ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஏகஷஷ்டிதமஸ்ஸர்க:³ ।
ததஸ்தத்³தா³ருணம் கர்ம து³ஷ்கரம் ஸஹஸாத்க்ருதம் ।
ஆசசக்ஷே முனேஸ்ஸர்வம் ஸூர்யானுக³மனம் ததா² ॥ 1 ॥
ப⁴க³வன்வ்ரணயுக்தத்வால்லஜ்ஜயா வ்யாகுலேந்த்³ரிய: ।
பரிஶ்ராந்தோ ந ஶக்னோமி வசனம் பரிபா⁴ஷிதும் ॥ 2 ॥
அஹம் சைவ ஜடாயுஶ்ச ஸங்க⁴ர்ஷாத்³த⁴ர்பமோஹிதௌ ।
ஆகாஶம் பதிதௌ வீரௌ ஜிஜ்ஞாஸந்தௌ பராக்ரமம் ॥ 3 ॥
கைலாஸஶிக²ரே ப³த்³த்⁴வா முனீனாமக்³ரத: பணம் ।
ரவிஸ்ஸ்யாத³னுயாதவ்யோ யாவத³ஸ்தம் மஹாகி³ரிம் ॥ 4 ॥
அதா²வாம் யுக³பத்ப்ராப்தாவபஶ்யாவ மஹீதலே ।
ரத²சக்ரப்ரமாணானி நக³ராணி ப்ருத²க்ப்ருத²க் ॥ 5 ॥
க்வசித்³வாதி³த்ரகோ⁴ஷாம்ஶ்ச ப்³ரஹ்மகோ⁴ஷாம்ஶ்ச ஶுஶ்ருவ: ।
கா³யந்தீஶ்சாங்க³னா ப³ஹ்வீ: பஶ்யாவோ ரக்தவாஸஸ: ॥ 6 ॥
தூர்ணமுத்பத்ய சாகாஶமாதி³த்யபத²மாஶ்ரிதௌ ।
ஆவாமாலோகயாவஸ்தத்³வனம் ஶாத்³வலஸன்னிப⁴ம் ॥ 7 ॥
உபலைரிவ ஸஞ்ச²ன்னா த்³ருஶ்யதே பூ⁴ஶ்ஶிலோச்சயை: ।
ஆபகா³பி⁴ஶ்ச ஸம்வீதா ஸூத்ரைரிவ வஸுந்த⁴ரா ॥ 8 ॥
ஹிமவாம்ஶ்சைவ விந்த்⁴யஶ்ச மேருஶ்ச ஸுமஹான்னக:³ ।
பூ⁴தலே ஸம்ப்ரகாஶந்தே நாகா³ இவ ஜலாஶயே ॥ 9 ॥
தீவ்ரஸ்ஸ்வேத³ஶ்ச கே²த³ஶ்ச ப⁴யம் சாஸீத்ததா³வயோ: ।
ஸமாவிஶதி மோஹஶ்ச தமோ மூர்சா² ச தா³ருணா ॥ 1௦ ॥
ந தி³க்³விஜ்ஞாயதே யாம்யா நாக்³னேயீ ந ச வாருணீ ।
யுகா³ந்தே நியதோ லோகோ ஹதோ த³க்³த⁴ இவாக்³னினா ॥ 11 ॥
மனஶ்ச மே ஹதம் பூ⁴யஸ்ஸன்னிவர்த்யது ஸம்ஶ்ரயம் ।
யத்னேன மஹதா ஹ்யஸ்மின்புனஸ்ஸந்தா⁴ய சக்ஷுஷீ ॥ 12 ॥
யத்னேன மஹதா பூ⁴யோ பா⁴ஸ்கர: ப்ரதிலோகித: ।
துல்ய: ப்ருத்²வீப்ரமாணேன பா⁴ஸ்கர: ப்ரதிபா⁴தி நௌ ॥ 13 ॥
ஜடாயுர்மாமனாப்ருச்ச்²ய நிபபாத மஹீம் தத: ।
தம் த்³ருஷ்ட்வா தூர்ணமாகாஶாதா³த்மானம் முக்தவானஹம் ॥ 14 ॥
பக்ஷாப்⁴யாம் ச மயா கு³ப்தோ ஜடாயுர்ன ப்ரத³ஹ்யதே ।
ப்ரமாதா³த்தத்ர நிர்த³க்³த:⁴ பதன்வாயுபதா²த³ஹம் ॥ 15 ॥
ஆஶங்கே தம் நிபதிதம் ஜனஸ்தா²னே ஜடாயுஷம் ।
அஹம் து பதிதோ விந்த்⁴யே த³க்³த⁴பக்ஷோ ஜடீ³க்ருத: ॥ 16 ॥
ராஜ்யேன ஹீனோ ப்⁴ராத்ரா ச பக்ஷாப்⁴யாம் விக்ரமேண ச ।
ஸர்வதா² மர்துமேவேச்ச²ன்பதிஷ்யே ஶிக²ராத்³கீ³ரே: ॥ 17 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஏகஷஷ்டிதமஸ்ஸர்க:³ ॥
