ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஏகோனவிம்ஶஸ்ஸர்க:³ ।
ஸ வானரமஹாராஜஶ்ஶயானஶ்ஶரவிக்ஷத: ।
ப்ரத்யுக்தோ ஹேதுமத்³வாக்யைர்னோத்தரம் ப்ரத்யபத்³யத ॥ 1 ॥
அஶ்மபி⁴: ப்ரவிபி⁴ன்னாங்க:³ பாத³பைராஹதோ ப்⁴ருஶம் ।
ராமபா³ணேன சாக்ராந்தோ ஜீவிதாந்தே முமோஹ ஸ: ॥ 2 ॥
தம் பா⁴ர்யா பா³ணமோக்ஷேண ராமத³த்தேன ஸம்யுகே³ ।
ஹதம் ப்லவக³ஶார்தூ³லம் தாரா ஶுஶ்ராவ வாலினம் ॥ 3 ॥
ஸா ஸபுத்ராப்ரியம் ஶ்ருத்வா வத⁴ம் ப⁴ர்துஸ்ஸுதா³ருணம் ।
நிஷ்பபாத ப்⁴ருஶம் தஸ்மாத்³விவிதா⁴ கி³ரிக³ஹ்வராத் ॥ 4 ॥
யே த்வங்க³த³பரீவாரா வானரா பீ⁴மவிக்ரமா: ।
தே ஸகார்முகமாலோக்ய ராமம் த்ரஸ்தா: ப்ரது³த்³ருவு: ॥ 5 ॥
ஸா த³த³ர்ஶ ததஸ்த்ரஸ்தான்ஹரீனாபததோ ப்⁴ருஶம் ।
யூதா²தி³வ பரிப்⁴ரஷ்டான்ம்ருகா³ன்னிஹதயூத²பான் ॥ 6 ॥
தானுவாச ஸமாஸாத்³ய து³:கி²தாந்து³கி²தா ஸதீ ।
ராமவித்ராஸிதான்ஸர்வானநுப³த்³தா⁴னிவேஷுபி⁴: ॥ 7 ॥
வானரா: ராஜஸிம்ஹஸ்ய யஸ்ய யூயம் புரஸ்ஸரா: ।
தம் விஹாய ஸுஸந்த்ரஸ்தா: கஸ்மாத்³த்³ரவத² து³ர்க³தா: ॥ 8 ॥
ராஜ்யஹேதோஸ்ஸ சேத்³ப்⁴ராதா ப்⁴ராத்ரா ரௌத்³ரேண பாதித: ।
ராமேண ப்ரஹிதைரௌத்³ரைர்மார்க³ணைர்தூ³ரபாதிபி⁴: ॥ 9 ॥
கபிபத்ன்யா வசஶ்ஶ்ருத்வா கபய: காமரூபிண: ।
ப்ராப்தகாலமவிக்லிஷ்டமூசுர்வசனமங்க³னாம் ॥ 1௦ ॥
ஜீவபுத்ரே நிவர்தஸ்வ புத்ரம் ரக்ஷஸ்வ சாங்க³த³ம் ।
அந்தகோ ராமரூபேண ஹத்வா நயதி வாலினம் ॥ 11 ॥
க்ஷிப்தான் வ்ருக்ஷான்ஸமாவித்⁴ய விபுலாஶ்ச ஶிலாஸ்ததா² ।
வாலீ வஜ்ரஸமைர்பா³ணை ராமேண வினிபாதித: ॥ 12 ॥
அபி⁴த்³ருதமித³ம் ஸர்வம் வித்³ருதம் ப்ரஸ்ருதம் ப³லம் ।
அஸ்மின் ப்லவக³ஶார்தூ³லே ஹதே ஶக்ரஸமப்ரபே⁴ ॥ 13 ॥
ரக்ஷ்யதாம் நக³ரத்³வாரமங்க³த³ஶ்சாபி⁴ஷிச்யதாம் ।
பத³ஸ்த²ம் வாலின: புத்ரம் பஜ⁴ிஷ்யந்தி ப்லவங்க³மா: ॥ 14 ॥
அத²வாருசிதம் ஸ்தா²னமிஹ தே ருசிரானநே ।
ஆவிஶந்தி ஹி து³ர்கா³ணி க்ஷிப்ரமன்யானி வானரா: ॥ 15 ॥
அபா⁴ர்யாஶ்ச ஸபா⁴ர்யாஶ்ச ஸந்த்யத்ர வனசாரிண: ।
லுப்³தே⁴ப்⁴யோ விப்ரயுக்தேப்⁴யஸ்தேப்⁴யோ நஸ்துமுலம் ப⁴யம் ॥ 16 ॥
அல்பாந்தரக³தானாம் து ஶ்ருத்வா வசனமங்க³னா ।
ஆத்மன: ப்ரதிரூபம் ஸா ப³பா⁴ஷே சாருஹாஸினீ ॥ 17 ॥
புத்ரேண மம கிம் கார்யம் ராஜ்யேனச கிமாத்மனா ।
கபிஸிம்ஹே மஹாபா⁴கே³ தஸ்மின்ப⁴ர்தரி நஶ்யதி ॥ 18 ॥
பாத³மூலம் க³மிஷ்யாமி தஸ்யைவாஹம் மஹாத்மன: ।
யோஸௌ ராமப்ரயுக்தேன ஶரேண வினிபாதித: ॥ 19 ॥
ஏவமுக்த்வா ப்ரது³த்³ராவ ருத³ந்தீ ஶோககர்ஶிதா ।
ஶிரஶ்சோரஶ்ச பா³ஹுப்⁴யாம் து³:கே²ன ஸமபி⁴த்⁴னதீ ॥ 2௦ ॥
ஆவ்ரஜந்தீ த³த³ர்ஶாத² பதிம் நிபதிதம் பு⁴வி ।
ஹந்தாரம் தா³னவேந்த்³ராணாம் ஸமரேஷ்வனிவர்தினம் ॥ 21 ॥
க்ஷேப்தாரம் பர்வதேந்த்³ராணாம் வஜ்ராணாமிவ வாஸவம் ।
மஹாவாதஸமாவிஷ்டம் மஹாமேகௌ⁴க⁴னிஸ்ஸ்வனம் ॥ 22 ॥
க்ரதுல்யபராக்ராந்தம் வ்ருஷ்டவேவோபரதம் க⁴னம் ।
நர்த³ந்தம் நர்த³தாம் பீ⁴மம் ஶூரம் ஶூரேண பாதிதம் ॥ 23 ॥
ஶார்தூ³லேனாமிஷஸ்யார்தே² ம்ருக³ராஜம் யதா²ஹதம் ।
அர்சிதம் ஸர்வலோகஸ்ய ஸபதாகம் ஸவேதி³கம் ॥ 24 ॥
நாக³ஹேதோஸ்ஸுபர்ணேன சைத்யமுன்மதி²தம் யதா² ।
அவஷ்டப்⁴ய ச திஷ்ட²ந்தம் த³த³ர்ஶ த⁴னுருத்தம் ॥ 25 ॥
ராமம் ராமானுஜம் சைவ ப⁴ர்துஶ்சைவானுஜம் ஶுபா⁴ ।
தாவதீத்ய ஸமாஸாத்³ய ப⁴ர்தாரம் நிஹதம் ரணே ॥ 26 ॥
ஸமீக்ஷ்ய வ்யதி²தா பூ⁴மௌ ஸம்ப்⁴ராந்தா நிபபாத ஹ ।
ஸுப்த்வேவ புனருத்தா²ய ஆர்யபுத்ரேதி ஶோசதீ ॥ 27 ॥
ருரோத³ ஸா பதிம் த்³ருஷ்ட்வா ஸம்வீதம் ம்ருத்யுதா³மபி⁴: ।
தாமவேக்ஷ்ய து ஸுக்³ரீவ: க்ரோஶந்தீம் குரரீமிவ ।
விஷாத³மக³மத்கஷ்டம் த்³ருஷ்ட்வா சாங்க³த³மாக³தம் ॥ 28 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஏகோனவிம்ஶஸ்ஸர்க:³ ॥
