ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஷட்³விம்ஶஸ்ஸர்க:³ ।
ப்ரஸக்தாஶ்ருமுகீ²த்யவம் ப்³ருவந்தீ ஜனகாத்மஜா ।
ஆதோ⁴க³தமுகீ² பா³லா விலப்துமுபசக்ரமே ॥ 1 ॥
உன்மத்தேவ ப்ரமத்தேவ ப்⁴ராந்தசித்தேவ ஶோசதீ ।
உபாவ்ருத்தா கிஶோரீவ விவேஷ்டந்தீ மஹீதலே ॥ 2 ॥
ராக⁴வஸ்ய ப்ரமத்தஸ்ய ரக்ஷஸா காமரூபிணா ।
ராவணேன ப்ரமத்²யாஹமானீதா க்ரோஶதீ ப³லாத் ॥ 3 ॥
ராக்ஷஸீவஶமாபன்னா ப⁴ர்த்ஸ்யமானா ஸுதா³ருணம் ।
சிந்தயந்தீ ஸுது³:கா²ர்தா நாஹம் ஜீவிதுமுத்ஸுஹே ॥ 4 ॥
ந ஹி மே ஜீவிதேனார்தோ² நைவார்தே²ர்ன ச பூ⁴ஷணை: ।
வஸந்த்யா ராக்ஷஸீமத்⁴யே வினா ராமம் மஹாரத²ம் ॥ 5 ॥
அஶ்மஸாரமித³ம் நூனமத²வாப்யஜராமரம் ।
ஹ்ருத³யம் மம யேனேத³ம் ந து³:கே²னாவஶீர்யதே ॥ 6 ॥
தி⁴ங்மாமனார்யாமஸதீம் யாஹம் தேனா வினா க்ருதா ।
முஹூர்தமபி ரக்ஷாமி ஜீவிதம் பாபஜீவிதா ॥ 7 ॥
கா ச மே ஜீவிதே ஶ்ரத்³தா⁴ ஸுகே² வா தம் ப்ரியம் வினா ।
ப⁴ர்தாரம் ஸாக³ராந்தாயா வஸுதா⁴யா: ப்ரியம்வத³ம் ॥ 8 ॥
பி⁴த்³யதாம் ப⁴க்ஷ்யதாம் வாபி ஶரீரம் விஸ்ருஜாம்யஹம் ।
ந சாப்யஹம் சிரம் து³:க²ம் ஸஹேயம் ப்ரியவர்ஜிதா ॥ 9 ॥
சரணேனாபி ஸவ்யேன ந ஸ்ப்ருஶேயம் நிஶாசரம் ।
ராவணம் கிம் புனரஹம் காமமேயம் விக³ர்ஹிதம் ॥ 1௦ ॥
ப்ரத்யாக்²யாதம் ந ஜானாதி நாத்மானம் நாத்மன: குலம் ।
யோ ந்ருஶம்ஸஸ்வபா⁴வேன மாம் ப்ரார்த²யிதுமிச்ச²தி ॥ 11 ॥
சி²ன்னா பி⁴ன்னா விப⁴க்தா வா தீ³ப்தேவாக்³னௌ ப்ரதீ³பிதா ।
ராவணம் நோபதிஷ்டே²யம் கிம் ப்ரலாபேன வஶ்சிரம் ॥ 12 ॥
க்²யாத: ப்ராஜ்ஞ: க்ருதஜ்ஞஶ்ச ஸானுக்ரோஶஶ்ச ராக⁴வ: ।
ஸத்³வ்ருத்தோ நிரனுக்ரோஶஶ்ஶங்கே மத்³பா⁴க்³யஸங்க்ஷயாத் ॥ 13 ॥
ராக்ஷஸானாம் ஸஹஸ்ராணி ஜனஸ்தா²னே சதுர்த³ஶ ।
யேனைகேன நிரஸ்தானி ஸ மாம் கிம் நாபி⁴பத்³யதே ॥ 14 ॥
நிருத்³தா⁴ ராவணேனாஹமல்பவீர்யேண ரக்ஷஸா ।
ஸமர்த:² க²லு மே ப⁴ர்தா ராவணம் ஹந்துமாஹவே ॥ 15 ॥
விராதோ⁴ த³ண்ட³காரண்யே யேன ராக்ஷஸபுங்க³வ: ।
ரணே ராமேண நிஹதஸ்ஸ மாம் கிம் நாபி⁴பத்³யதே ॥ 16 ॥
காமம் மத்⁴யே ஸமுத்³ரஸ்ய லங்கேயம் து³ஷ்ப்ரத⁴ர்ஷணா ।
ந து ராக⁴வபா³ணானாம் க³திரோதோ⁴ ப⁴விஷ்யதி ॥ 17 ॥
கின்னு தத்காரணம் யேன ராமோ த்³ருட⁴பராக்ரம: ।
ரக்ஷஸாபஹ்ருதாம் பா⁴ர்யாமிஷ்டாம் நாப்⁴யவபத்³யதே ॥ 18 ॥
இஹஸ்தா²ம் மாம் ந ஜானீதே ஶங்கே லக்ஷ்மணபூர்வஜ: ।
ஜானந்னபி ஹி தேஜஸ்வீ த⁴ர்ஷணம் மர்ஷயிஷ்யதி ॥ 19 ॥
ஹ்ருதேதி யோதி⁴க³த்வா மாம் ராக⁴வாய நிவேத³யேத் ।
க்³ருத்⁴ரராஜோபி ஸ ரணே ராவணேன நிபாதித: ॥ 2௦ ॥
க்ருதம் கர்ம மஹத்தேன மாம் ததா²ப்⁴யவபத்³யதா ।
திஷ்ட²தா ராவணத்³வந்த்³வே வ்ருத்³தே⁴னாபி ஜடாயுஷா ॥ 21 ॥
யதி³ மாமிஹ ஜானீயாத்³வர்தமானாம் ஸ ராக⁴வ: ।
அத்³ய பா³ணைரபி⁴க்ருத்³த:⁴ குர்யால்லோகமராக்ஷஸம் ॥ 22 ॥
வித⁴மேச்ச புரீம் லங்காம் ஶோஷயேச்ச மஹோத³தி⁴ம் ।
ராவணஸ்ய ச நீசஸ்ய கீர்திம் நாம ச நாஶயேத் ॥ 23 ॥
ததோ நிஹதனாதா²னாம் ராக்ஷஸீனாம் க்³ருஹே க்³ருஹே ।
யதா²ஹமேவம் ருத³தீ ததா² பூ⁴யோ ந ஸம்ஶய: ॥ 24 ॥
அன்விஷ்ய ரக்ஷஸாம் லங்காம் குர்யாத்³ராமஸ்ஸலக்ஷ்மண: ।
ந ஹி தாப்⁴யாம் ரிபுர்த்³ருஷ்டோ முஹூர்தமபி ஜீவதி ॥ 25 ॥
சிதாதூ⁴மாகுலபதா² க்³ருத்⁴ரமண்ட³லஸங்குலா ।
அசிரேண து லங்கேயம் ஶ்மஶானஸத்³ருஶீ ப⁴வேத் ॥ 26 ॥
அசிரேணைவ காலேன ப்ராப்ஸ்யாம்யேவ மனோரத²ம் ।
து³ஷ்ப்ரஸ்தா²னோயாமாக்²யாதி ஸர்வேஷாம் வோ விபர்யயம் ॥ 27 ॥
யாத்³ருஶானீஹ த்³ருஶ்யந்தே லங்காயாமஶுபா⁴னி வை ।
அசிரேணைவ காலேன ப⁴விஷ்யதி ஹதப்ரபா⁴ ॥ 28 ॥
நூனம் லங்கா ஹதே பாபே ராவணே ராக்ஷஸாத⁴மே ।
ஶோஷம் யாஸ்யதி து³ர்த⁴ர்ஷா ப்ரமதா³ வித⁴வா யதா² ॥ 29 ॥
புண்யோத்ஸவஸமுத்தா² ச நஷ்டப⁴ர்த்ரீ ஸராக்ஷஸீ ।
ப⁴விஷ்யதி புரீ லங்கா நஷ்டப⁴ர்த்ரீ யதா²ங்க³னா ॥ 3௦ ॥
நூனம் ராக்ஷஸகன்யானாம் ருத³ந்தீனாம் க்³ருஹே க்³ருஹே ।
ஶ்ரோஷ்யாமி நசிராதே³வ து³:கா²ர்தானாமிஹ த்⁴வனிம் ॥ 31 ॥
ஸாந்த²காரா ஹதத்³யோதா ஹதராக்ஷஸபுங்க³வா ।
ப⁴விஷ்யதி புரீ லங்கா நிர்த³க்³தா⁴ ராமஸாயகை: ॥ 32 ॥
யதி³ நாம ஸ ஶூரோ மாம் ராமோ ரக்தாந்தலோசன: ।
ஜானீயாத்³வர்தமானாம் ஹி ராவணஸ்ய நிவேஶனே ॥ 33 ॥
அனேன து ந்ருஶம்ஸேன ராவணேனாத⁴மேன மே ।
ஸமயோ யஸ்து நிர்தி³ஷ்டஸ்தஸ்ய காலோயமாக³த: ॥ 34 ॥
ஸ ச மே விஹிதோ ம்ருத்யுரஸ்மின் து³ஷ்டே ந வர்ததே ।
அகார்யம் யே ந ஜானந்தி நைர்ருதா: பாபகாரிண: ॥ 35 ॥
அத⁴ர்மாத்து மஹோத்பாதோ ப⁴விஷ்யதி ஹி ஸாம்ப்ரதம் ।
நைதே த⁴ர்மம் விஜானந்தி ராக்ஷஸா: பிஶிதாஶனா: ॥ 36 ॥
த்⁴ருவம் மாம் ப்ராதராஶார்தே² ராக்ஷஸ: கல்பயிஷ்யதி ।
ஸாஹம் கத²ம் கரிஷ்யாமி தம் வினா ப்ரியத³ர்ஶனம் ॥ 37 ॥
க்ஷிப்ரம் வைவஸ்வதம் தே³வம் பஶ்யேயம் பதினா வினா ।
நாஜானாஜ்ஜீவதீம் ராமஸ்ஸ மாம் லக்ஷ்மணபூர்வஜ: ॥ 38 ॥
ஜானந்தௌ தௌ ந குர்யாதாம் நோர்ய்வாம் ஹி மம மார்க³ணம் ।
நூனம் மமைவ ஶோகேன ஸ வீரோ லக்ஷ்மணாக்³ரஜ: ॥ 39 ॥
தே³வலோகமிதோ யாதஸ்த்யக்த்வா தே³ஹம் மஹீதலே ।
த⁴ன்யா தே³வாஸ்ஸக³ந்த⁴ர்வா: ஸித்³தா⁴ஶ்ச பரமர்ஷய: ॥ 4௦ ॥
மம பஶ்யந்தி யே நாத²ம் ராமம் ராஜீவலோசனம் ।
அத²வா ந ஹி தஸ்யார்தோ² த⁴ர்மகாமஸ்ய தீ⁴மத: ॥ 41 ॥
மயா ராமஸ்ய ராஜர்ஷேர்பா⁴ர்யயா பரமாத்மன: ।
த்³ருஶ்யமானே ப⁴வேத்ப்ரீதி ஸ்ஸௌஹ்ருத³ம் நாஸ்த்யபஶ்யத: ॥ 42 ॥
நாஶயந்தி க்ருதக்⁴னாஸ்து ந ராமோ நாஶயிஷ்யதி ।
கிம் நு மே ந கு³ணா: கேசித்கிம் வா பா⁴க்³யக்ஷயோ மம ॥ 43 ॥
யாஹம் ஸீதா³மி ராமேண ஹீனா முக்²யேன பா⁴மினீ ।
ஶ்ரேயோ மே ஜீவிதான்மர்தும் விஹீனாயா மஹாத்மன: ॥ 44 ॥
ராமாத³க்லிஷ்டசாரித்ராச்சூ²ராச்ச²த்ருனிப³ர்ஹணாத் ।
அத²வா ந்யஸ்தஶத்ரௌ தௌ வனே மூலப²லாஶினௌ ॥ 45 ॥
ப்⁴ராதரௌ ஹி நரஶ்ரேஷ்டௌ² ஸம்வ்ருத்தௌ வனகோ³சரௌ ।
அத²வா ராக்ஷஸேந்த்³ரேண ராவணேன து³ராத்மனா ॥ 46 ॥
ச²த்³மனா கா⁴திதௌ ஶூரௌ ப்⁴ராதரௌ ராமலக்ஷ்மணௌ ।
ஸாஹமேவங்க³தே காலே மர்துமிச்சா²மி ஸர்வதா² ॥ 47 ॥
ந ச மே விஹிதோ ம்ருத்யுரஸ்மின் து³:கே²பி வர்ததே ।
த⁴ன்யா: க²லு மஹாத்மானோ முனயஸ்த்யக்தகில்பி³ஷா: ॥ 48 ॥
ஜிதாத்மனோ மஹாபா⁴கா³ யேஷாம் ந ஸ்த: ப்ரியாப்ரியே ।
ப்ரியான்ன ஸம்ப⁴வேத்³து³:க²மப்ரியாத³தி⁴கம் ப⁴யம் ॥ 49 ॥
தாப்⁴யாம் ஹி யே வியுஜ்யந்தே நமஸ்தேஷாம் மஹாத்மனாம் ।
ஸாஹம் த்யக்தா ப்ரியார்ஹேண ராமேண விதி³தாத்மனா ॥ 5௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஷட்³விம்ஶஸ்ஸர்க:³ ॥
