ஶ்ரீமத்³வால்மீகீய ராமாயணே பா³லகாண்ட³ம் ।
அத² விம்ஶஸ்ஸர்க:³ ।
தச்ச்²ருத்வா ராஜஶார்தூ³லோ விஶ்வாமித்ரஸ்ய பா⁴ஷிதம் ।
முஹூர்தமிவ நிஸ்ஸஞ்ஜ்ஞஸ்ஸஞ்ஜ்ஞாவானித³மப்³ரவீத் ॥ 1 ॥
ஊனஷோட³ஶவர்ஷோ மே ராமோ ராஜீவலோசன: ।
ந யுத்³த⁴யோக்³யதாமஸ்ய பஶ்யாமி ஸஹ ராக்ஷஸை: ॥ 2 ॥
இயமக்ஷௌஹிணீ பூர்ணா யஸ்யாஹம் பதிரீஶ்வர: ।
அனயா ஸம்வ்ருதோ க³த்வா யோத்³தா⁴ஹம் தைர்னிஶாசரை: ॥ 3 ॥
இமே ஶூராஶ்ச விக்ராந்தா ப்⁴ருத்யா மேஸ்த்ரவிஶாரதா³: ।
யோக்³யா ரக்ஷோக³ணைர்யோத்³து⁴ம் ந ராமம் நேதுமர்ஹஸி ॥ 4 ॥
அஹமேவ த⁴னுஷ்பாணிர்கோ³ப்தா ஸமரமூர்த⁴னி ।
யாவத்ப்ராணாந்த⁴ரிஷ்யாமி தாவத்³யோத்ஸ்யே நிஶாசரை: ॥ 5 ॥
நிர்விக்⁴னா வ்ரதசர்யா ஸா ப⁴விஷ்யதி ஸுரக்ஷிதா ।
அஹம் தத்ராக³மிஷ்யாமி ந ராமம் நேதுமர்ஹஸி ॥ 6 ॥
பா³லோ ஹ்யக்ருதவித்³யஶ்ச ந ச வேத்தி ப³லாப³லம் ।
ந சாஸ்த்ரப³லஸம்யுக்தோ ந ச யுத்³த⁴விஶாரத:³ ॥ 7 ॥
ந சாஸௌ ரக்ஷஸாம் யோக்³ய: கூடயுத்³தா⁴ ஹி தே த்⁴ருவம் ।
விப்ரயுக்தோ ஹி ராமேண முஹூர்தமபி நோத்ஸஹே ॥ 8 ॥
ஜீவிதும் முனிஶார்தூ³ல ந ராமம் நேதுமர்ஹஸி ।
யதி³ வா ராக⁴வம் ப்³ரஹ்மன்னேதுமிச்ச²ஸி ஸுவ்ரத ॥ 9 ॥
சதுரங்க³ஸமாயுக்தம் மயா ச ஸஹிதம் நய ।
ஷஷ்டிர்வர்ஷஸஹஸ்ராணி ஜாதஸ்ய மம கௌஶிக ॥ 1௦ ॥
து³:கே²னோத்பாதி³தஶ்சாயம் ந ராமம் நேதுமர்ஹஸி ।
சதுர்ணாமாத்மஜானாம் ஹி ப்ரீதி:பரமிகா மம ॥ 11 ॥
ஜ்யேஷ்ட²ம் த⁴ர்மப்ரதா⁴னம் ச ந ராமம் நேதுமர்ஹஸி ।
கிம்வீர்யா ராக்ஷஸாஸ்தே ச கஸ்ய புத்ராஶ்ச தே ச கே ॥ 12 ॥
கத²ம் ப்ரமாணா: கே சைதான்ரக்ஷந்தி முனிபுங்க³வ ।
கத²ம் ச ப்ரதிகர்தவ்யம் தேஷாம் ராமேண ரக்ஷஸாம் ॥ 13 ॥
மாமகைர்வா ப³லைர்ப்³ரஹ்மன்மயா வா கூடயோதி⁴னாம் ।
3 ஸர்வம் மே ஶம்ஸ ப⁴க³வன்கத²ம் தேஷாம் மயா ரணே ॥ 14 ॥
ஸ்தா²தவ்யம் து³ஷ்டபா⁴வானாம் வீர்யோத்ஸிக்தா ஹி ராக்ஷஸா: ।
4 தஸ்ய தத்³வசனம் ஶ்ருத்வா விஶ்வாமித்ரோப்⁴யபா⁴ஷத ॥ 15 ॥
பௌலஸ்த்யவம்ஶப்ரப⁴வோ ராவணோ நாம ராக்ஷஸ: ।
ஸ ப்³ரஹ்மணா த³த்தவரஸ்த்ரைலோக்யம் பா³த⁴தே ப்⁴ருஶம் ॥ 16 ॥
மஹாப³லோ மஹாவீர்யோ ராக்ஷஸைர்ப³ஹுபி⁴ர்வ்ருத: ।
ஶ்ரூயதே ஹி மஹாவீர்யோ ராவணோ ராக்ஷஸாதி⁴ப: ॥ 17 ॥
ஸாக்ஷாத்³வைஶ்ரவணப்⁴ராதா புத்ரோ விஶ்ரவஸோ முனே: ।
யதா³ ஸ்வயம் ந யஜ்ஞஸ்ய விக்⁴னகர்தா மஹாப³ல: ॥ 18 ॥
தேன ஸஞ்சோதி³தௌ த்³வௌ து ராக்ஷஸௌ வை மஹாப³லௌ ।
மாரீசஶ்ச ஸுபா³ஹுஶ்ச யஜ்ஞவிக்⁴னம் கரிஷ்யத: ॥ 19 ॥
இத்யுக்தோ முனினா தேன ராஜோவாச முனிம் ததா³ ।
ந ஹி ஶக்தோஸ்மி ஸங்க்³ராமே ஸ்தா²தும் தஸ்ய து³ராத்மன: ॥ 2௦ ॥
ஸ த்வம் ப்ரஸாத³ம் த⁴ர்மஜ்ஞ குருஷ்வ மம புத்ரகே ।
மம சைவால்பபா⁴க்³யஸ்ய தை³வதம் ஹி ப⁴வான்கு³ரு: ॥ 21 ॥
தே³வதா³னவக³ந்த⁴ர்வா யக்ஷா:பதக³பன்னகா³: ।
ந ஶக்தா ராவணம் ஸோடு⁴ம் கிம் புனர்மானவா யுதி⁴ ॥ 22 ॥
ஸ ஹி வீர்யவதாம் வீர்யமாத³த்தே யுதி⁴ ராக்ஷஸ: ।
தேன சாஹம் ந ஶக்தோஸ்மி ஸம்யோத்³து⁴ம் தஸ்ய வா ப³லை: ॥ 23 ॥
ஸப³லோ வா முனிஶ்ரேஷ்ட² ஸஹிதோ வா மமாத்மஜை: ।
கத²மப்யமரப்ரக்²யம் ஸங்க்³ராமாணாமகோவித³ம் ।
பா³லம் மே தனயம் ப்³ரஹ்மன் நைவ தா³ஸ்யாமி புத்ரகம் ॥ 24 ॥
அத² காலோபமௌ யுத்⁴தே³ ஸுதௌ ஸுந்தோ³பஸுந்த³யோ: ॥ 25 ॥
யஜ்ஞவிக்⁴னகரௌ தௌ தே நைவ தா³ஸ்யாமி புத்ரகம் ।
மாரீசஶ்ச ஸுபா³ஹுஶ்ச வீர்யவந்தௌ ஸுஶிக்ஷிதௌ ।
தயோரன்யதரேணாஹம் யோத்⁴தா³ ஸ்யாம் ஸஸுஹ்ருத்³க³ண: ॥ 26 ॥
இதி நரபதிஜல்பனாத்³த்³விஜேந்த்³ரம் குஶிகஸுதம் ஸுமஹான்விவேஶ மன்யு: ।
ஸுஹுத இவ மகே²க்³னிராஜ்யஸிக்த ஸ்ஸமப⁴வது³ஜ்ஜ்வலிதோ மஹர்ஷிவஹ்னி: ॥ 27 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ விம்ஶஸ்ஸர்க:³ ॥
