 ॥
அத² வர்ஷஸஹஸ்ரேண யோக்த்ரஸர்பஶிராம்ஸி ச ।
வமந்த்யதி விஷம் தத்ர த³த³ம்ஶுர்த³ஶனைஶ்ஶிலா: ॥ 19 ॥
உத்பபாதாக்³னிஸங்காஶம் ஹாலாஹலமஹாவிஷம் ।
தேன த³க்³த⁴ம் ஜக³த்ஸர்வம் ஸதே³வாஸுரமானுஷம் ॥ 2௦ ॥
அத² தே³வா மஹாதே³வம் ஶங்கரம் ஶரணார்தி²ன: ।
ஜக்³மு: பஶுபதிம் ருத்³ரம் த்ராஹி த்ராஹீதி துஷ்டுவு: ॥ 21 ॥
ஏவமுக்தஸ்ததோ தே³வைர்தே³வதே³வேஶ்வர: ப்ரபு⁴: ।
ப்ராது³ராஸீத்ததோத்ரைவ ஶங்க²சக்ரத⁴ரோ ஹரி: ॥ 22 ॥
உவாசைனம் ஸ்மிதம் க்ருத்வா ருத்³ரம் ஶூலப்⁴ருதம் ஹரி: ।
தை³வதைர்மத்²யமானே து யத்பூர்வம் ஸமுபஸ்தி²தம் ॥ 23 ॥
த்வதீ³யம்ஹி ஸுரஶ்ரேஷ்ட² ஸுராணாமக்³ரஜோஸி யத் ।
அக்³ரபூஜாமிமாம் மத்வா க்³ருஹாணேத³ம் விஷம் ப்ரபோ⁴ ॥ 24 ॥
இத்யுக்த்வா ச ஸுரஶ்ரேஷ்ட²ஸ்தத்ரைவாந்தரதீ⁴யத ।
தே³வதானாம் ப⁴யம் த்³ருஷ்டவாஶ்ருத்வா வாக்யம் து ஶார்ங்கி³ண: ।
ஹாலாஹலவிஷம் கோ⁴ரம் ஸ ஜக்³ராஹாம்ருதோபமம் ॥ 25 ॥
தே³வான்விஸ்ருஜ்ய தே³வேஶோ ஜகா³ம ப⁴க³வான் ஹர: ।
ததோ தே³வாஸுராஸ்ஸர்வே மமந்தூ² ரகு⁴னந்த³ன ॥ 26 ॥
ப்ரவிவேஶாத² பாதாலம் மந்தா²ன: பர்வதோனக⁴ ।
ததோ தே³வாஸ்ஸக³ந்த⁴ர்வாஸ்துஷ்டுவுர்மது⁴ஸூத³னம் ॥ 27 ॥
த்வம் க³தி: ஸர்வபூ⁴தானாம் விஶேஷேண தி³வௌகஸாம் ।
பாலயாஸ்மான்மஹாபா³ஹோ கி³ரிமுத்³த⁴ர்துமர்ஹஸி ॥ 28 ॥
இதி ஶ்ருத்வா ஹ்ருஷீகேஶ: காமட²ம் ரூபமாஸ்தி²த: ।
பர்வதம் ப்ருஷ்ட²த: க்ருத்வா ஶிஶ்யே தத்ரோத³தௌ⁴ ஹரி: ॥ 29 ॥
பர்வதாக்³ரே து லோகாத்மா ஹஸ்தேனாக்ரம்ய கேஶவ: ।
தே³வானாம் மத்⁴யத: ஸ்தி²த்வா மமந்த² புருஷோத்தம: ॥ 3௦ ॥
அத² வர்ஷஸஹஸ்ரேண ஸத³ண்ட³ஸ்ஸகமண்ட³லு: ।
பூர்வம் த⁴ன்வந்தரிர்னாம அப்ஸராஶ்ச ஸுவர்சஸ: ॥ 31 ॥
அப்ஸு நிர்மத²னாதே³வ ரஸாஸ்தஸ்மாத்³வரஸ்த்ரிய: ।
உத்பேதுர்மனுஜஶ்ரேஷ்ட² தஸ்மாத³ப்ஸரஸோப⁴வன் ॥ 32 ॥
ஷஷ்டி: கோட்யோப⁴வம்ஸ்தாஸாம் அப்ஸராணாம் ஸுவர்சஸாம் ।
அஸங்க்²யேயாஸ்து காகுத்ஸ்த² யாஸ்தாஸாம் பரிசாரிகா: ॥ 33 ॥
ந தாஸ்ஸ்ம பரிக்³ருஹ்ணந்தி ஸர்வே தே தே³வதா³னவா: ।
அப்ரதிக்³ரஹணாத்தாஶ்ச ஸர்வாஸ்ஸாதா⁴ரணாஸ்ஸ்ம்ருதா: ॥ 34 ॥
வருணஸ்ய தத: கன்யா வாருணீ ரகு⁴னந்த³ன ।
உத்பபாத மஹாபா⁴கா³ மார்க³மாணா பரிக்³ரஹம் ॥ 35 ॥
தி³தே: புத்ரா ந தாம் ராம ஜக்³ருஹுர்வருணாத்மஜாம் ।
அதி³தேஸ்து ஸுதா வீர ஜக்³ருஹுஸ்தாமனிந்தி³தாம் ॥ 36 ॥
அஸுராஸ்தேன தை³தேயாஸ்ஸுராஸ்தேனாதி³தேஸ்ஸுதா: ।
ஹ்ருஷ்டா: ப்ரமுதி³தாஶ்சாஸன் வாருணீக்³ரஹணாத்ஸுரா: ॥ 37 ॥
உச்சைஶ்ஶ்ரவா ஹயஶ்ரேஷ்டோ² மணிரத்னம் ச கௌஸ்துப⁴ம் ।
உத³திஷ்ட²ன்னரஶ்ரேஷ்ட² ததை²வாம்ருதமுத்தமம் ॥ 38 ॥
அத² தஸ்ய க்ருதே ராம மஹானாஸீத்குலக்ஷய: ।
அதி³தேஸ்து தத: புத்ரா தி³தே: புத்ரானஸூத³யன் ॥ 39 ॥
ஏகதோப்⁴யாக³மன் ஸர்வே ஹ்யஸுரா ராக்ஷஸைஸ்ஸஹ ।
யுத்³த⁴மாஸீன்மஹாகோ⁴ரம் வீர த்ரைலோக்யமோஹனம் ॥ 4௦ ॥
யதா³ க்ஷயம் க³தம் ஸர்வம் ததா³ விஷ்ணுர்மஹாப³ல: ।
அம்ருதம் ஸோஹரத்த்தூர்ணம் மாயாமாஸ்தா²ய மோஹினீம் ॥ 41 ॥
யே க³தாபி⁴முக²ம் விஷ்ணுமக்ஷயம் புருஷோத்தமம் ।
ஸம்பிஷ்டாஸ்தே ததா³ யுத்³தே⁴ விஷ்ணுனா ப்ரப⁴விஷ்ணுனா ॥ 42 ॥
அதி³தேராத்மஜா வீரா தி³தே: புத்ரான்னிஜக்⁴னிரே ।
தஸ்மின் கோ⁴ரே மஹாயுத்³தே⁴ தை³தேயாதி³த்யயோர்ப்⁴ருஶம் ॥ 43 ॥
நிஹத்ய தி³திபுத்ராம்ஶ்ச ராஜ்யம் ப்ராப்ய புரந்த³ர: ।
ஶஶாஸ முதி³தோ லோகான் ஸர்ஷிஸங்கா⁴ன் ஸசாரணான் ॥ 44 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ பஞ்சசத்வாரிம்ஶஸ்ஸர்க:³ ॥
