ஶ்ரீமத்³வால்மீகீய ராமாயணே அரண்யகாண்ட³ம் ।
அத² ஏகோனவிம்ஶஸ்ஸர்க:³ ।
தாம் ததா² பதிதாம் த்³ருஷ்ட்வா விரூபாம் ஶோணிதோக்ஷிதாம் ।
ப⁴கி³னீம் க்ரோத⁴ஸந்தப்த: க²ர: பப்ரச்ச² ராக்ஷஸ: ॥ 1 ॥
உத்திஷ்ட² தாவதா³க்²யாஹி ப்ரமோஹம் ஜஹி ஸம்ப்⁴ரமம் ।
வ்யக்தமாக்²யாஹி கேன த்வமேவம் ரூபா விரூபிதா ॥ 2 ॥
க: க்ருஷ்ணஸர்பமாஸீனமாஶீவிஷமனாக³ஸம் ।
துத³த்யபி⁴ஸமாபன்னமங்கு³ல்யக்³ரேண லீலயா ॥ 3 ॥
க: காலபாஶம் ஸமாஸஜ்ய கண்டே² மோஹான்ன பு³த்⁴யதே ।
யஸ்த்வாமத்³ய ஸமாஸாத்³ய பீதவான்விஷமுத்தமம் ॥ 4 ॥
ப³லவிக்ரமஸம்பன்னா காமகா³ காமரூபிணீ ।
இமாமவஸ்தா²ம் நீதா த்வம் கேனாந்தகஸமாக³தா ॥ 5 ॥
தே³வக³ந்த⁴ர்வபூ⁴தானாம்ருஷீணாம் ச மஹாத்மனாம் ।
கோயமேவம் விரூபாம் த்வாம் மஹாவீர்யஶ்சகார ஹ ॥ 6 ॥
ந ஹி பஶ்யாம்யஹம் லோகே ய: குர்யான்மம விப்ரியம் ।
அமரேஷு ஸஹஸ்ராக்ஷம் மஹேந்த்³ரம் பாகஶாஸனம் ॥ 7 ॥
அத்³யாஹம் மார்க³ணை: ப்ராணானாதா³ஸ்யே ஜீவிதாந்தகை: ।
ஸலிலே க்ஷீரமாஸக்தம் நிஷ்பிப³ன்னிவ ஸாரஸ: ॥ 8 ॥
நிஹதஸ்ய மயா ஸங்க்²யே ஶரஸங்க்ருத்தமர்மண: ।
ஸபே²னம் ருதி⁴ரம் ரக்தம் மேதி³னீ கஸ்ய பாஸ்யதி ॥ 9 ॥
கஸ்ய பத்ரரதா²: காயான்மாம்ஸமுத்க்ருத்ய ஸங்க³தா: ।
ப்ரஹ்ருஷ்டா ப⁴க்ஷயிஷ்யந்தி நிஹதஸ்ய மயா ரணே ॥ 1௦ ॥
தம் ந தே³வா ந க³ந்த⁴ர்வா ந பிஶாசா ந ராக்ஷஸா: ।
மயாபக்ருஷ்டம் க்ருபணம் ஶக்தாஸ்த்ராதும் மஹாஹவே ॥ 11 ॥
உபலப்⁴ய ஶனைஸ்ஸஞ்ஜ்ஞாம் தம் மே ஶம்ஸிதுமர்ஹஸி ।
யேன த்வம் து³ர்வினீதேன வனே விக்ரம்ய நிர்ஜிதா ॥ 12 ॥
இதி ப்⁴ராதுர்வசஶ்ஶ்ருத்வா க்ருத்³த⁴ஸ்ய ச விஶேஷத: ।
ததஶ்ஶூர்பணகா² வாக்யம் ஸபா³ஷ்பமித³மப்³ரவீத் ॥ 13 ॥
தருணௌ ரூபஸம்பன்னௌ ஸுகுமாரௌ மஹாப³லௌ ।
புண்ட³ரீகவிஶாலாக்ஷௌ சீரக்ருஷ்ணாஜினாம்ப³ரௌ ॥ 14 ॥
ப²லமூலாஶனௌ தா³ந்தௌ தாபஸௌ த⁴ர்மசாரிணௌ ।
புத்ரௌ த³ஶரத²ஸ்யாஸ்தாம் ப்⁴ராதரௌ ராமலக்ஷ்மணௌ ॥ 15 ॥
க³ந்த⁴ர்வராஜப்ரதிமௌ பார்தி²வவ்யஞ்ஜனான்விதௌ ।
தே³வௌ வா மானுஷௌ வா தௌ ந தர்கயிதுமுத்ஸஹே ॥ 16 ॥
தருணீ ரூபஸம்பன்னா ஸர்வாப⁴ரணபூ⁴ஷிதா ।
த்³ருஷ்டா தத்ர மயா நாரீ தயோர்மத்⁴யே ஸுமத்⁴யமா ॥ 17 ॥
தாப்⁴யாமுபா⁴ப்⁴யாம் ஸம்பூ⁴ய ப்ரமதா³மதி⁴க்ருத்ய தாம் ।
இமாமவஸ்தா²ம் நீதாஹம் யதா²னாதா²ஸதீ ததா² ॥ 18 ॥
தஸ்யாஶ்சான்ருஜுவ்ருத்தாயாஸ்தயோஶ்ச ஹதயோரஹம் ।
ஸபே²னம் பாதுமிச்சா²மி ருதி⁴ரம் ரணமூர்த⁴னி ॥ 19 ॥
ஏஷ மே ப்ரத²ம: காம: க்ருதஸ்தாத த்வயா ப⁴வேத் ।
தஸ்யாஸ்தயோஶ்ச ருதி⁴ரம் பிபே³யமஹமாஹவே ॥ 2௦ ॥
இதி தஸ்யாம் ப்³ருவாணாயாம் சதுர்த³ஶ மஹாப³லான் ।
வ்யாதி³தே³ஶ க²ர: க்ருத்³தோ⁴ ராக்ஷஸானந்தகோபமான் ॥ 21 ॥
மானுஷௌ ஶஸ்த்ரஸம்பன்னௌ சீரக்ருஷ்ணாஜினாம்ப³ரௌ ।
ப்ரவிஷ்டௌ த³ண்ட³காரண்யம் கோ⁴ரம் ப்ரமத³யா ஸஹ ॥ 22 ॥
தௌ ஹத்வா தாம் ச து³ர்வ்ருத்தாமபாவர்திதுமர்ஹத² ।
இயம் ச ருதி⁴ரம் தேஷாம் ப⁴கி³னீ மம பாஸ்யதி ॥ 23 ॥
மனோரதோ²யமிஷ்டோஸ்யா ப⁴கி³ன்யா மம ராக்ஷஸா: ।
ஶீக்⁴ரம் ஸம்பாத்³யதாம் தௌ ச ப்ரமத்²ய ஸ்வேன தேஜஸா ॥ 24 ॥
இதி ப்ரதிஸமாதி³ஷ்டா ராக்ஷஸாஸ்தே சதுர்த³ஶ ।
தத்ர ஜக்³முஸ்தயா ஸார்த⁴ம் க⁴னா வாதேரிதா யதா² ॥ 25 ॥
ததஸ்து தே தம் ஸமுத³க்³ரதேஜஸம் ததா²பிதீக்ஷ்ணப்ரத³ரா நிஶாசரா: ।
ந ஶேகுரேனம் ஸஹஸா ப்ரமர்தி³தும் வனத்³விபா தீ³ப்தமிவாக்³னிமுத்தி²தம் ॥ 26 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அரண்யகாண்டே³ ஏகோனவிம்ஶஸ்ஸர்க:³ ॥
