ஶ்ரீமத்³வால்மீகீய ராமாயணே அரண்யகாண்ட³ம் ।
அத² த்³வாவிம்ஶஸ்ஸர்க:³ ।
ஏவமாத⁴ர்ஷிதஶ்ஶூரஶ்ஶூர்பணக்²யா க²ரஸ்தத: ।
உவாச ரக்ஷஸாம் மத்⁴யே க²ர: க²ரதரம் வச: ॥ 1 ॥
தவாவமானப்ரப⁴வ: க்ரோதோ⁴யமதுலோ மம ।
ந ஶக்யதே தா⁴ரயிதும் லவணாம்ப⁴ இவோல்ப³ணம் ॥ 2 ॥
ந ராமம் க³ணயே வீர்யான்மானுஷம் க்ஷீணஜீவிதம் ।
ஆத்மது³ஶ்சரிதை: ப்ராணான்ஹதோயோத்³ய விமோக்ஷ்யதே ॥ 3 ॥
பா³ஷ்பஸ்ஸம்ஹ்ரியதாமேஷ ஸம்ப்⁴ரமஶ்ச விமுச்யதாம் ।
அஹம் ராமம் ஸஹ ப்⁴ராத்ரா நயாமி யமஸாத³னம் ॥ 4 ॥
பரஶ்வத²ஹதஸ்யாத்³ய மந்த³ப்ராணஸ்ய ஸம்யுகே³ ।
ராமஸ்ய ருதி⁴ரம் ரக்தமுஷ்ணம் பாஸ்யஸி ராக்ஷஸி ॥ 5 ॥
ஸா ப்ரஹ்ருஷ்டா வசஶ்ஶ்ருத்வா க²ரஸ்ய வத³னாச்ச்யுதம் ।
ப்ரஶஶம்ஸ புனர்மௌர்க்²யாத்³ப்⁴ராதரம் ரக்ஷஸாம் வரம் ॥ 6 ॥
தயா பருஷித: பூர்வம் புனரேவ ப்ரஶம்ஸித: ।
அப்³ரவீத்³தூ³ஷணம் நாம க²ரஸ்ஸேனாபதிம் ததா³ ॥ 7 ॥
சதுர்த³ஶ ஸஹஸ்ராணி மம சித்தானுவர்தினாம் ।
ரக்ஷஸாம் பீ⁴மவேகா³னாம் ஸமரேஷ்வனிவர்தினாம் ॥ 8 ॥
நீலஜீமூதவர்ணானாம் கோ⁴ராணாம் க்ரூரகர்மணாம் ।
லோகஹிம்ஸாவிஹாராணாம் ப³லினாமுக்³ரதேஜஸாம் ॥ 9 ॥
தேஷாம் ஶார்தூ³லத³ர்பாணாம் மஹாஸ்யானாம் மஹௌஜஸாம் ।
ஸர்வோத்³யோக³ முதீ³ர்ணானாம் ரக்ஷஸாம் ஸௌம்ய காரய ॥ 1௦ ॥
உபஸ்தா²பய மே க்ஷிப்ரம் ரத²ம் ஸௌம்ய த⁴னூம்ஷி ச ।
ஶராம்ஶ்சித்ராம்ஶ்ச க²ங்கா³ம்ஶ்ச ஶக்தீஶ்ச விவிதா⁴ஶ்ஶிதா: ॥ 11 ॥
அக்³ரே நிர்யாதுமிச்சா²மி பௌலஸ்த்யானாம் மஹாத்மனாம் ।
வதா⁴ர்த²ம் து³ர்வினீதஸ்ய ராமஸ்ய ரணகோவித:³ ॥ 12 ॥
இதி தஸ்ய ப்³ருவாணஸ்ய ஸூர்யவர்ணம் மஹாரத²ம் ।
ஸத³ஶ்வைஶ்ஶப³லைர்யுக்தமாசசக்ஷேத² தூ³ஷண: ॥ 13 ॥
தம் மேருஶிக²ராகாரம் தப்தகாஞ்சனபூ⁴ஷணம் ।
ஹேமசக்ரமஸம்பா³த⁴ம் வைதூ³ர்யமயகூப³ரம் ॥ 14 ॥
மத்ஸ்யை: புஷ்பைர்த்³ருமைஶ்ஶைலைஶ்சந்த்³ரஸூர்யைஶ்ச காஞ்சனை: ।
மங்க³லை: பக்ஷிஸங்கை⁴ஶ்ச தாராபி⁴ரபி⁴ஸம்வ்ருதம் ॥ 15 ॥
த்⁴வஜனிஸ்த்ரிம்ஶஸம்பன்னம் கிங்கிணீகவிராஜிதம் ।
ஸத³ஶ்வயுக்தம் ஸோமர்ஷாதா³ருரோஹ க²ரோ ரத²ம் ॥ 16 ॥
நிஶாம்ய து ரத²ஸ்த²ம் தம் ராக்ஷஸா பீ⁴மவிக்ரமா: ।
தஸ்து²ஸ்ஸம்பரிவார்யைனம் தூ³ஷணம் ச மஹாப³லம் ॥ 17 ॥
க²ரஸ்து தான்மஹேஷ்வாஸான்கோ⁴ரவர்மாயுத⁴த்⁴வஜான் ।
நிர்யாதேத்யப்³ரவீத்³த்³ருஷ்ட்வா ரத²ஸ்த²ஸ்ஸர்வராக்ஷஸான் ॥ 18 ॥
ததஸ்தத்³ ராக்ஷஸம் ஸைன்யம் கோ⁴ரசர்மாயுத⁴த்⁴வஜம் ।
நிர்ஜகா³ம ஜனஸ்தா²னான்மஹானாத³ம் மஹாஜவம் ॥ 19 ॥
முத்³க³ரை: பட்டிஸைஶ்ஶூலைஸ்ஸுதீக்ஷ்ணைஶ்ச பரஶ்வதை⁴: ।
க²ங்கை³ஶ்சக்ரைஶ்ச ஹஸ்தஸ்தை²ர்ப்⁴ராஜமானைஶ்ச தோமரை: ॥ 2௦ ॥
ஶக்திபி⁴: பரிகை⁴ர்கோ⁴ரைரதிமாத்ரைஶ்ச கார்முகை: ।
க³தா³ஸிமுஸலைர்வஜ்ரைர்க்³ருஹீதைர்பீ⁴மத³ர்ஶனை: ॥ 21 ॥
ராக்ஷஸானாம் ஸுகோ⁴ராணாம் ஸஹஸ்ராணி சதுர்த³ஶ ।
நிர்யாதானி ஜனஸ்தா²னாத்க²ரசித்தானுவர்தினாம் ॥ 22 ॥
தாம்ஸ்த்வபி⁴த்³ரவதோ த்³ருஷ்ட்வா ராக்ஷஸான் பீ⁴மவிக்ரமான் ।
க²ரஸ்யாபி ரத:² கிஞ்சிஜ்ஜகா³ம தத³னந்தரம் ॥ 23 ॥
ததஸ்தாஞ்ச²ப³லானஶ்வாஸ்தப்தகாஞ்சனபூ⁴ஷிதான் ।
க²ரஸ்ய மதிமாஜ்ஞாய ஸாரதி²ஸ்ஸமசோத³யத் ॥ 24 ॥
ஸ சோதி³தோ ரத²ஶ்ஶீக்⁴ரம் க²ரஸ்ய ரிபுகா⁴தின: ।
ஶப்³தே³னாபூரயாமாஸ தி³ஶஶ்ச ப்ரதி³ஶஸ்ததா³ ॥ 25 ॥
ப்ரவ்ருத்³த⁴மன்யுஸ்து க²ர: க²ரஸ்வனோ ரிபோர்வதா⁴ர்த²ம் த்வரிதோ யதா²ந்தக: ।
அசூசுத³த்ஸாரதி²முன்னத³ன்க⁴னம் மஹாப³லோ மேக⁴ இவாஶ்மவர்ஷவான் ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ த்³வாவிம்ஶஸ்ஸர்க:³ ॥
