ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஏகோனபஞ்சாஶஸ்ஸர்க:³ ।
அதா²ங்க³த³ஸ்ததா³ ஸர்வான்வானரானித³மப்³ரவீத் ।
பரிஶ்ராந்தோ மஹாப்ராஜ்ஞஸ்ஸமாஶ்வாஸ்ய ஶனைர்வச: ॥ 1 ॥
வனானி கி³ரயோ நத்³யோ து³ர்கா³ணி க³ஹனானி ச ।
த³ர்யோ கி³ரிகு³ஹாஶ்சைவ விசிதானி ஸமந்தத: ॥ 2 ॥
தத்ர தத்ர ஸஹாஸ்மாபி⁴ர்ஜானகீ ந ச த்³ருஶ்யதே ।
தத்³வா ரக்ஷோ ஹ்ருதா யேன ஸீதா ஸுரஸுதோபமா ॥ 3 ॥
காலஶ்ச நோ மஹான்யாதஸ்ஸுக்³ரீவஶ்சோக்³ரஶாஸன: ।
தஸ்மாத்³ப⁴வந்தஸ்ஸஹிதா விசின்வந்து ஸமந்தத: ॥ 4 ॥
விஹாய தந்த்³ரீம் ஶோகம் ச நித்³ராம் சைவ ஸமுத்தி²தாம் ।
விசினுத்⁴வம் யதா² ஸீதாம் பஶ்யாமோ ஜனகாத்மஜாம் ॥ 5 ॥
அனிர்வேத³ம் ச தா³க்ஷ்யம் ச மனஸஶ்சாபராஜய: ।
கார்யஸித்³தி⁴கராண்யாஹுஸ்தஸ்மாதே³தத்³ப்³ரவீம்யஹம் ॥ 6 ॥
அத்³யாபி தத்³வனம் து³ர்க³ம் விசின்வந்து வனௌகஸ: ।
கே²த³ம் த்யக்த்வா புனஸ்ஸர்வைர்வனமேதத்³விசீயதாம் ॥ 7 ॥
அவஶ்யம் க்ரியமாணஸ்ய த்³ருஶ்யதே கர்மண: ப²லம் ।
அலம் நிர்வேத³மாக³ம்ய ந ஹி நோ மீலனம் க்ஷமம் ॥ 8 ॥
ஸுக்³ரீவ: கோபனோ ராஜா தீக்ஷ்ணத³ண்ட³ஶ்ச வானர: ।
பே⁴தவ்யம் தஸ்ய ஸததம் ராமஸ்ய ச மஹாத்மன: ॥ 9 ॥
ஹிதார்த²மேதது³க்தம் வ: க்ரியதாம் யதி³ ரோசதே ।
உச்யதாம் வா க்ஷமம் யன்னஸ்ஸர்வேஷாமேவ வானரா: ॥ 1௦ ॥
அங்க³த³ஸ்ய வசஶ்ஶ்ருத்வா வசனம் க³ந்த⁴மாத³ன: ।
உவாசாவ்யக்தயா வாசா பிபாஸாஶ்ரமகி²ன்னயா ॥ 11 ॥
ஸத்³ருஶம் க²லு வோ வாக்யமங்க³தோ³ யது³வாச ஹ ।
ஹிதம் சைவானுகூலம் ச க்ரியதாமஸ்ய பா⁴ஷிதம் ॥ 12 ॥
புனர்மார்கா³மஹை ஶைலான்கந்த³ராம்ஶ்ச த³ரீஸ்ததா² ।
கானநானி ச ஶூன்யானி கி³ரிப்ரஸ்ரவணானி ச ॥ 13 ॥
யதோ²த்³தி³ஷ்டானி ஸர்வாணி ஸுக்³ரீவேண மஹாத்மனா ।
விசின்வந்து வனம் ஸர்வே கி³ரிது³ர்கா³ணி ஸர்வஶ: ॥ 14 ॥
ததஸ்ஸமுத்தா²ய புனர்வானராஸ்தே மஹாப³லா: ।
விந்த்⁴யகானநஸங்கீர்ணாம் விசேருர்த³க்ஷிணாம் தி³ஶம் ॥ 15 ॥
தே ஶாரதா³ப்⁴ரப்ரதிமம் ஶ்ரீமத்³ரஜதபர்வதம் ।
ஶ்ருங்க³வந்தம் த³ரீமந்தமதி⁴ருஹ்ய ச வானரா: ॥ 16 ॥
தத்ர லோத்⁴ரவனம் ரம்யம் ஸப்தபர்ணவனானி ச ।
வ்யசின்வம்ஸ்தே ஹரிவராஸ்ஸீதா த³ர்ஶனகாங்க்ஷிண: ॥ 17 ॥
தஸ்யாக்³ரமதி⁴ரூடா⁴ஸ்தே ஶ்ராந்தா விபுலவிக்ரமா: ।
ந பஶ்யந்தி ஸ்ம வைதே³ஹீம் ராமஸ்ய மஹிஷீம் ப்ரியாம் ॥ 18 ॥
தே து த்³ருஷ்டிக³தம் க்ருத்வா தம் ஶைலம் ப³ஹுகந்த³ரம் ।
அவாரோஹந்த ஹரயோ வீக்ஷமாணாஸ்ஸமந்தத: ॥ 19 ॥
அவருஹ்ய ததோ பூ⁴மிம் ஶ்ராந்தா விக³தசேதஸ: ।
ஸ்தி²த்வா முஹூர்தம் தத்ராத² வ்ருக்ஷமூலமுபாஶ்ரிதா: ॥ 2௦ ॥
தே முஹூர்தம் ஸமாஶ்வஸ்தா: கிஞ்சித்³ப⁴க்³னபரிஶ்ரமா: ।
புனரேவோத்³யதா: க்ருத்ஸ்னாம் மார்கி³தும் த³க்ஷிணாம் தி³ஶம் ॥ 21 ॥
ஹனுமத்ப்ரமுகா²ஸ்தே து ப்ரஸ்தி²தா: ப்லவக³ர்ஷபா⁴: ।
விந்த்⁴யமேவாதி³தஸ்தாவத்³விசேருஸ்தே ஸமந்தத: ॥ 22 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஏகோனபஞ்சாஶஸ்ஸர்க:³ ॥
