ஶ்ரீமத்³வால்மீகீய ராமாயணே கிஷ்கிந்தா⁴காண்ட³ம் ।
அத² ஸப்தமஸ்ஸர்க:³ ।
ஏவமுக்தஸ்து ஸுக்³ரீவோ ராமேணார்தேன வானர: ।
அப்³ரவீத்ப்ராஞ்ஜலிர்வாக்யம் ஸபா³ஷ்பம் பா³ஷ்பக³த்³க³த:³ ॥ 1 ॥
ந ஜானே நிலயம் தஸ்ய ஸர்வதா² பாபரக்ஷஸ: ।
ஸாமர்த்²யம் விக்ரமம் வாபி தௌ³ஷ்குலேயஸ்ய வா குலம் ॥ 2 ॥
ஸத்யம் தே ப்ரதிஜானாமி த்யஜ ஶோகமரிந்த³ம ।
கரிஷ்யாமி ததா² யத்னம் யதா² ப்ராப்ஸ்யஸி மைதி²லீம் ॥ 3 ॥
ராவணம் ஸக³ணம் ஹத்வா பரிதோஷ்யாத்மபௌருஷம் ।
ததா²ஸ்மி கர்தா ந சிராத்³யதா² ப்ரீதோ ப⁴விஷ்யஸி ॥ 4 ॥
அலம் வைக்லப்³யமாலம்ப்³ய தை⁴ர்யமாத்மக³தம் ஸ்மர ।
த்வத்³விதா⁴னாம் ந ஸத்³ருஶமீத்³ருஶம் பு³த்³தி⁴லாக⁴வம் ॥ 5 ॥
மயாபி வ்யஸனம் ப்ராப்தம் பா⁴ர்யாவிரஹஜம் மஹத் ।
நாஹமேவம் ஹி ஶோசாமி ந ச தை⁴ர்யம் பரித்யஜே ॥ 6 ॥
நாஹம் தாமனுஶோசாமி ப்ராக்ருதோ வானரோபி ஸன் ।
மஹாத்மா ச வினீதஶ்ச கிம் புனர்த்⁴ருதிமான்ப⁴வான் ॥ 7 ॥
பா³ஷ்பமாபதிதம் தை⁴ர்யான்னிக்³ரஹீதும் த்வமர்ஹஸி ।
மர்யாதா³ம் ஸத்த்வயுக்தானாம் த்⁴ருதிம் நோத்ஸ்ரஷ்டுமர்ஹஸி ॥ 8 ॥
வ்யஸனே வார்த²க்ருச்ச்²ரே வா ப⁴யே வா ஜீவிதாந்தகே ।
விம்ருஶன்வை ஸ்வயா பு³த்³த்⁴யா த்⁴ருதிமான்னாவஸீத³தி ॥ 9 ॥
பா³லிஶஸ்து நரோ நித்யம் வைக்லப்³யம் யோனுவர்ததே ।
ஸ மஜ்ஜத்யவஶஶ்ஶோகே பா⁴ராக்ராந்தேவ நௌர்ஜலே ॥ 1௦ ॥
ஏஷோஞ்ஜலிர்மயா ப³த்³த:⁴ ப்ரணயாத்த்வாம் ப்ரஸாத³யே ।
பௌருஷம் ஶ்ரய ஶோகஸ்ய நாந்தரம் தா³துமர்ஹஸி ॥ 11 ॥
யே ஶோகமனுவர்தந்தே ந தேஷாம் வித்³யதே ஸுக²ம் ।
தேஜஶ்ச க்ஷீயதே தேஷாம் ந த்வம் ஶோசிதுமர்ஹஸி ॥ 12 ॥
ஶோகேனாபி⁴ப்ரபன்னஸ்ய ஜீவிதே சாபி ஸம்ஶய: ।
ஸ ஶோகம் த்யஜ ராஜேந்த்³ர தை⁴ர்யமாஶ்ரய கேவலம் ॥ 13 ॥
ஹிதம் வயஸ்யபா⁴வேன ப்³ரூமி நோபதி³ஶாமி தே ।
வயஸ்யதாம் பூஜயன்மே ந த்வம் ஶோசிதுமர்ஹஸி ॥ 14 ॥
மது⁴ரம் ஸாந்த்வித ஸ்தேன ஸுக்³ரீவேண ஸ ராக⁴வ: ।
முக²மஶ்ருபரிக்லின்னம் வஸ்த்ராந்தேன ப்ரமார்ஜயத் ॥ 15 ॥
ப்ரக்ருதிஸ்த²ஸ்து காகுத்ஸ்த²ஸ்ஸுக்³ரீவவசனாத்ப்ரபு⁴: ।
ஸம்பரிஷ்வஜ்ய ஸுக்³ரீவமித³ம் வசனமப்³ரவீத் ॥ 16 ॥
கர்தவ்யம் யத்³வயஸ்யேன ஸ்னிக்³தே⁴ன ச ஹிதேன ச ।
அனுரூபம் ச யுக்தம் ச க்ருதம் ஸுக்³ரீவ தத்த்வயா ॥ 17 ॥
ஏஷ ச ப்ரக்ருதிஸ்தோ²ஹமனுனீதஸ்த்வயா ஸகே² ।
து³ர்லபோ⁴ ஹீத்³ருஶோ ப³ந்து⁴ரஸ்மின்காலே விஶேஷத: ॥ 18 ॥
கிம் து யத்னஸ்த்வயா கார்யோ மைதி²ல்யா: பரிமார்க³ணே ।
ராக்ஷஸஸ்ய ச ரௌத்³ரஸ்ய ராவணஸ்ய து³ராத்மன: ॥ 19 ॥
மயா ச யத³னுஷ்டே²யம் விஸ்ரப்³தே⁴ன தது³ச்யதாம் ।
வர்ஷாஸ்விவ ச ஸுக்ஷேத்ரே ஸர்வம் ஸம்பத்³யதே தவ ॥ 2௦ ॥
மயா ச யதி³த³ம் வாக்யமபி⁴மானாத்ஸமீரிதம் ।
தத்த்வயா ஹரிஶார்தூ³ல தத்த்வமித்யுபதா⁴ர்யதாம் ॥ 21 ॥
அன்ருதம் நோக்தபூர்வம் மே ந ச வக்ஷ்யே கதா³சன ।
ஏதத்தே ப்ரதிஜானாமி ஸத்யேனைவ ச தே ஶபாம்யஹமம் ॥ 22 ॥
தத: ப்ரஹ்ருஷ்டஸ்ஸுக்³ரீவோ வானரைஸ்ஸசிவைஸ்ஸஹ ।
ராக⁴வஸ்ய வசஶ்ஶ்ருத்வா ப்ரதிஜ்ஞாதம் விஶேஷத: ॥ 23 ॥
ஏவமேகாந்தஸம்ப்ருக்தௌ ததஸ்தௌ நரவானரௌ ।
உபா⁴வன்யோன்யஸத்³ருஶம் ஸுக²ம் து³:க²மபா⁴ஷதாம் ॥ 24 ॥
மஹானுபா⁴வஸ்ய வசோ நிஶம்ய ஹரிர்ன்ருபாணாம்ருஷப⁴ஸ்ய தஸ்ய ।
க்ருதம் ஸ மேனே ஹரிவீரமுக்²ய ஸ்ததா³ ஸ்வகார்யம் ஹ்ருத³யேன வித்³வான் ॥ 25 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே கிஷ்கிந்தா⁴காண்டே³ ஸப்தமஸ்ஸர்க:³ ॥
