ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² த்ர்யாஶீதிதமஸ்ஸர்க:³ ।
தத ஸ்ஸமுத்தி²த: கால்யமாஸ்தா²ய ஸ்யந்த³னோத்தமம் ।
ப்ரயயௌ ப⁴ரதஶ்ஶீக்⁴ரம் ராமத³ர்ஶனகாங்க்ஷயா ॥ 1 ॥
அக்³ரத: ப்ரயயுஸ்தஸ்ய ஸர்வே மந்த்ரிபுரோத⁴ஸ: ।
அதி⁴ருஹ்ய ஹயைர்யுக்தான்ரதா²ன்ஸூர்யரதோ²பமான் ॥ 2 ॥
நவனாக³ஸஹஸ்ராணி கல்பிதானி யதா²விதி⁴ ।
அன்வயுர்ப⁴ரதம் யாந்தமிக்ஷ்வாகுகுலனந்த³னம் ॥ 3 ॥
ஷஷ்டீ ரத²ஸஹஸ்ராணி த⁴ன்வினோ விவிதா⁴யுதா⁴: ।
அன்வயுர்ப⁴ரதம் யாந்தம் ராஜபுத்ரம் யஶஸ்வினம் ॥ 4 ॥
ஶதம் ஸஹஸ்ராண்யஶ்வானாம் ஸமாரூடா⁴னி ராக⁴வம் ।
அன்வயுர்ப⁴ரதம் யாந்தம் ஸத்யஸந்த⁴ம் ஜிதேந்த்³ரியம் ॥ 5 ॥
கைகேயீ ச ஸுமித்ரா ச கௌஸல்யா ச யஶஸ்வினீ ।
ராமானயனஸம்ஹ்ருஷ்டா யயுர்யானேன பா⁴ஸ்வதா ॥ 6 ॥
ப்ரயாதாஶ்சார்யஸங்கா⁴தா ராமம் த்³ரஷ்டும் ஸலக்ஷ்மணம் ।
தஸ்யைவ ச கதா²ஶ்சித்ரா: குர்வாணா ஹ்ருஷ்டமானஸா: ॥ 7 ॥
மேக⁴ஶ்யாமம் மஹாபா³ஹும் ஸ்தி²ரஸத்த்வம் த்³ருட⁴வ்ரதம் ।
கதா³ த்³ரக்ஷ்யாமஹே ராமம் ஜக³த ஶ்ஶோகனாஶனம் ॥ 8 ॥
த்³ருஷ்ட ஏவ ஹி ந ஶ்ஶோகமபனேஷ்யதி ராக⁴வ: ।
தம ஸ்ஸர்வஸ்ய லோகஸ்ய ஸமுத்³யன்னிவ பா⁴ஸ்கர: ॥ 9 ॥
இத்யேவம் கத²யந்தஸ்தே ஸம்ப்ரஹ்ருஷ்டா: கதா² ஶ்ஶுபா⁴: ।
பரிஷ்வஜானாஶ்சான்யோன்யம் யயுர்னாக³ரிகா ஜனா: ॥ 1௦ ॥
யே ச தத்ராபரே ஸர்வே ஸம்மதா யே ச நைக³மா: ।
ராமம் ப்ரதி யயுர்ஹ்ருஷ்டா ஸ்ஸர்வா: ப்ரக்ருதயஸ்ததா² ॥ 11 ॥
மணிகாராஶ்ச யே கேசித்கும்ப⁴காராஶ்ச ஶோப⁴னா: ।
ஸூத்ரகர்மக்ருதஶ்சைவ யே ச ஶஸ்த்ரோபஜீவின: ॥ 12 ॥
மயூரகா: க்ராகசிகா ரோசகா வேத⁴காஸ்ததா² ।
த³ந்தகாரா ஸ்ஸுதா⁴காரா ஸ்ததா² க³ந்தோ⁴பஜீவின: ॥ 13 ॥
ஸுவர்ணகாரா: ப்ரக்²யாதாஸ்ததா² கம்ப³லதா⁴வகா: ।
ஸ்னாபகோஷ்ணோத³கா வைத்³யாதூ⁴பகாஶ்ஶௌண்டி³காஸ்ததா² ॥ 14 ॥
ரஜகாஸ்துன்னவாயாஶ்ச க்³ராமகோ⁴ஷமஹத்தரா: ।
ஶைலூஷாஶ்ச ஸஹ ஸ்த்ரீபி⁴ர்யயு: கைவர்தகாஸ்ததா² ॥ 15 ॥
ஸமாஹிதா வேத³விதோ³ ப்³ராஹ்மணா வ்ருத்தஸம்மதா: ।
கோ³ரதை²ர்ப⁴ரதம் யாந்தமனுஜக்³மு ஸ்ஸஹஸ்ரஶ: ॥ 16 ॥
ஸுவேஷா ஶ்ஶுத்³த⁴வஸனாஸ்தாம்ரம்ருஷ்டானுலேபனா: ।
ஸர்வே தே விவிதை⁴ர்யானை ஶ்ஶனைர்ப⁴ரதமன்வயு: ॥ 17 ॥
ப்ரஹ்ருஷ்டமுதி³தா ஸேனா ஸான்வயாத்கைகயீஸுதம் ।
ப்⁴ராதுரானயனே யாந்தம் ப⁴ரதம் ப்⁴ராத்ருவத்ஸலம் ॥ 18 ॥
தே க³த்வா தூ³ரமத்⁴வானம் ரத²யானாஶ்வகுஞ்ஜரை: ।
ஸமாஸேது³ஸ்ததோ க³ங்கா³ம் ஶ்ருங்கீ³பே³ரபுரம் ப்ரதி ॥ 19 ॥
யத்ர ராமஸகோ² வீரோ கு³ஹோ ஜ்ஞாதிக³ணைர்வ்ருத: ।
நிவஸத்யப்ரமாதே³ன தே³ஶம் தம் பரிபாலயன் ॥ 2௦ ॥
உபேத்ய தீரம் க³ங்கா³யாஶ்சக்ரவாகைரலங்க்ருதம் ।
வ்யவாதிஷ்ட²த ஸா ஸேனா ப⁴ரதஸ்யானுயாயினீ ॥ 21 ॥
நிரீக்ஷ்யானுக³தாம் ஸேனாம் தாம் ச க³ங்கா³ம் ஶிவோத³காம் ।
ப⁴ரதஸ்ஸசிவான்ஸர்வானப்³ரவீத்³வாக்யகோவித:³ ॥ 22 ॥
நிவேஶயத மே ஸைன்யமபி⁴ப்ராயேண ஸர்வத: ।
விஶ்ராந்தா: ப்ரதரிஷ்யாமஶ்ஶ்வ இதா³னீமிமாம் நதீ³ம் ॥ 23 ॥
தா³தும் ச தாவதி³ச்சா²மி ஸ்வர்க³தஸ்ய மஹீபதே: ।
ஔர்த்⁴வதே³ஹனிமித்தார்த²மவதீர்யோத³கம் நதீ³ம் ॥ 24 ॥
தஸ்யைவம் ப்³ருவதோமாத்யாஸ்ததே²த்யுக்த்வா ஸமாஹிதா: ।
ந்யவேஶயம்ஸ்தாம் ச²ந்தே³ன ஸ்வேன ஸ்வேன ப்ருத²க்ப்ருத²க் ॥ 25 ॥
நிவேஶ்ய க³ங்கா³மனு தாம் மஹானதீ³ம் சமூம் விதா⁴னை: பரிப³ர்ஹஶோபி⁴னீம் ।
உவாஸ ராமஸ்ய ததா³ மஹாத்மனோ விசிந்தயானோ ப⁴ரதோ நிவர்தனம் ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ த்ர்யாஶீதிதமஸ்ஸர்க:³ ॥
