ஶ்ரீமத்³வால்மீகீய ராமாயணே ஸுந்த³ரகாண்ட³ம் ।
அத² ஷட்த்ரிம்ஶஸ்ஸர்க:³ ।
பூ⁴ய ஏவ மஹாதேஜா ஹனூமான்பவனாத்மஜ: ।
அப்³ரவீத்ப்ரஶ்ரிதம் வாக்யம் ஸீதாப்ரத்யயகாரணாத் ॥ 1 ॥
வானரோஹம் மஹாபா⁴கே³ தூ³தோ ராமஸ்ய தீ⁴மத: ।
ராமனாமாங்கிதம் சேத³ம் பஶ்ய தே³வ்யங்கு³லீயகம் ॥ 2 ॥
ப்ரத்யயார்த²ம் தவானீதம் தேன த³த்தம் மஹாத்மனா ।
ஸமாஶ்வஸிஹி ப⁴த்³ரம் தே க்ஷீணது³:க²ப²லா ஹ்யஸி ॥ 3 ॥
க்³ருஹீத்வா ப்ரேக்ஷமாணா ஸா ப⁴ர்து: கரவிபூ⁴ஷணம் ।
ப⁴ர்தாரமிவ ஸம்ப்ராப்தா ஜானகீ முதி³தாப⁴வத் ॥ 4 ॥
சாரு தத்³வத³னம் தஸ்யாஸ்தாம்ரஶுக்லாயதேக்ஷணம் ।
அஶோப⁴த விஶாலாக்ஷ்யா ராஹுமுக்த இவோடு³ராட் ॥ 5 ॥
ததஸ்ஸா ஹ்ரீமதீ பா³லா ப⁴ர்த்ருஸந்தே³ஶஹர்ஷிதா ।
பரிதுஷ்டா ப்ரியம் க்ருத்வா ப்ரஶஶம்ஸ மஹாகபிம் ॥ 6 ॥
விக்ராந்தஸ்த்வம் ஸமர்த²ஸ்த்வம் ப்ராஜ்ஞஸ்த்வம் வானரோத்தம ।
யேனேத³ம் ராக்ஷஸபத³ம் த்வயைகேன ப்ரத⁴ர்ஷிதம் ॥ 7 ॥
ஶதயோஜனவிஸ்தீர்ண ஸ்ஸாக³ரோ மகராலய: ।
விக்ரமஶ்லாக⁴னீயேன க்ரமதா கோ³ஷ்பதீ³க்ருத: ॥ 8 ॥
ந ஹி த்வாம் ப்ராக்ருதம் மன்யே வானரம் வானரர்ஷப⁴ ।
யஸ்ய தே நாஸ்தி ஸந்த்ராஸோ ராவணான்னாபி ஸம்ப்⁴ரம: ॥ 9 ॥
அர்ஹஸே ச கபிஶ்ரேஷ்ட² மயா ஸமபி⁴பா⁴ஷிதும் ।
யத்³யஸி ப்ரேஷிதஸ்தேன ராமேண விதி³தாத்மனா ॥ 1௦ ॥
ப்ரேஷயிஷ்யதி து³ர்த⁴ர்ஷோ ராமோ ந ஹ்யபரீக்ஷிதம் ।
பராக்ரமமவிஜ்ஞாய மத்ஸகாஶம் விஶேஷத: ॥ 11 ॥
தி³ஷ்ட்யா ச குஶலீ ராமோ த⁴ர்மாத்மா ஸத்யஸங்க³ர: ।
லக்ஷ்மணஶ்ச மஹாதேஜாஸ்ஸுமித்ரானந்த³வர்த⁴ன: ॥ 12 ॥
குஶலீ யதி³ காகுத்ஸ்த:² கிம் நு ஸாக³ரமேக²லாம் ।
மஹீம் த³ஹதி கோபேன யுகா³ந்தாக்³னிரிவோத்தி²த: ॥ 13 ॥
அத²வா ஶக்திமந்தௌ தௌ ஸுராணாமபி நிக்³ரஹே ।
மமைவ து ந து³:கா²னாமஸ்தி மன்யே விபர்யய: ॥ 14 ॥
கச்சின்ன வ்யதி²தோ ராம: கச்சின்ன பரிதப்யதே ।
உத்தராணி ச கார்யாணி குருதே புருஷோத்தம: ॥ 15 ॥
கச்சின்ன தீ³ன ஸ்ஸம்ப்⁴ராந்த: கார்யேஷு ந ச முஹ்யதி ।
கச்சித்புருஷகார்யாணி குருதே ந்ருபதேஸ்ஸுத: ॥ 16 ॥
த்³விவித⁴ம் த்ரிவிதோ⁴பாயமுபாயமபி ஸேவதே ।
விஜிகீ³ஷுஸ்ஸுஹ்ருத்கச்சின்மித்ரேஷு ச பரந்தப: ॥ 17 ॥
கச்சின்மித்ராணி லப⁴தே மித்ரைஶ்சாப்யபி⁴க³ம்யதே ।
கச்சித்கல்யாணமித்த்ரஶ்ச மித்ரத்த்ரைஶ்சாபி புரஸ்க்ருத: ॥ 18 ॥
கச்சிதா³ஶாஸ்தி தே³வானாம் ப்ரஸாத³ம் பார்தி²வாத்மஜ: ।
கச்சித்புருஷகாரம் ச தை³வம் ச ப்ரதிபத்³யதே ॥ 19 ॥
கச்சின்ன விக³தஸ்னேஹ: ப்ரவாஸான்மயி ராக⁴வ: ।
கச்சின்மாம் வ்யஸனாத³ஸ்மான்மோக்ஷயிஷ்யதி வானர ॥ 2௦ ॥
ஸுகா²னாமுசிதோ நித்யமஸுகா²னாமனௌசித: ।
து³:க²முத்தரமாஸாத்³ய கச்சித்³ராமோ ந ஸீத³தி ॥ 21 ॥
கௌஸல்யாயாஸ்ததா² கச்சித்ஸுமித்ராயாஸ்ததை²வ ச ।
அபீ⁴க்ஷ்ணம் ஶ்ரூயதே கச்சித்குஶலம் ப⁴ரதஸ்ய ச ॥ 22 ॥
மன்னிமித்தேன மானார்ஹ: கச்சிச்சோ²கேன ராக⁴வ: ।
கச்சின்னான்யமனா ராம: கச்சின்மாம் தாரயிஷ்யதி ॥ 23 ॥
கச்சித³க்ஷௌஹிணீம் பீ⁴மாம் ப⁴ரதோ ப்⁴ராத்ருவத்ஸல: ।
த்⁴வஜினீம் மந்த்ரிபி⁴ர்கு³ப்தாம் ப்ரேஷயிஷ்யதி மத்க்ருதே ॥ 24 ॥
வானராதி⁴பதிஶ்ஶீமான்ஸுக்³ரீவ: கச்சிதே³ஷ்யதி ।
மத்க்ருதே ஹரிபி⁴ர்வீரைர்வ்ருதோ த³ந்தனகா²யுதை⁴: ॥ 25 ॥
கச்சிச்ச² லக்ஷ்மணஶ்ஶூரஸ்ஸுமித்ரானந்த³வர்த⁴ன: ।
அஸ்த்ரவிச்ச²ரஜாலேன ராக்ஷஸான்வித⁴மிஷ்யதி ॥ 26 ॥
ரௌத்³ரேண கச்சித³ஸ்த்ரேண ஜ்வலதா நிஹதம் ரணே ।
த்³ரக்ஷ்யாம்யல்பேன காலேன ராவணம் ஸஸுஹ்ருஜ்ஜனம் ॥ 27 ॥
கச்சின்ன தத்³தே⁴மஸமானவர்ணம் தஸ்யானநம் பத்³மஸமானக³ந்தி⁴ ।
மயா வினா ஶுஷ்யதி ஶோகதீ³னம் ஜலக்ஷயே பத்³மமிவாதபேன ॥ 28 ॥
த⁴ர்மாபதே³ஶாத்த்யஜதஶ்ச ராஜ்யம் மாம் சாப்யரண்யம் நயத: பதா³திம் ।
நாஸீத்³வ்யதா² யஸ்ய ந பீ⁴ர்ன ஶோக: கச்சித்ஸ தை⁴ர்யம் ஹ்ருத³யே கரோதி ॥ 29 ॥
ந சாஸ்ய மாதா ந பிதா ச நான்ய: ஸ்னேஹாத்³விஶிஷ்டோஸ்தி மயா ஸமோ வா ।
தாவத்த்வஹம் தூ³த ஜிஜீவிஷேயம் யாவத்ப்ரவ்ருத்திம் ஶ்ருணுயாம் ப்ரியஸ்ய ॥ 3௦ ॥
இதீவ தே³வீ வசனம் மஹார்த²ம் தம் வானரேந்த்³ரம் மது⁴ரார்த²முக்த்வா ।
ஶ்ரோதும் புனஸ்தஸ்ய வசோபி⁴ராமம் ராமார்த²யுக்தம் விரராம ராமா ॥ 31 ॥
ஸீதாயா வசனம் ஶ்ருத்வா மாருதிர்பீ⁴மவிக்ரம: ।
ஶிரஸ்யஞ்ஜலிமாதா⁴ய வாக்யமுத்தரமப்³ரவீத் ॥ 32 ॥
ந த்வாமிஹஸ்தா²ம் ஜானீதே ராம: கமலலோசனே ।
தேன த்வாம் நானயத்யாஶு ஶசீமிவ புரந்த³ர: ॥ 33 ॥
ஶ்ருத்வைவ து வசோ மஹ்யம் க்ஷிப்ரமேஷ்யதி ராக⁴வ: ।
சமூம் ப்ரகர்ஷன்மஹதீம் ஹர்ய்ருக்ஷக³ணஸங்குலாம் ॥ 34 ॥
விஷ்டம்ப⁴யித்வா பா³ணௌகை⁴ரக்ஷோப்⁴யம் வருணாலயம் ।
கரிஷ்யதி புரீம் லங்காம் காகுத்ஸ்த:² ஶாந்தராக்ஷஸாம் ॥ 35 ॥
தத்ர யத்³யந்தரா ம்ருத்யுர்யதி³ தே³வாஸ்ஸஹாஸுரா: ।
ஸ்தா²ஸ்யந்தி பதி² ராமஸ்ய ஸ தானபி வதி⁴ஷ்யதி ॥ 36 ॥
தவாத³ர்ஶனஜேனார்யே ஶோகேன ஸ பரிப்லுத: ।
ந ஶர்ம லப⁴தே ராமஸ்ஸிம்ஹார்தி³த இவ த்³விப: ॥ 37 ॥
மலயேன ச விந்த்⁴யேன மேருணா மந்த³ரேண ச ।
த³ர்து³ரேண ச தே தே³வி ஶபே மூலப²லேன ச ॥ 38 ॥
யதா² ஸுனயனம் வல்கு³ பி³ம்போ³ஷ்ட²ம் சாரு குண்ட³லம் ।
முக²ம் த்³ரக்ஷ்யஸி ராமஸ்ய பூர்ணசந்த்³ரமிவோதி³தம் ॥ 39 ॥
க்ஷிப்ரம் த்³ரக்ஷ்யஸி வைதே³ஹி ராமம் ப்ரஸ்ரவணே கி³ரௌ ।
ஶதக்ரதுமிவாஸீனம் நாக³ராஜஸ்ய மூர்த⁴னி ॥ 4௦ ॥
ந மாம்ஸம் ராக⁴வோ பு⁴ஙக்தே ந சாபி மது⁴ ஸேவதே ।
வன்யம் ஸுவிஹிதம் நித்யம் ப⁴க்தமஶ்னாதி பஞ்சமம் ॥ 41 ॥
நைவ த³ம்ஶான்ன மஶகான்ன கீடான்ன ஸரீஸ்ருபான் ।
ராக⁴வோபனயேத்³கா³த்ராத்த்வத்³க³தேனாந்தராத்மனா ॥ 42 ॥
நித்யம் த்⁴யானபரோ ராமோ நித்யம் ஶோகபராயண: ।
நான்யச்சிந்தயதே கிஞ்சித்ஸ து காமவஶம் க³த: ॥ 43 ॥
அனித்³ரஸ்ஸததம் ராமஸ்ஸுப்தோபி ச நரோத்தம: ।
ஸீதேதி மது⁴ராம் வாணீம் வ்யாஹரன்ப்ரதிபு³த்⁴யதே ॥ 44 ॥
த்³ருஷ்ட்வா ப²லம் வா புஷ்பம் வா யத்³வான்யத்ஸுமனோஹரம் ।
ப³ஹுஶோ ஹா ப்ரியேத்யேவம் ஶ்வஸம்ஸ்த்வாமபி⁴பா⁴ஷதே ॥ 45 ॥
ஸ தே³வி நித்யம் பரிதப்யமான ஸ்த்வாமேவ ஸீதேத்யபி⁴பா⁴ஷமாண: ।
த்⁴ருதவ்ரதோ ராஜஸுதோ மஹாத்மா தவைவ லாபா⁴ய க்ருதப்ரயத்ன: ॥ 46 ॥
ஸா ராமஸங்கீர்தனவீதஶோகா ராமஸ்ய ஶோகேன ஸமானஶோகா ।
ஶரன்முகே² ஸாம்பு³த³ஶேஷசந்த்³ரா நிஶேவ வைதே³ஹஸுதா ப³பூ⁴வ ॥ 47 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே ஸுந்த³ரகாண்டே³ ஷட்த்ரிம்ஶஸ்ஸர்க:³ ॥
