ஶ்ரீமத்³வால்மீகீய ராமாயணே அரண்யகாண்ட³ம் ।
அத² பஞ்சபஞ்சாஶஸ்ஸர்க:³ ।
ஸந்தி³ஶ்ய ராக்ஷஸான்கோ⁴ரான் ராவணோஷ்டௌ மஹாப³லான் ।
ஆத்மானம் பு³த்³தி⁴வைக்லப்³யாத்க்ருதக்ருத்யமமன்யத ॥ 1 ॥
ஸ சிந்தயானோ வைதே³ஹீம் காமபா³ணஸமர்பித: ।
ப்ரவிவேஶ க்³ருஹம் ரம்யம் ஸீதாம் த்³ரஷ்டுமபி⁴த்வரன் ॥ 2 ॥
ஸ ப்ரவிஶ்ய து தத்³வேஶ்ம ராவணோ ராக்ஷஸாதி⁴ப: ।
அபஶ்யத்³ராக்ஷஸீமத்⁴யே ஸீதாம் ஶோகபராயணாம் ॥ 3 ॥
அஶ்ருபூர்ணமுகீ²ம் தீ³னாம் ஶோகபா⁴ராபி⁴பீடி³தாம் ।
வாயுவேகை³ரிவாக்ராந்தாம் மஜ்ஜந்தீம் நாவமர்ணவே ॥ 4 ॥
ம்ருக³யூத²பரிப்⁴ரஷ்டாம் ம்ருகீ³ம் ஶ்வபி⁴ரிவாவ்ருதாம் ।
அதோ⁴முக²முகீ²ம் ஸீதாமப்⁴யேத்ய ச நிஶாசர: ॥ 5 ॥
தாம் து ஶோகபராம் தீ³னாமவஶாம் ராக்ஷஸாதி⁴ப: ।
ஸ ப³லாத்³த³ர்ஶயாமாஸ க்³ருஹம் தே³வக்³ருஹோபமம் ॥ 6 ॥
ஹர்ம்யப்ராஸாத³ஸம்பா³த⁴ம் ஸ்த்ரீஸஹஸ்ரனிஷேவிதம் ।
நானாபக்ஷிக³ணைர்ஜுஷ்டம் நானாரத்னஸமன்விதம் ॥ 7 ॥
தா³ந்தகைஸ்தாபனீயைஶ்ச ஸ்பா²டிகை ராஜதைரபி ।
வஜ்ரவைடூ³ர்யசித்ரைஶ்ச ஸ்தம்பை⁴ர்த்³ருஷ்டிமனோஹரை: ॥ 8 ॥
தி³வ்யது³ந்து³பி⁴னிர்ஹ்ராத³ம் தப்தகாஞ்சனதோரணம் ।
ஸோபானம் காஞ்சனம் சித்ரமாருரோஹ தயா ஸஹ ॥ 9 ॥
தா³ந்தகா ராஜதாஶ்சைவ க³வாக்ஷா: ப்ரியத³ர்ஶனா: ।
ஹேமஜாலாவதாஶ்சாஸன்ஸ்தத்ர ப்ராஸாத³பங்க்தய: ॥ 1௦ ॥
ஸுதா⁴மணிவிசித்ராணி பூ⁴மிபா⁴கா³னி ஸர்வஶ: ।
த³ஶக்³ரீவஸ்ஸ்வப⁴வனே ப்ராத³ர்ஶயத மைதி²லீம் ॥ 11 ॥
தீ³ர்கி⁴கா: புஷ்கரிண்யஶ்ச நானாவ்ருக்ஷஸமன்விதா: ।
ராவணோ த³ர்ஶயாமாஸ ஸீதாம் ஶோகபராயணாம் ॥ 12 ॥
த³ர்ஶயித்வா து வைதே³ஹ்யா: க்ருத்ஸ்னம் தத்³ப⁴வனோத்தமம் ।
உவாச வாக்யம் பாபாத்மா ஸீதாம் லோபி⁴துமிச்ச²யா ॥ 13 ॥
த³ஶ ராக்ஷஸகோட்யஶ்ச த்³வாவிம்ஶதிரதா²பரா: ।
தேஷாம் ப்ரபு⁴ரஹம் ஸீதே ஸர்வேஷாம் பீ⁴மகர்மணாம் ॥ 14 ॥
வர்ஜயித்வா ஜராவ்ருத்³தா⁴ன்பா³லாம்ஶ்ச ரஜனீசரான் ।
ஸஹஸ்ரமேகமேகஸ்ய மம கார்யபுரஸ்ஸரம் ॥ 15 ॥
யதி³த³ம் ராஜதந்த்ரம் மே த்வயி ஸர்வம் ப்ரதிஷ்டி²தம் ।
ஜீவிதம் ச விஶாலாக்ஷி த்வம் மே ப்ராணைர்க³ரீயஸீ ॥ 16 ॥
ப³ஹூனாம்ஸ்த்ரீஸஹஸ்ராணாம் மம யோஸௌ பரிக்³ரஹ: ।
தாஸாம் த்வமீஶ்வரா ஸீதே மம பா⁴ர்யா ப⁴வ ப்ரியே ॥ 17 ॥
ஸாது⁴ கிம் தேன்யயா பு³த்³த்⁴யா ரோசயஸ்வ வசோ மம ।
பஜ⁴ஸ்வமாபி⁴தப்தஸ்ய ப்ரஸாத³ம் கர்துமர்ஹஸி ॥ 18 ॥
பரிக்ஷிப்தா ஸமுத்³ரேண லங்கேயம் ஶதயோஜனா ।
நேயம் த⁴ர்ஷயிதும் ஶக்யா ஸேந்த்³ரைரபி ஸுராஸுரை: ॥ 19 ॥
ந தே³வேஷு ந யக்ஷேஷு ந க³ந்த⁴ர்வேஷு பக்ஷிஷு ।
அஹம் பஶ்யாமி லோகேஷு யோ மே வீர்யஸமோ ப⁴வேத் ॥ 2௦ ॥
ராஜ்யப்⁴ரஷ்டேன தீ³னேன தாபஸேன க³தாயுஷா ।
கிம் கரிஷ்யஸி ராமேண மானுஷேணால்பதேஜஸா ॥ 21 ॥
பஜ⁴ஸ்வ ஸீதே மாமேவ ப⁴ர்தாஹம் ஸத்³ருஶஸ்தவ ।
யௌவனம் ஹ்யத்⁴ருவம் பீ⁴ரு ரமஸ்வேஹ மயா ஸஹ ॥ 22 ॥
த³ர்ஶனே மாக்ருதா² பு³த்³தி⁴ம் ராக⁴வஸ்ய வரானநே ।
காஸ்ய ஶக்திரிஹாக³ந்துமபி ஸீதே மனோரதை²: ॥ 23 ॥
ந ஶக்யோ வாயுராகாஶே பாஶைர்ப³த்³து⁴ம் மஹாஜவ: ।
தீ³ப்யமானஸ்ய வாப்யக்³னேர்க்³ருஹீதும் விமலாம் ஶிகா²ம் ॥ 24 ॥
த்ரயாணாமபி லோகானாம் ந தம் பஶ்யாமி ஶோப⁴னே ।
விக்ரமேண நயேத்³யஸ்த்வாம் மத்³பா³ஹுபரிபாலிதாம் ॥ 25 ॥
லங்காயாம் ஸுமஹத்³ராஜ்யமித³ம் த்வமனுபாலய ।
த்வத்ப்ரேஷ்யா மத்³விதா⁴ஶ்சைவ தே³வாஶ்சாபி சராசரா: ॥ 26 ॥
அபி⁴ஷேகோத³கக்லின்னா துஷ்டா ச ரமயஸ்வ மாம் ।
து³ஷ்க்ருதம் யத்பரா கர்ம வனவாஸேன தத்³க³தம் ॥ 27 ॥
யஶ்ச தே ஸுக்ருதோ த⁴ர்மஸ்தஸ்யேஹ ப²லமாப்னுஹி ।
இஹ மால்யானி ஸர்வாணி தி³வ்யக³ந்தா⁴னி மைதி²லி ॥ 28 ॥
பூ⁴ஷணானி ச முக்²யானி ஸேவஸ்வ ச மயா ஸஹ ।
புஷ்பகம் நாம ஸுஶ்ரோணி ப்⁴ராதுர்வைஶ்ரவணஸ்ய மே ॥ 29 ॥
விமானம் ஸூர்யஸங்காஶம் தரஸா நிர்ஜிதம் மயா ।
விஶாலம் ரமணீயம் ச தத்³விமானமனுத்தம் ॥ 3௦ ॥
தத்ர ஸீதே மயா ஸார்த⁴ம் விஹரஸ்வ யதா²ஸுக²ம் ।
வத³னம் பத்³மஸங்காஶமமலம் சாருத³ர்ஶனம் ।
ஶோகார்தந்து வராரோஹே ந ப்⁴ராஜதி வரானநே ॥ 31 ॥
ஏவம் வத³தி தஸ்மித்ஸா வஸ்த்ராந்தேன வராங்க³னா ।
பிதா⁴யேந்து³னிப⁴ம் ஸீதா முக²மஶ்ரூண்யவர்தயத் ॥ 32 ॥
த்⁴யாயந்தீம் தாமிவாஸ்வஸ்தா²ம் தீ³னாம் சிந்தாஹதப்ரபா⁴ம் ।
உவாச வசனம் பாபோ ராவணோ ராக்ஷஸேஶ்வர: ॥ 33 ॥
அலம் வ்ரீடே³ன வைதே³ஹி த⁴ர்மலோபக்ருதேன ச ॥ 34 ॥
ஆர்ஷோயம் தை³வனிஷ்யந்தோ³ யஸ்த்வாமபி⁴க³மிஷ்யதி ।
ஏதௌ பாதௌ³ மயா ஸ்னிக்³தௌ⁴ ஶிரோபி⁴: பரிபீடி³தௌ ॥ 35 ॥
ப்ரஸாத³ம் குரு மே க்ஷிப்ரம் வஶ்யோ தா³ஸோஹமஸ்மிதே ।
இமாஶ்ஶூன்ய மயா வாசஶ்ஶுஷ்யமாணேன பா⁴ஷிதா: ॥ 36 ॥
ந சாபி ராவண: காஞ்சின்மூர்த்⁴னா ஸ்த்ரீம் ப்ரணமேத ஹ ।
ஏவமுக்த்வா த³ஶக்³ரீவோ மைதி²லீம் ஜனகாத்மஜாம் ॥ 37 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ பஞ்சபஞ்சாஶஸ்ஸர்க:³ ॥
