ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஏகோனத்ரிம்ஶஸ்ஸர்க:³ ।
க²ரம் து விரத²ம் ராமோ க³தா³பாணிமவஸ்தி²தம் ।
ம்ருது³பூர்வம் மஹாதேஜா: பருஷம் வாக்யமப்³ரவீத் ॥ 1 ॥
கஜ³ாஶ்வரத²ஸம்பா³தே⁴ ப³லே மஹதி திஷ்ட²தா ।
க்ருதம் ஸுதா³ருணம் கர்ம ஸர்வலோகஜுகு³ப்ஸிதம் ॥ 2 ॥
உத்³வேஜனீயோ பூ⁴தானாம் ந்ருஶம்ஸ: பாபகர்மக்ருத் ।
த்ரயாணாமபி லோகானாமீஶ்வரோபி ந திஷ்ட²தி ॥ 3 ॥
கர்ம லோகவிருத்³த⁴ம் து குர்வாணம் க்ஷணதா³சர ।
தீக்ஷ்ணம் ஸர்வஜனோ ஹந்தி ஸர்பம் து³ஷ்டமிவாக³தம் ॥ 4 ॥
லோபா⁴த்பாபானி குர்வாண: காமாத்³வா யோ ந பு³த்⁴யதே ।
ப்⁴ரஷ்ட: பஶ்யதி தஸ்யாந்தம் ப்³ராஹ்மணீ கரகாதி³வ ॥ 5 ॥
வஸதோ த³ண்ட³காரண்யே தாபஸாந்த⁴ர்மசாரிண: ।
கின்னு ஹத்வா மஹாபா⁴கா³ன்ப²லம் ப்ராப்ஸ்யஸி ராக்ஷஸ ॥ 6 ॥
ந சிரம் பாபகர்மாண: க்ரூரா லோகஜுகு³ப்ஸிதா: ।
ஐஶ்வர்யம் ப்ராப்ய திஷ்ட²ந்தி ஶீர்ணமூலா இவ த்³ருமா: ॥ 7 ॥
அவஶ்யம் லப⁴தே ஜந்து: ப²லம் பாபஸ்ய கர்மண: ।
கோ⁴ரம் பர்யாக³தே காலே த்³ருமா: புஷ்பமிவார்தவம் ॥ 8 ॥
நசிராத்ப்ராப்யதே லோகே பாபானாம் கர்மணாம் ப²லம் ।
ஸவிஷாணாமிவான்னானாம் பு⁴க்தானாம் க்ஷணதா³சர ॥ 9 ॥
பாபமாசரதாம் கோ⁴ரம் லோகஸ்யாப்ரியமிச்ச²தாம் ।
அஹமாஸாதி³தோ ராஜா ப்ராணான்ஹந்தும் நிஶாசர ॥ 1௦ ॥
அத்³ய ஹி த்வாம் மயா முக்தாஶ்ஶரா: காஞ்சனபூ⁴ஷணா: ।
விதா³ர்யாதிபதிஷ்யந்தி வல்மீகமிவ பன்னகா³: ॥ 11 ॥
யே த்வயா த³ண்ட³காரண்யே ப⁴க்ஷிதா த⁴ர்மசாரிண: ।
தானத்³ய நிஹதஸ்ஸங்க்²யே ஸஸைன்யோனுக³மிஷ்யஸி ॥ 12 ॥
அத்³ய த்வாம் நிஹதம் பா³ணை: பஶ்யந்து பரமர்ஷய: ।
நிரயஸ்த²ம் விமானஸ்தா² யே த்வயா ஹிம்ஸிதா: புரா ॥ 13 ॥
ப்ரஹர த்வம் யதா²காமம் குரு யத்னம் குலாத⁴ம ।
அத்³ய தே பாதயிஷ்யாமி ஶிரஸ்தாலப²லம் யதா² ॥ 14 ॥
ஏவமுக்தஸ்து ராமேண க்ருத்³த⁴ஸ்ஸம்ரக்தலோசன: ।
ப்ரத்யுவாச க²ரோ ராமம் ப்ரஹஸன்க்ரோத⁴மூர்சி²த: ॥ 15 ॥
ப்ராக்ருதான்ராக்ஷஸான்ஹத்வா யுத்³தே⁴ த³ஶரதா²த்மஜ ।
ஆத்மனா கத²மாத்மானமப்ரஶஸ்யம் ப்ரஶம்ஸஸி ॥ 16 ॥
விக்ராந்தா ப³லவந்தோ வா யே ப⁴வந்தி நரர்ஷபா⁴: ।
கத²யந்தி ந தே கிஞ்சித்தேஜஸா ஸ்வேன க³ர்விதா: ॥ 17 ॥
ப்ராக்ருதாஸ்த்வக்ருதாத்மானோ லோகே க்ஷத்ரியபாம்ஸனா: ।
நிரர்த²கம் விகத்த²ந்தே யதா² ராம விகத்த²ஸே ॥ 18 ॥
குலம் வ்யபதி³ஶன்வீரஸ்ஸமரே கோபி⁴தா⁴ஸ்யதி ।
ம்ருத்யுகாலே ஹி ஸம்ப்ராப்தே ஸ்வயமப்ரஸ்தவே ஸ்தவம் ॥ 19 ॥
ஸர்வதை²வ லகு⁴த்வம் தே கத்த²னேன வித³ர்ஶிதம் ।
ஸுவர்ணப்ரதிரூபேண தப்தேனேவ குஶாக்³னினா ॥ 2௦ ॥
ந து மாமிஹ திஷ்ட²ந்தம் பஶ்யஸி த்வம் க³தா³த⁴ரம் ।
த⁴ராத⁴ரமிவாகம்ப்யம் பர்வதம் தா⁴துபி⁴ஶ்சிதம் ॥ 21 ॥
பர்யாப்தோஹம் க³தா³பாணிர்ஹந்தும் ப்ராணான்ரணே தவ ।
த்ரயாணாமபி லோகானாம் பாஶஹஸ்த இவாந்தக: ॥ 22 ॥
காமம் ப³ஹ்வபி வக்தவ்யம் த்வயி வக்ஷ்யாமி ந த்வஹம் ।
அஸ்தம் க³ச்சே²த்³தி⁴ ஸவிதா யுத்³த⁴விக்⁴னஸ்ததோ ப⁴வேத் ॥ 23 ॥
சதுர்த³ஶ ஸஹஸ்ராணி ராக்ஷஸானாம் ஹதானி தே ।
த்வத்³வினாஶாத்கரோம்யேஷாம் தேஷாமஶ்ருப்ரமார்ஜனம் ॥ 24 ॥
இத்யுக்த்வா பரமக்ருத்³த⁴ஸ்தாம் க³தா³ம் பரமாங்க³த:³ ।
க²ரஶ்சிக்ஷேப ராமாய ப்ரதீ³ப்தாமஶனிம் யதா² ॥ 25 ॥
க²ரபா³ஹுப்ரயுக்தா ஸா ப்ரதீ³ப்தா மஹதீ க³தா³ ।
ப⁴ஸ்மவ்ருக்ஷாம்ஶ்ச கு³ல்மாம்ஶ்ச க்ருத்வாகா³த்தத்ஸமீபத: ॥ 26 ॥
தாமாபதந்தீம் ஜ்வலதாம் ம்ருத்யுபாஶோபமாம் க³தா³ம் ।
அந்தரிக்ஷக³தாம் ராமசஶிச்சே²த³ ப³ஹுதா⁴ ஶரை: ॥ 27 ॥
ஸா விகீர்ணா ஶரைர்ப⁴க்³னா பபாத த⁴ரணீதலே ।
க³தா³ மந்த்ரௌஷத⁴ப³லைர்வ்யாலீவ வினிபாதிதா ॥ 28 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஏகோனத்ரிம்ஶஸ்ஸர்க:³ ॥
