ஶ்ரீமத்³வால்மீகீய ராமாயணே பா³லகாண்ட³ம் ।
அத² அஷ்டாவிம்ஶஸ்ஸர்க:³ ।
ப்ரதிக்³ருஹ்ய ததோஸ்த்ராணி ப்ரஹ்ருஷ்டவத³னஶ்ஶுசி: ।
க³ச்ச²ன்னேவ ச காகுத்ஸ்தோ² விஶ்வாமித்ரமதா²ப்³ரவீத் ॥ 1 ॥
க்³ருஹீதாஸ்த்ரோஸ்மி ப⁴க³வன் து³ராத⁴ர்ஷஸ்ஸுரைரபி ।
அஸ்த்ராணாம் த்வஹமிச்சா²மி ஸம்ஹாரம் முனிபுங்க³வ ॥ 2 ॥
ஏவம் ப்³ருவதி காகுத்ஸ்தே² விஶ்வாமித்ரோ மஹாமுனி: ।
ஸம்ஹாரம் வ்யாஜஹாராத² த்⁴ருதிமான் ஸுவ்ரதஶ்ஶுசி: ॥ 3 ॥
ஸத்யவந்தம் ஸத்யகீர்திம் த்⁴ருஷ்டம் ரப⁴ஸமேவ ச ।
ப்ரதிஹாரதரம் நாம பராங்முக²மவாங்முக²ம் ॥ 4 ॥
லக்ஷாக்ஷவிஷமௌ சைவ த்³ருட⁴னாப⁴ஸுனாப⁴கௌ ।
த³ஶாக்ஷஶதவக்த்ரௌ ச த³ஶஶீர்ஷஶதோத³ரௌ ॥ 5 ॥
பத்³மனாப⁴மஹானாபௌ⁴ து³ந்து³னாப⁴ஸுனாப⁴கௌ ।
ஜ்யோதிஷம் க்ருஶனம் சைவ நைராஶ்யவிமலாவுபௌ⁴ ॥ 6 ॥
யோக³ந்த⁴ரஹரித்³ரௌ ச தை³த்யப்ரஶமனௌததா² ।
ஸார்சிர்மாலீ த்⁴ருதிர்மாலீ வ்ருத்திமான் ருசிரஸ்ததா² ॥ 7 ॥
பித்ருஸௌமனஸம் சைவ விதூ⁴தமகராவுபௌ⁴ ।
கரவீரகரம் சைவ த⁴னதா⁴ன்யௌ ச ராக⁴வ ॥ 8 ॥
காமரூபம் காமருசிம் மோஹமாவரணம் ததா² ।
ஜ்ரும்ப⁴கம் ஸர்வனாப⁴ம் ச ஸந்தானவரணௌ ததா² ॥ 9 ॥
ப்⁴ருஶாஶ்வதனயான் ராம பா⁴ஸ்வரான்காமரூபிண: ।
ப்ரதீச்ச² மம ப⁴த்³ரம் தே பாத்ரபூ⁴தோஸி ராக⁴வ ॥ 1௦ ॥
பா³ட⁴மித்யேவ காகுத்ஸ்த:² ப்ரஹ்ருஷ்டேனாந்தாராத்மனா ।
தி³வ்யபா⁴ஸ்வரதே³ஹாஶ்ச மூர்திமந்தஸ்ஸுக²ப்ரதா³: ॥ 11 ॥
கேசித³ங்கா³ரஸத்³ருஶா: கேசித்³தூ⁴மோபமாஸ்ததா² ।
சந்த்³ரார்கஸத்³ருஶா: கேசித்ப்ரஹ்வாஞ்ஜலிபுடாஸ்ததா² ॥ 12 ॥
ராமம் ப்ராஞ்ஜலயோ பூ⁴த்வாப்³ருவன் மது⁴ரபா⁴ஷிண: ।
இமே ஸ்ம நரஶார்தூ³ல ஶாதி⁴ கிம் கரவாம தே ॥ 13 ॥
மானஸா: கார்யகாலேஷு ஸாஹாய்யம் மே கரிஷ்யத² ।
க³ம்யதாமிதி தானாஹ யதே²ஷ்டம் ரகு⁴னந்த³ன: ॥ 14 ॥
அத² தே ராமமாமந்த்ற்ய க்ருத்வா சாபி ப்ரத³க்ஷிணம் ।
ஏவமஸ்த்விதி காகுத்ஸ்த²முக்த்வாஜக்³முர்யதா²க³தம் ॥ 15 ॥
ஸ ச தான் ராக⁴வோ ஜ்ஞாத்வா விஶ்வாமித்ரம் மஹாமுனிம் ।
க³ச்ச²ன்னேவாத² மது⁴ரம் ஶ்லக்ஷ்ணம் வசனமப்³ரவீத் ॥ 16 ॥
கின்ன்வேதன்மேக⁴ஸங்காஶம் பர்வதஸ்யாவிதூ³ரத: ।
வ்ருக்ஷஷண்ட³மிதோ பா⁴தி பரம் கௌதூஹலம் ஹி மே ॥ 17 ॥
த³ர்ஶனீயம் ம்ருகா³கீர்ணம் மனோரமமதீவ ச ।
நானாப்ரகாரைஶ்ஶகுனைர்வல்கு³னாதை³ரலங்க்ருதம் ॥ 18 ॥
நிஸ்ஸ்ருதா: ஸ்ம முனிஶ்ரேஷ்ட² காந்தாராத்³ரோமஹர்ஷணாத் ।
அனயா த்வவக³ச்சா²மி தே³ஶஸ்ய ஸுக²வத்தயா ॥ 19 ॥
ஸர்வம் மே ஶம்ஸ ப⁴க³வன் கஸ்யாஶ்ரமபத³ம் த்வித³ம் ।
ஸம்ப்ராப்தா யத்ர தே பாபா ப்³ரஹ்மக்⁴னா து³ஷ்டசாரிண: ॥ 2௦ ॥
தவ யஜ்ஞஸ்ய விக்⁴னாய து³ராத்மானோ மஹாமுனே ।
ப⁴க³வன் தஸ்ய கோ தே³ஶஸ்ஸா யத்ர தவ யாஜ்ஞிகீ ॥ 21 ॥
ரக்ஷிதவ்யா க்ரியா ப்³ரஹ்மன்மயா வத்⁴யாஶ்ச ராக்ஷஸா: ।
ஏதத்ஸர்வம் முனிஶ்ரேஷ்ட² ஶ்ரோதுமிச்சா²ம்யஹம் ப்ரபோ⁴ ॥ 22 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே பா³லகாண்டே³ அஷ்டாவிம்ஶஸ்ஸர்க:³ ॥
