ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² த்³விதீயஸ்ஸர்க:³ ।
ஸ ஸாக³ரமனாத்³ருஷ்யமதிக்ரம்ய மஹாப³ல: ।
த்ரிகூடஶிக²ரே லங்காம் ஸ்தி²தாம் ஸ்வஸ்தோ² த³த³ர்ஶ ஹ ॥ 1 ॥
தத: பாத³பமுக்தேன புஷ்பவர்ஷேண வீர்யவான் ।
அபி⁴வ்ருஷ்ட: ஸ்தி²தஸ்தத்ர ப³பௌ⁴ புஷ்பமயோ யதா² ॥ 2 ॥
யோஜனானாம் ஶதம் ஶ்ரீமாம்ஸ்தீர்த்வாப்யுத்தமவிக்ரம: ।
அனி:ஶ்வஸன் கபிஸ்தத்ர ந க்³லானிமதி⁴க³ச்ச²தி ॥ 3 ॥
ஶதான்யஹம் யோஜனானாம் க்ரமேயம் ஸுப³ஹூன்யபி ।
கிம் புன: ஸாக³ரஸ்யாந்தம் ஸங்க்³யாதம் ஶதயோஜனம் ॥ 4 ॥
ஸ து வீர்யவதாம் ஶ்ரேஷ்ட:² ப்லவதாமபி சோத்தம: ।
ஜகா³ம வேக³வான் லங்காம் லங்க⁴யித்வா மஹோத³தி⁴ம் ॥ 5 ॥
ஶாத்³வலானி ச நீலானி க³ந்த⁴வந்தி வனானி ச ।
க³ண்ட³வந்தி ச மத்⁴யேன ஜகா³ம நக³வந்தி ச ॥ 6 ॥
ஶைலாம்ஶ்ச தருஸஞ்ச²ன்னான் வனாராஜீஶ்ச புஷ்பிதா: ।
அபி⁴சக்ராம தேஜஸ்வீ ஹனுமான் ப்லவக³ர்ஷப:⁴ ॥ 7 ॥
ஸ தஸ்மின்னசலே திஷ்ட²ன்வனான்யுபவனானி ச ।
ஸ நகா³க்³ரே ச தாம் லங்காம் த³த³ர்ஶ பவனாத்மஜ: ॥ 8 ॥
ஸரலான் கர்ணிகாராம்ஶ்ச க²ர்ஜூராம்ஶ்ச ஸுபுஷ்பிதான் ।
ப்ரியாலூன்முசுலிந்தா³ம்ஶ்ச குடஜான் கேதகானபி ॥ 9 ॥
ப்ரியம்ங்கூ³ன் க³ந்த⁴பூர்ணாம்ஶ்ச நீபான் ஸப்தச்ச²தா³ம்ஸ்ததா² ।
ஆஸனான் கோவிதா³ராம்ஶ்ச கரவீராம்ஶ்ச புஷ்பிதான் ॥ 1௦ ॥
புஷ்பபா⁴ரனிப³த்³தா⁴ம்ஶ்ச ததா² முகுலிதானபி ।
பாத³பான் விஹகா³கீர்ணான் பவனாதூ⁴தமஸ்தகான் ॥ 11 ॥
ஹம்ஸகாரண்ட³வாகீர்ணா வாபீ: பத்³மோத்மலாயுதா: ।
ஆக்ரீடா³ன் விவிதா⁴ன் ரம்யாவன் விவிதா⁴ம்ஶ்ச ஜலாஶயான் ॥ 12 ॥
ஸந்ததான் விவிதை⁴ர்வ்ருக்ஷை: ஸர்வர்துப²லபுஷ்பிதை: ।
உத்³யானானி ச ரம்யாணி த³த³ர்ஶ கபிகுஞ்ஜர: ॥ 13 ॥
ஸமாஸாத்³ய ச லக்ஷ்மீவான் லங்காம் ராவணபாலிதாம் ।
பரிகா²பி⁴: ஸபத்³மாபி⁴: ஸோத்பலாபி⁴ரலங்க்ருதாம் ॥ 14 ॥
ஸீதாபஹரணார்தே²ன ராவணேன ஸுரக்ஷிதாம் ।
ஸமந்தாத்³விசரத்³பி⁴ஶ்ச ராக்ஷஸைருக்³ரத⁴ன்விபி⁴: ॥ 15 ॥
காஞ்சனேனாவ்ருதாம் ரம்யாம் ப்ராகாரேண மஹாபுரீம் ।
க்³ருஹைஶ்ச க்³ரஹஸங்காஶை: ஶாரதா³ம்பு³த³ஸன்னிபை⁴: ॥ 16 ॥
பாண்டு³ராபி⁴: ப்ரதோலீபி⁴ருச்சாபி⁴ரபி⁴ஸம்வ்ருதாம் ।
அட்டாலகஶதாகீர்ணாம் பதாகாத்⁴வஜமாலினீம் ॥ 17 ॥
தோரணை: காஞ்சனைர்தி³வ்யைர்லதாபங்த்கிவிசித்ரிதை: ।
த³த³ர்ஶ ஹனுமான் லங்காம் தி³வி தே³வபுரீம் யதா² ॥ 18 ॥
கி³ரிமூர்த்⁴னிம் ஸ்தி²தாம் லங்காம் பாண்டு³ரைர்ப⁴வனை: ஶுபை⁴: ।
த³த³ர்ஶ ஸ கபிஶ்ரேஷ்ட:² புரமாகாஶக³ம் யதா² ॥ 19 ॥
பாலிதாம் ராக்ஷஸேந்த்³ரேண நிர்மிதாம் விஶ்வகர்மணா ।
ப்லவமானமிவாகாஶே த³த³ர்ஶ ஹனுமான் புரீம் ॥ 2௦ ॥
வப்ரப்ராகாரஜக⁴னாம் விபுலாம்பு³னவாம்ப³ராம் ।
ஶதக்⁴னீஶூலகேஶாந்தாமட்டாலகவதம்ஸகாம் ॥ 21 ॥
மனஸேவ க்ருதாம் லங்காம் நிர்மிதாம் விஶ்வகர்மணா ।
த்³வாரமுத்தரமாஸாத்³ய சிந்தயாமாஸ வானர: ॥ 22 ॥
கைலாஸஶிக²ரப்ரக்²யாமாலிக²ந்தீமிவாம்ப³ரம் ।
டீ³யமானாமிவாகாஶமுச்ச்²ரிதைர்ப⁴வனோத்தமை: ॥ 23 ॥
ஸம்பூர்ணாம் ராக்ஷஸைர்கோ⁴ரைர்னாகை³ர்போ⁴க³வதீமிவ ।
அசிந்த்யாம் ஸுக்ருதாம் ஸ்பஷ்டாம் குபே³ராத்⁴யுஷிதாம் புரா ॥ 24 ॥
த³ம்ஷ்ட்ரிபி⁴ர்ப³ஹுபி⁴: ஶூரை: ஶூலபட்டஸபாணிபி⁴: ।
ரக்ஷிதாம் ராக்ஷஸைர்கோ⁴ரைர்கு³ஹாமாஶீவிஷைரிவ ॥ 25 ॥
தஸ்யாஶ்ச மஹதீம் கு³ப்திம் ஸாக³ரம் ச நிரீக்ஷ்ய ஸ: ।
ராவணம் ச ரிபும் கோ⁴ரம் சிந்தயாமாஸ வானர: ॥ 26 ॥
ஆக³த்யாபீஹ ஹரயோ ப⁴விஷ்யந்தி நிரர்த²கா: ।
ந ஹி யுத்³தே⁴ன வை லங்கா ஶக்யா ஜேதும் ஸுரைரபி ॥ 27 ॥
இமாம் து விஷமாம் து³ர்கா³ம் லங்காம் ராவணபாலிதாம் ।
ப்ராப்யாபி ஸ மஹாபா³ஹு: கிம் கரிஷ்யதி ராக⁴வ: ॥ 28 ॥
அவகாஶோ நஸாந்த்வஸ்ய ராக்ஷஸேஷ்வபி⁴க³ம்யதே ।
ந தா³னஸ்ய ந பே⁴த³ஸ்ய நைவ யுத்³த⁴ஸ்ய த்³ருஶ்யதே ॥ 29 ॥
சதுர்ணாமேவ ஹி க³திர்வானராணாம் மஹாத்மனாம் ।
வாலிபுத்ரஸ்ய நீலஸ்ய மம ராஜ்ஞஶ்ச தீ⁴மத: ॥ 3௦ ॥
யாவஜ்ஜானாமி வைதே³ஹீம் யதி³ ஜீவதி வா ந வா ।
தத்ரைவ சிந்தயிஷ்யாமி த்³ருஷ்ட்வா தாம் ஜனகாத்மஜாம் ॥ 31 ॥
தத: ஸ சிந்தயாமாஸ முஹூர்தம் கபிகுஞ்ஜர: ।
கி³ரிஶ்ருங்கே³ ஸ்தி²தஸ்தஸ்மின் ராமஸ்யாப்⁴யுத³யே ரத: ॥ 32 ॥
அனேன ரூபேண மயா ந ஶக்யா ரக்ஷஸாம் புரீ ।
ப்ரவேஷ்டும் ராக்ஷஸைர்கு³ப்தா க்ரூரைர்ப³லஸமன்விதை: ॥ 33 ॥
உக்³ரௌஜஸோ மஹாவீர்யா ப³லவந்தஶ்ச ராக்ஷஸா: ।
வஞ்சனீயா மயா ஸர்வே ஜானகீம் பரிமார்க³தா ॥ 34 ॥
லக்ஷ்யாலக்ஷ்யேண ரூபேண ராத்ரௌ லங்கா புரீ மயா ।
ப்ரவேஷ்டும் ப்ராப்தகாலம் மே க்ருத்யம் ஸாத⁴யிதும் மஹத் ॥ 35 ॥
தாம் புரீம் தாத்³ருஶீம் த்³ருஷ்ட்வா து³ராத⁴ர்ஷாம் ஸுராஸுரை: ।
ஹனுமான் சிந்தயாமாஸ வினிஶ்சித்ய முஹுர்முஹு: ॥ 36 ॥
கேனோபாயேன பஶ்யேயம் மைதி²லீம் ஜனகாத்மஜாம் ।
அத்³ருஷ்டோ ராக்ஷஸேந்த்³ரேண ராவணேன து³ராத்மனா ॥ 37 ॥
ந வினஶ்யேத்கத²ம் கார்யம் ராமஸ்ய விதி³தாத்மன: ।
ஏகாமேகஶ்ச வஶ்யேயம் ரஹிதே ஜனகாத்மஜாம் ॥ 38 ॥
பூ⁴தாஶ்சார்தா² விபத்³யந்தே தே³ஶகாலவிரோதி⁴தா: ।
விக்லப³ம் தூ³தமாஸாத்³ய தம: ஸூர்யோத³யே யதா² ॥ 39 ॥
அர்தா²னர்தா²ந்தரே பு³த்³தி⁴ர்னிஶ்சிதாபி ந ஶோப⁴தே ।
கா⁴தயந்தி ஹி கார்யாணி தூ³தா: பண்டி³தமானின: ॥ 4௦ ॥
ந வினஶ்யேத்கத²ம் கார்யம் வைக்லப்³யம் ந கத²ம் ப⁴வேத் ।
லங்க⁴னம் ச ஸமுத்³ரஸ்ய கத²ம் நு ந வ்ருதா² ப⁴வேத் ॥ 41 ॥
மயி த்³ருஷ்டே து ரக்ஷோபீ⁴ ராமஸ்ய விதி³தாத்மன: ।
ப⁴வேத்³வ்யர்த²மித³ம் கார்யம் ராவணானர்த²மிச்ச²த: ॥ 42 ॥
ந ஹி ஶக்யம் க்வசித் ஸ்தா²துமவிஜ்ஞாதேன ராக்ஷஸை: ।
அபி ராக்ஷஸரூபேண கிமுதான்யேன கேனசித் ॥ 43 ॥
வாயுரப்யத்ர நாஜ்ஞாதஶ்சரேதி³தி மதிர்மம ।
ந ஹ்ய ஸ்த்யவிதி³தம் கிஞ்சித்³ராக்ஷஸானாம் ப³லீயஸாம் ॥ 44 ॥
இஹாஹம் யதி³ திஷ்டா²மி ஸ்வேன ரூபேண ஸம்வ்ருத: ।
வினாஶமுபயாஸ்யாமி ப⁴ர்துரர்த²ஶ்ச ஹீயதே ॥ 45 ॥
தத³ஹம் ஸ்வேன ரூபேண ரஜன்யாம் ஹ்ரஸ்வதாம் க³த: ।
லங்காமபி⁴பதிஷ்யாமி ராக⁴வஸ்யார்த²ஸித்³த⁴யே ॥ 46 ॥
ராவணஸ்ய புரீம் ராத்ரௌ ப்ரவிஶ்ய ஸுது³ராஸதா³ம் ।
விசின்வன் ப⁴வனம் ஸர்வம் த்³ரக்ஷ்யாமி ஜனகாத்மஜாம் ॥ 47 ॥
இதி ஸஞ்சிந்த்ய ஹனுமான் ஸூர்யஸ்யாஸ்தமயம் கபி: ।
ஆசகாங்க்ஷே ததா³ வீரோ வைதே³ஹ்யா த³ர்ஶனோத்ஸுக: ॥ 48 ॥
ஸூர்யே சாஸ்தம் க³தே ராத்ரௌ தே³ஹம் ஸங்க்ஷிப்ய மாருதி: ।
ப்ருஷத³ம்ஶகமாத்ர: ஸன் ப³பூ⁴வாத்³பு⁴தத³ர்ஶன: ॥ 49 ॥
ப்ரதோ³ஷகாலே ஹனுமாம்ஸ்தூர்ணமுத்ப்லுத்ய வீர்யவான் ।
ப்ரவிவேஶ புரீம் ரம்யாம் ஸுவிப⁴க்தமஹாபதா²ம் ॥ 5௦ ॥
ப்ராஸாத³மாலாவிததாம் ஸ்தம்பை⁴: காஞ்சனராஜதை: ।
ஶாதகும்ப⁴மயைர்ஜாலைர்க³ந்த²ர்வனக³ரோபமாம் ॥ 51 ॥
ஸப்தபௌ⁴மாஷ்டபௌ⁴மைஶ்ச ஸ த³த³ர்ஶ மஹாபுரீம் ।
தலை: ஸ்பா²டிகஸங்கீர்ணை: கார்தஸ்வரவிபூ⁴ஷிதை: ॥ 52 ॥
வைடூ³ர்யமணிசித்ரைஶ்ச முக்தாஜாலவிபூ⁴ஷிதை: ।
தலை: ஶுஶுபி⁴ரே தானி ப⁴வனான்யத்ர ரக்ஷஸாம் ॥ 53 ॥
காஞ்சனானி ச சித்ராணி தோரணானி ச ரக்ஷஸாம் ।
லங்காமுத்³யோதயாமாஸு: ஸர்வத: ஸமலங்க்ருதாம் ॥ 54 ॥
அசிந்த்யாமத்³பு⁴தாகாராம் த்³ருஷ்டவா லங்காம் மஹாகபி: ।
ஆஸீத்³விஷண்ணோ ஹ்ருஷ்டஶ்ச வைதே³ஹ்யா த³ர்ஶனோத்ஸுக: ॥ 55 ॥
ஸ பாண்டு³ராவித்³த⁴விமானமாலினீம் மஹார்ஹஜாம்பூ³னதஜ³ாலதோரணாம் ।
யஶஸ்வினீம் ராவணபா³ஹுபாலிதாம் க்ஷபாசரைர்பீ⁴மப³லை: ஸமாவ்ருதாம் ॥ 56 ॥
சந்த்³ரோபி ஸாசிவ்யமிவாஸ்ய குர்வம்ஸ்தாராக³ணைர்மத்⁴யக³தோ விராஜன் ।
ஜ்யோத்ஸ்னாவிதானேன விதத்ய லோக முத்திஷ்ட²தே நைகஸஹஸ்ரரஶ்மி: ॥ 57 ॥
ஶங்க²ப்ரப⁴ம் க்ஷீரம்ருணாலவர்ண முத்³க³ச்ச²மானம் வ்யவபா⁴ஸமானம் ।
த³த³ர்ஶ சந்த்³ரம் ஸ ஹரிப்ரவீர: போப்லூயமானம் ஸரஸீவ ஹம்ஸம் ॥ 58 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ த்³விதீயஸ்ஸர்க:³ ॥
