ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² சதுர்த³ஶஸ்ஸர்க:³ ।
புத்ரஶோகார்தி³தம் பாபா விஸஞ்ஜ்ஞம் பதிதம் பு⁴வி ।
விவேஷ்டமானமுத்³வீக்ஷ்ய ஸைக்ஷ்வாகமித³மப்³ரவீத் ॥ 1 ॥
பாபம் க்ருத்வைவ கிமித³ம் மம ஸம்ஶ்ருத்ய ஸம்ஶ்ரவம் ।
ஶேஷே க்ஷிதிதலே ஸன்ன: ஸ்தி²த்யாம் ஸ்தா²தும் த்வமர்ஹஸி ॥ 2 ॥
ஆஹு ஸ்ஸத்யம் ஹி பரமம் த⁴ர்மம் த⁴ர்மவிதோ³ ஜனா: ।
ஸத்யமாஶ்ரித்ய ஹி மயா த்வம் ச த⁴ர்மம் ப்ரபோ³தி⁴த: ॥ 3 ॥
ஸம்ஶ்ருத்ய ஶைப்³யஶ்ஶ்யேனாய ஸ்வாம் தனும் ஜக³தீபதி: ।
ப்ரதா³ய பக்ஷிணே ராஜ ந்ஜகா³ம க³திமுத்தமாம் ॥ 4 ॥
ததா² ஹ்யலர்கஸ்தேஜஸ்வீ ப்³ராஹ்மணே வேத³பாரகே³ ।
யாசமானே ஸ்வகே நேத்ரே உத்³த்⁴ருத்யாவிமனா த³தௌ³ ॥ 5 ॥
ஸரிதாம் து பதிஸ்ஸ்வல்பாம் மர்யாதா³ம் ஸத்யமன்வித: ।
ஸத்யானுரோதா⁴த்ஸமயே ஸ்வாம் வேலாம் நாதிவர்ததே ॥ 6 ॥
ஸத்யமேகபத³ம் ப்³ரஹ்ம ஸத்யே த⁴ர்ம: ப்ரதிஷ்டித: ।
ஸத்யமேவாக்ஷயா வேதா³ ஸத்யேனைவாப்யதே ஸ்பரம் ॥ 7 ॥
ஸத்யம் ஸமனுவர்தஸ்வ யதி³ த⁴ர்மே த்⁴ருதா மதி: ।
ஸப²லஸ்ஸ வரோ மேஸ்து வரதோ³ ஹ்யஸி ஸத்தம ॥ 8 ॥
த⁴ர்மஸ்யைஹாபி⁴காமார்த²ம் மம சைவாபி⁴சோத³னாத் ।
ப்ரவ்ராஜய ஸுதம் ராமம் த்ரி:க²லு த்வாம் ப்³ரவீம்யஹம் ॥ 9 ॥
ஸமயம் ச மமார்யேமம் யதி³ த்வம் ந கரிஷ்யஸி ।
அக்³ரதஸ்தே பரித்யக்தா பரித்யக்ஷ்யாமி ஜீவிதம் ॥ 1௦ ॥
ஏவம் ப்ரசோதி³தோ ராஜா கைகேய்யா நிர்விஶங்கயா ।
நாஶகத்பாஶமுன்மோக்தும் ப³லிரிந்த்³ரக்ருதம் யதா² ॥ 11 ॥
உத்³ப்⁴ராந்தஹ்ருத³யஶ்சாபி விவர்ணவத³னோப⁴வத் ।
ஸ து⁴ர்யோவைபரிஸ்பந்த³ன்யுக³சக்ராந்தரம் யதா² ॥ 12 ॥
விஹ்வலாப்⁴யாம் ச நேத்ராப்⁴யாமபஶ்யன்னிவ பூ⁴பதி: ।
க்ருச்ச்²ராத்³தை⁴ர்யேண ஸம்ஸ்தப்⁴ய கைகேயீமித³மப்³ரவீத் ॥ 13 ॥
யஸ்தே மந்த்ரக்ருத: பாணிரக்³னௌ பாபே மயா த்⁴ருத: ।
தம் த்யஜாமி ஸ்வஜம் சைவ தவ புத்ரம் த்வயா ஸஹ ॥ 14 ॥
ப்ரயாதா ரஜனீ தே³வி ஸூர்யஸ்யோத³யனம்ப்ரதி ।
அபி⁴ஷேகம் கு³ருஜனஸ்த்வரயிஷ்யதி மாம் த்⁴ருவம் ॥ 15 ॥
ராமாபி⁴ஷேகஸம்பா⁴ரைஸ்தத³ர்த²முபகல்பிதை: ।
ராம: காரயிதவ்யோ மே ம்ருதஸ்ய ஸலிலக்ரியாம் ॥ 16 ॥
த்வயா ஸபுத்ரயா நைவ கர்தவ்யா ஸலிலக்ரியா ।
வ்யாஹந்தாஸ்யஶுபா⁴சாரே யதி³ ராமாபி⁴ஷேசனம் ॥ 17 ॥
ந ச ஶக்தோஸ்ம்யஹம் த்³ரஷ்டும் த்³ருஷ்ட்வா பூர்வம் ததா²ஸுக²ம் ।
ஹதஹர்ஷம் நிரானந்த³ம் புனர்ஜனமவாங்முக²ம் ॥ 18 ॥
தாம் ததா² ப்³ருவதஸ்தஸ்ய பூ⁴மிபஸ்ய மஹாத்மன: ।
ப்ரபா⁴தா ஶர்வரீ புண்யா சந்த்³ரனக்ஷத்ரஶாலினீ ॥ 19 ॥
தத: பாபஸமாசாரா கைகேயீ பார்தி²வம் புன: ।
உவாச பருஷம் வாக்யம் வாக்யஜ்ஞா ரோஷமூர்சி²தா ॥ 2௦ ॥
கிமித³ம் பா⁴ஷஸே ராஜன்வாக்யம் க³ரருஜோபமம் ।
ஆனாயயிதுமக்லிஷ்டம் புத்ரம் ராமமிஹார்ஹஸி ॥ 21 ॥
ஸ்தா²ப்ய ராஜ்யே மம ஸுதம் க்ருத்வா ராமம் வனேசரம் ।
நிஸ்ஸபத்னாம் ச மாம் க்ருத்வா க்ருதக்ருத்யோ ப⁴விஷ்யஸி ॥ 22 ॥
ஸ நுன்ன இவ தீக்ஷ்ணேன ப்ரதோதே³ன ஹயோத்தம: ।
ராஜா ப்ரசோதி³தோபீ⁴க்ஷ்ணம் கைகேயீமித³மப்³ரவீத் ॥ 23 ॥
த⁴ர்மப³ந்தே⁴ன ப³த்⁴தோ³ஸ்மி நஷ்டா ச மம சேதனா ।
ஜ்யேஷ்ட²ம் புத்ரம் ப்ரியம் ராமம் த்³ரஷ்டுமிச்சா²மி தா⁴ர்மிகம் ॥ 24 ॥
தத: ப்ரபா⁴தாம் ரஜனீமுதி³தே ச தி³வாகரே ।
புண்யே நக்ஷத்ரயோகே³ ச முஹூர்தே ச ஸமாஹிதே ॥ 25 ॥
வஸிஷ்டோ² கு³ணஸம்பன்ன ஶ்ஶிஷ்யை பரிவ்ருதஸ்ததா³ ।
உபக்³ருஹ்யாஶு ஸம்பா⁴ரான்ப்ரவிவேஶ புரோத்தமம் ॥ 26 ॥
ஸிக்தஸம்மார்ஜிதபதா²ம் பதாகோத்தம பூ⁴ஷிதாம் ।
விசித்ரகுஸுமாகீர்ணாம் நானாஸ்ரக்³பி⁴ர்விராஜிதாம் ॥ 27 ॥
ஸம்ஹ்ருஷ்டமனுஜோபேதாம் ஸம்ருத்³த⁴விபணாபணாம் ।
மஹோத்ஸவஸமாகீர்ணாம் ராக⁴வார்தே² ஸமுத்ஸுகாம் ॥ 28 ॥
சந்த³னாக³ருதூ⁴பைஶ்ச ஸர்வத: ப்ரதிதூ⁴பிதாம் ।
தாம் புரீம் ஸமதிக்ரம்ய புரந்த³ரபுரோபமாம் ॥ 29 ॥
த³த³ர்ஶாந்த:புரஶ்ரேஷ்ட²ம் நானாத்³விஜக³ணாயுதம் ।
பௌரஜானபதா³கீர்ணம் ப்³ராஹ்மணைருபஶோபி⁴தம் ॥ 3௦ ॥
யஜ்ஞவித்³பி⁴ ஸ்ஸுஸம்பூர்ணம் ஸத³ஸ்யை: பரமத்³விஜை: ।
தத³ந்த:புரமாஸாத்³ய வ்யதிசக்ராம தம் ஜனம் ॥ 31 ॥
வஸிஷ்ட:² பரமப்ரீத: பரமர்ஷிர்விவேஶ ச ।
ஸத்வபஶ்யத்³வினிஷ்க்ராந்தம் ஸுமந்த்ரம் நாம ஸாரதி²ம் ॥ 32 ॥
த்³வாரே மனுஜஸிம்ஹஸ்ய ஸசிவம் ப்ரியத³ர்ஶனம் ।
தமுவாச மஹாதேஜா ஸ்ஸூதபுத்ரம் விஶாரத³ம் ॥ 33 ॥
வஸிஷ்ட:² க்ஷிப்ரமாசக்ஷ்வ ந்ருபதேர்மாமிஹாக³தம் ।
இமே க³ங்கோ³த³கக⁴டா ஸ்ஸாக³ரேப்⁴யஶ்ச காஞ்சனா: ॥ 34 ॥
ஔது³ம்ப³ரம் ப⁴த்³ரபீட²மபி⁴ஷேகார்த²மாக³தம் ।
ஸர்வபீ³ஜானி க³ந்தா⁴ஶ்ச ரத்னானி விவிதா⁴னி ச ॥ 35 ॥
க்ஷௌத்³ரம் த³தி⁴ க்⁴ருதம் லாஜா த³ர்பா⁴ஸ்ஸுமனஸ: பய: ।
அஷ்டௌ ச கன்யா ருசிரா மத்தஶ்ச வரவாரண: ॥ 36 ॥
சதுரஶ்வோ ரத²ஶ்ஶ்ரீமான்னிஸ்த்ரிம்ஶோ த⁴னுருத்தமம் ।
வாஹனம் நரஸம்யுக்தம் ச²த்ரம் ச ஶஶிஸன்னிப⁴ம் ॥ 37 ॥
ஶ்வேதே ச வாலவ்யஜனே ப்⁴ருங்கா³ருஶ்ச ஹிரண்மய: ।
ஹேமதா³மபினத்⁴த³ஶ்ச ககுத்³மான்பாண்டு³ரோ வ்ருஷ: ॥ 38 ॥
கேஸரீ ச சதுர்த³ம்ஷ்ட்ரோ ஹரிஶ்ரேஷ்டோ² மஹாப³ல: ।
ஸிம்ஹாஸனம் வ்யாக்⁴ரதனு ஸ்ஸமித்³த⁴ஶ்ச ஹுதாஶன: ॥ 39 ॥
ஸர்வவாதி³த்ரஸங்கா⁴ஶ்ச வேஶ்யாஶ்சாலங்க்ருதா ஸ்ஸ்த்ரய: ।
ஆசார்யா ப்³ராஹ்மணா கா³வ: புண்யாஶ்ச ம்ருக³பக்ஷிண: ॥ 4௦ ॥
பௌரஜானபத³ஶ்ரேஷ்டா² நைக³மாஶ்ச க³ணை ஸ்ஸஹ ।
ஏதே சான்யே ச ப³ஹவோ நீயமானா: ப்ரியம்வதா³: ॥ 41 ॥
அபி⁴ஷேகாய ராமஸ்ய ஸஹ திஷ்ட²ந்தி பார்தி²வை: ।
த்வரயஸ்வ மஹாராஜம் யதா² ஸமுதி³தேஹனி ॥ 42 ॥
புஷ்யே நக்ஷத்ரயோகே³ ச ராமோ ராஜ்யமவாப்னுயாத் ।
இதி தஸ்ய வச ஶ்ஶ்ருத்வா ஸூதபுத்ரோ மஹாத்மன: ॥ 43 ॥
ஸ்துவன்ன்ருபதிஶார்தூ³லம் ப்ரவிவேஶ நிவேஶனம் ।
தம் து பூர்வோதி³தம் வ்ருத்⁴த³ம் த்³வாரஸ்தா² ராஜ ஸம்மதம் ॥ 44 ॥
ந ஶேகுரபி⁴ஸம்ரோத்⁴து³ம் ராஜ்ஞ: ப்ரியசிகீர்ஷவ: ।
ஸ ஸமீபஸ்தி²தோ ராஜ்ஞஸ்தாமவஸ்தா²மஜஜ்ஞிவான் ॥ 45 ॥
வாக்³பி⁴: பரமதுஷ்டாபி⁴ரபி⁴ஷ்டோதும் ப்ரசக்ரமே ।
தத ஸ்ஸூதோ யதா²காலம் பார்தி²வஸ்ய நிவேஶனே ॥ 46 ॥
ஸுமந்த்ர: ப்ராஞ்ஜலிர்பூ⁴த்வா துஷ்டாவ ஜக³தீபதிம் ।
யதா² நந்த³தி தேஜஸ்வீ ஸாக³ரோ பா⁴ஸ்கரோத³யே ॥ 47 ॥
ப்ரீத: ப்ரீதேன மனஸா ததா²னந்த³க⁴ன ஸ்ஸ்வத: ।
இந்த்³ரமஸ்யாம் து வேலாயாமபி⁴துஷ்டாவ மாதலி: ॥ 48 ॥
ஸோஜயத்³தா³னவான்ஸர்வாம்ஸ்ததா² த்வாம் போ³த⁴யாம்யஹம் ।
வேதா³ஸ்ஸஹாங்க³வித்³யாஶ்ச யதா²ஹ்யாத்மபு⁴வம் விபு⁴ம் ॥ 49 ॥
ப்³ரஹ்மாணம் போ³த⁴யந்த்யத்³ய ததா² த்வாம் போ³த⁴யாம்யஹம் ।
ஆதி³த்யஸ்ஸஹ சந்த்³ரேண யதா² பூ⁴தத⁴ராம் ஶுபா⁴ம் ॥ 5௦ ॥
போ³த⁴யத்யத்³ய ப்ருதி²வீம் ததா² த்வாம் போ³த⁴யாம்யஹம் ।
உத்திஷ்டா²ஶு மஹாராஜ க்ருதகௌதுகமங்க³ல: ॥ 51 ॥
விராஜமானோ வபுஷா மேரோரிவ தி³வாகர: ।
ஸோமஸூர்யௌ ச காகுத்ஸ்த² ஶிவவைஶ்ரவணாவபி ॥ 52 ॥
வருணஶ்சாக்³னிரிந்த்³ரஶ்ச விஜயம் ப்ரதி³ஶந்து தே ।
க³தா ப⁴க³வதீ ராத்ரி: க்ருதம் க்ருத்யமித³ம் தவ ॥ 53 ॥
பு³த்³த்⁴யஸ்வ ந்ருபஶார்தூ³ல குரு கார்யமனந்தரம் ।
உத³திஷ்ட²த ராமஸ்ய ஸமக்³ரமபி⁴ஷேசனம் ॥ 54 ॥
பௌரஜானாபதை³ஶ்சாபி நைக³மைஶ்ச க்ருதாஞ்ஜலி: ।
ஸ்வயம் வஶிஷ்டோ² ப⁴க³வான்ப்³ராஹ்மணை ஸ்ஸஹ திஷ்ட²தி ॥ 55 ॥
க்ஷிப்ரமாஜ்ஞாப்யதாம் ராஜன்ராக⁴வஸ்யாபி⁴ஷேசனம் ।
யதா² ஹ்யபாலா: பஶவோ யதா² ஸேனா ஹ்யனாயகா ॥ 56 ॥
யதா² சந்த்³ரம் வினா ராத்ரிர்யதா² கா³வோ வினா வ்ருஷம் ।
ஏவம் ஹி ப⁴விதா ராஷ்ட்ரம் யத்ர ராஜா ந த்³ருஶ்யதே ॥ 57 ॥
இதி தஸ்ய வச ஶ்ஶ்ருத்வா ஸாந்த்வபூர்வமிவார்த²வத் ।
அப்⁴யகீர்யத ஶோகேன பூ⁴ய ஏவ மஹீபதி: ॥ 58 ॥
தத ஸ்ஸராஜா தம் ஸூதம் ஸன்னஹர்ஷ ஸ்ஸுதம் ப்ரதி ।
ஶோகரக்தேக்ஷண ஶ்ஶ்ரீமானுத்³வீக்ஷ்யோவாச தா⁴ர்மிக: ॥ 59 ॥
வாக்யைஸ்து க²லு மர்மாணி மம பூ⁴யோ நிக்ருந்தஸி ।
ஸுமந்த்ர: கருணம் ஶ்ருத்வா த்³ருஷ்ட்வா தீ³னம் ச பார்தி²வம் ।
ப்ரக்³ருஹீதாஞ்ஜலி: கிஞ்சித்தஸ்மாத்³தே³ஶாத³பாக்ரமத் ॥ 6௦ ॥
யதா³ வக்தும் ஸ்வயம் தை³ன்யான்ன ஶஶாக மஹீபதி: ॥ 61 ॥
ததா³ ஸுமந்த்ரம் மந்த்ரஜ்ஞா கைகேயீ ப்ரத்யுவாச ஹ ।
ஸுமந்த்ர ராஜா ரஜனீம் ராமஹர்ஷஸமுத்ஸுக: ॥ 62 ॥
ப்ரஜாக³ரபரிஶ்ராந்தோ நித்³ராயா வஶமுபேயிவான் ।
தத்³க³ச்ச² த்வரிதம் ஸூத ராஜபுத்ரம் யஶஸ்வினம் ॥ 63 ॥
ராமமானய ப⁴த்³ரம் தே நாத்ர கார்யா விசாரணா ।
ஸ மன்யமான: கல்யாணம் ஹ்ருத³யேன நனந்த³ ச ॥ 64 ॥
நிர்ஜகா³ம ச ஸம்ப்ரீத்யா த்வரிதோ ராஜஶாஸனாத் ।
ஸுமந்த்ரஶ்சிந்தயாமாஸ த்வரிதம் சோதி³தஸ்தயா ॥ 65 ॥
வ்யக்தம் ராமோபி⁴ஷேகார்த²மிஹாயாஸ்யதி த⁴ர்மவித் ।
இதி ஸூதோ மதிம் க்ருத்வா ஹர்ஷேண மஹதாவ்ருத: ॥ 66 ॥
நிர்ஜகா³ம மஹாபா³ஹோ ராக⁴வஸ்ய தி³த்³ருக்ஷயா ।
ஸாக³ரஹ்ரத³ஸங்காஶாத்ஸுமந்த்ரோந்த:புராச்சு²பா⁴த் ॥ 67 ॥
நிஷ்க்ரம்ய ஜனஸம்பா³த⁴ம் த³த³ர்ஶ த்³வாரமக்³ரத: ।
தத: புரஸ்தாத்ஸஹஸா வினிர்க³தோ மஹீபதீந்த்³வாரக³தோ விலோகயன் ।
த³த³ர்ஶ பௌரான்விவிதா⁴ன்மஹாத⁴னா நுபஸ்தி²தாந்த்³வாரமுபேத்ய விஷ்டி²தான் ॥ 68 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ சதுர்த³ஶஸ்ஸர்க:³ ॥
