ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² த்ரயோத³ஶஸ்ஸர்க:³ ।
விமானாத்து ஸுஸம்க்ரம்ய ப்ராகாரம் ஹரியூத²ப: ।
ஹனுமான்வேக³வானாஸீத்³யதா² வித்³யுத்³க⁴னாந்தரே ॥ 1 ॥
ஸம்பரிக்ரம்ய ஹனுமான்ராவணஸ்ய நிவேஶனாத் ।
அத்³ருஷ்ட்வா ஜானகீம் ஸீதாமப்³ரவீத்³வசனம் கபி: ॥ 2 ॥
பூ⁴யிஷ்ட²ம் லோலிதா லங்கா ராமஸ்ய சரதா ப்ரியம் ।
ந ஹி பஶ்யாமி வைதே³ஹீம் ஸீதாம் ஸர்வாங்க³ஶோப⁴னாம் ॥ 3 ॥
பல்வலானி தடாகானி ஸராம்ஸி ஸரிதஸ்ததா² ।
நத்³யோனூபவனாந்தாஶ்ச து³ர்கா³ஶ்ச த⁴ரணீத⁴ரா: ॥ 4 ॥
லோலிதா வஸுதா⁴ ஸர்வா ந து பஶ்யாமி ஜானகீம் ।
இஹ ஸம்பாதினா ஸீதா ராவணஸ்ய நிவேஶனே ॥ 5 ॥
ஆக்²யாதா க்³ருத்⁴ரராஜேன ந ச பஶ்யாமி தாமஹம் ।
கிம் நு ஸீதாத² வைதே³ஹீ மைதி²லீ ஜனகாத்மஜா ॥ 6 ॥
உபதிஷ்டே²த விவஶா ராவணம் து³ஷ்டசாரிணம் ।
க்ஷிப்ரமுத்பததோ மன்யே ஸீதாமாதா³ய ரக்ஷஸ: ॥ 7 ॥
பி³ப்⁴யதோ ராமபா³ணானாமந்தரா பதிதா ப⁴வேத் ।
அத²வா ஹ்ரியமாணாயா: பதி² ஸித்³த⁴னிஷேவிதே ॥ 8 ॥
மன்யே பதிதமார்யாயா ஹ்ருத³யம் ப்ரேக்ஷ்ய ஸாக³ரம் ।
ராவணஸ்யோருவேகே³ன பு⁴ஜாப்⁴யாம் பீடி³தேன ச ॥ 9 ॥
தயா மன்யே விஶாலாக்ஷ்யா த்யக்தம் ஜீவிதமார்யயா ।
உபர்யுபரி வா நூனம் ஸாக³ரம் க்ரமதஸ்ததா³ ॥ 1௦ ॥
விவேஷ்டமானா பதிதா ஸாக³ரே ஜனகாத்மஜா ।
அஹோ க்ஷுத்³ரேண வானேன ரக்ஷந்தீ ஶீலமாத்மன: ॥ 11 ॥
அப³ந்து⁴ர்ப⁴க்ஷிதா ஸீதா ராவணேன தபஸ்வினீ ।
அத²வா ராக்ஷஸேந்த்³ரஸ்ய பத்னீபி⁴ரஸிதேக்ஷணா ॥ 12 ॥
அது³ஷ்டா து³ஷ்டபா⁴வாபி⁴ர்ப⁴க்ஷிதா ஸா ப⁴விஷ்யதி ।
ஸம்பூர்ணசந்த்³ரப்ரதிமம் பத்³மபத்ரனிபே⁴க்ஷணம் ॥ 13 ॥
ராமஸ்ய த்⁴யாயதீ வக்த்ரம் பஞ்சத்வம் க்ருபணா க³தா ।
ஹா ராம லக்ஷ்மணேத்யேவம் ஹாயோத்⁴யே சேதி மைதி²லீ ॥ 14 ॥
விலப்ய ப³ஹு வைதே³ஹீ ந்யஸ்ததே³ஹா ப⁴விஷ்யதி ।
அத²வா நிஹிதா மன்யே ராவணஸ்ய நிவேஶனே ॥ 15 ॥
நூனம் லாலப்யதே ஸீதா பஞ்ஜரஸ்தே²வ ஶாரிகா ।
ஜனகஸ்ய ஸுதா ஸீதா ராமபத்னீ ஸுமத்⁴யமா ॥ 16 ॥
கத²முத்பலபத்ராக்ஷீ ராவணஸ்ய வஶம் வ்ரஜேத் ।
வினஷ்டா வா ப்ரணஷ்டா வா ம்ருதா வா ஜனகாத்மஜா ॥ 17 ॥
ராமஸ்ய ப்ரியபா⁴ர்யஸ்ய ந நிவேத³யிதும் க்ஷமம் ।
நிவேத்³யமானே தோ³ஷஸ்ஸ்யாத்³தோ³ஷஸ்ஸ்யாத³னிவேத³னே ॥ 18 ॥
கத²ம் நு க²லு கர்தவ்யம் விஷமம் ப்ரதிபா⁴தி மே ।
அஸ்மின்னேவங்க³தே கார்யே ப்ராப்தகாலம் க்ஷமம் ச கிம் ॥ 19 ॥
ப⁴வேதி³தி மதம் பூ⁴யோ ஹனுமான்ப்ரவிசாரயத் ।
யதி³ ஸீதாமத்³ருஷ்ட்வாஹம் வானரேந்த்³ரபுரீமித: ॥ 2௦ ॥
க³மிஷ்யாமி தத: கோ மே புருஷார்தோ² ப⁴விஷ்யதி ।
மமேத³ம் லங்க⁴னம் வ்யர்த²ம் ஸாக³ரஸ்ய ப⁴விஷ்யதி ॥ 21 ॥
ப்ரவேஶஶ்சைவ லங்காயா: ராக்ஷஸானாம் ச த³ர்ஶனம் ।
கிம் மாம் வக்ஷ்யதி ஸுக்³ரீவோ ஹரயோ வா ஸமாக³தா: ॥ 22 ॥
கிஷ்கிந்தா⁴ம் ஸமனுப்ராப்தம் தௌ வா த³ஶரதா²த்மஜௌ ।
க³த்வா து யதி³ காகுத்ஸ்த²ம் வக்ஷ்யாமி பரமப்ரியம் ॥ 23 ॥
ந த்³ருஷ்டேதி மயா ஸீதா ததஸ்தக்ஷ்யதி ஜீவிதம் ।
பருஷம் தா³ருணம் க்ரூரம் தீக்ஷ்ணமிந்த்³ரியதாபனம் ॥ 24 ॥
ஸீதானிமித்தம் து³ர்வாக்யம் ஶ்ருத்வா ஸ ந ப⁴விஷ்யதி ।
தம் து க்ருச்ச்²ரக³தம் த்³ருஷ்ட்வா பஞ்சத்வக³தமானஸம் ॥ 25 ॥
ப்⁴ருஶானுரக்தோ மேதா⁴வீ ந ப⁴விஷ்யதி லக்ஷ்மண: ।
வினஷ்டௌ ப்⁴ராதரௌ ஶ்ருத்வா ப⁴ரதோபி மரிஷ்யதி ॥ 26 ॥
ப⁴ரதம் ச ம்ருதம் த்³ருஷ்ட்வா ஶத்ருக்⁴னோ ந ப⁴விஷ்யதி ।
புத்ரான்ம்ருதான்ஸமீக்ஷ்யாத² ந ப⁴விஷ்யந்தி மாதர: ॥ 27 ॥
கௌஸல்யா ச ஸுமித்ரா ச கைகேயீ ச ந ஸம்ஶய: ।
க்ருதஜ்ஞஸ்ஸத்யஸந்த⁴ஶ்ச ஸுக்³ரீவ: ப்லவகா³தி⁴ப: ॥ 28 ॥
ராமம் ததா² க³தம் த்³ருஷ்ட்வா ததஸ்த்யக்ஷ்யதி ஜீவிதம் ।
து³ர்மனா வ்யதி²தா தீ³னா நிரானந்தா³ தபஸ்வினீ ॥ 29 ॥
பீடி³தா ப⁴ர்த்ருஶோகேன ருமா த்யக்ஷ்யதி ஜீவிதம் ।
வாலிஜேன து து³:கே²ன பீடி³தா ஶோககர்ஶிதா ॥ 3௦ ॥
பஞ்சத்வம் ச க³தே ராஜ்ஞி தாராபி ந ப⁴விஷ்யதி ।
மாதாபித்ரோர்வினாஶேன ஸுக்³ரீவவ்யஸனேன ச ॥ 31 ॥
குமாரோப்யங்க³த:³ கஸ்மாத்³தா⁴ரயிஷ்யதி ஜீவிதம் ।
ப⁴ர்த்ருஜேன து து³:கே²ன ஹ்யபி⁴பூ⁴தா வனௌகஸ: ॥ 32 ॥
ஶிராம்ஸ்யபி⁴ஹனிஷ்யந்தி தலைர்முஷ்டிபி⁴ரேவ ச ।
ஸாந்த்வேனானுப்ரதா³னேன மானேன ச யஶஸ்வினா ॥ 33 ॥
லாலிதா: கபிராஜேன ப்ராணாம்ஸ்த்யக்ஷ்யந்தி வானரா: ।
ந வனேஷு ந ஶைலேஷு ந நிரோதே⁴ஷு வா புன: ॥ 34 ॥
க்ரீடா³மனுப⁴விஷ்யந்தி ஸமேத்ய கபிகுஞ்ஜரா: ।
ஸபுத்ரதா³ராஸ்ஸாமாத்யா ப⁴ர்த்ருவ்யஸனபீடி³தா: ॥ 35 ॥
ஶைலாக்³ரேப்⁴ய: பதிஷ்யந்தி ஸமேஷு விஷமேஷு ச ।
விஷமுத்³ப³ந்த⁴னம் வாபி ப்ரவேஶம் ஜ்வலனஸ்ய வா ॥ 36 ॥
உபவாஸமதோ² ஶஸ்த்ரம் ப்ரசரிஷ்யந்தி வானரா: ।
கோ⁴ரமாரோத³னம் மன்யே க³தே மயி ப⁴விஷ்யதி ॥ 37 ॥
இக்ஷ்வாகுகுலனாஶஶ்ச நாஶஶ்சைவ வனௌகஸாம் ।
ஸோஹம் நைவ க³மிஷ்யாமி கிஷ்கிந்தா⁴ம் நக³ரீமித: ॥ 38 ॥
ந ச ஶக்ஷ்யாம்யஹம் த்³ரஷ்டும் ஸுக்³ரீவம் மைதி²லீம் வினா ।
மய்யக³ச்ச²தி சேஹஸ்தே² த⁴ர்மாத்மானௌ மஹாரதௌ² ॥ 39 ॥
ஆஶயா தௌ த⁴ரிஷ்யேதே வானராஶ்ச மனஸ்வின: ।
ஹஸ்தாதா³னோ முகா²தா³னோ நியதோ வ்ருக்ஷமூலிக: ॥ 4௦ ॥
வானப்ரஸ்தோ² ப⁴விஷ்யாமி ஹ்யத்³ருஷ்ட்வா ஜனகாத்மஜாம் ।
ஸாக³ரானூபஜே தே³ஶே ப³ஹுமூலப²லோத³கே ॥ 41 ॥
சிதாம் க்ருத்வா ப்ரவேக்ஷ்யாமி ஸமித்³த⁴மரணீஸுதம் ।
உபவிஷ்டஸ்ய வா ஸம்யக்³லிங்கி³னீம் ஸாத⁴யிஷ்யத: ॥ 42 ॥
ஶரீரம் ப⁴க்ஷயிஷ்யந்தி வாயஸா: ஶ்வாபதா³னி ச ।
இத³ம் மஹர்ஷிபி⁴ர்த்³ருஷ்டம் நிர்யாணமிதி மே மதி: ॥ 43 ॥
ஸம்யகா³ப: ப்ரவேக்ஷ்யாமி ந சேத்பஶ்யாமி ஜானகீம் ।
ஸுஜாதமூலா ஸுப⁴கா³ கீர்திமாலா யஶஸ்வினீ ॥ 44 ॥
ப்ரப⁴க்³னா சிரராத்ரீயம் மம ஸீதாமபஶ்யத: ।
தாபஸோ வா ப⁴விஷ்யாமி நியதோ வ்ருக்ஷமூலிக: ॥ 45 ॥
நேத: ப்ரதிக³மிஷ்யாமி தாமத்³ருஷ்ட்வாஸிதேக்ஷணாம் ।
யதீ³த: ப்ரதிக³ச்சா²மி ஸீதாமனதி⁴க³ம்ய தாம் ॥ 46 ॥
அங்க³த³ஸ்ஸஹ தைஸ்ஸர்வைர்வானரைர்ன ப⁴விஷ்யதி ।
வினாஶே ப³ஹவோ தோ³ஷா ஜீவன் ப⁴த்³ராணி பஶ்யதி ॥ 47 ॥
தஸ்மாத்ப்ராணான் த⁴ரிஷ்யாமி த்⁴ருவோ ஜீவிதஸங்க³ம: ।
ஏவம் ப³ஹுவித⁴ம் து³:க²ம் மனஸா த⁴ராயன்முஹு: ॥ 48 ॥
நாத்⁴யக³ச்ச²த்ததா³ பாரம் ஶோகஸ்ய கபிகுஞ்சர: ।
ராவணம் வா வதி⁴ஷ்யாமி த³ஶக்³ரீவம் மஹாப³லம் ॥ 49 ॥
காமமஸ்து ஹ்ருதா ஸீதா ப்ரத்யாசீர்ணம் ப⁴விஷ்யதி ।
அத²வைனம் ஸமுத்க்ஷிப்ய உபர்யுபரி ஸாக³ரம் ॥ 5௦ ॥
ராமாயோபஹரிஷ்யாமி பஶும் பஶுபதேரிவ ।
இதி சிந்தாம் ஸமாபன்ன: ஸீதாமனதி⁴க³ம்ய தாம் ॥ 51 ॥
த்⁴யானஶோகபரீதாத்மா சிந்தயாமாஸ வானர: ।
யாவத்ஸீதாம் ஹி பஶ்யாமி ராமபத்னீம் யஶஸ்வினீம் ॥ 52 ॥
தாவதே³தாம் புரீம் லங்காம் விசினோமி புன: புன: ।
ஸம்பாதிவசனாச்சாபி ராமம் யத்³யானயாம்யஹம் ॥ 53 ॥
அபஶ்யன் ராக⁴வோ பா⁴ர்யாம் நிர்த⁴ஹேத்ஸர்வவானரான் ।
இஹைவ நியதாஹாரோ வத்ஸ்யாமி நியதேந்த்³ரிய: ॥ 54 ॥
ந மத்க்ருதே வினஶ்யேயு: ஸர்வே தே நரவானரா: ।
அஶோகவனிகா சேயம் த்³ருஶ்யதே யா மஹாத்³ருமா ॥ 55 ॥
இமாமதி⁴க³மிஷ்யாமி ந ஹீயம் விசிதா மயா ।
வஸூன்ருத்³ராம்ஸ்ததா²தி³த்யானஶ்வினௌ மருதோபி ச ॥ 56 ॥
நமஸ்க்ருத்வா க³மிஷ்யாமி ரக்ஷஸாம் ஶோகவர்த⁴ன: ।
ஜித்வா து ராக்ஷஸான் ஸர்வானிக்ஷ்வாகுகுலனந்தி³னீம் ॥ 57 ॥
ஸம்ப்ரதா³ஸ்யாமி ராமாய யதா² ஸித்³தி⁴ம் தபஸ்வினே ।
ஸ: முஹூர்தமிவ த்⁴யாத்வா சிந்தாவக்³ரதி²தேந்த்³ரிய: ॥ 58 ॥
உத³திஷ்ட²ன்மஹாதேஜா ஹனுமான் மாருதாத்மஜ: ।
நமோஸ்து ராமாய ஸலக்ஷ்மணாய தே³வ்யை ச தஸ்யை ஜனகாத்மஜாயை ।
நமோஸ்து ருத்³ரேந்த்³ரயமானிலேப்⁴யோ நமோஸ்து சந்த்³ரார்கமருத்³க³ணேப்⁴ய: ॥ 59 ॥
ஸ தேப்⁴யஸ்து நமஸ்க்ருத்ய ஸுக்³ரீவாய ச மாருதி: ।
தி³ஶஸ்ஸர்வாஸ்ஸமாலோக்ய ஹ்யஶோகவனிகாம் ப்ரதி ॥ 6௦ ॥
ஸ க³த்வா மனஸா பூர்வமஶோகவனிகாம் ஶுபா⁴ம் ।
உத்தரம் சிந்தயாமாஸ வானரோ மாருதாத்மஜ: ॥ 61 ॥
த்⁴ருவம் து ரக்ஷோப³ஹுலா ப⁴விஷ்யதி வனாகுலா ।
அஶோகவனிகா புண்யா ஸர்வஸம்ஸ்காரஸம்ஸ்க்ருதா ॥ 62 ॥
ரக்ஷிணஶ்சாத்ர விஹிதா நூனம் ரக்ஷந்தி பாத³பான் ।
ப⁴க³வானபி ஸர்வாத்மா நாதிக்ஷோப⁴ம் ப்ரவாதி வை ॥ 63 ॥
ஸங்க்ஷிப்தோயம் மயாத்மா ச ராமார்தே² ராவணஸ்ய ச ।
ஸித்³தி⁴ம் மே ஸம்விதா⁴ஸ்யந்தி தே³வா: ஸர்ஷிக³ணாஸ்த்விஹ ॥ 64 ॥
ப்³ரஹ்மா ஸ்வயம்பூ⁴ர்ப⁴க³வான் தே³வாஶ்சைவ தி³ஶந்து மே ।
ஸித்³தி⁴மக்³னிஶ்ச வாயுஶ்ச புருஹூதஶ்ச வஜ்ரப்⁴ருத் ॥ 65 ॥
வருண: பாஶஹஸ்தஶ்ச ஸோமாதி³த்யௌ ததை²வ ச ।
அஶ்வினௌ ச மஹாத்மானௌ மருத: ஶர்வ ஏவ ச ॥ 66 ॥
ஸித்³தி⁴ம் ஸர்வாணி பூ⁴தானி பூ⁴தானாம் சைவ ய: ப்ரபு⁴: ।
தா³ஸ்யந்தி மம யே சான்யே ஹ்யத்³ருஷ்டா: பதி² கோ³சரா: ॥ 67 ॥
தது³ன்னஸம் பாண்டு³ரத³ந்தமவ்ரணம் ஶுசிஸ்மிதம் பத்³மபலாஶலோசனம் ।
த்³ரக்ஷ்யே ததா³ர்யாவத³னம் கதா³ன்வஹம் ப்ரஸன்னதாராதி⁴பதுல்யத³ர்ஶனம் ॥ 68 ॥
க்ஷுத்³ரேண பாபேன ந்ருஶம்ஸகர்மணா ஸுதா³ருணாலங்க்ருதவேஷதா⁴ரிணா ।
ப³லாபி⁴பூ⁴தா ஹ்யப³லா தபஸ்வினீ கத²ம் நு மே த்³ருஷ்டிபதே²த்³ய ஸா ப⁴வேத் ॥ 69 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ த்ரயோத³ஶஸ்ஸர்க:³ ॥
